lipdub_euskararen_eguna
-
Upload
andra-mari-ikastola-etxarri-aranatz -
Category
Documents
-
view
214 -
download
1
description
Transcript of lipdub_euskararen_eguna
EUSKARAREN EGUNA
Aurtengoan ere, urteroko legez, Andra Mari ikastolan “Euskararen
eguna” ospatu dugu maiatzaren 11n. Adin tarte guztietako ume eta gazteentzat
jolasak egon zirelarik.
Goizean goiz, Lip Dub bat grabatu genuen ikastolako ikasle, irakasle eta
langile guztien artean. Momentu polita izan zen, adin guztietako ikasleak
dantzan jarri baikenituen lip duberako. Grabaketa egiteko aukeratutako
abestia, Esne Beltzaren “Euskaraz bizi nahi dut” izan zen, eta emaitza,
benetan ederra. Lip Duba, ikastolako web orrian daukazue ikusgai:
www.andramariikastola.net
Ondoren, Haur Hezkuntzako umeentzat euskarazko filme bat
proiektatu genuen kultur etxean. A ze gozatua txikienentzat “Balto”
txakurraren abenturak bizitzea!
11:00etan, ikastolako gurasoek prestatutako txokolatada goxoaz gozatu
genuen ikasle eta irakasle guztiok. Patioan elkarrekin egon eta jolasteko parada
izan genuen txokolate taza bero bat hartzen genuen bitartean.
Txokolatearekin indarberritu ondoren, txikienek berriro ere, DBHko
ikasleek eurentzat prestatutako jolasekin dibertitzeko aukera izan zuten:
sokasaltoa, igelaren jokoa, aulkien jolasa… Momentu batez, ikaslerik
zaharrenak txikienen arduradun bilakatu ziren, eta bai ondo pasa ere batzuk
nola besteak, euskara jolaserako aitzakitzat hartuta!
Amaitzeko, DBHko ikasleak kalejiran kultur etxeraino joan ziren, eurek
ere euskarazko filma batekin gozatzeko aukera izan nahi baitzuten.
Maiatzaren 11a beraz, beste urte batez ere, euskaraz eta euskararekin
jolasteko egun paregabean bilakatu genuen.
http://www.youtube.com/watch?v=VcEeIMzMCYI&feature=youtu.be