INFORME DE FISCALIZACIÓN DOS PROGRAMAS DE FORMACIÓN PARA O
EMPREGO
VOLUME II INFORME SOBRE OS FONDOS APLICADOS
POLOS BENEFICIARIOS DAS AXUDAS Á FORMACIÓN DE OCUPADOS.
EXERCICIOS 2010-2011
Volume II. Informe sobre os Fondos aplicados polos beneficiarios das axudas á formación de ocupados. Exercicio 2010-2011
Índice - 3
ÍNDICE
I. INTRODUCIÓN ......................................................................................................................................................... 9 I.1. Antecedentes da fiscalización ........................................................................................................... 9 I.2. Obxectivos, alcance e limitacións ...................................................................................................... 9 I.3. Normativa reguladora ..................................................................................................................... 12
II. SELECCIÓN DE BENEFICIARIOS ......................................................................................................................... 14
III. RESULTADOS DO TRABALLO NOS DISTINTOS BENEFICIARIOS.................................................................. 15 III.1. Unión General de Trabajadores (UGT) .......................................................................................... 15
III.1.1. Descrición da entidade ...................................................................................................... 15 III.1.2. Plans de formación obxecto de subvención ...................................................................... 15 III.1.3. Resultados do traballo ...................................................................................................... 16 III.1.4. Conclusións ....................................................................................................................... 25
III.2. FES-UGT ........................................................................................................................................ 28 III.2.1. Descrición da entidade ...................................................................................................... 28 III.2.2. Plans de formación obxecto de subvención ...................................................................... 28 III.2.3. Resultados do traballo ...................................................................................................... 29 III.2.4. Conclusións ....................................................................................................................... 35
III.3. Sindicato nacional de Comisións Obreiras de Galicia (CCOO) ....................................................... 37 III.3.1. Descrición da entidade ...................................................................................................... 37 III.3.2. Plans de formación obxecto de subvención ...................................................................... 37 III.3.3. Resultados do traballo ...................................................................................................... 38 III.3.4. Conclusións ....................................................................................................................... 46
III.4. Confederación Intersindical Galega (CIG) ..................................................................................... 48 III.4.1. Descrición da entidade ...................................................................................................... 48 III.4.2. Plans de formación obxecto de subvención ...................................................................... 48 III.4.3. Limitación ao alcance ........................................................................................................ 49 III.4.4. Resultados do traballo ...................................................................................................... 50 III.4.5. Conclusións ....................................................................................................................... 56
III.5. Confederación de Empresarios de Lugo (CEL) ............................................................................... 58 III.5.1. Descrición da entidade ...................................................................................................... 58 III.5.2. Plans de formación obxecto de subvención ...................................................................... 58 III.5.3. Resultados do traballo ...................................................................................................... 59 III.5.4. Conclusións ....................................................................................................................... 65
III.6. Confederación de Empresarios da Coruña (CEC) .......................................................................... 66 III.6.1. Descrición da entidade ...................................................................................................... 66 III.6.2. Plans de formación obxecto de subvención ...................................................................... 66 III.6.3. Resultados do traballo ...................................................................................................... 67 III.6.4. Conclusións ....................................................................................................................... 72
III.7. Confederación de Empresarios de Ourense (CEO) ......................................................................... 74 III.7.1. Descrición da entidade ...................................................................................................... 74 III.7.2. Plans de formación obxecto de subvención ...................................................................... 74
Volume II. Informe sobre os Fondos aplicados polos beneficiarios das axudas á formación de ocupados. Exercicio 2010-2011
Índice - 4
III.7.3. Resultados do traballo ...................................................................................................... 75 III.7.4. Conclusións ....................................................................................................................... 81
III.8. Confederación de Empresarios de Pontevedra (CEP) .................................................................... 83 III.8.1. Descrición da entidade ...................................................................................................... 83 III.8.2. Plans de formación obxecto de subvención ...................................................................... 83 III.8.3. Resultados do traballo ...................................................................................................... 84 III.8.4. Conclusións ....................................................................................................................... 90
III.9. Federación de Autónomos de Galicia (FEAGA) ............................................................................. 92 III.9.1. Descrición da entidade ...................................................................................................... 92 III.9.2. Plans de formación obxecto de subvención ...................................................................... 92 III.9.3. Resultados do traballo ...................................................................................................... 93 III.9.4. Conclusións ....................................................................................................................... 97
III.10. Federación Galega de Confrarías de Pescadores ......................................................................... 98 III.10.1. Descrición da entidade .................................................................................................... 98 III.10.2. Plans de formación obxecto de subvención .................................................................... 98 III.10.3. Resultados do traballo .................................................................................................... 99 III.10.4. Conclusións ................................................................................................................... 102
III.11. Grupo Tres Mares S.A. .............................................................................................................. 103 III.11.1. Descrición da entidade .................................................................................................. 103 III.11.2. Plans de formación obxecto de subvención .................................................................. 103 III.11.3. Resultados do traballo .................................................................................................. 104 III.11.4. Conclusións ................................................................................................................... 108
III.12. Peugeot Citröen Automóviles España S.A. ................................................................................ 110 III.12.1. Descrición da entidade .................................................................................................. 110 III.12.2. Plans de formación obxecto de subvención .................................................................. 110 III.12.3. Resultados do traballo .................................................................................................. 111 III.12.4. Conclusións ................................................................................................................... 115
IV. ALEGACIÓNS ..................................................................................................................................................... 117
IV. RÉPLICAS ............................................................................................................................................................ 229
Índice de cadros e ilustracións
Índice de Cadros e Ilustracións - 5
Índice de cadros e ilustracións Cadro 1: Selección de beneficiarios por importe de axudas aprobadas 2010-2011. (Euros) .........................................................14 Cadro 2: Datos básicos plans de formación UGT. (Euros) ...........................................................................................................15 Cadro 3: Datos financiamento plans de formación UGT. (Euros) .................................................................................................15 Cadro 4: Custos accións formativas analizadas UGT. (Euros) ......................................................................................................22 Cadro 5: Datos básicos plans de formación FES-UGT. (Euros) .....................................................................................................28 Cadro 6: Datos financiamento plans de formación FES-UGT. (Euros) ..........................................................................................28 Cadro 7: Custos accións formativas analizadas FES- UGT. (Euros) ..............................................................................................33 Cadro 8: Datos básicos plans de formación CCOO. (Euros).........................................................................................................37 Cadro 9: Datos financiamento plans de formación CCOO. (Euros) ..............................................................................................38 Cadro 10: Custos accións formativas analizadas CCOO. (Euros) .................................................................................................43 Cadro 11: Datos financiamento plans de formación CIG. (Euros) ................................................................................................48 Cadro 12: Custos accións formativas analizadas CIG. (Euros) .....................................................................................................53 Cadro 13 : Datos básicos plans de formación CEL. (Euros) .........................................................................................................58 Cadro 14 : Datos financiamento plans de formación CEL. (Euros) ...............................................................................................58 Cadro 15: Custos accións formativas analizadas CEL. (Euros) .....................................................................................................63 Cadro 16: Datos básicos plans de formación CEC. (Euros) ..........................................................................................................66 Cadro 17: Datos financiamento plans de formación CEC. (Euros) ...............................................................................................66 Cadro 18: Custos accións formativas analizadas CEC. (Euros) ....................................................................................................70 Cadro 19: Datos básicos plans de formación CEO. (Euros) .........................................................................................................74 Cadro 20: Datos financiamento plans de formación CEO. (Euros) ...............................................................................................75 Cadro 21: Custos accións formativas analizadas CEO. (Euros) ....................................................................................................79 Cadro 22: Datos básicos plans de formación CEP. (Euros) ..........................................................................................................83 Cadro 23: Datos financiamento plans de formación CEP. (Euros) ...............................................................................................84 Cadro 24: Custos accións formativas analizadas CEP. (Euros) ....................................................................................................87 Cadro 25: Datos básicos plans de formación FEAGA. (Euros) .....................................................................................................92 Cadro 26: Datos financiamento plans de formación FEAGA. (Euros) ...........................................................................................92 Cadro 27: Custos accións formativas analizadas FEAGA, (Euros) ................................................................................................96 Cadro 28: Datos básicos plans de formación Fed. Gal. de Confrarías de Pescadores. (Euros) .......................................................98 Cadro 29: Datos financiamento plans de formación Fed. Gal. de Confrarías P. (Euros) ................................................................99 Cadro 30: Accións formativas seleccionadas FGCP. (Euros) ......................................................................................................101 Cadro 31: Datos básicos plans de formación Grupo Tres Mares S.A. (Euros) .............................................................................103 Cadro 32: Datos financiamento plans de formación Grupo Tres Mares S.A. (Euros) ..................................................................104 Cadro 33: Custos accións formativas seleccionadas Grupo Tres Mares S.A. (Euros) ...................................................................107 Cadro 34: Datos básicos plans de formación Peugeot Citröen S.A. (Euros) ...............................................................................110 Cadro 35: Datos financiamento plans de formación Peugeot Citröen S.A. (Euros) .....................................................................111 Cadro 36: Accións formativas seleccionadas Peugeot Citröen S.A. (Euros) ................................................................................114
Abreviaturas
Abreviaturas - 7
Abreviaturas
AFD Accións formativas dirixidas prioritariamente a desempregados CE Constitución Española EIL Empresas de inserción laboral FEGAM Federación Galega de Municipios FIP Plan formación e inserción profesional FSE Fondo social europeo FSO Accións formativas para ocupados financiadas polo FSE IG Axudas á igualdade INT Formación Intersectorial IOB Axudas a información orientación e busca de emprego ISSGA Instituto Galego de Seguridade e Saúde Laboral OO.AA. Organismos autónomos PIE Programas integrados de emprego PNR Programa Nacional de Reformas PRL Prevención de riscos laborais RSE Responsabilidade social empresarial SEC Formación Sectorial SNE Servizo Nacional de Emprego SPEG Servizo público de emprego de Galicia SPEE Servizo público de emprego estatal
Volume II. Informe sobre a aplicación dos fondos polos beneficiarios das axudas á formación de ocupados. Exercicios 2010-2011
9
I. INTRODUCIÓN
I.1. Antecedentes da fiscalización
1.1. O Pleno do Consello de Contas, por acordo do 18.12.2012, aprobou o plan anual de
traballo para o ano 2013 correspondente á fiscalización selectiva do exercicio 2011, no que se
contempla a realización, a iniciativa do propio Consello, das presentes actuacións relativas á
análise dos Programas de gasto en formación para o emprego, exercicio 2011
As directrices técnicas ás que debía suxeitarse a fiscalización foron incluídas no programa
aprobado polo Pleno.
O plan de traballo contempla a realización deste informe, que complementa, xunto co relativo á
contratación do sector público autonómico e ao endebedamento da Comunidade Autónoma, as
áreas de xestión do informe da Conta Xeral da Comunidade Autónoma para o exercicio 2011.
I.2. Obxectivos, alcance e limitacións
1.2. O programa de traballo para o ano 2012 tiña incluído a revisión das distintas liñas de
axudas dirixidas á formación profesional para o emprego que xestiona a Consellería de Traballo e
Benestar, a través da Dirección Xeral de Formación e Colocación.
O ámbito da revisión afectou tanto as axudas á formación profesional dirixida ás persoas
traballadoras desempregadas (AFD) como os plans de formación dirixidos a persoas ocupadas.
Estes traballos centráronse na análise de regularidade da concesión das axudas en base á
documentación dispoñible no centro xestor (Subdirección de Formación e Colocación).
O plan de traballo de 2013 estendeu esta análise das axudas á formación de ocupados á
realización de actuacións de comprobación sobre os distintos beneficiarios con probas de
auditoría aplicadas nas dependencias dos mesmos que comprenderon o exame da obtención,
aplicación e xustificación dos fondos recibidos para a formación de ocupados, aplicando todos os
procedementos que se estimaron necesarios, coa finalidade de determinar os seguintes
obxectivos básicos, de ámbito operativo e de cumprimento:
Volume II. Informe sobre a aplicación dos fondos polos beneficiarios das axudas á formación de ocupados. Exercicios 2010-2011
10
• Verificar se nos propios beneficiarios existe un diagnóstico das necesidades formativas que
xustifican esta actividade e o grao de planificación da mesma; así como unha avaliación do
impacto da execución en produtividade ou mellora das condicións sociolaborais dos
participantes.
• Verificar o nivel de adecuación das accións formativas realizadas coas aprobadas en canto a
materias, custos, número de alumnos e demais condicións establecidas no acordo de concesión.
• Determinar se os custos xustificados que soportan as axudas están amparados na
documentación adecuada, corresponden a conceptos imputables segundo a natureza da
convocatoria e cumpran os límites establecidos na mesma.
• Analizar a posible concorrencia de subvencións nos beneficiarios analizados en relación cos
custos das accións formativas impartidas.
• Verificar o grao de realización directa da actividade subvencionada polos beneficiarios das
axudas, así como o nivel de subcontratación presentado para a impartición da formación, e neste
caso, o grao de imputación de custos estruturais das distintas entidades intervenientes.
• Verificar o nivel de control sobre a acreditación da realización do curso e a asistencia dos
alumnos para os que se aproba a axuda.
Esta revisión específica de determinados beneficiarios programouse como unha continuación do
traballo de fiscalización dos programas de formación realizado na Consellería de Traballo que se
plasma no informe de “fiscalización dos programas de formación para o emprego 2010”. O
contadante, por disposición legal, é a Consellería de Traballo, polo que nestes informes
específicos por entidade existen aspectos que inciden tanto sobre a actuación da Consellería
como dos beneficiarios destas axudas, limitándose a recoller de forma somera os feitos que de
forma reiterada se advirten na análise desas entidades beneficiarias que se toman en
consideración para dar soporte ás conclusións globais e, sobre todo, ás recomendacións que no
informe xeral se dirixen á Administración1.
1 Parágrafo modificado como consecuencia das alegacións
Volume II. Informe sobre a aplicación dos fondos polos beneficiarios das axudas á formación de ocupados. Exercicios 2010-2011
11
1.3. O ámbito obxectivo céntrase nas axudas á formación de ocupados e identifícase coas dúas
liñas de axudas do programa orzamentario 323B “Mellora na cualificación no emprego”: a) liña
de axudas á programación de plans de formación sectoriais e intersectoriais dirixidos
prioritariamente ás persoas traballadoras ocupadas; b) liña de axudas á programación de accións
formativas dirixidas prioritariamente a persoas traballadoras ocupadas cofinanciadas polo Fondo
Social Europeo.
As entidades beneficiarias da primeira liña (plans de formación intersectorial e sectorial) son as
organizacións empresariais e sindicais con domicilio social na Comunidade Autónoma de Galicia,
as entidades creadas ao abeiro da negociación colectiva sectorial representativas no ámbito
autonómico ou as organizacións empresariais e sindicais que participan na negociación colectiva
sectorial no ámbito autonómico, provincial ou estatal no caso de que só exista negociación
colectiva de ámbito estatal, directamente ou a través das organizacións que a integran ou nas
que se integran.
No segundo caso as entidades beneficiarias son as empresas, agrupacións de empresas e as
corporacións de dereito público pertencentes aos sectores estratéxicos na situación sociolaboral
de Galicia: téxtil, alimentación, madeira, construción, metal, agrario, pesqueiro e aqueles outros
sectores que poidan xurdir como consecuencia da crise económica e que sirvan para paliar os
seus efectos.
O ámbito subxectivo do traballo determinouse cunha selección de beneficiarios realizada a partir
da relación facilitada pola Consellería de Traballo e Benestar que intentou abarcar os distintos
tipos de entidades e empresas que percibiron axudas no exercicio 2011, co alcance que se
detalla no apartado seguinte do informe.
1.4. A fiscalización refírese aos anos 2010 e 2011. Non obstante, cando os obxectivos
establecidos o requiriron, estendeuse indistintamente aos exercicios anteriores.
As probas de cumprimento e substantivas realizadas foron aquelas que de forma selectiva se
consideran necesarias para obter evidencia suficiente e adecuada, co obxectivo de conseguir
unha base razoable que permita manifestar as conclusións que se desprenden do traballo
realizado sobre a actividade dos centros fiscalizados.
Volume II. Informe sobre a aplicación dos fondos polos beneficiarios das axudas á formación de ocupados. Exercicios 2010-2011
12
1.5. En xeral, coas excepcións que se detallan na análise de cada entidade en concreto, tanto os
responsables das mesmas como o seu persoal prestaron unha adecuada colaboración, que
contribuíu á correcta execución dos traballos.
Porén, a análise da actividade desde a perspectiva dos principios de eficacia e eficiencia na
xestión viuse limitada pola ausencia de instrumentos de planificación con obxectivos e
indicadores válidos que permitiran valorar o seu cumprimento.
I.3. Normativa reguladora
1.6. A normativa aplicable máis relevante que se toma en consideración ao longo do informe é a
seguinte:
• Decreto lexislativo 1/1999, do 7 de outubro, polo que se aproba o texto refundido da Lei de
réxime financeiro e orzamentario de Galicia.
• Lei 9/2007, do 13 de xuño, de subvencións de Galicia, e Decreto 11/2009, do 8 de xaneiro,
polo que se aproba o regulamento da Lei de subvencións de Galicia.
• Real decreto 2412/1982, do 24 de xullo, sobre traspaso de funcións e servizos da
Administración do Estado á Comunidade Autónoma de Galicia en materia de traballo.
• Real decreto 395/2007, do 23 de marzo, polo que se regula o subsistema de formación
profesional para o emprego.
• Orde TAS/718/2008, do 7 de marzo, polo que se desenvolve o Real Decreto anterior.
• Orde do 23 de setembro de 2009 e do 9 de xullo de 2010, polas que se aproban as
convocatorias de subvencións para o financiamento de plans de formación intersectoriais
dirixidos prioritariamente a persoas traballadoras ocupadas mediante a subscrición de convenios
de ámbito autonómico, en aplicación da Orde TAS/718/2008 antes citada.
• Orde do 26 de outubro de 2009 e do 9 de xullo de 2010, polas que se aproban as
convocatorias de subvencións para o financiamento de plans de formación sectoriais dirixidos
prioritariamente a persoas traballadoras ocupadas.
• Orde do 7 de maio de 2010, pola que se establecen as bases reguladoras e se procede á
convocatoria pública de subvencións para a programación de accións formativas dirixidas
Volume II. Informe sobre a aplicación dos fondos polos beneficiarios das axudas á formación de ocupados. Exercicios 2010-2011
13
prioritariamente a persoas traballadoras ocupadas cofinanciadas polo Fondo Social Europeo para
o exercicio de 2010.
Volume II. Informe sobre a aplicación dos fondos polos beneficiarios das axudas á formación de ocupados. Exercicios 2010-2011
14
II. SELECCIÓN DE BENEFICIARIOS
2.1. A selección de beneficiarios realizouse cun método de cobertura de porcentaxe,
seleccionando aos beneficiarios de maior importe de axudas aprobadas nos anos 2010 e 2011,
buscando un número similar de entidades de cada tipoloxía de beneficiarios: organizacións
sindicais, organizacións empresariais, entidades sen ánimo de lucro e entidades mercantís. A
cobertura de porcentaxe seleccionada alcanza o 47% do total do orzamento das axudas
aprobadas nas liñas obxecto de exame.
Cadro 1: Selección de beneficiarios por importe de axudas aprobadas 2010-2011. (Euros) Beneficiario Tipo axuda Expediente Orzamento
UGT Galicia Intersectorial 2009/000018 2.344.525,50
Intersectorial 2010/000022 2.784.972,50
FES-UGT Galicia Sectorial 2009/000093 197.283,12
Sectorial 2010/000120 167.322,50
Sindicato Nacional de CCOO de Galicia
Intersectorial 2009/000020 2.171.877,75
Sectorial 2009/000212 215.268,75
Intersectorial 2010/000037 2.566.636,50
Sectorial 2010/000105 189.293,75
Confederación Intersindical Galega
Intersectorial 2009/000001 2.145.626,00
Sectorial 2009/000195 462.791,25
Intersectorial 2010/000005 2.496.201,50
Sectorial 2010/000006 441.256,00
Confederación de Empresarios de Lugo Intersectorial 2009/000014 1.471.666,75
Intersectorial 2010/000182 1.735.043,75
Confederación de Empresarios da Coruña Intersectorial 2009/000012 2.120.397,50
Intersectorial 2010/000044 2.499.685,00
Confederación Empresarial de Ourense Intersectorial 2009/000032 1.450.710,00
Intersectorial 2010/000123 1.710.113,00
Confederación de Empresarios de Pontevedra Intersectorial 2009/000024 1.931.865,00
Intersectorial 2010/000004 2.277.702,00
Federación de Autónomos de Galicia Intersectorial 2009/000060 62.902,50
Autónomos 2010/000215 144.326,25
Federación Galega de Confrarías de Pescadores F.S.E.
Ocupados
2011/000073-0 181.770,00
2010/000154-0 344.814,75
Grupo Tres Mares S.A. F.S.E. Ocupados
2011/000184-0 120.260,00
2010/000414-0 188.760,00
Peugeot Citröen Automóviles España S.A.- Centro Vigo F.S.E. Ocupados
2011/000021-0 66.534,48
2010/000059-0 106.539,72
Total Selección
32.596.145,82
Total Universo
69.216.168,87
% Selección
47,09%
Fonte: Elaboración propia. Datos da Dirección Xeral de Formación e Colocación.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. UGT
15
III. RESULTADOS DO TRABALLO NOS DISTINTOS BENEFICIARIOS
III.1. Unión General de Trabajadores (UGT)
III.1.1. Descrición da entidade
1.1. A UGT de Galicia é unha organización sindical da Comunidade Autónoma con
personalidade xurídica diferenciada da confederación sindical da que forma parte. Está integrada
por distintas federacións que se constitúen no ámbito de Galicia para agrupar persoas
traballadoras dos diferentes sectores económicos.
No propio expediente de concesión das axudas figura como entidade de ámbito inferior e
integrada nesta o Instituto de Formación e Estudos Sociais (IFES).
III.1.2. Plans de formación obxecto de subvención
2.1. O beneficiario presentou solicitudes de axudas para o financiamento de plans de formación
intersectoriais correspondentes ás convocatorias dos exercicios 2009 (execución en 2010) e 2010
(execución en 2011). Os datos básicos dos plans son os seguintes:
Cadro 2: Datos básicos plans de formación UGT. (Euros)
Plan Data
solicitude
Data
concesión
Importe
aprobado
Cursos
solicitados
Cursos
aprobados
Cursos
realizados
Alumn.
solicitados
Alumn.
aprobados
Alumn.
finais
PF 2009/18 28.10.09 15.12.09 2.344.525,50 115 84 81 8.689 2.574 2.951
PF 2010/22 30.07.10 27.10.10 2.785.280,50 103 82 78 8.655 3.266 3.094
Fonte: Elaboración propia. Datos facilitados polo beneficiario
2.2. O financiamento solicitado, concedido, xustificado e aboado presenta o seguinte detalle:
Cadro 3: Datos financiamento plans de formación UGT. (Euros)
Plan Solicitado Concedido Xustificado Anticipo Liquidación Subv. final
PF 2009/18 6.734.187,50 2.344.525,25 2.344.500,25 1.875.620,40 468.879,85 2.344.500,25
PF 2010/22 7.574.700,00 2.785.280,50 2.784.972,50 2.228.224,40 556.748,00 2.784.972,50
Fonte: Elaboración propia. Datos facilitados polo beneficiario
Informe de fiscalización dos Fondos aplicados polos beneficiarios das axudas á formación de ocupados. Exercicios 2010- 2011. UGT
16
2.3. UGT Galicia contratou co Instituto de Formación e Estudos Sociais (IFES) –entidade
vinculada a UGT– a realización da totalidade das accións formativas dos plans obxecto destas
axudas.
III.1.3. Resultados do traballo
Análise operativo
3.1. Á marxe da memoria de actuación presentada diante da Consellería, UGT non puido
facilitarnos unha análise que soporte a planificación das accións formativas, na que se
especifiquen as necesidades detectadas e os obxectivos concretos a obter con estes plans de
formación. Son as peticións das distintas seccións territoriais, así como a priorización das accións
formativas a subvencionar realizada pola Consellería, as que determinan fundamentalmente as
accións que van ser solicitadas pola entidade, para así asegurar a obtención das axudas.
3.2. Só un 80% das accións formativas solicitadas nos dous plans foron aprobadas polo órgano
concedente. Ningunha das excluídas de financiamento foi realizada polo beneficiario.
Constatouse ademais que un 10% das accións formativas aprobadas nos plans intersectoriais
tamén son realizadas nos distintos plans sectoriais polas diferentes federacións da UGT.
3.3. Dentro das AF destacan as relativas á área de transporte, na que os permisos de condución
acaparan o 28% e o 16% dos alumnos totais e consumen o 40% e o 32% dos orzamentos
aprobados nos respectivos plans.
Como accións singulares, destacan algunhas máis propias do ámbito da formación
complementaria ligada a intereses particulares que do ámbito da formación profesional ou
ocupacional. Así, nos cursos de Mergullo xeral; Fotografía dixital; ou Photoshop, os participantes
son titulados de ámbitos e sectores profesionais que non teñen ningunha vinculación cos
sectores nos que se desenvolven as actividades propias destas accións formativas. Mesmo os
cursos para a obtención do Permiso de conducir B teñen unha maior relación co ámbito persoal
que coas necesidades de formación profesional do persoal participante.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. UGT
17
3.4. Á marxe dos controis de calidade, que se realizan mediante unha enquisa aos alumnos
sobre os contidos, metodoloxía e outros aspectos dos cursos, non existen estudos ou informes
finais da avaliación dos resultados obtidos na execución destes plans formativos nos que consten
os obxectivos acadados en termos de promoción profesional ou estabilidade no emprego. Non
obstante, na memoria de actividades faise referencia brevemente á avaliación, calidade e
responsabilidade social de IFES, recollendo as valoracións das accións formativas por parte dos
alumnos en canto a contidos, metodoloxía, duración e horario dos cursos, formadores, medios
didácticos, equipamento e instalacións, organización do curso e grao de satisfacción.
3.5. No plan 2009/18 participaron 2.221 alumnos diferentes nos distintos cursos de formación,
dos cales 341 deles desenvolven máis dunha acción formativa dentro deste plan, constatándose
alumnos con sete cursos (5 casos), oito cursos (4 alumnos) e nove cursos (2 alumnos).
No plan 2010/22, no que participaron 2.764 alumnos, 399 deles desenvolven máis dunha acción
formativa, con alumnos con catro cursos (17 casos), cinco cursos (5 alumnos) e seis cursos (1
alumno).
Nunha proba realizada sobre 20 alumnos que simultaneaban máis dun curso no mesmo período
de impartición, constatáronse nove casos nos que existían solapamentos de sesións e horarios
nun número relevante de días, e mesmo un caso no que o alumno presentaba unha coincidencia
de asistencia en dúas accións formativas con horario solapado.
Aínda que UGT explica estes feitos na innecesariedade de asistencias nunha porcentaxe de horas
de cada curso para obter o diploma (no primeiro caso) e na posibilidade de asistencia parcial ás
clases (segundo caso), entendemos que poñen de manifesto a existencia de debilidades nos
sistemas de selección de alumnos, e na fiabilidade do control das asistencias.
Na entidade beneficiaria non queda constancia de que a selección dos alumnos nos cursos con
prazas insuficientes para atender a demanda se teña realizado atendendo ás prioridades do plan
de formación e con criterios de igualdade e obxectividade.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010- 2011. UGT
18
Análise de cumprimento
3.6. O beneficiario cumpre cos requisitos necesarios para acceder ás axudas analizadas. A
solicitude preséntase en modelo normalizado acompañada da documentación xustificativa
esixida na convocatoria.
3.7. O beneficiario contrata coa entidade IFES a realización da totalidade das accións formativas
dos referidos plans de formación. A estes efectos, existen senllos contratos formalizados por
escrito con esta entidade en datas 15 de decembro de 2009 e 27 de outubro de 2010, sen que
conste non obstante a autorización do órgano concedente da axuda. Por esta xestión e
execución do plan, IFES factura a UGT o 80% do orzamento das accións formativas, que ascende
a un importe de 1.875.600,20 euros no plan de 2009 e 2.227.978 euros no plan de 2010.
3.8. Á súa vez, IFES vai contratar con persoas xurídicas a adquisición de bens e servizos por
importe de 1,4 millóns de euros, dos que ao redor de 250.000 euros corresponden a servizos de
impartición de docencia con centros de formación, fundamentalmente con autoescolas. Nestes
casos, cabería falar dunha segunda subcontratación, que non tería cobertura normativa, e que
vai permitir que as dúas entidades (UGT e IFES), sen realizar directamente os cursos, financien
custos indirectos da súa estrutura con cargo ás axudas dos plans.
De forma particular (tamén excepcional), entre os terceiros provedores de servizos docentes
advertiuse a presenza dalgún instituto ou centro integrado de formación profesional da rede
pública (cursos 7.566 e 7.567).
Nos dous exercicios, os importes máis elevados en concepto de medios didácticos e avaliación e
control (elaboración de cuestionarios de control de calidade) concéntranse na empresa
FORMACIÓN 2020 S.A. (131.199 euros no plan de 2010), e os de alugueres de aulas na
empresa LOCALMUR S.L. (37.452 euros no plan de 2010), ambas vinculadas a IFES, sen que
exista unha avaliación por parte dos órganos xestores das axudas de que estas transaccións se
están realizando a prezos de mercado.
3.9. No que se refire aos custos indirectos, no conxunto das accións formativas UGT vai imputar
no plan de 2009 gastos de persoal propio por importe de 208.000 euros, que representan un
promedio de imputación dun 49% das nóminas de 33 traballadores durante o período de
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. UGT
19
vixencia dese plan. No plan de 2010, este importe elévase 248.000 euros e afecta a 39
traballadores, cun promedio de imputación dun 40,18%. Tendo en conta a amplitude do
encargo realizado a IFES, que abarca non só a docencia senón todo tipo de tarefas auxiliares
(“asesoramento pedagóxico, a captación e selección de alumnos, a contratación de monitores,
medios didácticos, aulas e equipos, e pólizas de seguros, así como a xestión de toda a
documentación relacionada cos cursos”), carece de xustificación que UGT impute custos de
persoal de apoio nesas elevadas contías.
Pola súa parte, IFES imputa nóminas de persoal propio (correspondentes a 147 e 127
traballadores) por un importe de 591.000 euros e 659.000 euros nos respectivos plans de 2009
e 2010.
Como se verá nas accións formativas analizadas, habida conta de que gran parte desta
formación vai subcontratarse con terceiras empresas, existe o risco de que o prezo das accións
formativas estea sobrevalorado pola imputación destes custos indirectos das dúas primeiras
entidades.
3.10. Existe unha disparidade importante do custo por hora/alumno, que oscila entre 8 euros e
16,26 euros. Na programación dos dous exercicios, un 20% dos cursos superan o módulo
máximo de 12 euros/hora/alumno previsto para os presenciais, o que pon de manifesto que a
Dirección Xeral de Formación e Colocación autorizou de forma xeneralizada, en contra do
carácter excepcional previsto na Orde da convocatoria, a superación do módulo establecido nesa
convocatoria.
Un exemplo da inconsistencia da xustificación do elevado módulo nalgúns supostos é que o
custo máis alto por hora/alumno no exercicio 2010 foi no curso de Realización de operacións
básicas de cociña, no que se autorizou un módulo de 16,26 euros/hora/alumno (1.772 euros por
alumno) cando no exercicio anterior se tiña aprobado por 11,30 euros/hora (1.232 euros por
alumno).
3.11. O 30 de xullo de 2010 e o 22 de xullo de 2011 certifícase a finalización das accións
formativas. Respecto da programación para 2010, tres das accións aprobadas non se realizan, e
26 figuran con reprogramacións posteriores, que afectan ao 30% das totais e ao 25% do
orzamento aprobado. O número de alumnos iniciais (2.705) e finais (2.951) que figura nos
Informe de fiscalización dos Fondos aplicados polos beneficiarios das axudas á formación de ocupados. Exercicios 2010- 2011. UGT
20
distintos rexistros informáticos facilitados pola DXF supera o que figura na resolución de
concesión (2.574 alumnos).
Na programación para 2011, catro das AF aprobadas non se realizan, e en 18 das aprobadas
figuran reprogramacións posteriores que no conxunto absorben o orzamento non executado
correspondente ás non realizadas.
Os importes totais do gasto xustificado (2.344.500 euros no plan de 2009 e 2.785.280 euros no
plan de 2010) alcanzan o importe das axudas concedidas inicialmente.
3.12. En xeral, os gastos xustifícanse ante a Dirección Xeral de Formación e Colocación mediante
unha factura global de IFES (na parte que corresponde a esta entidade), sen o desglose suficiente
para poder determinar os conceptos imputados. Sen embargo, como soporte desta factura, IFES
puxo á nosa disposición distintos comprobantes de provedores ou nóminas da propia entidade
que serven para acreditar a realidade e cuantificación deses custos.
En calquera caso, o feito de que unha mesma factura se impute fraccionadamente a unha
pluralidade de accións formativas distintas, á marxe dos mecanismos de control interno da
beneficiaria, non permite comprobar que as porcentaxes globalmente imputadas non exceden do
total daquela. A estes efectos, comprobouse que a entidade beneficiaria (UGT) leva mediante un
programa informático un completo estudo de imputación dos seus custos de estrutura que lle
posibilita un adecuado control da totalidade dos imputados a cada comprobante, pero non
ocorre así na entidade colaboradora (IFES), que non dispón deste instrumento de control para o
seguimento dos seus comprobantes de gasto.
Xustificación do gasto nos cursos seleccionados
3.13. Na totalidade das accións formativas seleccionadas (sete), o importe de gasto que a
Administración considera como xustificado coincide co da axuda concedida. En todos os casos a
xustificación do gasto está acompañada, tal e como esixe a normativa das axudas, da
acreditación de ter realizado o pagamento dentro do prazo de xustificación por parte da
beneficiaria (UGT) á entidade colaboradora (IFES).
Sen embargo, puido constatarse que existen pagamentos da entidade IFES a terceiros provedores
realizados con posterioridade á data da certificación final de cada un dos plans, o que ao noso
entender constitúe unha salvidade na correcta xustificación. Nas accións formativas examinadas
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. UGT
21
constatouse que ao menos 13.000 euros (un 16% do importe das revisadas) non foron aboados
naquel prazo.
3.14. De acordo co contrato entre UGT e IFES, esta última entidade factura á primeira o 80% do
gasto incorrido en cada acción formativa, incluíndo os custos directos e tamén os indirectos
soportados pola propia institución.
O 20% restante –importe que se reserva UGT– inclúe os custos indirectos (un 10%) e outros
gastos directos do sindicato que imputa ás distintas accións formativas (o outro 10%).
No plan de 2009, estes últimos gastos xustifícanse pola UGT mediante catro facturas da mesma
empresa (CENINTESER S.L.), todas da mesma data e por un importe total 234.448 euros,
referidas sempre ao mesmo concepto –amplo e xenérico– de “aluguer de equipamento didáctico
de aula para alumnos participantes e monitor, proxector de transparencias e pantalla, canón de
luz e ordenador para monitor para cada un dos cursos que se relacionan” (182 cursos),
detallando en todos un importe equivalente ao 10% do seu custo.
A forma en que se efectúa o reparto desa porcentaxe restante do 20% –a partes iguais entre
custos indirectos e estas facturas– leva a considerar que a adquisición deste material nun
importe tan elevado realízase sistematicamente á marxe das necesidades concretas de cada
curso, repartindo o importe global entre todos eles ata acadar esa porcentaxe xenérica do 10%.
Como puido comprobarse nos cursos analizados, as características dalgúns deles, o réxime de
subcontratación no que se desenvolven, ou o feito de que determinado material da mesma
natureza xa está subministrado e facturado especificamente por outros provedores, permite
cuestionar a imputación dese gasto como custo directo en todos os cursos, e só cabería a
posibilidade de facelo como custo indirecto da beneficiaria, pero nese caso, ao consideralos
conxuntamente cos repercutidos por IFES, elevaría o importe total dos custos indirectos por
encima do límite máximo do 20% (xa esgotado no conxunto do plan de 2009).
Esta práctica de facturación global e imputación porcentual a todos os cursos, que non cumpre
coas esixencias de concreción da Orde da convocatoria para as facturas, continuou realizándose
no exercicio seguinte (plan de 2010), no que se imputaron gastos por importe de 209.178 euros.
3.15. Os sete cursos examinados, correspondentes a distintas accións formativas, presentan as
características que se reflicten no cadro seguinte:
Informe de fiscalización dos Fondos aplicados polos beneficiarios das axudas á formación de ocupados. Exercicios 2010- 2011. UGT
22
Cadro 4: Custos accións formativas analizadas UGT. (Euros)
Curso Provedores
Custos directos facturados por IFES
Custos directos
presentados por UGT Custos indirectos
Prezo
final
AF/curso Impart. Coord. Equipos Material Aulas Seguros Control Public. Equip. Material Public. IFES UGT
Carretilleiro Total AF 10.956 4.012 979 11.948 9.982 649 925 379 5.400 342 3.379 5.049 54.000
Curso 7411 Talleres Armando S.L. 1.421 1.800 6.000
AF 2009/183-9g Persoal FES 420 105
15 al - 80 h Formación 2020 S.L. 325
Presencial Ceninteser SL 600
Outros (Localmur S.L.) 37 22 72 15 42
Cociña Total AF 11.532 6.418 500 384 450 84 2.652 172 1.848 2.460 26.520
Curso 7427 Elena Zulueta M. 6.500 13.260
AF 2009/196-2g Persoal IFES 1.057
15 al - 80 h Ceninteser S.L. 1.326
Presencial Formación 2020 S.L. 127
Outros 1.158 192 15 42
Mergullo xeral Total AF 1.546 565 0 1.412 4.703 120 178 42 0 1.140 0 554 1.140 11.400
AF 2009/248-1g IFES 1.546 565 120 163 42 11.400
15 al - 50 h Ceninteser SL 1.14O
Presencial Formación 2020 S.L. 135
Talleres Armando S.L. 4.703
Outros 1.277 15
Inglés dirección Total AF 3.216 923 200 2.132 158 192 117 43 0 960 0 699 960 9.600
AF2009/204-1g Persoal FES 3.216 923 102 9.600
15 al - 80 h Formación 2020 S.L. 200 511
Presencial Ceninteser S.L. 1.584 960
Outros 37 158 192 15 43
Cociña Total AF 13.055 13.565 734 384 705 3.750 244 1.557 3.506 37.500
Curso 7312 Elena Zulueta M. 7.500 15.000
AF 2010/666-2g Persoal IFES 1.200 375
15 al - 80 h Ceninteser S.L. 1.875
Presencial Formación 2020 S.L. 230
Outros (Localmur S.L.) 4.468 133 192 15
Per. conducir B Total AF 25.286 19.120 30.771 18.488 1.944 2.523 13.252 861 7.891 12.392 132.528
Curso 10342 Yáñez Rodríguez S.A.L SAL Autoescuela Lusan
1.310 3.080 2.222 2.214
15.058
AF 2010/983-9g Persoal IFES
15 al - 90 h Formación 2020 S.A. 233
Presencial Ceninteser S.L. 1.506
Outros 31 216 15
Curso 10340 Autoesc. Marte S.L. 4.053 938 4.062 883 15.058
15 al - 90h Persoal IFES 100
Presencial Formación 2020 S.A. 233
Ceninteser S.L. 1.506
Outros (Localmur S.L.) 990 193 216 15
Fonte: Elaboración propia. Datos facilitados polo beneficiario
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. UGT
23
3.16. Na práctica totalidade dos cursos analizados, IFES subcontrata a impartición a terceiras
empresas ou profesionais, incluíndo no seu contrato non só a docencia senón tamén outras
prestacións (aulas, materiais, medios didácticos) necesarias para a súa realización, o que fai
pouco razoable a imputación de gastos doutros provedores polos mesmos conceptos.
• A impartición do curso de Carretilleiro encárgase a un profesional que ostenta a titularidade da
sociedade (TALLERES ARMANDO S.L.) coa que IFES tamén asina un contrato de aluguer da aula
equipada para a súa impartición, así como de mobiliario. Neste curso, celebrado en Foz,
impútanse 600 euros (10% do custo do curso) correspondentes á facturación antes aludida de
CENINTESER S.L. á UGT, en concepto de equipamento diverso, sen que pareza razoable a súa
necesidade para este curso, dadas as características do mesmo e o alcance das adquisicións xa
contratadas ao provedor principal.
• De forma similar, no curso de Mergullo xeral a impartición realízase por dous profesionais que
son administradores solidarios da mesma empresa, TALLERES ARMANDO S.L., coa que, unha vez
máis, IFES asina un contrato de aluguer de aula co equipamento necesario. Tampouco neste
curso parece razoable a imputación de 1.440 euros (un 10% do custo do curso) da referida
facturación de CENINTESER S.L. polos conceptos indicados para este curso, celebrado na mesma
localidade que o anterior.
• Os dous cursos de Cociña analizados (un de cada plan de formación, 2009 e 2010)
contrátanse cunha profesional que rexenta unha escola de hostalería. Os respectivos contratos
inclúen a achega de “instrutores profesionais, aulas, instalacións, material didáctico e funxible,
impartición de clases teóricas e impartición de clases prácticas” (o que constitúe a práctica
totalidade das necesidades do curso) por un prezo cerrado (6.500 e 7.500 euros,
respectivamente), que todo indica que se corresponde co prezo de mercado do curso. Porén, a
maiores impútanse a estes cursos facturas de distinto material polos importes que figuran no
cadro anterior, e no curso do plan de 2009 impútase ademais a facturación de CENINTESER S.L.
(polo 10 % do custo do curso). Os cursos, con iguais horas e alumnos, acaban tendo un custo de
13.260 euros e 15.000 euros, respectivamente.
• Nos cursos de Permiso de conducir B analizados, os contratos coas autoescolas contemplan
non só os servizos de docencia, senón tamén o aluguer de aulas, equipos e material didáctico e
material funxible por un prezo determinado. Nos cursos analizados, este prezo, concertado en
8.736 euros e 9.000 euros, tradúcese nun custo final de 15.058 euros para cada un deles. A
Informe de fiscalización dos Fondos aplicados polos beneficiarios das axudas á formación de ocupados. Exercicios 2010- 2011. UGT
24
presenza de gastos de material adicional e equipos facturados por outros provedores elevan o
prezo desta formación, sen poder acreditar que son indispensables para a súa realización.
En definitiva, a diferenza entre o prezo destes contratos e o prezo final derivado de distintos
conceptos reiterados (materiais didácticos de distintos provedores, equipos, custos indirectos) e
da imputación dos custos indirectos das dúas primeiras entidades, supón un incremento
significativo de custos das accións formativas, co risco de sobrevaloración dos custos reais.
3.17. De forma xeneralizada, en todos os cursos analizados impútase un custo en concepto de
aluguer de aulas facturado pola empresa LOCALMUR S.L. (vinculada a IFES) que, aínda sendo
cuantitativamente pouco significativo, no conxunto do plan formativo de 2009 alcanza os
33.695 euros e no 2010 os 28.588 euros. Este importe, que responde basicamente ao aluguer
das instalacións por parte de IFES a aquela empresa, impútase como custo directo incluso cando
os cursos se imparten en locais propiedade doutros provedores, que tamén facturan o aluguer.
Debe entenderse que só estes últimos teñen cabida como custos directos e que a facturación de
LOCALMUR S.L. (de instalacións nas que non se imparten os cursos) só cabería considerala como
custos indirectos, que de incluílos como tales elevarían, non obstante, o importe total destes
últimos por encima do límite máximo do 20%.
En calquera caso, en relación coa facturación en concepto de aluguer de instalacións para cursos,
hai que chamar a atención sobre a práctica de desprazar a entidades vinculadas a propiedade
das instalacións do beneficiario ou da entidade colaboradora co obxecto de permitir unha
facturación de alugueres que non sería viable de permanecer aquelas no patrimonio das
primeiras.
3.18. Dentro dos custos directos que presenta IFES, á marxe da impartición, sempre figuran os
referidos á preparación e titorías das accións formativas –nos que se xustifican porcentaxes de
soldos de distinto persoal–, así como gastos de control de calidade. Os gastos imputados en
retribucións deste persoal propio non aparecen desagregados por horas dedicadas a cada acción
formativa, aos efectos de acreditar a correcta imputación.
3.19. Os gastos indirectos nos cursos examinados supoñen en torno ao 16% dos custos da
actividade formativa, efectuando imputacións deste tipo de custos tanto UGT (en torno a un
10%) como IFES (ao redor dun 6%), aínda que en porcentaxes distintas en cada curso. En xeral,
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. UGT
25
os gastos indirectos –maioritariamente de persoal de apoio– nun importe relevante non se
corresponden co período de impartición de cada curso en particular, senón, tal e como admite a
Orde da convocatoria, co período de vixencia da totalidade do plan formativo. Destaca a
existencia en todos os cursos de nóminas de persoal directivo por importes que superan os 3.000
euros que, aínda imputadas en cada curso nunha pequena porcentaxe, acaban financiándose
con cargo ao conxunto dos cursos de formación.
3.20. O control de calidade realízase fundamentalmente con persoal de IFES, imputándose nun
promedio do 2% do custo total das AF. Este control limítase a un tratamento das enquisas
realizadas aos alumnos participantes. Compróbase que existe unha disparidade importante nos
custos por este concepto entre os distintos cursos.
3.21. Sobre unha mostra de contratos con importe superior a doce mil euros, comprobouse que
IFES ten solicitado distintas ofertas con carácter previo a estas contratacións. Non se constatou
esta previa concorrencia de ofertas nos contratos celebrados pola UGT con CENINTESER S.L. para
o aluguer de equipamentos para aulas, a pesar do elevado importe que alcanzaron.
3.22. Nos cursos examinados existen partes asinados polos alumnos que acreditan a súa
participación.
3.23. Non existe comprobación in situ pola Administración da realización dos cursos.
III.1.4. Conclusións
• A análise operativa viuse condicionada pola inexistencia de obxectivos concretos a obter con
estes plans de formación, así como de indicadores que permitan cuantificar os logros obtidos e a
avaliación posterior dos mesmos.
• Un 10% das accións formativas aprobadas no plan intersectorial tamén son realizadas nos
distintos plans sectoriais presentados polas diferentes federacións da UGT.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010- 2011. UGT
26
• A pluriparticipación de alumnos en cursos con solapamento de datas e horarios pon de
manifesto debilidades nos sistemas de selección de alumnos e no control da asistencia e, polo
tanto, na fiabilidade da determinación dos computados tanto para a determinación do módulo
inicial como da liquidación, que se realiza en función dos que finalizan.
• Os contratos para a xestión dos plans celebrados entre UGT e IFES non contan coa autorización
do órgano concedente da axuda.
• As contratacións de IFES coas empresas vinculadas FORMACIÓN 2020 S.A. e LOCALMUR S.L.
realízanse sen que se teña realizado previamente polo órgano de concesión unha valoración da
adecuación das transaccións aos prezos de mercado.
• Na programación dos dous exercicios, un 20% dos cursos presenciais superan o módulo
máximo de 12 euros/hora/alumno previsto. O custo medio dos cursos sitúase en 10,2
euros/hora/alumno inicial (11,4 euros por alumno final), cunha taxa de abandono do 6,5%.
• A amplitude do encargo realizado a IFES, que abarca non só a docencia senón todo tipo de
tarefas auxiliares, fai pensar que o importe imputado pola UGT en concepto de custos indirectos
(o 49% dos custos de persoal de 33 traballadores e o 40% de 38 traballadores durante a
vixencia dos respectivos plans) estase realizando en contía superior ao peso da actividade que
asume.
• A facturación por distinto material por CENINTESER S.L. sen concreción do concepto e do tipo
de equipamento para cada curso fai pensar en adquisicións realizadas sistematicamente á marxe
das necesidades concretas da acción formativa, repartindo o importe global entre todos os cursos
ata acadar unha porcentaxe xenérica predeterminada (un 10%), polo que non debe admitirse
como gastos directos; no caso da súa consideración como indirectos, elevaría a contía destes
últimos por encima do límite autorizado.
• Do mesmo xeito, a facturación de LOCALMUR S.L. referida a instalacións nas que non se
imparten os cursos está incorrectamente encadrada nos custos directos, e só cabería considerala
como custos indirectos, o que unha vez máis elevaría o importe total dos mesmos por encima do
límite máximo do 20%.
• En determinados cursos, IFES vai subcontratar con terceiros centros de formación (persoas
xurídicas) os servizos de impartición (fundamentalmente con autoescolas), o que constituiría
unha segunda subcontratación non permitida pola normativa das axudas.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. UGT
27
• Nos cursos analizados, a diferenza entre o prezo destas últimas subcontratas (prezo de
mercado) e o custo final derivado da sucesiva imputación de distintos conceptos, algúns
reiterados (materiais didácticos de distintos provedores, equipos, aulas, custos indirectos), así
como dos custos indirectos das dúas primeiras entidades, supón un incremento significativo de
custos das accións formativas.
• Se ben consta que IFES dispón dun aplicativo informático no que se especifican os gastos e
pagamentos realizados, este non permitiu facer un seguimento da imputación de custos dos
distintos plans que xestiona de cara a un adecuado control da totalidade dos imputados a cada
comprobante de gasto, aos efectos de evitar que determinados gastos poidan ser dobremente
imputados2.
• Se ben se constatou que a xustificación do gasto está acompañada da acreditación de ter
realizado o pagamento dentro do prazo de xustificación por parte do beneficiario (UGT) á
entidade colaboradora (IFES), nas AF examinadas constatouse que ao menos 13.000 euros non
foron aboados nese prazo por esta entidade (IFES) a terceiros provedores.
• Non consta a previa concorrencia de ofertas nos contratos celebrados pola UGT con
CENINTESER S.L. para o aluguer de equipamentos para aulas, a pesar do elevado importe que
alcanzaron, nin a acreditación de estar ao corrente das obrigas fiscais por esta última.
2 Parágrafo modificado como consecuencia das alegacións.
Informe de fiscalización dos Fondos aplicados polos beneficiarios das axudas á formación de ocupados. Exercicio 2010-2011. FES-UGT
28
III.2. FES-UGT
III.2.1. Descrición da entidade
1.1. A Federación de Servicios da Unión General de Trabajadores (FES-UGT) integra, xunto co
resto das federacións da UGT, a estrutura sectorial desta organización sindical.
III.2.2. Plans de formación obxecto de subvención
2.1. O beneficiario presentou solicitudes de axudas para o financiamento de plans de formación
sectoriais correspondentes ás convocatorias dos exercicios 2009 (execución en 2010) e 2010
(execución en 2011). Os datos básicos dos plans son os seguintes:
Cadro 5: Datos básicos plans de formación FES-UGT. (Euros)
Plan
Data
solicitude
Data
concesión
Importe
aprobado
Cursos
solicitados
Cursos
aprobados.
Cursos
realizados
Alumnos
solicitados
Alumnos
aprobados
PF 2009/93 26.11.09 23.12.09 197.283,00 60 12 12 5.835 333
PF 2010/120 29.07.10 24.11.10 167.322,50 61 15 15 6.135 223
Fonte: Elaboración propia. Datos facilitados polo beneficiario
2.2. O financiamento solicitado, concedido, xustificado e aboado presenta o seguinte detalle:
Cadro 6: Datos financiamento plans de formación FES-UGT. (Euros)
Plan Solicitado Concedido Xustificado Anticipo Liquidación Subv. final
PF 2009/93 4.696.080,00 197.283,00 197.283,00 157.826,50 39.456,50 197.283,00
PF 2010/120 5.284.665,00 167.322,50 167.322,50 133.858,00 33.464,50 167.322,50
Fonte: Elaboración propia. Datos facilitados polo beneficiario
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. FES-UGT
29
2.3. A FES-UGT Galicia contratou co Instituto de Formación e Estudos Sociais (IFES) –entidade
vinculada a UGT– a realización da totalidade das accións formativas dos plans obxecto destas
axudas.
III.2.3. Resultados do traballo
Análise operativo
3.1. FES-UGT Galicia non puido acreditar a existencia de estudos previos que fixen os obxectivos
concretos a obter con estes plans de formación. En consecuencia, tampouco constan indicadores
que permitan cuantificar os logros obtidos nin unha avaliación posterior dos mesmos.
3.2. Só un 25% das accións formativas solicitadas nos dous plans foron aprobadas polo órgano
concedente. Ningunha das excluídas de financiamento foi realizada. En xeral, nas accións
formativas analizadas participan traballadores pertencentes a ámbitos e sectores profesionais
relacionados cos sectores de actividade presentes nesta federación de servizos; como excepción,
no curso 2009/2612 Mergullo xeral esta vinculación entre o ámbito profesional do persoal
participante e o sector de actuación da beneficiaria é cuestionable.
3.3. Non consta que o beneficiario realice un seguimento dos cursos que permita unha
avaliación dos resultados derivados da formación impartida sobre a situación profesional dos
alumnos asistentes (melloras salariais, estabilidade no emprego). Existe unha memoria do
sistema de avaliación e control da calidade da formación por expediente e un informe
cuantitativo de avaliación da calidade.
3.4. No plan do ano 2009, dos 327 alumnos diferentes que participan nos distintos cursos de
formación, 25 deles desenvolven máis dunha acción formativa. No plan do ano 2010, dos 418
participantes, esta pluriparticipación afecta a 47 alumnos.
Respecto dos cursos presenciais do plan de 2009, constatouse que cinco alumnos figuran como
participantes en dous cursos diferentes que coinciden nos mesmos días e horario. Dous destes
Informe de fiscalización dos Fondos aplicados polos beneficiarios das axudas á formación de ocupados. Exercicio 2010-2011. FES-UGT
30
alumnos constan no parte asinado polo docente como asistentes en dous cursos distintos
celebrados con esa coincidencia horaria. (AF 2578-1 Técnicas de comunicación e AF 4023-2
Emprego de desfibrilador, celebrados o 6 de abril de 2010 de 18:15 a 22:00 horas e de 17:00 a
22:00 horas, respectivamente).
Análise de cumprimento
3.5. O beneficiario cumpre cos requisitos necesarios para acceder ás axudas analizadas. A
solicitude preséntase en modelo normalizado acompañada de toda a documentación xustificativa
esixida na convocatoria.
3.6. O beneficiario contrata coa entidade IFES a realización da totalidade das accións formativas
dos dous plans de formación. A estes efectos, existen senllos contratos formalizados por escrito
entre FES-UGT Galicia e IFES de datas 5 de xaneiro de 2009 e 24 de setembro de 2010 para
estes plans. Como prezo do contrato, IFES factura á FES o 85% do orzamento total dos plans
(167.690,55 euros no plan de 2009 e 142.224,13 euros no plan de 2010).
Non consta, porén, a autorización previa do órgano de concesión (Dirección Xeral de Formación
e Colocación) para estas contratacións, tal e como esixe o artigo 23.5 da Orde da convocatoria,
aínda que si consta a solicitude de autorización para o contrato do exercicio 2010, asinada o día
23.09.2010 (un día antes da formalización do contrato).
3.7. Á súa vez, IFES vai concertar con terceiros a adquisición de bens e servizos por importe de
135.266,50 euros e 102.776,7 euros nos respectivos plans de 2009 e 2010.
Na adquisición de material destaca como provedor a empresa FORMACIÓN 2020, entidade
vinculada a IFES, cun importe de 6.364 euros (2010) e nos alugueres de aulas a empresa
LOCALMUR S.L., tamén vinculadas á IFES, sen que conste unha avaliación dos órganos xestores
das axudas de que estas transaccións se están realizando a prezo de mercado.
A contratación de servizos esténdese á impartición de docencia, co que se pon de manifesto
unha sucesiva subcontratación que a Orde da convocatoria non permite. Nestes casos, as dúas
entidades –FES e IFES– van presentar custos indirectos imputados aos cursos sen realizalos
directamente.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. FES-UGT
31
3.8. No que se refire aos custos indirectos, no conxunto das accións formativas FES-UGT vai
imputar no plan de 2009 gastos de persoal propio por importe de 40.717,24 euros, que
representan un promedio do 60% das nóminas de 10 traballadores durante o período de
desenvolvemento do plan. No plan de 2010 este importe é de 38.533,89 euros e afecta a 6
traballadores cun promedio de imputación dun 35% durante ese período. Tendo en conta a
amplitude do encargo realizado a IFES, que abarca non só a docencia senón todo tipo de tarefas
auxiliares (“asesoramento pedagóxico, a captación e selección de alumnos, a contratación de
monitores, medios didácticos, aulas e equipos, pólizas de seguros e avaliación, así como a
xestión de toda a documentación relacionada cos cursos”), carece de xustificación que FES-UGT
impute custos de persoal de apoio nesas elevadas contías.
Pola súa parte, IFES imputa nóminas de persoal propio por un total de 28.835,37 euros e de
42.726,11 euros nos respectivos plans. Como se verá nas accións formativas analizadas, habida
conta de que gran parte desta formación vai subcontratarse con terceiras empresas, existe o risco
de que o prezo das accións formativas estea sobrevalorado pola imputación destes custos
indirectos das dúas primeiras entidades.
3.9. Na programación do ano 2010 existe unha disparidade importante do custo por
hora/alumno, que oscila entre 8,57 euros e 20,20 euros. En 11 dos 15 cursos supérase o módulo
máximo de 12 euros/hora/alumno previsto para os cursos presenciais, o que pon de manifesto
que a Dirección Xeral de Formación e Colocación autorizou de forma xeneralizada, en contra do
carácter excepcional previsto na Orde da convocatoria, a superación do módulo establecido nesa
convocatoria.
3.10. A entidade certifica a realización e finalización da totalidade das accións formativas
aprobadas (29 de xullo de 2010 e 7 de xullo de 2011) nos dous plans.
Os importes totais do gasto xustificado (197.283,00 euros no plan 2009/93 e 167.322,50 euros
no plan 2010/120) alcanzan exactamente o importe total das axudas concedidas. As liquidacións
apróbanse polo órgano concedente sen incidencias.
Informe de fiscalización dos Fondos aplicados polos beneficiarios das axudas á formación de ocupados. Exercicio 2010-2011. FES-UGT
32
Segundo a información que figura nos distintos rexistros informáticos facilitados pola Dirección
Xeral de Formación e Colocación, o número de alumnos que participan nas accións formativas
superan os autorizados na resolución que aproba as axudas.
3.11. En xeral, os gastos xustifícanse ante a Dirección Xeral de Formación e Colocación cunha
factura global de IFES sen o desglose suficiente para determinar os conceptos imputados. Sen
embargo, como soporte desta factura, IFES puxo á nosa disposición distintos comprobantes de
provedores ou nóminas da propia entidade que serven para acreditar a realidade e cuantificación
deses custos.
En calquera caso, o feito de que unha mesma factura se impute fraccionadamente a unha
pluralidade de accións formativas distintas, á marxe dos mecanismos de control interno da
beneficiaria, non permite comprobar que as porcentaxes globalmente imputadas non exceden do
total daquela. Como xa se indicou, a entidade colaboradora (IFES) non dispón dun programa
informático que asegure o seguimento da imputación de custos e posibilite o adecuado control
da totalidade dos imputados a cada comprobante.
3.12. A entidade non puido facilitarnos rexistros contables diferenciados na súa contabilidade
que permiten identificar todos os gastos e ingresos derivados da execución das accións
formativas destes plans. Esta limitación impediu contrastar a declaración da non obtención
doutras axudas para as mesmas AF.
Xustificación do gasto nos cursos seleccionados
3.13. Na totalidade das accións formativas seleccionadas (seis) o importe de gasto que a
Administración dá como xustificado coincide co da axuda concedida. En todos os casos a
xustificación do gasto está acompañada, tal e como esixe a normativa das axudas, da
acreditación de ter realizado o pagamento dentro do prazo de xustificación por parte do
beneficiario (FES) á entidade colaboradora (IFES).
Sen embargo, tanto no plan de 2009 como no de 2010 puido constatarse que existen
pagamentos da entidade (IFES) a terceiros provedores realizados con posterioridade á data da
certificación final de cada un dos plans (58.742 euros e 4.829 euros nos respectivos plans), o
que ao noso entender constitúe unha salvidade na correcta xustificación.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. FES-UGT
33
3.14. Nos seis cursos examinados as accións formativas subcontrátanse por IFES a distintas
empresas de formación, e nun bo número de casos non se limitan aos servizos de docencia,
senón tamén ao aluguer de aulas, equipos e material, como pode advertirse no cadro seguinte:
Cadro 7: Custos accións formativas analizadas FES- UGT. (Euros)
Curso Provedor
Facturación IFES: provedor principal e outros provedores C. D.IFES
PT+CC (1)
C. indirectos Prezo
final Impart. Materiais Aulas Equipos Subtotal Seguros C. Cal. IFES FES
Escolta privada C. E. F. Alfer S.L. 1.260 4.340 3.500 9.100 1.446 720 2.611 17.400
AF 2009/2570 Ceninteser S.L. 2.944
Formación 2020 S.A. 246
Outros (aulas: Localmur S.L.) 42 107 168 15
Guía canino D.D. SPORT F_G S.L. 3.000 790 1.360 250 5.400 920 365 1.302 8.700
AF 2009/2573 Formación 2020 S.A. 294
Outros (aulas: Localmur S.L.) 42 145 102 130
Mergullo xeral AFC Consulting deportivo S.L. 5.000 1.000 750 1.000 7.750 871 551 1.710 11.400
AF 2009/2612 Formación 2020 S.A. 274
Outros (aulas: Localmur S.L.) 42 65 122 15
Escolta privada D.D. SPORT F_G S.L. 5.650 1.000 516 1.934 9.100 2.263 754 2.262 15.080
AF 2010/1611 Formación 2020 S.A. 213
Outros (aulas: Localmur S.L.) 26 119 145 198
Pilates solo Contrato persoa física 1.387 1.387 764 318 956 6.370
AF 2010/1672 Outros (aulas: Localmur S.L.) 1.193 1.665 72 15
Per. conducir B Autoescuela Lusan 7.587 845 1.754 1.406 11.592 2.567 955 2.868 19.104
AF 2010/1679 Formación 2020 S.A. 222
Outros (aulas: Localmur S.L.) 24 272 220 384
(1) Custos directos IFES; PT: preparación e titorías; CC: control de calidade
Fonte: Elaboración propia
3.15. IFES subcontrata a impartición desas accións formativas especificando no contrato
formalizado por escrito o número de alumnos, horas previstas no plan de formación para cada
AF, e as obrigas a que se compromete a empresa de formación, que abarcan a achega de
“instrutores profesionais, aulas, instalacións, material didáctico e funxible, impartición de clases
teóricas e impartición de clases prácticas” (o que constitúe, ao noso entender, a práctica
totalidade das necesidades do curso), por un prezo cerrado, que é o que figura no cadro anterior
como subtotal na columna de facturación do provedor principal. A diferenza ata o prezo total
Informe de fiscalización dos Fondos aplicados polos beneficiarios das axudas á formación de ocupados. Exercicio 2010-2011. FES-UGT
34
supón un incremento significativo de custo por múltiples conceptos, algúns reiterados (materiais
didácticos de distintos provedores, equipos, custos indirectos) sen aportar un valor engadido
apreciable para a actividade formativa.
3.16. En todos os cursos analizados se imputa un custo cuantitativamente pouco significativo en
concepto de aluguer de aulas facturado pola empresa LOCALMUR S.L., (vinculada a IFES) que
non puido cuantificarse globalmente nos respectivos plans. Estes importes, que responden
basicamente ao aluguer das instalacións por parte de IFES á aquela empresa, impútanse como
custo directo a pesar de que o aluguer de aulas figura facturado por outros provedores.
Estendemos que esta facturación de LOCALMUR S.L. (de instalacións nas que non se imparten os
cursos) só cabería considerala como custos indirectos, e que de incluílos como tales elevarían,
non obstante, o importe total destes últimos por encima do límite máximo do 20%.
3.17. Os custos directos que presenta IFES refírense case exclusivamente á preparación e titorías
das accións formativas –nas que se xustifican porcentaxes de soldos de directivos con nóminas
por encima dos catro e cinco mil euros mensuais–, así como a gastos de control de calidade
nunha contía escasamente relevante. Os gastos imputados en retribucións deste persoal propio
non aparecen desagregados por horas dedicadas a cada acción formativa, aos efectos de
acreditar a correcta imputación.
3.18. Os gastos indirectos nos cursos examinados supoñen en torno ao 20% dos custos da
actividade formativa, imputando este tipo de custos tanto FES (un 15%) como IFES (un 5%). Nas
accións formativas examinadas, estas sucesivas porcentaxes de gastos indirectos (sen impartir
realmente as accións formativas) elevan o prezo dos custos sen aportar valor engadido.
3.19. Como custos do control de calidade –realizado fundamentalmente por persoal de
empresas externas– impútanse entre un 2% (todos os cursos de 2009, incluído o de escolta
privado –348 euros–) e un 5% (mesma AF Escolta privado –754 euros– en 2010) do custo total
das AF examinadas, limitándose ese control a un tratamento das enquisas realizadas aos
alumnos participantes.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. FES-UGT
35
3.20. Como nota positiva puido advertirse que en todos os cursos examinados existen partes
asinados polos alumnos que acreditan a súa participación.
3.21. Non existe ningunha comprobación in situ pola Administración da realización dos cursos.
III.2.4. Conclusións
• A análise operativa viuse condicionada pola inexistencia de obxectivos concretos a obter con
estes plans de formación, así como de indicadores que permitan cuantificar os logros obtidos e a
avaliación posterior dos mesmos.
• A pluriparticipación de alumnos en cursos con solapamento de datas e horarios pon de
manifesto debilidades nos sistemas de selección de alumnos e no control da asistencia e, polo
tanto, na fiabilidade da determinación dos computados tanto para a determinación do módulo
inicial como da liquidación, que se realiza en función dos que finalizan.
• Os contratos para a xestión dos plans celebrados entre FES-UGT e IFES non contan coa
autorización do órgano concedente da axuda.
• Na programación dos dous exercicios, un 90% dos cursos presenciais superan o módulo
máximo de 12 euros/hora/alumno previsto. O custo medio dos cursos sitúase en 12,9
euros/hora/alumno inicial (13,4 euros para alumno final), cunha taxa de abandono do 3,13%.
• A amplitude do encargo da xestión realizado a IFES, que abarca non só a docencia senón todo
tipo de tarefas auxiliares, fai pensar que o importe imputado por FES-UGT en concepto de custos
indirectos estase realizando en contía superior ao peso da actividade que asume.
• As contratacións de IFES coas empresas vinculadas FORMACIÓN 2020 S.A. e LOCALMUR S.L.
realízanse sen que se teña realizado polo órgano de concesión unha valoración da adecuación
desas transaccións aos prezos de mercado.
• En determinadas accións formativas, IFES vai subcontratar con outros centros de formación
(persoas xurídicas) os servizos integrais de impartición, aulas, equipos e material, o que
constituiría unha segunda subcontratación que non ten cobertura normativa.
Informe de fiscalización dos Fondos aplicados polos beneficiarios das axudas á formación de ocupados. Exercicio 2010-2011. FES-UGT
36
• A diferenza entre o prezo destas últimas subcontratas e o custo final derivado da sucesiva
imputación de distintos conceptos, algúns reiterados (material didáctico de distintos provedores,
equipos, custos indirectos), así como dos custos indirectos das dúas primeiras entidades, supón
un incremento significativo de custos das accións formativas.
• A facturación de LOCALMUR S.L. referida a instalacións nas que non se imparten os cursos
está incorrectamente encadrada nos custos directos, e só cabería considerala como custos
indirectos, o que unha vez máis elevaría o importe total dos mesmos por encima do límite
máximo do 20%.
• Sen prexuízo do pagamento dentro do prazo de xustificación por parte do beneficiario FES-UGT
á entidade colaboradora (IFES), nas AF examinadas constatouse que ao menos 58.742 euros e
4.832 euros nos respectivos plans sectoriais non foron aboados nese prazo por esta última
entidade (IFES) a terceiros provedores.
• Nos gastos de preparación e titorías das accións formativas figuran porcentaxes de soldos de
directivos de FES-UGT con nóminas por encima dos catro e cinco mil euros mensuais. Os gastos
indirectos nos cursos examinados supoñen en torno ao 20% dos custos da actividade formativa,
imputando este tipo de custos tanto FES (un 15%) como IFES (un 5%).
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CCOO
37
III.3. Sindicato nacional de Comisións Obreiras de Galicia (CCOO)
III.3.1. Descrición da entidade
1.1. CCOO de Galicia é unha organización sindical nacional con personalidade xurídica propia,
integrante da Confederación Sindical de CCOO e con ámbito territorial de actividade en toda a
Comunidade Autónoma de Galicia. Está integrada por distintas federacións nacionais e unións
comarcais ou intercomarcais.
No expediente de concesión das axudas figura como entidade de ámbito inferior integrada nesta
organización sindical a FUNDACIÓN FORMACIÓN E EMPREGO DE GALICIA (FOREM).
III.3.2. Plans de formación obxecto de subvención
2.1. O beneficiario presentou solicitudes de axudas para o financiamento de plans de formación
intersectoriais e sectoriais correspondentes ás convocatorias do 2009 (execución no 2010) e
2010 (execución no 2011).
Cadro 8: Datos básicos plans de formación CCOO. (Euros)
Plan
Data
solicitude
Data
concesión
Importe
aprobado
Cursos
solicitados
C. aprobados/
realizados
Alumnos
solicitados
Alumnos
aprobados
Alumnos
finaliza.
PFI 2009/20 30.10.09 15.12.09 2.171.845,50 100 75/74 8.522 2.808 2.496
PFI 2010/37 04.08.10 27.10.10 2.566.885,25 137 93/83 20.730 2.948 2.869
P. SECT. 2009 27.11.09 23.12.09 580.529,75 90 26/25 1.198 681 566
P. SECT. 2010 04.08.10 24.11.10 537.813,75 106 28/28 3.450 685 643
Fonte: Elaboración propia
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CCOO
38
2.2. O financiamento solicitado, concedido, xustificado e aboado foi o seguinte:
Cadro 9: Datos financiamento plans de formación CCOO. (Euros)
Plan Solicitado Concedido Xustificado Anticipo Liquidación
PFI 2009/20 6.292.401,00 2.171.845,50 2.129.806,49 1.737.502,20 392.304,29
PFI 2010/37 18.258.850,00 2.566.636,50 2.561.086,50 2.053.508,00 507.578,00
P. SECT. 2009 (212,213,214,215) 1.190.542,50 580.529,75 576.341,25 464.423,00 111.918,00
P. SECT. 2010 (102,103,104,105) 2.741.287,50 537.813,75 532.549,00 430.251,00 102.298,00
Fonte: Elaboración propia
2.3. CCOO Galicia concertou coa entidade FUNDACIÓN FORMACIÓN E EMPREGO DE GALICIA
(FOREM) –entidade vinculada a CCOO– a realización da totalidade das accións formativas dos
plans obxecto destas axudas.
III.3.3. Resultados do traballo
Análise operativo
3.1. CCOO (FOREM) aporta unha análise que soporta a planificación das accións formativas na
que se especifican as necesidades detectadas co obxecto de xustificar a realización das
actividades formativas propostas. Na documentación facilitada non figuran, non obstante,
obxectivos concretos a obter con estes plans de formación, nin constan en consecuencia
indicadores que permitan cuantificar os logros obtidos nunha avaliación posterior dos mesmos.
3.2. Nos plans intersectorial e sectorial do ano 2009 só un 75% e un 25%, respectivamente, das
accións formativas solicitadas foron aprobadas polo órgano concedente. Nos plans do ano 2010
estas porcentaxes son do 68% e do 26%. Ningunha das accións formativas excluídas de
financiamento foi realizada.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CCOO
39
3.3. Un 24% e un 21% das accións formativas aprobadas nos plans sectoriais dos respectivos
exercicios tamén son realizadas no plan intersectorial presentado polas diferentes federacións de
CCOO.
3.4. No plan de 2009, nove accións formativas da rama ofimática, de transporte e de
electricidade, que representan o 9% das totais, concentran o 45% do orzamento e o 35% dos
alumnos. No plan de 2010 destacan as relativas á área de transporte, na que os permisos de
condución acaparan o 8% dos alumnos totais e consumen o 11% do orzamento aprobado, así
como as relativas a ofimática, co 11% dos alumnos e o 10% do orzamento.
Como accións formativas singulares, máis propias do ámbito do interese particular que do
ámbito da formación profesional ou ocupacional, destacan algunhas como Elluminate + xogo
limpo, Asesor financeiro europeo, Buceador, Cociña creativa de autor, ou Protools.
3.5. Existen estudos ou informes finais da avaliación dos resultados obtidos na execución destes
plans formativos, pero sempre referidos á calidade, á prestación do servizo docente e á medición
dos procesos (con obxectivos de alumnos aptos, asistencias ou abandonos) e só moi
superficialmente ao impacto na capacitación profesional, promoción profesional e estabilidade
no emprego.
3.6. Nos distintos cursos de formación dos plans sectoriais e intersectoriais de 2009 participaron
2.873 alumnos diferentes, dos cales 397 desenvolven máis dunha acción formativa dentro destes
plans, constatándose alumnos con catro cursos (18 casos), cinco cursos (9 alumnos) e seis cursos
(1 alumno).
No plan de 2010, dos 3.043 alumnos diferentes, 556 deles repiten máis dunha acción formativa,
con alumnos con catro cursos (32 casos), cinco cursos (10 alumnos) e seis cursos (2 casos).
Non se atopou solapamento de cursos con coincidencia de sesións e horarios nos mesmos
alumnos.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CCOO
40
Análise de cumprimento
Aspectos xerais do plan
3.7. O beneficiario cumpre cos requisitos necesarios para acceder ás axudas analizadas. A
solicitude preséntase en modelo normalizado acompañada de toda a documentación xustificativa
esixida na convocatoria.
3.8. O beneficiario asina senllos convenios de colaboración para cada plan coa entidade FOREM
pola que esta última se compromete á xestión técnica, económica e profesional dos programas
autonómicos de formación de ocupados (para a totalidade das accións formativas dos distintos
plans de formación).
Non consta, porén, a autorización previa do órgano de concesión (Dirección Xeral de Formación
e Colocación) para estas contratacións, tal e como esixe o artigo 23.5 da Orde da convocatoria.
FOREM factura o 90% (1.942.592 euros) do custo total do plan intersectorial do 2009 e o 90%
(2.312.418 euros) do plan intersectorial de 2010 en concepto de custos directos e asociados.
Tamén, o 85% (491.000 euros) dos custos do plan sectorial de 2009 e o 85% (455.000 euros)
do plan sectorial de 2010.
3.9. Á súa vez, FOREM vai concertar con terceiros a adquisición de bens e servizos por un
importe que alcanza o 90% do custo das AF dos respectivos plans de 2009 e 2010.
Na adquisición de material destaca como provedor, pola súa vinculación con FOREM e CCOO, a
empresa FORMACIÓN NON REGRADA S.L., cun importe facturado de 76.000 euros e 90.000
euros nos respectivos plans, constando a previa autorización do órgano concedente das axudas
para estas contratacións.
En determinados cursos, a subcontratación de servizos por FOREM con terceiros centros de
formación (persoas xurídicas) pon de manifesto unha sucesiva subcontratación que a Orde da
convocatoria non permite, e que provoca que as dúas entidades –CCOO e FOREM–, sen realizar
directamente os cursos, financien custos indirectos da súa estrutura con cargo ás axudas dos
plans.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CCOO
41
3.10. No que se refire aos custos indirectos, na execución do plan intersectorial de 2009 CCOO
vai imputar gastos de persoal propio por importe de 190.000 euros, que representan un
promedio do 49% das nóminas de 32 traballadores durante o período de desenvolvemento do
plan. No plan de 2010 este importe elévase a 290.000 euros e afecta a 52 traballadores cun
promedio de imputación dun 35% durante ese período.
Nos plans sectoriais estes gastos de persoal elévanse a 89.000 euros (32 traballadores) e
109.000 euros (40 traballadores), cunha media de imputación dun 35% no ano 2010. Tendo en
conta a amplitude do encargo realizado a FOREM, que abarca non só a docencia senón todo tipo
de tarefas auxiliares, carece de xustificación que CCOO impute custos de persoal de apoio nesas
elevadas contías.
FOREM imputa gastos de persoal de 140 traballadores por un importe de 733.000 euros (plans
de 2009) e de 77 traballadores por un importe de 634.000 euros (plans de 2010). Como se verá
nas accións formativas analizadas, habida conta de que gran parte desta formación vai
subcontratarse con terceiras empresas, existe o risco de que o prezo das accións formativas estea
sobrevalorado pola imputación destes custos indirectos das dúas primeiras entidades.
3.11. No conxunto dos plans existe unha disparidade importante do custo/hora/alumno, que
oscila entre 5 euros e 16,8 euros (plan de 2009) ou 5 euros e 17,13 euros (plan de 2010). Un
10% (2009) e un 23% (2010) dos cursos superan o módulo máximo de 12 euros/hora/alumno
previsto para os presenciais, o que pon de manifesto que a Dirección Xeral de Formación e
Colocación autorizou de forma xeneralizada, en contra do carácter excepcional previsto na Orde
da convocatoria, a superación do módulo establecido nesas convocatorias.
3.123. O 26 de xullo de 2010 certifícase a finalización das accións formativas nos plans
intersectorial e sectorial de 2009; nos dous plans, só unha das accións formativas aprobadas non
se realiza. O 6 de xullo de 2011 certifícase a finalización das accións formativas nos plans
intersectorial e sectorial de 2010; nestes plans realízanse todas as accións formativas aprobadas.
3.13. En xeral, os gastos xustifícanse ante a Dirección Xeral de Formación e Colocación cunha
factura global de FOREM sen o desglose suficiente para determinar os conceptos imputados. Sen
3 Parágrafo modificado como consecuencia das alegacións.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CCOO
42
embargo, como soporte desta factura, a fundación puxo á nosa disposición distintos
comprobantes de provedores ou nóminas da propia entidade que serven para acreditar a
realidade e cuantificación deses custos.
En calquera caso, o feito de que un mesmo comprobante4 se impute fraccionadamente a unha
pluralidade de accións formativas distintas, á marxe dos mecanismos de control interno da
beneficiaria, non permite comprobar que as porcentaxes globalmente imputadas non exceden do
total daquela factura.
Comprobouse, non obstante, que tanto a entidade beneficiaria como FOREM levan mediante un
programa informático un completo estudo de imputación de custos que lles posibilita o adecuado
control da totalidade dos imputados a cada comprobante.
Xustificación do gasto nos cursos seleccionados
3.14. Na totalidade das accións formativas seleccionadas (seis) o importe de gasto que a
Administración dá como xustificado coincide co da axuda concedida. En todos os casos a
xustificación do gasto está acompañada, tal e como esixe a normativa das axudas, pola
acreditación de ter realizado o pagamento dentro do prazo de xustificación por parte do
beneficiario (CCOO) á entidade colaboradora (FOREM).
Sen embargo, tanto no plan de 2009 como no de 2010 puido constatarse que existen
pagamentos da entidade FOREM a terceiros provedores realizados con posterioridade á data da
certificación final de cada un dos plans (55.867 euros e 128,87 euros nas accións formativas dos
respectivos plans), o que ao noso entender constitúe unha salvidade na correcta xustificación.
3.15. En cinco5 dos seis cursos examinados as accións formativas subcontrátanse por FOREM a
distintas empresas de formación, segundo se detalla no cadro seguinte:
4 Término modificado como consecuencia das alegacións.
5 Parágrafo modificado como consecuencia das alegacións.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CCOO
43
Cadro 10: Custos accións formativas analizadas CCOO. (Euros)
Curso Provedores
Custos directos facturados por FOREM
C.D.
CCOO
C. indirectos
Prezo
final Impart. Coord. Equipo Material Aulas Seguros Contr. Publ. Forem CCOO
Exp. E-learning 2.0 Total AF 49.248 11.911 303 26.818 5.955 1.053 17.866 5.956 119.110
2009/355 Gescursos on line S.L. 45.312 23.686
Teleformación Persoal FOREM 3.936 11.911 5.955
Formación non R. S.L. 303
Outros 3.132 1.053
Buceador Total AF 2.085 1.580 4.958 2.253 722 144 108 790 474 2.686 15.800
2009/360 Buceo Galicia S.L. 1.560 3.200 1.566 324
Persoal FOREM 525 790
Formación non R. S.L. 1.580 24
Outros (Ceninteser S.L.) 1.734 987 398 144 108
Cap T. mercadorías Total AF 77.562 44.204 18.138 21.420 903 11.005 2.848 37.416 6.604 220.100
2009/363 Autoesc. Alonso 5.460 3.600 2.060 2.380
GRUPO 3 Persoal FOREM 675 2.662 1.331
Outros (Ceninteser S.L.) 2.282
Outros 381 316
Carretilleiro Total AF 24.263 12.380 19.889 9.391 8.473 2.091 2.310 3.782 3.041 14.255 7.152 107.027
2010/497
GRUPO 3 CEFOVIAL FORM S.L. 1.170 700 255
Persoal FOREM 187 577 289
Formación non R. S.L. 425
Outros 624 85 114
Cap. T. mercadorías Total AF 5.835 2.698 3.790 2.064 2.380 99 1.125 2.258 2.240 22.489
2010/1538 Autoescola Alonso 5.460 2.590 1.270 2.380
Persoal FOREM 2.698
CIS integral serv. S.L. SLSinteser SL)
1.081
Formación non R. S.L. 630
Elluminate+xogo limpo Total AF 5.100 1.079 56 168 306 450 42 990 1.127 9.318
2010/2333
Fonte: Elaboración propia
3.16. Como se advirte do cadro, FOREM vén subcontratando a impartición desas accións
formativas con determinadas empresas de formación, incluíndo os servizos de docencia, aluguer
de aulas, equipos e material didáctico, cerrando coas mesmas un prezo global que se ve
incrementado posteriormente coa imputación de facturacións de distintos provedores polos
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CCOO
44
mesmos conceptos cuxa necesidade e racionalidade non podemos valorar, pero que supoñen
incrementos de custo significativos para a actividade formativa.
• Dentro dos cursos examinados destaca o prezo de impartición e duración do curso Experto en
E-learning 2.0: educación por internet e formación en liña que, aínda sendo na modalidade de
teleformación, elévase a 92 euros/hora, e que presenta unha duración excepcional de 519 horas
(o límite xeral é de 270 horas por curso).
A xustificación aducida é que “a formación corre a cargo dos principais expertos nacionais e
renombrados especialistas norteamericanos. Os contidos específicos, a metodoloxía 2.0
empregada e os 50 créditos ECTS equivalen, en tempo e dedicación, a un curso académico”.
• Tamén destaca polo elevado custo da docencia o curso Elluminate+xogo limpo, no que se
aboa un prezo de 128 euros/hora, xustificando a excepcionalidade do módulo (de 18 euros
hora/alumno na parte presencial) en que “o relator é un experto mundial que se traslada desde
Arxentina”.
• Ningún dos cursos anteriores conta co certificado de profesionalidade. Ambos teñen a
peculiaridade de que están dirixidos ao persoal da propia FOREM polo que, como consecuencia
da mecánica seguida nestes cursos, varios traballadores da fundación figuran ao mesmo tempo
como alumnos e como docentes, asumindo as funcións de titoría e o control de calidade da AF,
imputando polo tanto as nóminas deste persoal como custos por eses conceptos.
• O curso Cap. de transporte de mercadorías do plan de 2009 tivo segundo a factura de FOREM
un prezo de impartición de 128 euros/hora, mentres que para o mesmo curso no plan sectorial
de 2010 este prezo foi de 38,9 euros/hora.
3.17. Dentro dos custos directos, FOREM asume, ademais da impartición (de ser o caso), a
preparación e titorías das accións formativas, así como os gastos de control de calidade. Os
gastos imputados polas retribucións deste persoal propio non aparecen desagregados por horas
dedicadas a cada acción formativa, aos efectos de acreditar a correcta imputación.
3.18. Os gastos indirectos nos cursos examinados están sempre ao límite do 20% dos custos da
actividade formativa, imputando este tipo de custos tanto CCOO como FOREM, nunha
porcentaxe distinta en cada curso. En xeral, os gastos indirectos, nos que a diferenza doutras
entidades non son maioritariamente de persoal de apoio senón outros gastos correntes, nun
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CCOO
45
importe relevante non se corresponden co período de impartición de cada curso en particular,
senón co período de vixencia da totalidade do plan formativo.
Para os gastos de persoal de apoio non se segue un criterio razoable de imputación durante o
período de realización dos cursos (como exemplo, no curso Experto en E-learning 2.0 impútanse
5.900 euros no mes de xaneiro e 6.020 euros polos restantes cinco meses). Destaca tamén a
existencia de nóminas de persoal directivo que supera os catro mil euros que, aínda imputadas
en cada curso nunha pequena porcentaxe, acaban financiándose con cargo ao conxunto dos
cursos de formación nunha parte relevante; nóminas de traballadores que xa foron imputadas
parcialmente como gastos directos de docencia; facturas de material xa imputadas parcialmente
como gastos directos; e gastos de administración e asesoramento sen que se acredite que están
directamente relacionados e son indispensables para a adecuada execución das accións
formativas, tal e como esixe o artigo 21 (penúltimo apartado) da Orde da convocatoria, polo que
non son elixibles.
Tampouco parece axeitada a práctica xeneralizada desta entidade de imputar como custos
indirectos determinados gastos de material de oficina ou equipos que tiñan unha canle de
imputación dentro dos custos directos presentados tanto polo centro de impartición como por
outros provedores.
3.19. O custo do control de calidade realizado tanto polo persoal da FOREM como de CCOO
impútase polo importe límite do 5% do custo total das AF, independentemente da
razonabilidade do custo real do traballo, que se limita unicamente a un tratamento das enquisas
realizadas aos alumnos participantes.
3.20. Nos cursos analizados, a subcontratación de servizos e o aluguer de equipamentos para
aulas realízase sen que conste unha previa concorrencia de ofertas nin a autorización do órgano
de concesión. Segundo FOREM, só hai contrato cando se trata de entidades vinculadas ou cando,
sen ser vinculadas, se contrata o aluguer de aulas ou a docencia. Non hai contrato cando se trata
de compra de material didáctico ou aluguer de equipos, salvo que formen parte dun contrato que
inclúa tamén a docencia.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CCOO
46
3.21. En ningún dos cursos examinados existen partes asinados polos alumnos que acrediten a
súa participación, aínda que consta partes asinados polos profesores.
3.22. Tampouco existe comprobación in situ pola Administración da realización dos cursos.
III.3.4. Conclusións
• A análise operativa viuse condicionada pola inexistencia de obxectivos concretos a obter con
estes plans de formación, así como de indicadores que permitan cuantificar os logros obtidos e a
avaliación posterior dos mesmos.
• Un 21% das accións formativas aprobadas no plan intersectorial tamén son realizadas nos
distintos plans sectoriais presentados polas diferentes federacións de CCOO.
• Os convenios para a xestión dos plans celebrados entre CCOO e FOREM non contan coa
autorización do órgano concedente da axuda.
• Na programación do exercicio 2010, un 23% dos cursos presenciais superan o módulo máximo
de 12 euros/hora/alumno previsto. O custo medio dos cursos sitúase en 10,79
euros/hora/alumno inicial (12,2 euros por alumno final), cunha taxa de abandono do 10,69%.
• A amplitude do encargo realizado a FOREM, que abarca non só a docencia senón todo tipo de
tarefas auxiliares, fai pensar que o importe imputado por CCOO en concepto de custos indirectos
(o 49% dos custos de persoal de 32 traballadores e o 35% de 52 traballadores durante a
vixencia dos respectivos plans) estase realizando en contía superior ao peso da actividade que
asume.
• En determinados cursos, FOREM vai subcontratar con centros de formación (persoas xurídicas)
os servizos integrais de impartición, aulas, equipos e material, o que constituiría unha segunda
subcontratación que non ten cobertura normativa.
• A diferenza entre o prezo destas últimas subcontratas (prezos de mercado) e o custo final
derivado da sucesiva imputación de distintos conceptos, algúns reiterados (materiais didácticos
de distintos provedores, equipos, custos indirectos), así como dos custos indirectos das dúas
primeiras entidades, supón un incremento significativo de custos das accións formativas.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CCOO
47
• Sen prexuízo do pagamento dentro do prazo de xustificación por parte do beneficiario (CCOO)
á entidade colaboradora (FOREM), nas AF examinadas constatouse que ao menos 55.867 euros
e 128 euros nos respectivos plans non foron aboados nese prazo por esta última entidade
(FOREM) a terceiros provedores.
• En varios dos cursos examinados destaca o elevado prezo da docencia (ata 128 euros/hora).
Aínda que foi de forma excepcional, non resulta xustificable que varios traballadores da
fundación figuren en dous dos cursos examinados ao mesmo tempo como alumnos e como
docentes, asumindo as funcións de titoría e o control de calidade da AF, e imputando polo tanto
as nóminas deste persoal como custos deses conceptos.
• Destaca a elevada porcentaxe de imputación de gastos indirectos, sempre ao límite do máximo
do 20%, coas seguintes incidencias: impútanse nóminas de persoal directivo de FOREM, que
superan os catro mil euros; nóminas de traballadores que xa foron imputadas parcialmente como
gastos directos de docencia; facturas de material xa imputadas parcialmente como gastos
directos; e gastos de administración, asesoramento ou auditorías non elixibles por non gardar
relación coa actividade formativa.
• En ningún dos expedientes analizados existen partes asinados polos alumnos que acrediten a
súa asistencia aos cursos e permitan verificar nunha fiscalización a posteriori tanto a evidencia da
súa realización como o número dos que finalizaron a actividade formativa, aos efectos de
comprobar se as liquidacións aprobadas pola Consellería son correctas (toda vez que as
liquidacións dependen dese número). Constan, non obstante, partes asinados polos docentes.6
6 Parágrafo modificado como consecuencia das alegacións.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CIG
48
III.4. Confederación Intersindical Galega (CIG)
III.4.1. Descrición da entidade
1.1. A Confederación Intersindical Galega (CIG) é unha organización sindical da Comunidade
Autónoma de Galicia con personalidade xurídica propia e plena capacidade de obrar, con ámbito
territorial na Comunidade Autónoma, que integra asalariados de todos os sectores da produción,
servizos e administración.
III.4.2. Plans de formación obxecto de subvención
2.1. O beneficiario presentou solicitudes de axudas para o financiamento de plans de formación
intersectoriais e sectoriais correspondentes ás convocatorias de 2009 (execución no 2010) e
2010 (execución no 2011). O financiamento concedido, xustificado e aboado presenta o seguinte
detalle:
Cadro 11: Datos financiamento plans de formación CIG. (Euros)
Plan Concedido Xustificado Anticipo Liquidación
PF INT 2009/1 2.145.416,00 2.108.112,00 1.716.500,80 391.611,20
PF INT 2010/5 2.496.201,50 2.474.293,50 1.997.062,00 477.231,00
P SECT. 2009/195 462.406,25 436.114,25 370.233,00 65.881,25
P SECT. 2010/06* 441.256,00 437.496,00 353.060,00 84.435,00
* Só sector téxtil, vidro, cerámica, artesanía ....
Fonte: Elaboración propia
2.2. A xestión destes plans realízase por dúas fundacións promovidas por iniciativa da CIG: a
Fundación para a Orientación Profesional, a Investigación e o Desenvolvemento Tecnolóxico, o
Emprego e Formación en Galiza (en adiante FORGA); e pola Fundación para o estudo e
divulgación da cuestión social e sindical en Galiza (en adiante FESGA).
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CIG
49
III.4.3. Limitación ao alcance
2.3. Seguindo a sistemática da fiscalización de anteriores beneficiarios, solicitouse da FORGA
que, como entidade subcontratista da CIG, aportara, como xustificantes de gasto de
determinadas AF seleccionadas, ademais da factura que emite á CIG, aqueles comprobantes ou
documentos que deran soporte a esa factura e que posibiliten a cuantificación e a comprobación
da realidade do gasto acreditado na mesma.
A FORGA entregou unicamente os documentos relativos ao gasto vinculado directa e
exclusivamente ao servizo docente contratado coa CIG, entendendo que como entidade
subcontratista (non beneficiaria) o seu deber de colaboración non comprendía xustificar os
gastos “con vinculación compartida con outras actividades non derivadas do subcontrato coa
CIG, e polo tanto non exclusivas do mesmo, limitándose respecto deses gastos a explicar os
criterios de distribución e atribución ao subcontrato pactado coa CIG”.
Polo tanto, non puidemos verificar os seguintes aspectos:
a) Que os gastos de aluguer e adquisición de material, entre outros, están soportados nun
contrato e nunha factura dun terceiro provedor que permitan verificar a realidade do gasto e da
contía imputada.
b) Que os gastos indirectos están soportados nun gasto real acreditado a través dunha nómina
(cando se refire a persoal de apoio) ou noutro instrumento adecuado (para os restantes gastos)
como recibos de luz, auga, teléfono, etc., así como a relación destes gastos cos cursos aos que se
imputan.
c) Os pagamentos da entidade FORGA a terceiros provedores dentro do período de execución
dos plans formativos.
d) Que a entidade beneficiaria dispoña dun aplicativo (programa informático) que asegure o
adecuado control da totalidade dos custos imputados a través de cada comprobante de gasto.
Como se vén indicando nos anteriores informes, o feito de que unha mesma factura se impute a
unha pluralidade de accións formativas distintas ten o risco de que as porcentaxes globalmente
imputadas poidan exceder do importe daquela.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CIG
50
III.4.4. Resultados do traballo
Análise operativo
3.1. Como documentación relativa á planificación da actividade formativa, a CIG aportou unha
análise do sistema de preprogramación sindical, planificación da execución e xestión da
formación. Nesa documentación non queda constancia, non obstante, da existencia de
obxectivos concretos a obter con estes plans de formación. En consecuencia, tampouco constan
indicadores que permitan cuantificar os logros obtidos, nin realizar unha avaliación posterior dos
mesmos.
3.2. Só un 75% (plan intersectorial) e un 55% (plan sectorial) das AF solicitadas nos plans de
2009 foron aprobadas polo órgano concedente. Nos plans do ano 2010 estas porcentaxes foron
do 82% e 47%. Ningunha das accións excluídas de financiamento foi realizada.
Un 25% das accións formativas aprobadas no plan intersectorial de 2010 tamén son realizadas
nos plans sectoriais dese exercicio presentados pola CIG.
3.3. Doce accións formativas do exercicio 2010, que representan o 5,8% das totais, concentran
o 27,15% do orzamento e o 24,14% dos alumnos. Como AF singulares, máis propias do ámbito
do interese particular que do ámbito da formación profesional ou ocupacional, destacamos as
seguintes: Iniciación cata de viño, Técnicas de fotografía, Técnicas de estrés, ou Inglés para
viaxar.
3.4. Non consta que o beneficiario realice un seguimento dos cursos que permita unha
avaliación dos resultados derivados da formación impartida sobre a situación profesional dos
alumnos asistentes (en canto a melloras salariais, estabilidade no emprego...). Existe unha
memoria do sistema de avaliación e control da calidade da formación por cada acción formativa
e un informe cuantitativo de avaliación da calidade a través de enquisas cos alumnos
participantes.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CIG
51
3.5. Nos distintos cursos de formación dos plans sectoriais e intersectoriais de 2010 participaron
5.272 alumnos diferentes, dos cales 1.039 deles desenvolven máis dunha acción formativa
dentro destes plans, constatándose 54 alumnos con catro cursos, 6 alumnos con cinco cursos, e
dous alumnos con seis cursos.
Análise de cumprimento
3.6. O beneficiario cumpre cos requisitos necesarios para acceder ás axudas analizadas. A
solicitude preséntase en modelo normalizado acompañada de toda a documentación xustificativa
esixida na convocatoria.
3.7. O beneficiario subcontrata coas entidades FORGA e FESGA a totalidade das accións
formativas dos distintos plans de formación.
A estes efectos, existe un contrato formalizado por escrito entre a CIG e cada unha daquelas
entidades no que se establece un prezo máximo por eses servizos que alcanza o 100% da contía
da axuda aprobada.
Excepto no caso da subcontratación do plan intersectorial 2009/185, en tódalas demais
contratacións coa FORGA e FESGA existe autorización do órgano concedente da axuda, se ben
sen respectar o carácter previo da mesma esixido polo artigo 26 da Lei de subvencións de
Galicia.
Como se pon de manifesto nos apartados seguintes, en determinadas accións formativas FORGA
vai subcontratar, á súa vez, a impartición da formación con outros centros (persoas xurídicas), o
que constituiría unha segunda subcontratación que non ten cobertura normativa.
3.8. A entidade certifica a realización e finalización da totalidade das accións formativas
aprobadas nos diferentes plans. Excepto no plan intersectorial de 2009, no que a xustificación
alcanzou o 98,2% do orzamento aprobado, nos restantes plans o gasto xustificado alcanza
exactamente o importe total das axudas aprobadas inicialmente.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CIG
52
3.9. Un 28% dos cursos nos plans de 2009 e un 42% nos plans de 2010 superan o módulo
máximo de 12 euros/hora/alumno previsto para os presenciais, o que pon de manifesto que a
Dirección Xeral de Formación e Colocación autorizou de forma xeneralizada, en contra do
carácter excepcional previsto na Orde da convocatoria, a superación do módulo establecido
nesas convocatorias.
3.10. O custo de cada acción formativa dos plans de 2009 xustifícase mediante unha factura
individual na que se desagrega a distinta tipoloxía dos gastos presentados (docencia, material,
asociados, avaliación da calidade, etc.) pero sen máis documentación adicional que acredite a
realidade dos incorridos pola subcontratista (nóminas que xustifiquen os custos indirectos,
facturas de provedores de material...), cuxa responsabilidade corresponde ao xestor. Respecto
das accións formativas dos plans de 2010, o nivel de desagregación só se mantivo nos servizos
docentes.
Xustificación do gasto nos cursos seleccionados
3.11. Nos termos aducidos nos parágrafos anteriores, realizouse unha análise sobre a
xustificación dos gastos de docencia correspondentes ás seguintes accións formativas
seleccionadas:
Sen prexuízo de que a facturación e os pagamentos a FORGA están dentro dos prazos de
xustificación, puido constatarse que existen pagamentos da entidade FORGA a un terceiro
provedor (S21 Consultora de Formación S.L.) realizados con posterioridade á data de certificación
final de cada un dos plans (o pago do último prazo da factura das AFs 2009 realizouse o
2.12.2010 e da factura das AFs 2010 o 2.03.2012), o que ao noso entender constitúe unha
salvidade na correcta xustificación.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CIG
53
Cadro 12: Custos accións formativas analizadas CIG. (Euros)
Curso Provedor
Custos directos facturados por FORGA C. indirectos
Prezo final Impart. Coord. Equipos Material Aulas Seguros Control Public. FORGA CIG
Informática usuario FORGA 34.346 850 23.345 22.347 6.410 417 1.122 920 22.440 0 112.200
2009/119 - 17 grupos Persoal FORGA 26.971
258 al - 935h Ac. GOSUB S.L. 2.630
Presencial Autónomos 1.989
Técnicas fotografía FORGA 1.920 72 2.116 2.387 832 35 94 77 1.884 0 9.420
2009/283 - 1 grupo Persoal FORGA 1.875
15 al - 55h
Presencial
Formador teleformadores7 FORGA 316 259 5.743 0 31.590
2009/5435 - 2 grupos Siglo 21 S.L. 25.272
16 al - 520h
Teleformación
Técnicas estrés FORGA 8.564 319 11.027 10.647 2.119 160 420 344 8.400 0 42.000
2009/4016 - 7 grupos Persoal FORGA 6.490
97 al - 245h
Presencial
Permiso clase B FORGA 18.002 43 193 103 4.457 0 22.800
2010/3005 - 1 grupo Persoal FORGA 373
14 al - 130h A. Olívica S.A. 10.800
Presencial
Inglés para viaxar FORGA 10.530 112 59 2.461 0 13.162
2010/3137 - 3 grupos Siglo 21 S.L. 10.530
27 al - 195h
Teleformación
Cata de viños galegos FORGA 13.217 32 142 75 3.272 0 16.740
2010/3395 - 9 grupos Persoal FORGA 2.533
142 al - 108h Asoc. G. Viticult. 11.700
Presencial
Retoques imaxes photoshop FORGA 3.510 37 20 820 0 4.387
2010/3408 - 2 grupos Siglo 21 S.L. 3.510
12 al - 130h
Teleformación
Fotografía dixital FORGA 7.020 74 39 1.640 0 8.775
2010/ 34588 - 3 grupos Siglo 21 S.L. 7.020
20 al - 195h
Teleformación
7Importes modificados como consecuencia das alegacións
8 Referencia modificada como consecuencia das alegacións
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CIG
54
• Na acción formativa Informática de usuario, os distintos cursos realízanse con persoal laboral
contratado pola FORGA. Da información dispoñible consta que algúns destes cursos, aos que se
imputan custos de aluguer de aulas, estanse realizando en locais da CIG, aínda que pola
limitación da documentación dispoñible non foi posible acceder ás facturas de aluguer imputadas
a este curso por este concepto.
▪ O curso Informática de usuario celebrado en Vigo impártese, segundo a información
técnica facilitada pola Consellería, nos locais que ocupa a FORGA na Av. Aeroporto 92 de
Vigo. Ao respecto, consta na documentación dispoñible un contrato de aluguer da CIG a
FORGA de instalacións que responden á mesma dirección vixente nas datas da realización
deste curso. En accións formativas similares impartidas na liña de desempregados nos
mesmos locais aparece como gasto a facturación de aluguer presentada pola CIG.
Ao igual que neste caso, en distintos cursos celebrados, segundo a información técnica
facilitada pola Consellería, nesas mesmas instalacións da Av. Aeroporto 92 de Vigo puido
constatarse que a factura de FORGA inclúe “gastos de alugueiro e amortización de aulas
de locais para accións formativas”. Como exemplos: AF 2029/442-1 Tratamento de datos
con SPSS (300 euros de aluguer); AF 2009/394-1 Cociña creativa (1.006 euros); AF
2009/446-1 Inglés atención ao público (476 euros); AF 2009/485-1 Portugués (476 euros
de aluguer).
A diferenza do que sucede nas axudas a desempregados (nas que a beneficiaria é a
FORGA e nas que tamén consta a facturación da CIG polo aluguer destas mesmas
instalacións e a imputación aos cursos deste concepto), nestas axudas de ocupados (nas
que a beneficiaria é a CIG) os referidos custos por aluguer de locais, de confirmarse que
son propios da beneficiaria, serían gastos de natureza non financiable. Tampouco
procedería imputar gastos de amortización por non tratarse de locais propios da FORGA9.
Solicitouse da FORGA todos os custos de aluguer facturados pola CIG imputados aos plans
de formación de ocupados de 2009 e 2010, sen que esta información fora facilitada.
▪ No curso impartido na localidade do Barco de Valdeorras subcontrátase a actividade
formativa coa ACADEMIA GOSUB S.L., incluíndo a docencia, aulas e equipos para a
impartición do curso.
9 Parágrafo modificado como consecuencia das alegacións.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CIG
55
• A acción formativa Técnicas de fotografía (un só curso) realízase con persoal laboral contratado
pola FORGA en locais da propia entidade en Pontevedra. Da documentación dispoñible consta a
imputación de custos de aluguer de aulas (segundo factura emitida pola FORGA) por importe de
882 euros, o que non sería coherente con que a FORGA fose titular das mesmas, salvo que se
tratase de amortizacións, pero non foi posible acceder á documentación necesaria para coñecer
os detalles desta imputación.
• O curso Permiso de conducir clase B subcontrátase coa entidade AUTOESCOLA OLÍVICA S.L.
Segundo o contrato, do 18.12.2010, os servizos inclúen instalacións, medios técnicos e
docentes, equipamentos e materiais precisos para a impartición por un importe de 10.800 euros.
A factura da empresa por ese importe, xunto con outros gastos (238 euros) en concepto de
impartición do módulo de igualdade, elevan o gasto xustificado a 11.038 euros. Sen embargo,
FORGA presenta custos de impartición por 18.001 euros, sen que conste documentación
xustificativa da diferenza con aquel importe.
• Os cursos Formador de teleformadores (do plan de 2009), e Inglés para viaxar, Retoques
imaxes e Fotografía dixital (do plan de 2010) subcontrátanse pola FORGA coa empresa SIGLO
XXI CONSULTORES DE FORMACIÓN S.L. Con esta empresa consta un contrato formalizado en
cada un dos exercicios para distintos cursos por importe de 652.617 euros e 615.276 euros,
respectivamente, sen acreditar a petición de autorización para esta subcontratación, aínda que
consta a petición de distintas ofertas con carácter previo á mesma.
• Os custos indirectos nos cursos examinados oscilan entre o 18% e o 20% dos custos da
actividade formativa, imputando este tipo de custos só a entidade subcontratista (FORGA).
• Os gastos de control de calidade nos cursos examinados representan en todos eles o 1% dos
custos da actividade formativa.
3.12. Sobre os restantes conceptos de gastos imputados ás distintas accións formativas, non
puideron realizarse os traballos de comprobación que se viñeron realizando nas restantes
entidades subcontratistas, ao entender FORGA que non estaba obrigada a aportar a
documentación xustificativa por ser unha entidade subcontratista, e polo tanto non beneficiaria
das axudas.
Segundo FORGA, para estes gastos realízase unha estimación da cantidade a facturar por
alumno en función do tipo de acción formativa, da súa duración e do número de persoas que
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CIG
56
participan na mesma. Esta estimación calcúlase en proporción ao gasto que soporta a entidade
por cada un dos conceptos: medios didácticos, equipos, control....
A CIG, á que se trasladaron as distintas peticións de documentación dirixidas á FORGA,
entendeu que a factura presentada pola FORGA co desglose dos distintos conceptos era
documentación suficiente para cumprir coas esixencias de xustificación impostas pola normativa
reguladora das axudas.
3.13. En ningún dos cursos examinados existen partes asinados polos alumnos que acrediten a
súa participación.
3.14. Tampouco existe comprobación in situ pola Administración da realización dos cursos.
III.4.5. Conclusións
• A análise operativa viuse condicionada pola inexistencia de obxectivos concretos a obter con
estes plans de formación, así como de indicadores que permitan cuantificar os logros obtidos e a
avaliación posterior dos mesmos.
• Como xustificantes do gasto das accións formativas seleccionadas, este Consello de Contas
dispuxo das facturas que a FORGA emite á CIG, así como doutros xustificantes relativos ao gasto
vinculado directa e exclusivamente ao servizo de docencia contratado coa CIG, pero non dos
comprobantes con vinculación compartida con outras actividades que soportan a factura da
FORGA (material didáctico, o alugueiro de instalacións e equipamentos, e os gastos asociados
de persoal de apoio e subministracións) dos que só se informou sobre os criterios de reparto, ao
entender a FORGA (e tamén a CIG) que, como entidade subcontratista, non estaba obrigada a
aportar esa documentación xustificativa dos mesmos.10
• Os contratos para a xestión dos plans celebrados por GIG coa FORGA e FESGA contan coa
autorización do órgano concedente da axuda, se ben sen respectar o carácter previo da mesma.
10
Parágrafo modificado como consecuencia das alegacións.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CIG
57
• Na programación dos dous exercicios, un 28% e 42% dos cursos presenciais superan o
módulo máximo de 12 euros/hora/alumno previsto. O custo medio dos cursos sitúase en 10,88
euros/hora/alumno inicial (11,87 euros para alumno final), cunha taxa de abandono do 6,51%.
• En determinadas accións formativas FORGA vai contratar con persoas xurídicas os servizos
integrais de impartición, aulas, equipos e material con centros de formación, o que constituiría
unha segunda subcontratación que non ten cobertura normativa.
• As limitacións no acceso á documentación xustificativa dos custos de aluguer/amortizacións de
aulas non permitiu valorar que tódolos gastos presentados por estes conceptos teñan a natureza
de financiables. Determinados indicios apuntaron á realización de cursos en aulas propiedade da
beneficiaria das axudas (CIG) respecto dos que non procedería imputar custos de aluguer nin
tampouco que a FORGA facturara custos de amortización á CIG11.
• Os gastos indirectos nos cursos examinados oscilan entre o 18% e o 20% dos custos da
actividade formativa, imputando este tipo de custos só a entidade subcontratista (FORGA).
• En ningún dos expedientes analizados existen partes asinados polos alumnos que acrediten a
súa asistencia aos cursos e permitan verificar nunha fiscalización a posteriori tanto a evidencia da
súa realización como o número dos que finalizaron a actividade formativa, aos efectos de
comprobar se as liquidacións aprobadas pola Consellería son correctas (toda vez que as
liquidacións dependen dese número). Constan, non obstante, partes asinados polos docentes12.
11
Parágrafo modificado como consecuencia das alegacións 12
Parágrafo modificado como consecuencia das alegacións
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEL
58
III.5. Confederación de Empresarios de Lugo (CEL)
III.5.1. Descrición da entidade
1.1. A Confederación de Empresarios de Lugo (CEL) é unha organización empresarial, de ámbito
provincial e intersectorial, de afiliación voluntaria e sen ánimo de lucro, que ten como obxecto
fundamental a coordinación, xestión, fomento e defensa dos intereses de carácter empresarial
nese ámbito territorial.
III.5.2. Plans de formación obxecto de subvención
2.1. O beneficiario presentou solicitudes de axudas para o financiamento de plans de formación
intersectoriais correspondentes ás convocatorias de 2009 (execución no 2010) e 2010 (execución
no 2011).
Cadro 13 : Datos básicos plans de formación CEL. (Euros)
Plan Data
solicitude
Data
concesión
Importe
aprobado
Cursos
solicitados
Cursos
aprobados
Alumnos
solicitados
Alumnos
aprobados
Alumnos
finalizan
PF 2009/14 30.10.09 15.12.09 1.471.667 59 59 2.982 1.571 1.506
PF 2010/182 13.08.10 03.11.10 1.735.043 56 56 3.326 1.663 1.609
Fonte: Elaboración propia
2.2. O financiamento solicitado, concedido, xustificado e aboado é o seguinte:
Cadro 14 : Datos financiamento plans de formación CEL. (Euros)
Plan Solicitado Concedido Xustificado Anticipo Liquidación
PF 2009/14 2.824.533 1.471.667 1.471.667 1.177.333 294.333
PF 2010/182 3.470.087 1.735.043 1.735.043 1.388.035 347.008
Fonte: Elaboración propia
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEL
59
2.3. A xestión destes plans realízase pola CEL subcontratando a impartición dos cursos con
distintos centros privados, de forma especial coa empresa INGAFOR S.L.
III.5.3. Resultados do traballo
Análise operativo
3.1. Á marxe da memoria presentada na Consellería, a Confederación de Empresarios de Lugo
non puido facilitarnos unha análise que soporte a planificación das accións formativas, na que se
especifiquen uns obxectivos concretos a obter con estes plans de formación. En consecuencia,
tampouco constan indicadores que permitan cuantificar os logros obtidos nin unha avaliación
posterior dos mesmos. É a priorización das accións formativas a subvencionar realizada pola
Consellería a que determina fundamentalmente as que van ser solicitadas pola entidade, para así
asegurar a obtención das axudas.
3.2. O 100% das accións formativas solicitadas foron aprobadas polo órgano concedente. Non
obstante, o importe global solicitado e o número de alumnos aos que afectaban aquelas
reduciuse aproximadamente nun 50%.
3.3. Dentro das AF destacan as relativas ás áreas de administración e organización. En
determinadas accións formativas singulares, como Enoloxía ou Defensa persoal, os participantes
son titulados de ámbitos e sectores profesionais (construción, enerxía, asesorías, informática,..)
que non teñen ningunha vinculación cos sectores nos que se desenvolven estas actividades.
3.4. Á marxe dos controis de calidade, non existen estudos ou informes finais da avaliación dos
resultados obtidos na execución destes plans formativos sobre a situación profesional dos
alumnos asistentes (en aspectos como melloras salariais e estabilidade no emprego).
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEL
60
3.5. No plan de 2009 participan 1.571 alumnos diferentes nos distintos cursos de formación,
dos cales 341 deles desenvolven máis dunha acción formativa, constatándose alumnos con tres
cursos (57 casos), catro cursos (17 alumnos) e cinco cursos (2 alumnos).
En determinados cursos, nos que as solicitudes de alumnos son moi superiores ás prazas
ofertadas, non queda constancia na entidade beneficiaria de que a selección dos alumnos se
teña realizado atendendo ás prioridades do plan de formación e a criterios de igualdade e
obxectividade.
Análise de cumprimento
Aspectos xerais do plan
3.6. O beneficiario cumpre cos requisitos necesarios para acceder ás axudas analizadas. A
solicitude preséntase en modelo normalizado acompañada de toda a documentación xustificativa
esixida na convocatoria.
3.7. A entidade beneficiaria subcontrata con diversas entidades o 100% das accións formativas
dos distintos plans.
Os principais provedores de servizos nos dous plans son Ingafor S.L. (48% e 43% dos respectivos
orzamentos); Soluciones de Formación y Tecnología S.L. (21% e 24%); Esin Consultores S.L.
(1,7% nos dous plans); Método Estudios Consultores S.L. (3,6% e 2,4%); e Academia Postal 3
Vigo S.L. (1,5% e 1,3%).
No plan 2010/182 contratáronse a Ingafor S.L. 31 accións formativas das 56 aprobadas,
estipulando como prezo da xestión o 80% do importe do financiamento concedido para estas e
reservándose a CEL o restante 20% en concepto de tarefas de coordinación e xestión (cláusula
sétima do contrato). Os traballos encargados á empresa contratista abarcan desde a selección de
alumnos, subministración de medios, equipos, aulas e impartición, ata a asistencia na fase de
liquidación provisional do plan.
En xeral, constan autorizacións do órgano de concesión (Dirección Xeral de Formación e
Colocación) para estas subcontratacións, aínda que sen o carácter previo á sinatura dos
contratos, tal e como esixe o artigo 23.5 da Orde da convocatoria.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEL
61
3.8. No que se refire aos custos indirectos, no conxunto das accións formativas a CEL vai imputar
gastos de persoal propio por importe de 196.000 euros e 225.000 euros nos respectivos plans,
que representan un promedio dun 73% e 75% dos custos de persoal de 19 e 15 traballadores.
Ata sete e seis traballadores distintos presentan porcentaxes de imputación da súa nómina do
100% durante cinco e nove meses, respectivamente, nos dous plans. Tendo en conta a
amplitude do encargo realizado a INGAFOR S.L. e a outras entidades, que abarca non só a
docencia senón todo tipo de tarefas auxiliares xa citadas, carece de xustificación que a
beneficiaria impute custos de persoal de apoio nesas elevadas contías.
3.9. Nas programacións dos anos 2009 e 2010 existe unha disparidade importante do custo
hora/alumno, que oscila entre 5 euros e 14,63 euros. En dous cursos presenciais de ámbolos
dous plans supérase, sen xustificación adecuada, o módulo máximo de 12 euros/hora/alumno
previsto para estes cursos. O custo medio dos cursos sitúase en 8,14 euros/hora/alumno inicial
(8,54 euros para alumno final), cunha taxa de abandono do 3,24%.
3.10. A entidade certifica a realización e finalización da totalidade das accións formativas
aprobadas nos dous plans con datas 23 de xullo de 2010 e 7 de xullo de 2011.
Os importes totais do gasto xustificado non alcanzan exactamente o importe das axudas
concedidas, detectándose lixeiras diferenzas de 1.071 euros e 1.522 euros.
Segundo a información que figura nos distintos rexistros informáticos facilitados pola Dirección
Xeral de Formación e Colocación, o número de alumnos finais que rematan os cursos foi inferior
nun 3,2% ao que figura na resolución de aprobación. O detalle por cada acción formativa mostra
que os alumnos finais son inferiores aos aprobados en 28 accións e que en 12 AF son superiores.
3.11. En xeral, os gastos –fundamentalmente os indirectos, pero tamén algúns directos–
xustifícanse nunha porcentaxe da contía das distintas facturas ou nóminas que tamén serven
para xustificar o custo doutros cursos. O feito de que unha mesma factura se impute
fraccionadamente a unha pluralidade de accións formativas distintas, á marxe dos mecanismos
de control interno da beneficiaria, non permite comprobar que as porcentaxes globalmente
imputadas non exceden do total daquela. Comprobouse, non obstante, que a entidade
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEL
62
beneficiaria leva mediante un programa informático un completo estudo de imputación de custos
que lle permite o adecuado control da totalidade dos imputados a cada comprobante.
3.12. A entidade puido facilitarnos rexistros contables diferenciados na súa contabilidade que
permitan identificar todos os gastos e ingresos derivados da execución das accións formativas
destes plans13.
Xustificación do gasto nos cursos seleccionados
3.13. Na totalidade das accións formativas seleccionadas (seis), o importe de gasto que a
Administración considera como xustificado coincide coa axuda concedida. En todos os casos a
xustificación do gasto está acompañada, tal e como esixe a normativa das axudas, da
acreditación de ter realizado o pagamento dentro do prazo de xustificación por parte do
beneficiario aos subcontratistas.
Os cursos seleccionados presentan as características e descrición de gasto que figuran no cadro
seguinte:
13
Parágrafo modificado como consecuencia das alegacións.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEL
63
Cadro 15: Custos accións formativas analizadas CEL. (Euros)
Curso Provedor
Custos directos facturados por subcontratista
Custos
indirectos
Prezo final Impart. Coord. Equipos Material Aulas Seguros Control Public. CEL
AF2009/1281 INGAFOR S.L. 51.223 10.000 1.225 4.556 5.895 15.969 91.125
Espec. direc. márketing
de
Vilela Inversiones 2.172
46 al – 270 h Outros 84
AF2009/1278
INGAFOR S.L. 32.526 10.000 780 3.206 4.056 11.944 64.125
Técnico calidade segurid. alim. Vilela Inversiones 1.528
55 al – 190 h Outros 84
AF2010/3242 INGAFOR S.L. 42.033 10.348 1.225 4.010 6.536 13.794 80.190
Espec. direcc. márketing II Vilela Inversiones 2.038
44 al - 270h
Outros 206
AF2010/3752 SFT S.L. 6.420 1.618 1.157 125 380 2.086 12.125
Cata e corte de xamón Vilela Inversiones 308
25 al – 90 h Outros 31
AF2010/3749 SFT S.L. 6.760 1.693 1.242 125 380 2.193 12.750
Enoloxía: viños e licores Vilela Inversiones 324
25 al – 95 h Outros 33
AF2010/3264 INGAFOR S.L. 111.423 74.023 5.236 14.411 25.487 49.578 288.225
Máster prev. r. laborais Vilela Inversiones 7.326
70 al - 610h Outros 741
Fonte: Elaboración propia
3.14. A CEL subcontrata a impartición desas accións formativas coas entidades que figuran no
cadro anterior, especificando no contrato as características daquelas de acordo co plan de
formación. A diferenza entre o prezo concertado co provedor principal e o custo final débese aos
gastos de aluguer e custos indirectos da beneficiaria.
3.15. Advírtese que os gastos indirectos nos cursos examinados están en torno ao 17,5%
porque a CEL presenta ademais gastos directos en concepto de aluguer das aulas. Sen embargo,
tendo en conta que todos os cursos impartidos por INGAFOR S.L. son de teleformación, non
procede a imputación deste concepto como custo directo, e só podería ter cabida, se é o caso,
como indirecto, o que elevaría os gastos indirectos ao 20% do importe da actividade formativa,
ou mesmo por encima dese límite do 20% (curso 2009/1278).
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEL
64
Ademais, nas AF 2009/1278 e 2009/1281 existen gastos de aluguer de instalacións que
corresponden a mensualidades diferentes ás de impartición deses cursos.
3.16. Por outro lado, como vén sendo habitual no resto das entidades, un importe relevante dos
gastos de persoal de apoio non se corresponden co período de impartición dos respectivos
cursos, senón co período de vixencia da totalidade dos plans formativos. Chama a atención a
existencia en todos eles de nóminas por importes que superan os tres mil euros que, imputadas
en cada curso nunha pequena porcentaxe, acaban financiándose con cargo ao conxunto dos
cursos de formación.
3.17. Na totalidade dos cursos, os gastos de docencia superan o 50% dos totais. Neste
apartado figuran os gastos de formación da empresa INGAFOR S.L. referidos á planificación da
actividade formativa, tutorización experta, tutorización de apoio e avaliación continua da
aprendizaxe, sempre desglosados por horas.
3.18. O custo polo control de calidade, realizado polo persoal daquela empresa externa,
impútase polo límite máximo do 5% do custo total da acción formativa. Como se ten indicado
neste informe, este control limítase a un tratamento das enquisas realizadas aos alumnos
participantes.
3.19. En ningún dos cursos examinados existen partes asinados polos alumnos que acrediten a
súa participación, aínda que constan partes asinados polos profesores.
Unha análise realizada sobre os exames periódicos realizados polos alumnos de dúas accións
formativas concretas (Enoloxía e Corte de xamón) permitiu constatar que todos os controis
realizados estaban datados no mesmo día, o que cuestiona tanto a súa idoneidade como a
propia realización dos cursos.
3.20. En ningunha das AF existiu a comprobación in situ pola Administración da realización dos
cursos.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEL
65
III.5.4. Conclusións
• A análise operativa viuse condicionada pola inexistencia de obxectivos concretos a obter con
estes plans de formación, así como de indicadores que permitan cuantificar os logros obtidos e a
avaliación posterior dos mesmos.
• Os contratos asinados con distintos centros de formación para a xestión dos plans de
formación contan coa autorización do órgano concedente da axuda, aínda que sen o carácter
previo esixido para a mesma.
• O custo medio dos cursos sitúase en 8,14 euros/hora/alumno inicial (8,54 euros por alumno
final), cunha taxa de abandono do 3,24%.
• A amplitude do encargo da xestión realizado ás entidades subcontratistas, que abarca non só a
docencia senón todo tipo de tarefas auxiliares, fai pensar que o importe imputado pola CEL en
concepto de custos indirectos (o 75% dos custos de persoal de 15 traballadores durante toda a
vixencia do plan de 2010) estase realizando en contía superior ao peso da actividade que asume.
• Tendo en conta que todos os cursos impartidos por INGAFOR S.L. son da modalidade de
teleformación, non procede a imputación de aluguer de aulas como custo directo, e só cabería
facelo como custos indirectos, o que elevaría estes últimos por encima do límite do 20% no curso
2009/1278.
• Os gastos indirectos dos cursos examinados, presentados só pola CEL, están en torno ao
17,5% dos custos totais das accións formativas. Chama a atención a existencia en todos eles de
nóminas por importes que superan os tres mil euros que, imputadas en cada curso nunha
pequena porcentaxe, acaban financiándose con cargo ao conxunto dos cursos de formación.
• En ningún dos expedientes analizados existen partes asinados polos alumnos que acrediten a
súa asistencia aos cursos e permitan verificar nunha fiscalización a posteriori tanto a evidencia da
súa realización como o número dos que finalizaron a actividade formativa, aos efectos de
comprobar se as liquidacións aprobadas pola Consellería son correctas (toda vez que as
liquidacións dependen dese número). Constan, non obstante, partes asinados polos docentes14.
14
Parágrafo modificado como consecuencia das alegacións.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEC
66
III.6. Confederación de Empresarios da Coruña (CEC)
III.6.1. Descrición da entidade
1.1. A Confederación de Empresarios da Coruña, creada o 24 de xuño de 1977, é unha
organización de carácter intersectorial e ámbito provincial cuxo obxectivo é a representación,
xestión e defensa dos intereses xerais e comúns do colectivo empresarial.
III.6.2. Plans de formación obxecto de subvención
2.1. O beneficiario presentou solicitudes de axudas para o financiamento de plans de formación
intersectoriais correspondentes ás convocatorias de 2009 (execución no 2010) e 2010 (execución
no 2011).
Cadro 16: Datos básicos plans de formación CEC. (Euros)
Plan Data
solicitude
Data
concesión
Importe
aprobado
AF
solicitadas
AF
aprobadas
AF
realizadas
Alumnos
solicitados
Alumnos
aprobados
Alumnos
finais
PF 2009/12 30.10.09 15.12.09 2.120.397 69 64 64 2.807 2.196 1.984
PF 2010/44 06.08.10 27.10.10 2.499.740 77 73 73 3.021 2.121 2.003
Fonte: Elaboración propia
2.2. O financiamento solicitado, concedido, xustificado e aboado é o seguinte:
Cadro 17: Datos financiamento plans de formación CEC. (Euros)
Plan Solicitado Concedido Xustificado Anticipo Liquidación
PF 2009/12 2.735.730 2.120.397 2.120.383 1.696.318 424.065
PF 2010/44 3.417.945 2.499.685 2.499.685 1.999.792 499.893
Fonte: Elaboración propia
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEC
67
2.3. A xestión destes plans realízase recorrendo á subcontratación de servizos con diferentes
subcontratistas: INGAFOR S.L., FEMXA FORMACIÓN S.L. e MÉTODO ESTUDIOS CONSULTORES
S.L.
III.6.3. Resultados do traballo
Análise operativa
3.1. A Confederación de Empresarios da Coruña ten realizado estudos sobre as necesidades
formativas existentes no seu ámbito de actuación co obxecto de xustificar a realización das
propostas. Non constan, non obstante, uns obxectivos concretos a obter con estes plans de
formación e, en consecuencia, tampouco indicadores que permitan cuantificar os logros obtidos
nin unha avaliación posterior dos mesmos.
3.2. Do total das accións formativas solicitadas, non foron aprobadas polo órgano concedente
cinco delas no plan de 2009 e outras catro no de 2010. Ningunha destas accións foi realizada.
Un 23% das accións formativas aprobadas no plan intersectorial de 2009 tamén son realizadas
no plan intersectorial de 2010.
3.3. No plan de 2010, nove accións formativas (sete delas da rama de administración), que
representan o 14% das totais, concentran o 40% do orzamento e o 26% dos alumnos
participantes neste plan. Como accións singulares, máis propias do ámbito ou interese particular
que do ámbito profesional, destacan as de Xestión de estrés, Photoshop, Enoloxía ou Liderado
para a innovación.
3.4. Non existen estudos ou informes finais da avaliación da execución destes plans formativos,
nos que consten os resultados acadados en termos de promoción profesional ou estabilidade no
emprego.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEC
68
3.5. Nos distintos cursos de formación do plan de 2010 participaron 1.830 alumnos diferentes,
dos cales 712 deles desenvolven máis dunha acción formativa dentro deste plan, constatándose
alumnos con cinco cursos (3 casos), catro cursos (8 alumnos) e tres cursos (45 alumnos).
Análise de cumprimento
3.6. O beneficiario cumpre cos requisitos necesarios para acceder ás axudas analizadas. A
solicitude preséntase en modelo normalizado acompañada de toda a documentación xustificativa
esixida na convocatoria.
3.7. A beneficiaria subcontrata con distintas entidades formativas a totalidade das accións
formativas dos plans de formación intersectorial de 2009 e 2010.
INGAFOR S.L. factura á CEC no plan 2009 un importe total de 1.336.054 euros (60% do custo
total) en concepto de impartición, control de calidade e custos indirectos. Outras entidades
subcontratistas foron MÉTODO ESTUDIOS CONSULTORES S.L., cunha facturación de 139.421
euros (6,25% do custo total); EGA FORMACIÓN Y DESARROLLO S.L.; e FEMXA FORMACIÓN S.L.
No plan 2010, INGAFOR S.L. factura 1.385.475 euros (55% do custo total); CAIXA DE AFORROS
DE GALICIA factura 192.200 euros; e MÉTODO ESTUDIOS CONSULTORES S.L., 141.215 euros.
En todos os casos esixibles existen contratos formalizados por escrito coas distintas entidades, así
como autorización da subcontratación polo órgano concedente da axuda, se ben sen respectar o
carácter previo da mesma á sinatura dos contratos, tal e como esixe a Orde da convocatoria.
3.8. No que se refire aos custos indirectos, no conxunto das accións formativas CEC vai imputar
no plan de 2009 gastos de persoal propio por importe de 122.000 euros, que representan un
promedio do 50% dos custos laborais de sete traballadores durante o período de
desenvolvemento do plan. No plan de 2010 este importe é de 200.000 euros, correspondentes a
12 traballadores cun promedio de imputación dun 52% durante ese período. Tendo en conta a
amplitude do encargo realizado ás subcontratistas, que abarca non só a docencia senón todo
tipo de tarefas auxiliares (planificación e coordinación da acción formativa, tutorización e
avaliación), carece de xustificación que a CEC impute custos de persoal de apoio nesas elevadas
contías.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEC
69
3.9. Existe unha disparidade importante do custo por hora/alumno, que oscila entre 5 euros e
17,24 euros (no plan de 2009) e entre 5 euros e 17,48 euros (no plan de 2010). Un 12% dos
cursos no plan de 2009 e un 15% no plan de 2010 superan o módulo máximo de 12
euros/hora/alumno previsto para os presenciais, o que pon de manifesto que a Dirección Xeral de
Formación e Colocación autorizou de forma xeneralizada, en contra do carácter excepcional
previsto na Orde da convocatoria, a superación do módulo establecido nesa convocatoria. O
custo medio dos cursos (basicamente realizados na modalidade mixta) sitúase no plan de 2010
en 9,50 euros/hora/alumno inicial (12,6 euros para alumno final).
3.10. A entidade certifica, con datas 26 de xullo de 2010 e 19 de xullo de 2011, a realización e
finalización da totalidade das accións formativas aprobadas nos dous plans.
Os importes totais do gasto xustificado alcanzan exactamente o importe total das axudas
concedidas. As liquidacións foron aprobadas polo órgano concedente sen incidencias.
3.11. En xeral, os gastos xustifícanse ante a Dirección Xeral de Formación e Colocación mediante
unha factura global dos subcontratistas que contén un desglose suficiente para determinar os
conceptos imputados.
Respecto dos custos indirectos, o feito de que unha mesma factura se impute fraccionadamente
a unha pluralidade de accións formativas distintas, á marxe dos mecanismos de control interno
da beneficiaria, non permite comprobar que as porcentaxes globalmente imputadas non exceden
do total daquela. Comprobouse, non obstante, que a entidade beneficiaria leva mediante un
programa informático un completo estudo de imputación de custos que lle permite o adecuado
control da totalidade dos imputados a cada comprobante.
3.12. A entidade puido facilitarnos rexistros contables diferenciados na súa contabilidade que
permitan identificar todos os gastos e ingresos derivados da execución das accións formativas
destes plans15.
15
Parágrafo modificado como consecuencia das alegacións.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEC
70
Xustificación do gasto nos cursos seleccionados
3.13. Na totalidade das accións formativas seleccionadas (seis), o importe de gasto que a
Administración considera como xustificado coincide co da axuda concedida. En todos os casos a
xustificación do gasto está acompañada, tal e como esixe a normativa das axudas, da
acreditación de ter realizado o pagamento dentro do prazo de xustificación por parte do
beneficiario aos subcontratistas.
Os seis cursos seleccionados presentan as características e descrición de gasto que se reflicten no
cadro seguinte:
Cadro 18: Custos accións formativas analizadas CEC. (Euros)
Curso Provedor Custos directos facturados por Subcontratista C indirectos. Prezo
final Impart. Cord Equipos Material Aulas Seguros Control Public. CEC
PRL Hixiene industrial Ingafor S.L. 26.527 24.600 8.230 891 16.177 7.665 89.100
2009/1103 Sutega Papelería 1.047
110 h Ega Form. Desarrol.
S.L.
3.564
Outros 396
ABA English N Advanced Ingafor S.L. 4.546 16.500 78 263 1.362 2.264 26.325
2009/1106 Sutega Papelería 124
260 h Ega Form. Desarrol.
S.L.
1.053
Outros 16 119
Dirección de Márketing Ingafor S.L. 31.146 34.290 437 947 15.094 8.153 94.770
2009/1098 Sutega Papelería 429
49 al - 270 h Ega Form. Desarrol.
S.L.
3.790
Outros 60 421
Enoloxía Ingafor S.L. 4.294 304 231 865 1.071 11.550
2010/1362 Sutega Papelería 137
15 al -70 h As. Prov. restauración 4.248
Mixta Ega Form. Desarrol.
S.L.
346
Outros 50
Prevención branqueo capitais J.A.P.B. (persoa física) 1.800 553 5.775
2010/1352 Ingafor S.L. 1.156 481 115 1.323
15 al - 35 h Sutega Papelería 114
Mixta Ega Form. Desarrol.
S.L.
173
Outros 24 50
Finanzas para non financeiros E.F.R. (persoa física) 1.671 702 7.575
2010/1483 Ingafor S.L. 576 600 390 151 715
15 al - 45 h Gestión e ATF S.L. 2.360
Mixta Sutega Papelería 106
Ega Form. Desarrol.
S.L.
227
Outros 23 50
Fonte: Elaboración propia
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEC
71
3.14. A CEC subcontrata a impartición da totalidade das accións formativas analizadas coa
entidade INGAFOR S.L. O contrato con esta empresa contempla os servizos de asesoría,
seguimento e realización das accións formativas do plan por un 85% das axudas concedidas nos
cursos realizados e xustificados. O 15% restante –indica o contrato– será imputado pola CEC en
concepto de custos asociados. Pero, ademais, contrata con EGA FORMACIÓN Y DESARROLLO
S.L. o control de calidade, comprometéndose a aboarlle o 4% do importe das axudas dos cursos.
• Dada a globalidade do encargo a INGAFOR S.L., non parece axeitado que figuren gastos polos
mesmos conceptos tamén facturados por outras empresas, (basicamente correspondentes a
material).
• Do mesmo xeito, posto que o control de calidade se contrata especificamente coa empresa
EGA FORMACIÓN Y DESARROLLO S.L., parece excesivo que se factura tamén por INGAFOR S.L.,
aínda que o importe total teña cabida no límite do 5% do custo de actividade formativa.
• Nos cursos de Enoloxía e Finanzas para non financeiros, impartidos (como todos os demais) na
modalidade mixta (presencial e teleformación), impútanse gastos tanto de aluguer de aulas como
por aluguer da plataforma para teleformación (incluídos no epígrafe de publicidade) que no seu
conxunto parecen excesivos.
• No curso de Enoloxía, o aluguer das aulas, concertado coa Asociación provincial de
empresarios de restauración de Santiago, abóase a 70,80 euros/hora (60 euros sen IVE). Pola
súa banda, a impartición do curso contrátase por INGAFOR S.L. cun traballador baixo a
modalidade de obra ou servizo determinado polo prezo de 46,50 euros/hora.
• Nos cursos Finanzas para non financeiros e Prevención branqueo de capitais, a impartición
contrátase pola CEC directamente con profesionais independentes mediante contratos mercantís,
facturando INGAFOR S.L. a preparación, tutorización e avaliación dos mesmos.
No primeiro deles, mentres a impartición abóase a un custo de 35 euros/hora, os servizos de
INGAFOR S.L. (tutorización e avaliación) elévanse a 54 euros/hora, e os custos de aluguer das
aulas a 52 euros/hora. Todos os custos anteriores, xunto cos asociados da CEC, elevan o prezo
final a 168 euros /hora.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEC
72
3.15. Os gastos asociados que vén imputando a CEC aos cursos seleccionados está ao redor do
9,3%. Estes gastos –maioritariamente de persoal de apoio– non se corresponden, nun importe
relevante, co período de impartición do curso senón co período de vixencia da totalidade do plan
formativo. Chama a atención a existencia en todos eles de nóminas de persoal directivo por
importes que alcanzan os dez mil euros que, imputadas en cada curso nunha pequena
porcentaxe, acaban financiándose con cargo ao conxunto dos cursos de formación.
3.16. Os custos polo control de calidade, facturados tanto por EGA FORMACIÓN Y
DESARROLLO S.L. como parcialmente por INGAFOR S.L., impútanse en todos os casos polo límite
máximo do 5% do custo total da acción formativa.
3.17. Como nota positiva, puido advertirse que en todos os cursos examinados existen partes
asinados polos alumnos que acreditan a súa participación.
3.18. Nos cursos examinados non existe comprobación in situ pola Administración da realización
do curso.
III.6.4. Conclusións
• A análise operativa viuse condicionada pola inexistencia de obxectivos concretos a obter con
estes plans de formación, así como de indicadores que permitan cuantificar os logros obtidos e a
avaliación posterior dos mesmos.
• Os contratos asinados con distintos centros de formación para a xestión dos plans de
formación contan coa autorización do órgano concedente da axuda, aínda que sen o carácter
previo esixida para a mesma.
• Un 12% dos cursos no plan de 2009 e un 15% no plan de 2010 superan o módulo máximo de
12 euros/hora/alumno previsto para os presenciais. O custo medio dos cursos sitúase no plan de
2010 en 9,5 euros/hora/alumno inicial (12,6 euros por alumno final).
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEC
73
• A diferenza entre o prezo dos contratos cos provedores principais e o prezo final derivado de
distintos conceptos reiterados (material didáctico de distintos provedores, equipos), xunto coa
imputación dos custos indirectos, supón un incremento significativo de custos das accións
formativas.
• A amplitude do encargo da xestión realizado ás entidades subcontratistas, que abarca non só a
docencia senón todo tipo de tarefas auxiliares, fai pensar que o importe imputado pola CEC en
concepto de custos indirectos estase realizando en contía superior ao peso da actividade que
asume.
• Os gastos indirectos dos cursos examinados, presentados só pola CEC, están en torno ao 9%
dos custos totais das accións formativas. Destaca a existencia en todos eles de nóminas de
persoal directivo por importes que alcanzan os dez mil euros.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEO
74
III.7. Confederación de Empresarios de Ourense (CEO)
III.7.1. Descrición da entidade
1.1. A Confederación Empresarial de Ourense é unha organización empresarial multisectorial,
constituída no ano 1977. A CEO é membro, a nivel nacional, da Confederación Española de
Organizacións Empresariais (CEOE) e, a nivel autonómico, da Confederación de Empresarios de
Galicia (CEG).
1.2. No expediente de concesión de axuda figuran como entidades integradas cerca de 80
asociacións empresariais. Así mesmo existe unha fundación dependente da CEO.
III.7.2. Plans de formación obxecto de subvención
2.1. O beneficiario presentou solicitudes de axudas para o financiamento de plans de formación
intersectoriais correspondentes ás convocatorias de 2009 (execución no 2010) e 2010 (execución
no 2011).
Cadro 19: Datos básicos plans de formación CEO. (Euros)
Plan
Data
solicitude
Data
concesión
Importe
aprobado
AF
solicitadas
AF
aprobadas
AF
realizadas
Alumnos
solicitados
Alumnos
aprobados
Alumnos
finais
PF 2009/32 28.10.09 15.12.09 1.450.710 54 41 41 1.633 1.039 1.030
PF 2010/123 12.08.10 27.10.10 1.710.334 58 44 44 2.262 1.312 1.253
Fonte: Elaboración propia
2.2. O financiamento solicitado, concedido, xustificado e aboado é o seguinte:
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEO
75
Cadro 20: Datos financiamento plans de formación CEO. (Euros)
Plan Solicitado Concedido Xustificado Anticipo Liquidación Subv. final
PF 2009/32 2.275.590 1.449.980 1.427.675(*) 1.160.568 266.857 1.427.425
PF2010/123 2.981.279 1.710.113 1.705.062 1.368.267 336.795 1.705.062
Fonte: Elaboración propia
(*) O importe xustificado no 2009 (1.427.675 euros) viuse reducido por rateos a 1.427.425 euros.
2.3. A xestión destes plans realízase pola propia organización, aínda que subcontratando a
impartición de todos os cursos con distintos centros privados. Tres deles concentran nos dous
plans máis do 65% das subcontratacións: MÉTODO ESTUDIOS CONSULTORES S.L., INGAFOR S.L.
e REDEGAL S.A.
III.7.3. Resultados do traballo
Análise operativa
3.1. CEO non puido facilitarnos unha análise que soporte a planificación das accións formativas,
na que se especifiquen as necesidades detectadas co obxecto de xustificar a realización das
propostas. A priorización das accións formativas a subvencionar realizada pola Consellería é o
criterio que determina fundamentalmente as que van ser solicitadas pola entidade, para así
asegurar a obtención das axudas. Non constan obxectivos concretos a obter con estes plans de
formación e, en consecuencia, tampouco indicadores que permitan cuantificar os logros obtidos,
nin unha avaliación posterior dos mesmos.
3.2. Só un 76% das accións formativas solicitadas nos dous plans foron aprobadas polo órgano
concedente. Ningunha das accións excluídas de financiamento foi realizada.
3.3. Á marxe dos controis da calidade, non existen estudos ou informes finais da avaliación dos
resultados obtidos na execución destes plans formativos, nos que consten os obxectivos
acadados e/ou plantexados inicialmente en termos de promoción profesional ou estabilidade no
emprego.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEO
76
3.4. No plan de 2009, dos 1.030 alumnos que participan nos distintos cursos de formación,
detectáronse alumnos que desenvolven máis dunha acción formativa dentro deste plan,
constatándose dous alumnos que participan en 5 accións, vinte e dous alumnos en 4 cursos e
vinte e un en 3 cursos.
No plan de 2010, dos 1.253 participantes, detéctanse alumnos que desenvolven máis dunha
acción formativa, constatando alumnos con cinco accións (1 caso), catro cursos (8 alumnos) e
tres cursos (43 casos).
Análise de cumprimento
3.5. O beneficiario cumpre cos requisitos necesarios para acceder ás axudas analizadas. A
solicitude preséntase en modelo normalizado acompañada de toda a documentación xustificativa
esixida na convocatoria.
3.6. A beneficiaria subcontrata con diversas entidades a totalidade das accións formativas dos
distintos plans de formación. Os principais provedores de servizos son: no plan de formación
2009, MÉTODO ESTUDIOS CONSULTORES S.L., que foi adxudicatario dun 34% das AF e que
facturou o 46% do importe total xustificado; INGAFOR S.L., cun 17% das AF e un 13% de
facturación; PEN CONSULTORÍA Y FORMACIÓN S.L., cun 12% das AF e un 5% de facturación; e
REDEGAL S.L., cunha soa AF, que supuxo o 6% da facturación. No plan de formación 2010
coinciden os provedores máis significativos: MÉTODO ESTUDIOS CONSULTORES S.L., que foi
adxudicatario dun 43% das AF e que facturou o 39% do importe total xustificado; INGAFOR
S.L., cun 16% das AF e un 15,8% de facturación; PEN CONSULTORÍA Y FORMACIÓN S.L., cun
11% das AF e un 4% de facturación; e REDEGAL S.L., cun 6,8% das AF e un 13% da
facturación.
A estes efectos, existen contratos formalizados por escrito con ditas entidades, se ben non consta
unha acta ou similar do órgano de goberno da CEO onde se analicen e adxudiquen as diferentes
contratacións realizadas; tampouco constan as solicitudes por escrito das distintas ofertas antes
de formalizalas. É significativo mencionar que no plan de 2010 as ofertas realizadas e
adxudicadas a MÉTODO ESTUDIOS CONSULTORES S.L. foran individualizadas, mentres as
realizadas e non adxudicadas a esta empresa figuraran todas elas nunha folla resumo.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEO
77
Consta a autorización do órgano de concesión (Dirección Xeral de Formación e Colocación) para
estas contratacións, aínda que sen o carácter previo á sinatura dos contratos tal e como esixe o
artigo 23.5 da Orde da convocatoria.
3.7. No conxunto das accións formativas, CEO vai imputar no plan de 2009 gastos de persoal
propio por importe de 105.558 euros, que representan un promedio do 73% das nóminas de 12
traballadores durante o período de desenvolvemento do plan, o que parece excesivo dado que a
totalidade das AF son subcontratadas. Ademais, catro destes traballadores presentan
porcentaxes de imputación do 100% da súa nómina en períodos de seis a nove meses. No plan
de 2010 este importe elévase a 170.291 euros e afecta a 16 traballadores, cun promedio de
imputación dun 74,28%, aínda máis elevado que no plan anterior. Ademais, doce destes
traballadores presentan porcentaxes de imputación do 100% da súa nómina nalgunha das
mensualidades.
3.8. Existe unha disparidade importante do custo/hora/alumno nos dous plans de formación. No
2009 este custo oscilou entre os 5,30 euros e os 19,37 euros, mentres que no 2010 esta
diferenza foi aínda máis pronunciada, de 5,02 euros a 23,29 euros. Na programación dos dous
exercicios, nun 43% dos cursos do plan de 2009 e nun 36% no plan de 2010 superouse o
módulo máximo de 12 euros/hora/alumno previsto para os presenciais, o que pon de manifesto
que a Dirección Xeral de Formación e Colocación autorizou de forma xeneralizada, en contra do
carácter excepcional previsto na Orde da convocatoria, a superación do módulo establecido nesa
convocatoria.
No plan de 2009, dous cursos superaron incluso o módulo ampliado de 18 euros (Neumática con
19,37 euros, e Fotovoltaica con 18,28 euros); no plan de 2010, sete accións formativas
superaron de xeito relevante este módulo ampliado, destacando os 23,29 euros no curso MCTS
WINDOWS NET FRAMEWORK e os 22,42 euros no de Planificación e mantemento dunha
infraestrutura de rede de Microsoft.
3.9. A entidade certifica a realización e finalización da totalidade das accións formativas
aprobadas con datas 30 de xullo de 2010 e 30 de xuño de 2011.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEO
78
Os importes totais do gasto xustificado (1.427.675,23 euros no plan 2009 e 1.705.061,89 euros
no plan 2010) non alcanzan o importe total das axudas concedidas. As liquidacións apróbanse
polo órgano concedente sen incidencias.
Segundo a información que figura nos distintos rexistros informáticos facilitados pola Dirección
Xeral de Formación e Colocación, o número de alumnos que participan nas accións formativas
coincide basicamente cos autorizados na resolución que aproba as axudas.
3.10. En xeral, os gastos asociados xustifícanse nunha porcentaxe da contía das distintas
facturas ou nóminas que tamén serven para xustificar o custo doutros cursos, sen que existan
mecanismos de validación dos documentos xustificativos empregados, coa imposibilidade de
comprobar que as porcentaxes imputadas non exceden do total daqueles.
Comprobouse, non obstante, que a entidade beneficiaria leva mediante un programa informático
un completo estudo de imputación de custos que lle permite o adecuado control da totalidade
dos custos de cada traballador.
Xustificación do gasto nos cursos seleccionados
3.10. Para todos os cursos seleccionados, o importe de gasto que a Administración considera
xustificado coincide coa axuda realmente concedida. Na xustificación do gasto do plan de 2009
detéctanse diferenzas entre o importe xustificado que reflicte a folla resumo da liquidación do
expediente e os importes totais reflectidos no modelo “H” nas AF mixtas. Estas diferenzas
débense a que en dito modelo “H” non aparecen reflectidos os gastos do seguro dos alumnos,
que si constan no modelo “K” de certificación de gastos, o que parece un erro na aplicación (AF
2009/569).
As características dos cursos seleccionados móstrase no seguinte cadro:
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEO
79
Cadro 21: Custos accións formativas analizadas CEO. (Euros)
Curso Provedor Custos directos facturados por subcontratista C. indirectos
Prezo final Impart. Coord. Equipos Material Aulas Seguros Control Publi. CEO
Ling. adm. galega nivel sup.
Linguaxe
Triple Lambda S.L. 5.968 4.477 4.477 1.634 18.827
2009/569 Forinlab S.L. 950
25 al - 85 h Outros 1.131 162 187
Presencial
Soldadura Fundación CEO 12.791
1
4.494 4.489 4.484 1.665 30.016
2010/4158 P. física 300
36 al - 45 h Forinlab S.L. 1.503
Presencial Outros 288
Inglés intermedio Método E. C. S.L. 14.618 42.687 4.040 7.965 72.885
2010/4247 Forinlab S.L. 3.575
40 al - 270 h
Act. xerentes de vitivinícolas E.N.
Novacaixagalicia
20.195 1.230 242 4.510 2.588 28.966
2010/4216 Abella y Amor S.L. 200
15 al - 492 h
Máster univ. PRL Ingafor S.L. 59.661 70.502 1.596 17.369 161.285
2010/4135 Librería Platero 3.921
40 al - 610 h Forinlab S.L. 8.235
Prog. habilidades directivas Redegal S.L. 15.609 9.775 1.114 4.194 30.692
2010/4147
35 al - 130 h
Fonte: Elaboración propia
3.11. Como xa se indicou, CEO subcontrata con distintos centros de formación (academias e
entidades de formación) a impartición das distintas accións formativas.
Con cada unha destas entidades formalízase, para cada curso, un contrato por escrito
especificando a acción formativa de acordo co plan de formación, obrigándose o centro á
captación de alumnos, elaborar informes de avaliación, facilitar equipos e medios informáticos
aos alumnos e calquera outro trámite que, non estando indicado expresamente, sexa inherente á
impartición. Os distintos contratos esixen que os docentes sexan do cadro de persoal da
academia.
De forma global, CEO contrata coa entidade FORINLAB S.L., nos dous plans formativos, a
avaliación da calidade da formación por importe de 50.000 euros e 58.000 euros,
respectivamente. Consta a petición de tres orzamentos para esta contratación.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEO
80
CEO subcontratou a AF 2010/123, consistente na impartición de dous cursos de Soldadura, coa
FUNDACIÓN CEO PARA EL DESARROLLO EMPRESARIAL que, á súa vez, tivo que subcontratar a
docencia, material didáctico e alugueres de equipos e instalacións. Non consta a autorización
para esta subcontratación, esixible por tratarse dunha entidade vinculada á primeira.
No plan formativo de 2010, a fundación CEO facturou a CEO gastos por importe de 55.000
euros que foron imputados ao mesmo.
3.12. Os custos asociados nos cursos examinados supoñen en torno ao 11,86% dos custos da
actividade formativa, dos cales case a súa totalidade (10,71%) correspóndense con custos de
persoal de CEO. En xeral, os gastos indirectos presentados pola CEO –maioritariamente de
persoal de apoio– non se corresponden, nun importe relevante, co período de impartición de
cada curso en particular senón co período de vixencia da totalidade do plan formativo. Destaca a
existencia en todos eles de nóminas de persoal directivo por importes que superan os 5.000
euros que, imputadas en cada curso nunha pequena porcentaxe, acaban financiándose con
cargo ao conxunto dos cursos de formación. As retribucións non aparecen xustificadas en partes
de imputación de horas dedicadas a esa formación.
En todos os cursos estanse a imputar, dentro do concepto “outros gastos asociados”, gastos de
asesoría sen que se acredite que están directamente relacionados e son indispensables para a
adecuada execución da AF, tal e como esixe o artigo 21 da Orde da convocatoria; trátase dos
gastos de asesoramento letrado en materia laboral durante os meses que dura o plan, cunha
facturación de 4.134 euros e 7.007 euros, imputados aos sucesivos plans e repartidos nos
distintos cursos.
3.13. O custo do control de calidade realízase, para os dous plans, pola mesma empresa externa
(FORINLAB S.L.), imputándose nun promedio do 5% do custo total das accións. Esta empresa
non facturou a totalidade das accións formativas de xeito individual (das seis accións formativas
seleccionadas, soamente facturou en catro, superando nunha delas o límite máximo do 5%).
Tampouco existe un informe individualizado xeral de cada AF, senón un informe conxunto de
todas elas (que inclúe tanto as facturadas como as non facturadas), que se limita a un
tratamento das enquisas realizadas aos alumnos participantes.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEO
81
3.14. Salvo nun dos cursos examinados, nos restantes non constan partes asinados polos
alumnos que acrediten a súa participación. Nos cursos mixtos non constan os exames de
avaliación dos distintos módulos, agás nun dos cursos (módulo de igualdade), pero non están
asinados polos alumnos.
3.15. Nos cursos examinados non existe comprobación in situ pola Administración da realización
dos cursos.
III.7.4. Conclusións
• A análise operativa estivo condicionada pola inexistencia de obxectivos concretos a obter con
estes plans de formación, así como de indicadores que permitan cuantificar os logros obtidos e a
avaliación posterior dos mesmos.
• Os contratos asinados cos distintos centros de formación para a xestión dos plans de formación
contan coa autorización do órgano concedente da axuda, aínda que sen o carácter previo esixido
para a mesma.
• Na programación dos dous exercicios, nun 43% dos cursos do plan de 2009 e nun 36% no
plan de 2010, superouse o módulo máximo de 12 euros/hora/alumno previsto para os
presenciais. No plan de 2010, sete accións formativas superaron con moito o módulo ampliado
de 18 euros, destacando dous módulos que acadan os 23,29 euros e 22,42 euros. O custo medio
dos cursos sitúase en 9,78 euros/hora/alumno inicial (10,84 euros por alumno final), cunha taxa
de abandono do 5,82%.
• Os contratos para a realización de dúas AF encargadas á Fundación CEO non contan coa
autorización previa do órgano concedente da axuda esixida para a contratación con entidades
vinculadas.
• A amplitude do encargo da xestión realizado ás entidades subcontratistas, que abarca non só a
docencia senón todo tipo de tarefas auxiliares, fai pensar que o importe imputado por CEO en
concepto de custos indirectos estase realizando en contía superior ao peso da actividade que
asume.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEO
82
• Os gastos indirectos dos cursos examinados, presentados só pola CEO, están en torno ao 9%
dos custos totais das accións formativas. Chama a atención a existencia en todos eles de
nóminas de persoal directivo por importes que alcanzan os 5.000 euros. Tampouco poden
considerarse elixibles os gastos por asesoramento letrado en materia laboral por importes de
4.134 euros e 7.007 euros imputados aos sucesivos plans.
• Salvo nun dos cursos analizados, nos restantes expedientes non constan partes asinados polos
alumnos que acrediten a súa asistencia aos cursos e permitan verificar nunha fiscalización a
posteriori tanto a evidencia da súa realización como o número dos que finalizaron a actividade
formativa, aos efectos de comprobar se as liquidacións aprobadas pola Consellería son correctas
(toda vez que as liquidacións dependen dese número). Constan, non obstante, partes asinados
polos docentes16.
16
Parágrafo modificado como consecuencia das alegacións.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEP
83
III.8. Confederación de Empresarios de Pontevedra (CEP)
III.8.1. Descrición da entidade
1.1. A Confederación de Empresarios de Pontevedra (CEP) é unha organización empresarial da
Comunidade Autónoma con personalidade xurídica propia e autonomía administrativa,
recoñecida como entidade sen ánimo de lucro.
No expediente da concesión de axuda figura como entidade de ámbito territorial provincial e de
natureza intersectorial e privada, que representa a máis de 115 asociacións sectoriais e
territoriais e que está integrada na Confederación de Empresarios de Galicia e na Confederación
Española de Organizacións Empresariais.
III.8.2. Plans de formación obxecto de subvención
2.1. O beneficiario presentou solicitudes de axudas para o financiamento de plans de formación
intersectoriais correspondentes ás convocatorias de 2009 (execución no 2010) e 2010 (execución
no 2011).
Cadro 22: Datos básicos plans de formación CEP. (Euros)
Plan
Data
solicitude
Data
concesión
Importe
aprobado
AF
solicitadas
AF
aprobadas
AF
realizadas
Alumnos
solicitados
Alumnos
aprobados
Alumnos
finais
PF I 2009/24 30.10.09 15.12.09 1.931.865 118 96 96 2.477 1.997 1.948
PF I 2010/4 05.08.10 27.10.10 2.277.702 96 88 88 2.299 1.791 1.840
Fonte: Elaboración propia
2.2. O financiamento solicitado, concedido, xustificado e aboado é o seguinte:
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEP
84
Cadro 23: Datos financiamento plans de formación CEP. (Euros)
Plan Solicitado Concedido Xustificado Anticipo Liquidación
PF 2009/24 2.367.708,75 1.931.865,00 1.930.221,30 1.545.492,00 384.729,30
PF 2010/4 2.608.610,00 2.277.702,00 2.277.701,00 1.822.161,60 455.540,40
Fonte: Elaboración propia
2.3. A xestión destes plans realízase pola CEP recorrendo á subcontratación con distintas
entidades para o desenvolvemento dos plans de formación: FEMXA FORMACIÓN S.L., MÉTODO
ESTUDIOS CONSULTORES S.L., INGAFOR S.L. e VETTERA TRAINING S.L.
III.8.3. Resultados do traballo
Análise operativa
3.1. A CEP non aportou unha análise que soporte a planificación das accións formativas, na que
se especifiquen as necesidades detectadas co obxecto de xustificar a realización das propostas. A
solicitude das accións formativas faise en función das propostas realizadas polas asociacións que
colaboran coa CEP. Non constan obxectivos concretos a obter con estes plans de formación e, en
consecuencia, tampouco indicadores que permitan cuantificar os logros obtidos, nin unha
avaliación posterior dos mesmos.
3.2. No plan intersectorial de 2009, un 68% das accións formativas solicitadas foron aprobadas
polo órgano concedente. No plan de 2010, esta porcentaxe foi do 92%. Ningunha das accións
excluídas de financiamento foi realizada.
Un 38% das accións formativas aprobadas no plan intersectorial de 2009 tamén son realizadas
no plan intersectorial do ano 2010.
3.3. No plan de 2009, as accións formativas relativas a novas tecnoloxías, que representan o
25% das totais, concentran o 20% do orzamento e o 28% dos alumnos participantes do plan.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEP
85
No de 2010, as accións relativas á área de novas tecnoloxías consumen o 16% do orzamento
aprobado e comprenden o 22% dos alumnos.
Como accións singulares, que poden estar máis relacionadas co ámbito do interese particular dos
participantes que co propio interese profesional ou ocupacional que se busca, destacan algunhas
como os cursos de Deseño gráfico ou Photoshop.
3.4. Á marxe do informe final de todo o plan de formación e do informe de cada acción
formativa que se envía á Consellería, non existen estudos ou informes finais da avaliación sobre
a execución destes plans formativos, nos que consten os resultados acadados en termos de
promoción profesional ou estabilidade no emprego.
3.5. Nos distintos cursos de formación do plan intersectorial de 2009 participaron 1.948
alumnos diferentes, dos cales 171 deles desenvolven máis dunha acción formativa dentro deste
plan, constatándose oito alumnos con tres cursos.
No plan de 2010 participaron 1.840 alumnos diferentes, dos cales 91 deles repiten máis dunha
acción formativa, constatándose cinco alumnos con tres cursos.
Análise de cumprimento
3.6. O beneficiario cumpre cos requisitos necesarios para acceder ás axudas analizadas. A
solicitude preséntase en modelo normalizado acompañada de toda a documentación xustificativa
esixida na convocatoria.
3.7. A beneficiaria subcontrata con distintas entidades privadas como FEMXA FORMACIÓN S.L.,
INGAFOR S.L. e MÉTODO ESTUDIOS CONSULTORES S.L. unha porcentaxe da actividade
formativa que supera amplamente o 50% do orzamento das accións dos distintos plans de
formación. A estes efectos, existe un contrato formalizado por escrito con estas entidades, pero
sen que conste a autorización do órgano concedente da axuda, toda vez que esta Confederación
de empresarios considera que non supera o límite establecido no artigo 27 da Lei de subvencións
para solicitar autorización para subcontratar (20% do presuposto e superar 60.000 euros).
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEP
86
3.8. No que se refire aos custos indirectos, no conxunto das accións formativas CEP vai imputar
no plan de 2009 gastos de persoal propio por importe de 146.000 euros, que representan un
promedio do 65% das nóminas de 15 traballadores durante o período de desenvolvemento do
plan. No plan de 2010 este importe é de 213.000 euros e afecta a 15 traballadores, cun
promedio de imputación dun 59% durante ese período.
Tendo en conta a amplitude da contratación para a xestión, xustificación e control do plan de
formación con entidades colaboradoras, carece de xustificación a imputación pola CEP de custos
de persoal de apoio nesas elevadas contías.
3.9. Existe unha disparidade importante do custo hora/alumno, que oscila entre 5,60 euros e
17,37 euros (plan de 2009) ou 6,43 euros e 16,82 euros (plan de 2010). Un 10,67% e un 9%,
respectivamente, dos cursos superan o módulo máximo de 12 euros/hora/alumno previsto para
os presenciais, o que pon de manifesto que a Dirección Xeral de Formación e Colocación
autorizou de forma reiterada o trámite excepcional de superación do módulo predeterminado
prevista na convocatoria.
No exercicio 2010, un 7% das AF tiveron unha minoración de alumnos finais respecto dos
aprobados superior ao 30%, que deu lugar en todos os casos a unha redución (rateo) da axuda
inicialmente aprobada. No exercicio 2011, esa porcentaxe foi dun 1%.
3.10. A entidade certifica a realización e finalización da totalidade das accións formativas
aprobadas nos dous plans con datas 27 de xullo de 2010 e 28 de xuño de 2011.
Os importes totais do gasto xustificado alcanzan exactamente o importe total das axudas
concedidas. As liquidacións foron aprobadas polo órgano concedente sen incidencias.
3.11. En xeral, os gastos asociados xustifícanse nunha porcentaxe da contía das distintas
facturas ou nóminas que tamén serven para xustificar o custo doutros cursos, sen que existan
mecanismos de validación dos documentos xustificativos empregados, o que imposibilita
comprobar que as porcentaxes imputadas non exceden o total daqueles.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEP
87
Comprobouse, non obstante, que a entidade beneficiaria leva mediante un programa informático
un completo estudo de imputación de custos que lle permite o adecuado control da totalidade
dos custos de cada comprobante de gasto.
Xustificación do gasto nos cursos seleccionados
3.12. Na totalidade das accións formativas seleccionadas, o importe de gasto que a
Administración considera como xustificado coincide co da axuda concedida. En todos os casos a
xustificación do gasto está acompañada, tal e como esixe a normativa das axudas, da
acreditación de ter realizado o pagamento dentro do prazo de xustificación por parte do
beneficiario aos subcontratistas.
Os cursos seleccionados presentan as características e descrición de gasto que figuran no cadro
seguinte:
Cadro 24: Custos accións formativas analizadas CEP. (Euros)
Curso Provedor
Custos directos facturados por subcontratistas C. indirectos
Prezo
final Impart. Coord. Equipos Material Aulas Seguros Control Public. FEMXA CEP
Direc. financeira e control INGAFOR S.L. 20.464 19.450 2.475 2.500 5.143 56.980
2009/1562 Femxa F. S.L. 1.049 5.350
25 al – 260 h Outros 244 300
Mixta
Inglés xeral avanzado Femxa F. S.L. 14.386 11.600 4.752 1.013 3.012 3.534 39.132
2009/1542
2
Outros 650 183
40 al - 145h
Teleformación
MCITP Enterprise Admi. V. Trainning S.A. 20.475 4.875 4.289 35.850
2010/3331 Femxa F. S.L. 170 59 786 2.675
15 al - 205 h Outros 18 2.331 37 135
Mixta
Inglés práct. e comercial Academia Elisa 3.536 90 906 7.575
2010/3392 Femxa F. S.L. 50 54 166 562
15 al - 45 h Outros 751 1.010 37 399
Mixta
Photoshop Informática Granada 2.832 1.200 7.575
2010/3362 Femxa F. S.L. 77 83 166 586 894
15 al - 45 h Outros 749 770 37
Mixta
Fonte: Elaboración propia
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEP
88
3.13. Como xa se indicou, a CEP subcontrata directamente con distintos centros de formación
(academias e outras entidades) a actividade formativa. Ademais, subcontrata de forma global
con FEMXA FORMACIÓN S.A. tanto as tarefas de xestión e xustificación do plan formativo
(177.000 euros no plan de 2010) como as de avaliación e control da actividade formativa
(estipuladas nun contrato diferente por importe de 50.000 euros).
Con cada unha das entidades que imparten os cursos formalízase un contrato por escrito no que
se especifica a acción formativa, o número de alumnos e as horas previstas de acordo co plan de
formación, obrigándose a CEP a aboar os importes da subvención concedida no referente a
docentes, materiais e aulas, no seu caso, coa excepción da coordinación, publicidade e gastos
xerais, así como material que a CEP entregue aos alumnos.
Nalgún curso específico (como pode advertirse no cadro anterior), as diferenzas entre o prezo
aboado aos centros de formación (que segundo os contratos asumen os contidos básicos) e o
prezo total alcanzan incrementos porcentuais moi relevantes para a actividade formativa, debido
á imputación de facturas de distintos provedores polos mesmos conceptos.
3.14. Nos custos directos das accións formativas analizadas destacan os seguintes aspectos:
• En xeral, impútanse facturas polo aluguer de aulas cando no plan de formación presentado coa
solicitude figura como lugar de impartición os propios locais da CEP.
• Nos cursos de Inglés comercial e Photoshop resulta difícil de xustificar a imputación de dúas
facturas de aluguer da mesma empresa (SCI Galicia S.L., diferente da que imparte) e en concepto
de material (canón de proxección e ordenador) por idéntico importe para os dous cursos, cando
ámbolos dous son impartidos por academias de formación contratadas que debe entenderse que
están dotadas deste tipo de medios para a docencia.
• No curso de Especialización en dirección financeira e control de xestión preséntase un custo
por hora de impartición de distintos docentes que oscila entre 75,52 euros e 147,50 euros/hora
(segundo a propia factura de INGAFOR S.L.), que parece desproporcionado. Tamén parecen
excesivos os custos de impartición da docencia no curso Inglés avanzado, con 99,21 euros por
hora, tendo en conta ademais que se imparte na modalidade de teleformación; ou no curso
MCITP Enterprise Administración, cun custo de 99,80 euros/hora.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEP
89
3.15. Os gastos indirectos nos cursos examinados supoñen en torno ao 20% dos custos da
actividade formativa, imputando este tipo de custos tanto a CEP (un 12%) como FEMXA S.A. (un
7,5%), esta última ao abeiro do contrato polo que asume a xestión e xustificación dos plans de
formación da CEP.
As dúas entidades van imputar, polo tanto, custos asociados en concepto de persoal de apoio
sen impartir realmente as accións formativas.
En xeral, os gastos indirectos presentados pola CEP –maioritariamente de persoal de apoio– non
se corresponden, nun importe relevante, co período de impartición de cada curso en particular
senón co período de vixencia da totalidade do plan formativo. Chama a atención a existencia en
todos eles de custos salariais de persoal directivo por importes que alcanzan os 6.000 euros que,
imputadas en cada curso nunha pequena porcentaxe, acaban financiándose no 60% con cargo
ao conxunto dos cursos de formación. As retribucións non aparecen xustificadas en partes de
imputación de horas dedicadas a esa formación.
3.16. En todos os cursos estanse a imputar dentro do concepto “outros gastos asociados”
gastos de asesoría e administración sen que se acredite que están directamente relacionados e
son indispensables para a adecuada execución da AF, tal e como esixe o artigo 21 da Orde da
convocatoria. Trátase de gastos de asesoría contable e financeira (facturacións de máis de 4.000
euros por un profesional independente imputadas a todo o plan e repartidas nos distintos
cursos); gastos de xestión de nóminas da CEP facturados por IRCA Vigo S.L.; ou gastos de
auditoría do plan de formación con LM y F auditores SLP por 10.620 euros, repartidos en todo o
plan.
Tampouco parece axeitada a práctica xeneralizada desta entidade de imputar como custos
indirectos gastos de material de oficina que xa tiveron unha canle de imputación dentro dos
custos directos presentados tanto polo centro de impartición como por outros provedores.
No curso de Photoshop tampouco se atopa xustificación para a imputación de gastos de
coordinación facturados pola Asociación de Empresarios da GARDA por importe de 525 euros,
sen relación acreditada coa acción formativa.
3.17. O control de calidade realízase, para os dous plans, pola mesma empresa externa (FEMXA
FORMACIÓN S.L.), imputándose o seu custo nun promedio do 2,5% do custo total das accións.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEP
90
3.18. Nos cursos examinados non existen partes asinados polos alumnos que acrediten a súa
participación.
III.8.4. Conclusións
• A análise operativa viuse condicionada pola inexistencia de obxectivos concretos a obter con
estes plans de formación, así como de indicadores que permitan cuantificar os logros obtidos e a
avaliación posterior dos mesmos.
• Os contratos para a xestión dos plans celebrados por CEP coas entidades de formacións non
contan coa autorización previa do órgano concedente da axuda.
• Na programación dos dous exercicios un 23% dos cursos presenciais superan o módulo
máximo de 12 euros/hora/alumno previsto para os mesmos. O custo medio dos cursos sitúase en
10,71 euros/hora/alumno inicial (11,6 euros por alumno final), cunha taxa de abandono do
5,86%.
• A amplitude do encargo da xestión realizado ás entidades subcontratistas, que abarca non só a
docencia senón todo tipo de tarefas auxiliares, fai pensar que o importe imputado por CEP en
concepto de custos indirectos estase realizando en contía superior ao peso da actividade que
asume.
• A diferenza entre o prezo destes contratos (prezo de mercado) e o prezo final derivado de
distintos conceptos reiterados (materiais didácticos de distintos provedores, equipos) e da
imputación dos custos indirectos das dúas entidades supón un incremento significativo de custos,
sen que se poida valorar a razonabilidade dos mesmos.
• En varios dos cursos examinados destaca o elevado prezo da docencia (148 euros/hora), que
resulta cuestionable ao comparalo (nos distintos expedientes) cos doutras empresas que prestan
estes servizos a un prezo notablemente inferior.
• Dentro dos gastos indirectos (dun 20% dos totais) resaltan como non elixibles: gastos de
asesoría contable e financeira (facturacións de máis de 4.000 euros por un profesional
independente imputadas a todo o plan e repartidas nos distintos cursos); gastos de xestión de
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. CEP
91
nóminas da CEP facturados por IRCA Vigo S.L.; ou gastos de auditoría do plan de formación con
LM y F auditores SLP por 10.620 euros, repartidos en todo o plan.
• En ningún dos expedientes analizados existen partes asinados polos alumnos que acrediten a
súa asistencia aos cursos e permitan verificar nunha fiscalización a posteriori tanto a evidencia da
súa realización como o número dos que finalizaron a actividade formativa, aos efectos de
comprobar se as liquidacións ofrecidas pola Consellería son correctas (toda vez que as
liquidacións dependen dese número). Constan, non obstante, partes asinados polos docentes17.
17
Parágrafo modificado como consecuencia das alegacións
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. FEAGA
92
III.9. Federación de Autónomos de Galicia (FEAGA)
III.9.1. Descrición da entidade
1.1. A Federación de Autónomos de Galicia (en adiante FEAGA) é unha organización da
Comunidade Autónoma para a defensa e promoción dos traballadores autónomos, integrada por
máis de 50 asociacións sectoriais e comarcais.
III.9.2. Plans de formación obxecto de subvención
2.1. O beneficiario presentou solicitudes de axudas para o financiamento de plans de formación
intersectoriais correspondentes ás convocatorias de 2009 (execución no 2010) e 2010 (execución
no 2011).
Cadro 25: Datos básicos plans de formación FEAGA. (Euros)
Plan
Data
solicitude
Data
concesión
Importe
aprobado
Cursos
solicitados
Cursos
aprob.
Cursos
realizados
Alumnos
solicitados
Alumnos
concedidos
Alumnos
participantes
PF 2009/60 29.10.2009 15.12.2009 62.902,50 34 11 11 1.021 131 144
PF 2010/215 12.08.2010 24.11.2010 144.326,25 30 13 13 1.034 164 189
Fonte: Elaboración propia
2.2. O financiamento solicitado, concedido, xustificado e aboado é o seguinte:
Cadro 26: Datos financiamento plans de formación FEAGA. (Euros)
Plan Solicitado Concedido Xustificado Anticipo Liquidación Subv. final
PF 2009/60 700.710,00 62.902,50 62.902,50 50.322 12.580,50 62.902,50
PF 2010/215 794.887,50 144.326,25 144.326,25 115.461 28.865,25 144.326,25
Fonte: Elaboración propia
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. FEAGA
93
2.3. A xestión e execución destes plans realízase por FEMXA FORMACIÓN S.L., que executa o
100% dos plans intersectoriais de 2009/2010 e 2010/2011, recibindo o 100% do importe do
financiamento concedido.
III.9.3. Resultados do traballo
Análise operativa
3.1. FEAGA non puido facilitarnos unha análise que soporte a planificación das accións
formativas, na que se especifiquen as necesidades detectadas co obxecto de xustificar a
realización das propostas. A petición das accións formativas a impartir faise pola entidade
xestora do plan formativo (FEMXA FORMACIÓN S.L.) en función do catálogo de cursos de que
dispoñen, das demandas existentes nas bases de datos de FEAGA, e da priorización realizada
pola Consellería de determinadas accións.
3.2. Só un 29% e un 43% das accións formativas solicitadas nos respectivos plans de formación
(2009 e 2010) foron aprobadas polo órgano concedente. Ningunha das accións excluídas de
financiamento foi realizada.
3.3. Entre as accións formativas predominan as relativas ás áreas de informática e idiomas.
Como accións singulares, que poden estar máis vinculadas ao interese persoal que ao profesional
ou ocupacional que se busca, destacan as de Intelixencia emocional, Photoshop ou Coaching and
mentoring.
3.4. Á marxe dos controis de calidade, non existen estudos ou informes finais de avaliación dos
resultados obtidos na execución destes plans formativos, nos que consten os obxectivos
acadados en termos de promoción profesional ou estabilidade no emprego.
3.5. No plan de 2009 participaron nos distintos cursos de formación 134 alumnos diferentes,
dos cales 7 deles desenvolven máis dunha acción formativa, constatándose alumnos con 3 cursos
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. FEAGA
94
(3 casos) e 2 cursos (4 alumnos). No plan de 2010, con 183 participantes, seis deles desenvolven
máis dunha acción formativa.
Análise de cumprimento
Aspectos xerais do plan
3.6. A solicitude das axudas preséntase en modelo normalizado acompañada de toda a
documentación xustificativa esixida na convocatoria.
3.7. A beneficiaria contrata coa entidade FEMXA FORMACIÓN S.L. a realización da totalidade
das accións formativas dos referidos plans de formación. A estes efectos, existe un contrato
formalizado por escrito entre ambas entidades para o plan de 2010 (non consta o contrato de
colaboración do plan de 2009), así como a autorización do órgano concedente da axuda,
emitida, non obstante, con posterioridade a formalización dese contrato18.
FEMXA FORMACIÓN S.L. factura a FEAGA o 100% do custo de cada acción formativa, por un
importe total de 62.902,50 euros no plan de 2009 e 144.326,25 euros no plan de 2010.
A subcontratación a FEMXA FORMACIÓN S.L. realízase en termos tan amplos (“desenvolver o
plan de formación subscrito para o sector ..., así como tódalas tarefas de xestión relacionadas”)
que é dificilmente xustificable tendo en conta que a idoneidade da entidade beneficiaria é unha
das causas da concesión das axudas, e que esta queda reducida así a un simple intermediario.
3.8. Os custos por hora/alumno oscilan entre 5,63 euros e 13,19 euros. Das 10 accións
aprobadas no plan de 2009, seis desenvólvense na modalidade de teleformación, tres son
presenciais e unha mixta. No plan de 2010, das 13 accións aprobadas, 10 son de teleformación
e o resto presenciais.
3.9. A entidade certifica a realización e finalización da totalidade das accións formativas
aprobadas nos dous plans en datas 23 de setembro de 2010 e 15 de xullo de 2011,
respectivamente.
18
Parágrafo modificado como consecuencia das alegacións
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. FEAGA
95
Os importes totais do gasto xustificado (62.902,50 euros no plan de 2009 e 144.326,25 euros
no plan de 2010) alcanza o importe total das axudas concedidas. Tanto no plan de 2009 como
no de 2010 realizáronse todas as accións concedidas. As liquidacións foron aprobadas polo
órgano concedente sen incidencias.
Segundo a información que figura nos distintos rexistros informáticos facilitados pola Dirección
Xeral de Formación e Colocación, o número de alumnos que participan nas accións formativas
superan os autorizados na resolución que aproba as axudas.
3.10. En xeral, os gastos xustifícanse ante a Dirección Xeral de Formación e Colocación mediante
unha factura global con desglose dos distintos conceptos imputados.
3.11. A entidade puido facilitarnos rexistros contables diferenciados na súa contabilidade que
permitan identificar todos os gastos e ingresos derivados da execución das accións formativas
destes plans19.
Xustificación do gasto nos cursos seleccionados
3.12. Para todos os cursos seleccionados, o importe de gasto que a Administración considera
como xustificado é igual ou superior ao da axuda concedida. O pagamento do beneficiario
(FEAGA) á entidade colaboradora (FEMXA FORMACIÓN S.L.) realizouse dentro do prazo de
xustificación das axudas.
Os catro cursos seleccionados presentan as características e descrición de gasto que figuran no
cadro seguinte:
19
Parágrafo modificado como consecuencia das alegacións
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. FEAGA
96
Cadro 27: Custos accións formativas analizadas FEAGA, (Euros)
Curso Provedor
Custos directos facturados por subcontratista C. indirectos Prezo
final Impart. Coord. Equipos Material Aulas Seguros Control Public. FEMXA FEAGA
Intelixencia emocional
Enterprise Admi.
Femxa F. S.L. 3.641 1.252 747 1.440 0 7.200
2009/1288 Axa seguros 119
18 al. - 35h
Contratos nóminas SS Femxa F. S.L. 3.870 1.808 1.241 1.760 0 8.800
2009/1302 Axa seguros 119
15 al. - 35 h
Photoshop Femxa F. S.L. 4.717 469 1.296 0 6.480
2009/1337 Outros
15 al. - 80h
Coaching and mentoring Femxa F. S.L. 4.301 498 1.200 0 6.000
2010/4523
15 al. - 35 h
Fonte: Elaboración propia
3.13. FEAGA subcontrata a impartición desas accións formativas especificando no contrato
formalizado o traslado á subcontratista da totalidade da xestión das mesmas. Este custo pola
xestión, aínda que no contrato non se especifique, tradúcese na facturación de custos indirectos
polo importe do 20% dos custos de cada acción formativa.
3.14. Non existen custos por control de calidade das distintas accións formativas.
3.15. A xustificación do gasto incorrido por FEMXA FORMACIÓN S.L. acredítase mediante unha
factura global desta entidade, pero sen xustificantes de gasto propiamente dito que permita o
control polo órgano concedente.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. FEAGA
97
3.16. Nos cursos examinados non existen partes asinados polos alumnos, e tampouco os partes
oficiais de asistencia están firmados polos profesores.
3.17. Nos cursos seleccionados non existe comprobación in situ pola Administración da
realización do curso.
III.9.4. Conclusións
• A análise operativa viuse condicionada pola inexistencia de obxectivos concretos a obter con
estes plans de formación, así como de indicadores que permitan cuantificar os logros obtidos e a
avaliación posterior dos mesmos.
• A subcontratación por FEAGA coa empresa FEMXA FORMACIÓN S.L. realízase en termos tan
amplos a favor desta que resulta dificilmente xustificable, sobre todo tendo en conta que a
idoneidade da beneficiaria foi unha das causas da concesión das axudas e que esta última queda
reducida a un simple intermediario, sen reservarse nin sequera as funcións de coordinación e
control.
• Respecto do plan de 2009 non existe un contrato formalizado por escrito entre ambas
entidades para a xestión destas actividades, e non consta a autorización do órgano concedente
das axudas para a subcontratación de ningún dos dous plans.
• En ningún dos expedientes analizados existen partes asinados polos alumnos que acrediten a
súa asistencia aos cursos e permitan verificar nunha fiscalización a posteriori tanto a evidencia da
súa realización como o número dos que finalizaron a actividade formativa, aos efectos de
comprobar se as liquidacións aprobadas pola Consellería son as correctas (toda vez que as
liquidacións dependen dese número).
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. FGCP
98
III.10. Federación Galega de Confrarías de Pescadores
III.10.1. Descrición da entidade
1.1. A Federación Galega de Confrarías de Pescadores é unha corporación de dereito público
que representa ás federacións provinciais de confrarías, na que se integran distintas entidades
deste tipo (confrarías de pescadores).
III.10.2. Plans de formación obxecto de subvención
2.1. A beneficiaria presentou solicitudes de axudas para o financiamento de accións formativas
ao abeiro da Orde do 7 de maio de 2010 e da Orde do 22 de marzo de 2011, polas que se
regulan as subvencións para a programación de accións formativas para persoas ocupadas,
cofinanciadas polo FSE, dirixidas á reciclaxe e recualificación das persoas traballadoras dos
sectores estratéxicos da Comunidade Autónoma de Galicia: téxtil, alimentación, madeira,
construción, metal, agrario, pesqueiro e aqueles outros sectores que como consecuencia da crise
económica tivesen unha perda de afiliación á seguridade social superior ao 1%.
Cadro 28: Datos básicos plans de formación Fed. Gal. de Confrarías de Pescadores. (Euros)
Plan
Data
solicitude
Data
concesión
Gasto
aprobado
Subv.
aprobada
Nº accións formativas Nº alumnos
Solicit. Conced. Realizadas Solicit. Conced. Finais
2010/154-0 08.06.2010 15.09.2010 344.814 344.814 225 69 69 1.035 1.035 NC
2011/73-0 20.04.2011 15.07.2011 181.770 181.770 41 35 35 615 525 NC
Fonte: Elaboración propia
2.2. O financiamento solicitado, concedido, xustificado e aboado é o seguinte:
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. FGCP
99
Cadro 29: Datos financiamento plans de formación Fed. Gal. de Confrarías P. (Euros)
Plan Solicitado Aprobado Anticipo Xustificado Liquidación Subv. final
2010/154-0 2.070.705 344.814 224.129 344.814 120.685 344.814
2011/73-0 456.105 181.770 46.681 181.764 135.083 181.764
Fonte: Elaboración propia
2.3. A impartición destas accións formativas concértase na súa totalidade coas empresas
SALVAMENTO E CONTRAINCENDIOS S. L. (SALVACON) e CENTRO DE FORMACIÓN PRAXIS S.L.
III.10.3. Resultados do traballo
Análise operativa
3.1. A Federación Galega de Confrarías de Pescadores non puido acreditar a existencia de
estudos previos que fixen obxectivos concretos a obter con estes plans de formación. En
consecuencia, tampouco constan indicadores que permitan cuantificar os logros obtidos nin unha
avaliación posterior dos mesmos. Existe unha memoria dos proxectos de formación para os
respectivos exercicios cos datos esixidos pola Consellería de Traballo.
3.2. Sen prexuízo dalgunha formación adicional impartida nestes exercicios, o peso da actividade
formativa da beneficiaria vén condicionado polas axudas da Consellería.
A maioría das accións formativas son cualificadas no expediente como formación xeral
(coñecementos transferibles a outras entidades) relacionada co ámbito de actuación deste sector.
O custo hora/alumno está dentro dos módulos establecidos na Orde da convocatoria.
3.3. A maioría das accións impártense a traballadores en activo, pero tamén a alumnos en
situación de desemprego que precisan a titulación dalgún dos cursos para acceder a estes
traballos. Non se acredita no expediente que os participantes dos cursos teñan a condición de
membros ou asociados da corporación de dereito público, nos termos esixidos no artigo 5 da
Orde da convocatoria, para ser beneficiarios destas axudas.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. FGCP
100
Todos os cursos son realizados fóra do horario laboral en instalacións diferenciadas das
dedicadas ao traballo ordinario. O número de alumnos que desenvolveron as accións formativas
financiadas con estas axudas foi de 1.035 e 525 nos respectivos exercicios 2010 e 2011.
3.4. Fóra dos informes de control de calidade (que non constan respecto dos cursos xestionados
por PRAXIS S.L.), non existen estudos ou informes finais dos resultados obtidos na execución
conxunta destes plans formativos, nos que consten os resultados acadados en termos de
promoción profesional ou estabilidade no emprego.
Análise de cumprimento
3.5. A entidade non puido facilitarnos rexistros contables diferenciados na súa contabilidade que
permitan identificar todos os gastos e ingresos derivados da execución das accións formativas.
Esta limitación impediu contrastar a declaración da non obtención doutras axudas para as
mesmas accións.
3.6. Os importes das subvencións concedidas alcanza o 100% do gasto xustificado nos
exercicios 2010 e 2011, rebasando polo tanto a intensidade máxima do 80% establecida para as
empresas no artigo 7 da Orde da convocatoria, sen terse xustificado debidamente no expediente
o amparo normativo da concesión da axuda nesa contía. En xeral, para a xustificación das
axudas acredítase a realización do gasto e dos pagamentos dentro do prazo de xustificación.
Como excepción, en dúas accións formativas analizadas (AF 2011/5800 e AF 2011/6013)
atopáronse pagamentos fóra dese prazo, pero con anterioridade ao pagamento da axuda pola
Xunta.
3.7. Nos seis cursos examinados, as accións formativas subcontrátanse a distintas empresas de
formación, abarcando en todos os casos non só os servizos de docencia senón tamén ao aluguer
de instalacións, equipos e material, como pode advertirse no cadro seguinte:
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. FGCP
101
Cadro 30: Accións formativas seleccionadas FGCP. (Euros)
Curso Provedor
Gastos imputados Prezo
final Impart. Materiais Amortiz. Xest. coord. Alumnos Control
Mariñeiro-pescador Salvacon S.L. 1.250 3.362 --- --- --- ---- 4.612
2010/7124
15 al. - 50h
Operador restrinxido SMSS Salvacon S.L. 1.750 2.401 ---- ---- ---- ---- 4.151
2010/7488
15 al.- 45h
Formación sanitaria específica Salvacon S.L. 1.275 1.785 ---- ---- ---- ---- 3.060
2010/7847
15 al. - 45h
Form. sanitaria específica avanzada Salvacon S.L. 1.750 2.445 --- 165 ---- 229 4.590
2011/5800
15 al. - 45h
Formación básica Salvacon S.L. 2.000 4.091 ---- 292 ---- 336 6.720
2011/6013
15 al. - 80h
Garda de campo C. F. Praxis S.L. 3.835 2.229 ---- 346 ---- 427 9.150
2011/5792
15 al. - 100h
Fonte: Elaboración propia
3.8. Constan os contratos formalizados por escrito tanto coa entidade SALVACON S.L. como co
Centro de Formación PRAXIS S.L., así como a autorización destas subcontratacións pola
Dirección Xeral de Formación. Consta ademais solicitude de tres ofertas con carácter previo aos
contratos anuais formalizados con PRAXIS S.L.
3.9. Non existe imputación de custos salariais dos traballadores que participan na formación ao
terse realizado tódalas accións formativas fóra da xornada laboral.
3.10. En todos os cursos examinados impartidos por SALVACON S.L. existen partes asinados
polos alumnos que acreditan a súa participación. Porén, non constan estes partes nos cursos de
PRAXIS S.L.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. FGCP
102
3.11. Nos cursos analizados non existe comprobación in situ pola Administración da realización
do curso.
III.10.4. Conclusións
• A análise operativa viuse condicionada pola inexistencia de obxectivos concretos a obter con
estes plans de formación, así como de indicadores que permitan cuantificar os logros obtidos e a
avaliación posterior dos mesmos.
• Non se acredita no expediente a condición de membros ou asociados da corporación de dereito
público dos participantes destas accións formativas, nos termos esixidos no artigo 5 da Orde da
convocatoria, para ser beneficiarios destas axudas.
• O importe das subvencións concedidas alcanza o 100% do gasto xustificado nos exercicios
2010 e 2011, rebasando polo tanto a intensidade máxima do 80% establecida para as empresas
no artigo 7 da Orde da convocatoria, sen terse xustificado debidamente no expediente o amparo
normativo da concesión das axudas nesta contía.
• En dúas accións formativas analizadas (AF 2011/5800 e AF 2011/6013) atopáronse
pagamentos fóra do prazo de xustificación.
• 20
• Salvo nun dos cursos xestionados polo Centro de Formación PRAXIS S.L. nos restantes non
consta que existen partes asinados polos alumnos que acrediten a súa asistencia aos cursos, e
permitan verificar nunha fiscalización a posteriori tanto a evidencia da súa realización como o
número dos que finalizaron a actividade formativa21.
20
Parágrafo eliminado como consecuencia das alegacións 21
Parágrafo modificado como consecuencia das alegacións.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. Grupo Tres Mares S.A.
103
III.11. Grupo Tres Mares S.A.
III.11.1. Descrición da entidade
1.1. Grupo Tres Mares S.A. é unha empresa mercantil constituída como sociedade anónima no
ano 1987.
1.2. Esta empresa pertence ao sector pesqueiro e conta nos exercicios 2010 e 2011 cun número
medio de 50 traballadores. O seu obxecto social esténdese “á comercialización de toda clase de
bens, mobles, maquinaria, inmobles, vehículos, tecnoloxía e servizos...”, polo que é máis amplo
que o da actividade de acuicultura.
III.11.2. Plans de formación obxecto de subvención
2.1. A beneficiaria presentou solicitudes de axudas para o financiamento de accións formativas
ao abeiro da Orde do 7 de maio de 2010 e da Orde do 22 de marzo de 2011, polas que se
regulan as subvencións para a programación de accións formativas para persoas ocupadas,
cofinanciadas polo FSE, dirixidas á reciclaxe e recualificación das persoas traballadoras dos
sectores estratéxicos da Comunidade Autónoma de Galicia: téxtil, alimentación, madeira,
construción, metal, agrario, pesqueiro e aqueles outros sectores que como consecuencia da crise
económica tivesen unha perda de afiliación á seguridade social superior ao 1%.
Cadro 31: Datos básicos plans de formación Grupo Tres Mares S.A. (Euros)
Plan
Data
solicitude
Data
concesión
Gasto
aprobado
Subvención
concedida
AF
solicitadas
AF
concedidas
AF
realizadas
2010/414-0 11.06.2010 11.10.2010 235.950 188.760 3 3 3
2011/184-0 14.04.2011 30.09.2011 171.800 82.485 9 7 7
Fonte: Elaboración propia
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. Grupo Tres Mares S.A.
104
2.2. O financiamento solicitado, concedido, xustificado e aboado é o seguinte:
Cadro 32: Datos financiamento plans de formación Grupo Tres Mares S.A. (Euros)
Plan
Subvención
concedida Xustificado Anticipo Liquidación Subv. final
2010/414-0 188.760 272.519 122.694 66.066 188.760
2011/184-0 82.485 --- 0 82.485 82.485
Fonte: Elaboración propia
2.3. A impartición destas accións realízase pola empresa beneficiaria con docentes propios,
contratando cunha firma externa (GESAN S.L.) a xestión e coordinación das accións formativas.
III.11.3. Resultados do traballo
Análise operativa
3.1. Á marxe da memoria xustificativa presentada coa solicitude das axudas, Grupo Tres Mares
S.A. non puido acreditar a existencia de estudos previos que fixen uns obxectivos concretos a
obter con estes plans de formación. En consecuencia, tampouco constan indicadores que
permitan cuantificar os logros obtidos nin unha avaliación posterior dos mesmos.
Segundo os responsables da entidade, a iniciativa da solicitude desta formación tómase a partir
da información da entidade colaboradora GESAN S.L., que se encarga da tramitación e
xustificación destas axudas, así como da realización de determinados traballos relacionados coa
mesma.
A representación legal dos traballadores non recibe formalmente información da solicitude,
planificación e desenvolvemento das accións formativas.
3.2. Sen prexuízo dalgunha formación adicional impartida nestes exercicios, o peso da actividade
formativa da empresa vén condicionado polas axudas da Consellería.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. Grupo Tres Mares S.A.
105
A maioría das accións son cualificadas no expediente de subvención como formación xeral
(coñecementos transferibles a outras entidades) relacionada co seu ámbito de actuación. O custo
hora/alumno está dentro dos módulos establecidos na Orde da convocatoria.
3.3. Tódalas accións formativas se imparten a traballadores en activo e son realizadas en horario
laboral, sen diferenciación horaria entre o tempo dedicado á formación e ao desenvolvemento do
traballo ordinario. O número de traballadores que desenvolveron accións formativas nestes
exercicios foi de 53 (en 2010) e 57 (2011), durante 4 meses cun promedio de 5 horas diarias.
Ningún alumno desenvolve máis dunha acción formativa dentro destes plans.
O feito de que a formación se compatibilice co traballo efectivo dos participantes, sen
diferenciación horaria, e que esta actividade formativa absorba un elevado número de
traballadores (o 90% dos totais da empresa) nunha ampla marxe da súa xornada e nun período
relativamente longo, fai albergar dúbidas sobre o peso atribuído á formación no conxunto da
xornada laboral.
3.4. Fóra dos informes de control de calidade, non existen estudos dos resultados obtidos na
execución destes plans formativos nos que consten os obxectivos acadados en termos de
promoción profesional ou estabilidade no emprego.
En novembro de 2013, un 82% do persoal que recibiu esta formación permanece na empresa.
Análise de cumprimento
3.5. Os importes das subvencións aboadas alcanzan o 80% do gasto xustificado. Todos os
cursos seleccionados presentan un importe de gasto xustificado na contía necesaria para o
devengo da totalidade da axuda aprobada. Para a xustificación das axudas, acredítase ter
realizado o gasto e os pagamentos dentro do prazo de xustificación, agás o pagamento á
entidade colaboradora (GESAN S.L.) no plan de 2010, que se realizou fóra dese prazo.
3.6. Os custos de docencia representan entre un 6% e un 8% do promedio dos custos das
distintas accións formativas. Os cursos impártense por persoal da empresa beneficiaria (unha
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. Grupo Tres Mares S.A.
106
directiva e dous oficiais) cun nivel de preparación e especialización axeitado, e cun custo fixo de
20 euros/hora. Non constan, non obstante, partes de imputación de horas dedicadas á docencia
que xustifiquen o gasto presentado.
3.7. Excluíndo os custos salariais dos traballadores participantes, as adquisicións de material e
demais gastos correntes representan unha porcentaxe do 80% dos restantes gastos da
actividade formativa, que no exercicio 2010 parece claramente excesiva para atender os fins
formativos por referirse a gastos que, en todo caso, precisa a empresa á marxe da formación
para atender as necesidades comúns do sistema produtivo. No exercicio 2011 corrixiuse esta
práctica.
3.8. Os custos dos alumnos, que alcanzan o 55% dos totais das distintas actividades formativas,
están acreditados con nóminas dos traballadores e xustificados en función das horas de
formación respectando o límite cuantitativo fixado na Orde da convocatoria. A confusión entre o
tempo de traballo efectivo e de formación dos traballadores constitúe, non obstante, unha
limitación para determinar o gasto admisible como horas de formación.
Os cursos seleccionados presentan as características e descrición de gasto que se reflicten no
cadro seguinte:
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. Grupo Tres Mares S.A.
107
Cadro 33: Custos accións formativas seleccionadas Grupo Tres Mares S.A. (Euros)
Curso Provedor
Gastos imputados Prezo
final Impart. Materiais Amortiz. Xest. coord. Alumnos Control
Func., mant. e traballo en piscifactorías Persoal propio 6.000
---
51.203
94.264
AF 2010/8437 GESAN S.L. 2.135 900 1.716
300 h. - 20 alumnos Varios 32.310
Func. mant. e traballo piscifactorías Persoal propio 6.000
----
60.181
103.242
AF 2010/8438 GESAN S.L. 2.135 900 1.716
300 h. - 20 alumnos Varios 32.310
Func. mant. e traballo piscifactorías Persoal propio 6.000
----
40.742
75.013
AF 2010/8439 GESAN S.L. 1.313 900 1.287
300 h. - 15 alumnos Varios 24.771
APPCC, calidade e trazabilidade Persoal propio 4.581
---
17.256
23.806
AF 2011/6776 GESAN S.L. 854 687 427
100 h. - 20 alumnos
Plan de continxencia ambiental Persoal propio 2.087
----
16.454
20.146
AF 2011/6779 GESAN S.L. 861 313 431
100 h. - 20 alumnos
Plan evacuación e emerxencias Persoal propio 4.581
----
17.933
24.492
AF 2011/6782 GESAN S.L. 861 687 430
100 h. - 20 alumnos
Fonte: Elaboración propia
3.9. Respecto dos custos por servizos de coordinación, acreditados con gastos da entidade
GESAN S.L., non pode aceptarse que sexan indispensables para a adecuada preparación e
execución da actividade subvencionada, dado o ámbito interno no que se desenvolve esta
formación.
O beneficiario contrata con esta entidade, ademais desta coordinación, a elaboración de material
didáctico, manuais, avaliación e control das accións formativas. O importe total facturado
ascende no ano 2010 a 13.002,02 euros, non constando a petición de ofertas a distintos
provedores. No exercicio 2011, o importe da contratación con esta entidade foi de 10.262 euros.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. Grupo Tres Mares S.A.
108
3.10. Os custos do control de calidade, realizado polo persoal da empresa externa, impútanse
nun promedio do 1,8% do custo total, sen diferenzas substanciais entre os distintos cursos.
3.11. Nos cursos examinados non existen partes asinados polos alumnos que acrediten a súa
participación, aínda que si constan follas de control asinadas polos docentes.
3.12. Nos cursos examinados non existe comprobación in situ pola Administración da realización
dos cursos.
III.11.4. Conclusións
• A análise operativa viuse condicionada pola inexistencia de obxectivos concretos a obter con
estes plans de formación, así como de indicadores que permitan cuantificar os logros obtidos e a
avaliación posterior dos mesmos.
• O feito de que a formación se compatibilice co traballo efectivo dos participantes, sen
diferenciación horaria, e que esta actividade formativa absorba un elevado número de
traballadores (o 90% dos totais da empresa) nunha ampla marxe da súa xornada e nun período
relativamente largo, fai albergar dúbidas sobre o peso da formación no conxunto da xornada
laboral, o que constitúe unha limitación para determinar o gasto admisible como horas de
formación.
• Para a xustificación das axudas acredítase ter realizado o gasto e os pagamentos dentro do
prazo de xustificación, agás o pagamento á entidade colaboradora (GESAN S.L.) no plan de
2010, que se realizou fóra dese prazo.
• No plan de 2010, o gasto en adquisicións de material e demais gastos correntes parecen
claramente excesivos para atender aos fins formativos, por tratarse en todo caso de gastos
necesarios para atender as necesidades comúns do sistema produtivo da empresa.
• Dado o ámbito interno de empresa no que se desenvolve esta formación e a impartición da
docencia polo propio persoal, non pode aceptarse que os custos por servizos de coordinación,
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. Grupo Tres Mares S.A.
109
acreditados con gastos da entidade GESAN S.L., sexan indispensables para a adecuada
preparación e execución da actividade subvencionada.
• O beneficiario contrata con esta entidade, ademais desta coordinación, a elaboración de
material didáctico, manuais, avaliación e control das accións formativas. O importe total
facturado, que ascendeu no ano 2010 a 13.002,02 euros, realízase sen a petición de ofertas a
distintos provedores.
• En ningún dos expedientes analizados existen partes asinados polos alumnos que acrediten a
súa asistencia aos cursos e permitan verificar nunha fiscalización a posteriori tanto a evidencia da
súa realización como o número dos que finalizaron a actividade formativa, aos efectos de
comprobar se as liquidacións aprobadas pola Consellería son correctas (toda vez que as
liquidacións dependen dese número).Constan, non obstante, partes asinados plos docentes22.
22
Parágrafo modificado como consecuencia das alegacións.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. Peugeot Citröen Automóviles España S.A.
110
III.12. Peugeot Citröen Automóviles España S.A.
III.12.1. Descrición da entidade
1.1. PSA Peugeot Citröen é un grupo industrial dedicado ao sector da automoción cunha ampla
presenza en España e cuxo centro de produción máis importante é a planta de Vigo. O sector da
automoción é o máis importante de Galicia en termos de emprego e constitúe unha panca do
desenvolvemento económico e industrial da rexión.
III.12.2. Plans de formación obxecto de subvención
2.1. A beneficiaria presentou solicitudes de axudas para o financiamento de accións formativas
ao abeiro da Orde do 7 de maio de 2010 e da Orde do 22 de marzo de 2011, polas que se
regulan as subvencións para a programación de accións formativas para persoas ocupadas,
cofinanciadas polo FSE, dirixidas á reciclaxe e recualificación das persoas traballadoras dos
sectores estratéxicos da Comunidade Autónoma de Galicia: téxtil, alimentación, madeira,
construción, metal, agrario, pesqueiro e aqueles outros sectores que como consecuencia da crise
económica tivesen unha perda de afiliación á seguridade social superior ao 1%.
Cadro 34: Datos básicos plans de formación Peugeot Citröen S.A. (Euros)
Plan Data solicitude
Data
concesión
Gasto
aprobado
Subv.
aprobada
Accións formativas
Solicitadas Concedidas Realizadas
2010/059-0 4.06.2010 11.10.2010 348.480 209.088 43 55 32
2011/021-0 25.04.2011 21.07.2011 181.858 109.114 50 37 21
Fonte: Elaboración propia
2.2. O financiamento solicitado, concedido, xustificado e aboado é o seguinte:
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. Peugeot Citröen Automóviles España S.A.
111
Cadro 35: Datos financiamento plans de formación Peugeot Citröen S.A. (Euros)
Plan Solicitado Aprobado Anticipo Liquidación Subv. final
2010/059-0 460.174 209.088 69.250 22.451 91.701
2011/021-0 --- 66.534 0 55.745 55.575
Fonte: Elaboración propia
2.3. A impartición destas accións realízase pola empresa beneficiaria con docentes propios, e
auxiliándose de profesionais externos.
III.12.3. Resultados do traballo
Análise operativa
3.1. A beneficiaria conta cun plan formativo aprobado anualmente que recolle a totalidade das
necesidades dos distintos talleres e servizos do centro de traballo.
A nivel organizativo, conta cun centro de formación central cun cadro de persoal fixo de nove
traballadores e cunha estrutura de apoio de técnicos especialistas distribuídos nos distintos
departamentos da empresa.
A representación legal dos traballadores recibe formalmente información da solicitude,
planificación e desenvolvemento das accións formativas e informa o plan anual de formación da
empresa.
3.2. Os plans de formación de 2010 e 2011 contemplan a realización de 204.000 horas e
209.000 horas, respectivamente, e un investimento para a empresa de 3,5 millóns de euros e 4,9
millóns. As subvencións solicitadas no 2011 prevén financiar 16.298 horas cunha axuda de
400.000 euros (para impartición máis custos salariais).
As totalidades das accións son cualificadas no expediente como formación xeral (coñecementos
aplicables ao posto pero tamén transferibles a outras entidades) relacionada co seu ámbito de
actuación. O custo por hora/alumno financiado coas axudas está dentro dos módulos
establecidos na Orde da convocatoria.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. Peugeot Citröen Automóviles España S.A.
112
3.3. Todas as accións formativas se imparten a traballadores en activo e son realizadas en
horario laboral en aulas específicas de formación dispoñibles na empresa, e en xornadas
diferenciadas das dedicadas ao traballo ordinario.
O número de participantes que desenvolveron accións formativas financiadas con esas axudas no
exercicio 2011 foi de 440 traballadores.
3.4. Fóra dos informes de control de calidade, non existen estudos ou informes dos resultados
obtidos na execución conxunta destes plans formativos nos que consten os obxectivos acadados
en termos de promoción profesional ou estabilidade no emprego.
Análise de cumprimento
3.5. No plan do ano 2010, a liquidación das axudas reduce a subvención final a un 44% do
importe concedido inicialmente. Respecto do plan do 2011, consta a existencia dun requirimento
da Dirección Xeral de Formación e Colocación á empresa para que achegue documentación
adicional na xustificación presentada, e unha liquidación que minora as axudas a un 51% do
importe inicial.
3.6. A entidade non puido facilitarnos rexistros contables diferenciados na súa contabilidade que
permitan identificar todos os gastos e ingresos derivados da execución das accións formativas.
Esta limitación impediu contrastar a declaración da non obtención doutras axudas para as
mesmas accións.
3.7. Todos os cursos seleccionados presentan un importe de gasto xustificado na contía
necesaria para o devengo da axuda na intensidade aprobada. En xeral, para a xustificación das
axudas acredítase ter realizado o gasto e os pagamentos dentro do prazo de xustificación. Como
excepción, nas accións analizadas atopáronse pagamentos á entidade IF Consulting, por importe
de 23.100 euros, que se realizaron fóra dese prazo, pero con anterioridade ao cobro da axuda.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. Peugeot Citröen Automóviles España S.A.
113
3.8. Os custos de docencia representan un 50% do promedio dos custos das distintas accións
formativas. Impártense por persoal da empresa e outros docentes externos con nivel de
preparación e especialización acreditado.
Nas accións formativas analizadas, os custos de docencia oscilaron entre 47,89 euros/hora (AF
2011/5010) e 98,90 euros/hora (AF 2010/5593). Na impartición do módulo de calidade non
constan partes de imputación de horas de docencia dedicadas a cada acción formativa que
xustifiquen o gasto individualizado de cada unha.
Nas accións formativas do plan de 2010 analizadas, comprobouse que a empresa IF Consulting
impartiu a docencia de distintos cursos de inglés por importe de 23.100 euros, sen que conste a
petición de tres ofertas a distintos provedores. No exercicio 2011, tódalas contratacións de
formación atopadas son de importe inferior a 12.000 euros e figuran concertadas cos propios
provedores das máquinas subministradas, que imparten a formación necesaria para a súa
utilización.
Os cursos seleccionados presentan as seguintes características e descrición de gasto:
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. Peugeot Citröen Automóviles España S.A.
114
Cadro 36: Accións formativas seleccionadas Peugeot Citröen S.A. (Euros)
Curso Provedor
Custos imputados
Prezo
final Subvención Impart. Materiais Amortiz.
Xestión e
coord. Alumnos
Control
calidade
3D COM Persoal propio 0 2.756 4.044 2.268
AF 2010/5617 CAD TECH. 1.288
21 horas - 7 alumnos
Inglés profesional IF Consulting 2.100 23.656 28.908 6.192
AF 2010/5517 Persoal propio 3.152
80 horas - 13 alumnos
Soldadura Tucker B58/B9 Persoal propio 0 5.858 10.008 3.447
AF 2010/5593 EMHART Tecnol. 4.150
42 horas - 10 alumnos
Soldadura Tucker B58/B9 Persoal propio 0 1.942 3.714 2.229
AF 2011/5010 TUCKER GMBH 1.772
37 horas - 7 alumnos
Neumática Persoal propio 0 3.460 6.645 1.652
AF 2011/5023 FORMEGA 3.185
45 horas - 4 alumnos
3D COM Persoal propio 0 2.631 3.821 1.199
AF 2011/5033 CAD TECH. 1.190
21 horas - 7 alumnos
Fonte: Elaboración propia
3.9. Os custos dos alumnos, que alcanzan o 50% dos totais das distintas actividades formativas,
están acreditados con nóminas dos traballadores e xustificados en función das horas de
formación dentro do límite cuantitativo establecido na Orde da convocatoria.
3.10. Esta empresa non presenta custos directos de adquisicións de material e demais gastos
correntes, custos indirectos nin custos de control de calidade, limitándose a presentar gastos de
docencia.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011. Peugeot Citröen Automóviles España S.A.
115
3.11. En todos os cursos examinados existen partes asinados polos alumnos que acreditan a súa
participación. En tres das seis accións analizadas existen rateos que minoran as axudas
concedidas como consecuencia da diminución do número de alumnos participantes.
3.12. Nos cursos examinados non existe comprobación in situ da realización do curso pola
Administración. Consta, non obstante, unha auditoría realizada con posterioridade ao
desenvolvemento dos cursos por encargo da Dirección Xeral de Formación e Colocación.
III.12.4. Conclusións
• Fóra dos informes de control de calidade, non existen estudos ou informes dos resultados
obtidos na execución conxunta destas actividades formativas, nos que consten os obxectivos
acadados en termos de promoción profesional ou estabilidade no emprego.
• Na impartición dos módulos de calidade non constan partes de imputación de horas de
docencia dedicadas a cada acción formativa que xustifiquen o gasto individualizado de cada
unha.
• Nas accións formativas analizadas atopáronse pagamentos á entidade IF Consulting por
importe de 23.100 euros que se realizaron fóra do prazo de xustificación establecido na
convocatoria, pero con anterioridade ao cobro da axuda.
• Nas accións formativas do plan de 2010 analizadas, comprobouse que o beneficiario contratou
coa empresa IF Consulting a impartición da docencia de distintos cursos de inglés por un importe
de 23.100 euros sen a petición de tres ofertas a distintos provedores.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
117
IV. ALEGACIÓNS
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
119
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
120
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
121
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
122
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
123
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
124
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
125
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
126
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
127
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
128
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
129
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
130
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
131
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
132
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
133
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
134
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
135
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
136
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
137
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
138
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
139
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
140
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
141
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
142
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
143
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
144
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
145
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
146
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
147
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
148
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
149
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
150
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
151
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
152
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
153
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
154
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
155
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
156
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
157
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
158
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
159
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
160
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
161
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
162
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
163
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
164
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
165
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
166
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
167
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
168
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
169
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
170
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
171
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
172
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
173
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
174
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
175
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
176
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
177
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
178
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
179
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
180
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
181
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
182
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
183
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
184
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
185
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
186
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
187
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
188
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
189
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
190
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
191
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
192
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
193
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
194
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
195
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
196
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
197
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
198
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
199
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
200
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
201
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
202
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
203
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
204
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
205
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
206
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
207
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
208
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
209
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
210
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
211
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
212
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
213
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
214
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
215
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
216
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
217
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
218
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
219
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
220
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
221
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
222
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
223
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
224
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
225
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
226
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
227
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
228
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
229
IV. RÉPLICAS
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
231
RÉPLICAS DO CONSELLO DE CONTAS ÁS ALEGACIÓNS FORMULADAS POLOS
DISTINTOS BENEFICIARIOS DAS AXUDAS DE FORMACIÓN PARA O EMPREGO AO
ANTEPROXECTO DE INFORME DE FISCALIZACIÓN DOS FONDOS APLICADOS POLOS
BENEFICIARIOS DAS AXUDAS Á FORMACIÓN DE OCUPADOS CORRESPONDENTE AOS
EXERCICIOS 2010-2011
Trámite de alegacións
En cumprimento do disposto no artigo 58 do Regulamento de réxime interior do Consello de
Contas, aprobado pola Comisión permanente non lexislativa para as relacións co Consello de
Contas do Parlamento de Galicia o día 2 de xuño de 1992 e publicado no DOG nº 138, do 17 de
xullo de 1992, a Consellería de Traballo e Benestar remitiu no prazo sinalado para estes efectos
as alegacións formuladas polos distintos beneficiarios das axudas á formación de ocupados, que
se xuntan a este informe de fiscalización.
Con relación ao seu contido e tratamento, independentemente das aclaracións e puntualizacións
que en cada caso figuran nas réplicas, cómpre sinalar con carácter xeral que, excepto nos casos
concretos que así o requiran, non se valoran as alegacións que confirmen deficiencias ou
irregularidades sinaladas no informe; que expoñan criterios e opinións sen soporte documental
ou normativo ou ben que non rebatan o contido do informe, senón que se trate de explicacións
ou xustificacións sobre as actuacións da entidade fiscalizada. Nos supostos nos que se modifica
total ou parcialmente o contido dalgún punto do informe, indicarase este feito expresamente
mediante nota a pé de páxina.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
232
Réplicas ás alegacións formuladas pola UGT
Réplica ás alegacións formuladas á conclusión do informe de fiscalización referida aos
obxectivos do plan de formación.
Alégase que nas ordes de convocatoria non se fai referencia a estes obxectivos, que no ámbito da
participación institucional nos órganos de formación si se definen con claridade e, polo tanto, tampouco
se establecen como un parámetro a medir na execución dos plans de formación.
A través das Comisións sectoriais de cualificación e formación profesional, das que UGT forma parte
activa, recibimos información concreta sobre os logros obtidos e sobre a avaliación posterior dos mesmos.
A formación está chamada a ser a primeira política activa de emprego, pero parece necesario un
esforzo adicional para que tanto os destinatarios como as empresas e o conxunto da sociedade
coñezan de forma clara as súas posibilidades mais alá da mellora da empregabilidade como
obxectivo xenérico que sempre vai acadar. Un dos problemas máis perentorios do actual modelo
de formación para o emprego é que parece carecer de obxectivos concretos, o que dificulta a
avaliación e a adopción de medidas correctoras.
O Acordo do Diálogo Social en Galicia asinado o 5 de febreiro de 2007 –citado na exposición de
motivos da orde da convocatoria das axudas dos plans sectoriais e intersectoriais do exercicio
2009– recolle, entre os obxectivos da formación, o de proporcionarlle aos traballadores a
axeitada para a promoción persoal, para os requirimentos do mercado de traballo e para as
necesidades das empresas, contribuíndo á mellora da produtividade e da competitividade destas.
Coñecer os resultados acadados de cara a eses obxectivos, a través de indicadores que permitan
unha avaliación razoable dos mesmos, é a mellor garantía de salvagardar os valores da
formación e a eficacia e utilidade dos recursos públicos destinados á mesma.
É certo que esta determinación de obxectivos e a avaliación da súa realización é primeiramente
unha responsabilidade da Administración, pero que tamén se proxecta sobre os beneficiarios das
axudas, que deben establecer obxectivos non plans de formación por esixencia normativa (artigo
12.1.b) da orde da convocatoria).
Tamén é certo que tódalas entidades recollen dalgunha maneira obxectivos xenéricos na súa
memoria de actividades ou dentro da documentación aportada ao plan formativo, pero a
avaliación posterior de cara á adopción de medidas correctoras é unha eiva xeneralizada.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
233
O tratamento que realiza o informe desta carencia é cun enfoque operativo, e non en relación co
cumprimento da normativa de aplicación.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión do informe de fiscalización referida á
coincidencia de AF nos plans intersectoriais e sectoriais.
Alégase que tal circunstancia non debe ser valorada negativamente. A partir do ano 2012 a Consellería
deixou de convocar accións formativas de carácter sectorial.
Un dos obxectivos destacados no Plan de formación profesional de Galicia é o óptimo
aproveitamento dos recursos e da xestión. Na análise realizada no conxunto dos plans de
formación dos distintos beneficiarios puido constatarse un elevado grao de coincidencia nas
accións ofertadas e desenvolvidas, co conseguinte efecto de reiteración e duplicación das
mesmas accións formativas por parte dos distintos axentes. Isto constitúe, desde o noso punto de
vista, unha sobreactuación que pon de relevo unha utilización pouco eficiente dos recursos
públicos na prestación global desta actividade. En moitos casos, incluso o mesmo beneficiario
reitera as mesmas accións formativas no ámbito sectorial e intersectorial, cando polas súas
características debían ser exclusivas dun deses ámbitos. Esta práctica, que se describe no
informe, afonda en maior medida nesa reiteración sinalada.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
234
Réplica ás alegacións formuladas á conclusión do informe de fiscalización referida á
pluriparticipación de alumnos.
Alégase que as incidencias detectadas só afectan a unha porcentaxe mínima (0,5%) dos participantes, o
que nos leva a pensar que se tratou de situacións anecdóticas derivadas da asistencia de alumnos e
alumnas a cursos executados en distintas modalidades. En calquera caso, insistir que as melloras
adoptadas tanto pola Administración convocante e concedente como pola executora das accións non
permiten que esta anomalía se poida volver a producir.
En termos xerais, na nosa Comunidade Autónoma a participación dunha mesma persoa (taxa de
multiparticipación) en diferentes cursos é das máis altas dos plans autonómicos, e debe ser un
factor a considerar na medida en que está limitando a distribución da participación no acceso a
esta actividade e, polo tanto, aos recursos destinados á mesma. A propia Consellería, segundo as
súas alegacións, ten como obxectivo reducir esa taxa de pluriparticipación aos efectos de que a
formación chegue a un maior número posible de beneficiarios. A análise global desa taxa
concretouse respecto de cada centro dos examinados para reforzar esa conclusión xeral e, sobre
todo, para abordar a revisión de solapamentos de datas na realización daqueles. Sobre ese feito
da pluriparticipación non se segue ningunha incidencia para esa entidade máis alá de que non é
allea a esta práctica, e respecto do posible solapamento constátase a existencia de cursos con
esa incidencia (como así se destaca no informe).
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión do informe de fiscalización referida á
autorización dos contratos para a xestión celebrados entre UGT e IFES.
Alégase que entenden, e tamén a propia Consellería de Traballo no momento da concesión das axudas,
que IFES ten a consideración de beneficiaria polo que a autorización da contratación do órgano
concedente non sería requisito esixible segundo o recollido na orde de convocatoria.
Non pode aceptarse que se actuara correctamente ao non solicitar autorización para a
subcontratación da UGT con IFES. En primeiro lugar, porque non existen, tal e como avala un
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
235
informe emitido polos servizos xurídicos do Consello de Contas, razóns que poidan acreditar a
condición de asociada desta entidade (IFES) respecto da organización sindical referida: IFES é
unha fundación con personalidade xurídica propia (rexidas pola vontade do fundador), non unha
asociación (que se rexiría pola vontade dos integrantes), sen que exista disposición normativa ou
acto xurídico negocial que acredite ou lle outorgue a condición de membro asociado ao
sindicato; nin é membro asociado da entidade sindical (non forma parte desa persoa xurídica) nin
ten constituída con esta unha agrupación na súa cualidade de entidade vinculada á primeira.
Polo tanto, non ten acomodo en ningún dos supostos enunciados no artigo 10 da orde de
convocatoria destas axudas.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión do informe de fiscalización referida ás
contratacións de IFES coas empresas vinculadas FORMACIÓN 2020 S.A. e LOCALMUR S.L.
Alégase que as contratacións, aínda non pasando unha valoración por parte do órgano de concesión
(cuestión non prevista con carácter xeral na norma) si a pasan por parte da propia UGT e de IFES,
adaptándonos sempre ás mellores condicións, tanto económicas como de prestación de servizos, que
estas ofrezan.
Afírmase, con razón, que as necesidades económicas á hora de impartir esta formación varía
notablemente dunhas especialidades a outras.
A concertación de servizos ou bens con entidades vinculadas sen que conste, polo xeral, o
contraste cos prezos de mercado a través da petición de distintas ofertas –esixible segundo a
normativa de subvencións– supón riscos de opacidade para determinar se os custos son reais ou
están sobrevalorados. En relación cos alugueres, hai que chamar a atención sobre a práctica de
desprazar a entidades vinculadas a propiedade das instalacións do beneficiario ou da entidade
colaboradora co obxecto de permitir unha facturación que non sería viable de permanecer
aquelas no patrimonio das primeiras.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
236
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión do informe de fiscalización referida ao prezo
máximo dos módulos.
Alégase que, en todo caso, cómpre salientar que UGT, en canto ao prezo máximo dos módulos, sempre
actuou conforme ao establecido na orde de convocatoria.
Sen prexuízo de que a normativa permita a solicitude de incremento dos módulos máximos
establecidos cando se trate de accións que polas súas características así o requiran, o número
dos solicitados e concedidos no ano fiscalizado puxo de manifesto unha práctica pouco
coherente co carácter excepcional previsto para a mesma na orde da convocatoria. O reproche do
informe sobre o número dos cursos que superan o módulo máximo de 12 euros/hora/alumno
previsto para os presenciais diríxese á Dirección Xeral de Formación e Colocación, quen xa
admitiu no seu escrito de alegacións ter tomado medidas para evitar esta práctica cara ao futuro.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión do informe de fiscalización referida aos custos
indirectos.
Alégase que a porcentaxe imputada por custos de persoal é precisa e está máis que xustificada tendo en
conta que desde a súa organización executan formación en cada un dos plans avaliados, en preto de 30
centros de formación diferentes situados noutras tantas localidades de Galicia.
En xeral, para tódolos beneficiarios analizados, os custos de persoal interno presentados polos
mesmos como custos indirectos parecen excesivos en relación co peso da actividade que asumen,
tendo en conta a xeneralizada subcontratación do 100% da actividade formativa e a amplitude
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
237
dos encargos ás entidades subcontratadas, que xa engloban as tarefas auxiliares que
xustificarían eses gastos. O número de traballadores, a porcentaxe mensual de gasto que cargan
respecto de cada traballador e o período de imputación (mensualidades de vixencia de todo o
plan) avalan esta conclusión.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión do informe de fiscalización referida á facturación
por Ceninteser S.L.
Alégase que é unha única factura, específica para o plan, imputada na súa totalidade, que fai referencia
ao aluguer de equipamentos imprescindibles para a realización das accións formativas, que non ten
ningunha outra finalidade que dar soporte ao plan de formación e non a ningunha outra actividade, polo
que se trata claramente dun custo directo. Actualmente ese reparto xa non se leva a cabo nas mesmas
circunstancias.
A nota máis relevante con respecto a esta factura (repartida entre todos os cursos nun importe
do 10% do seu custo) é a imputación á totalidade dos mesmos á marxe da acreditación da
necesidade dese gasto en todos eles. Precisamente, nalgúns dos analizados, as súas
características, o réxime de subcontratación no que se desenvolven, ou o feito de que
determinado material da mesma natureza xa está subministrado e facturado especificamente por
outros provedores, permite cuestionar esa necesidade, e polo tanto a imputación dese gasto
como custo directo.
Ademais, a factura contén distintos conceptos, sen que quede claro se todos ou só parte deles
están presentes nos diferentes cursos. Esta práctica de facturación global e imputación
porcentual a todos os cursos non cumpre coas esixencias de concreción da orde da convocatoria
respecto das facturas.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
238
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión do informe de fiscalización referida á posibilidade
dunha segunda subcontratación.
Alégase que esa situación non se produce, toda vez que, como xa se expuxo en relación co punto cuarto,
IFES ten a condición de beneficiaria, e polo tanto a contratación por parte dela con terceiros sería unha
primeira subcontratación, permitida pola orde de convocatoria.
O Consello de Contas non comparte esta posición, posto que esas entidades non reúnen os
requisitos para poder ser consideradas membros asociados das beneficiarias e, polo tanto, se se
considera a relación entre o beneficiario e a entidade colaboradora como unha primeira
subcontratación, a posterior concertación de servizos de docencia con outras empresas infrinxiría
a prohibición normativa de sucesivas contratacións.
En calquera caso, sobre este punto, como se precisa na parte xeral do informe, e posto que
resulta notorio que esta práctica constitúe unha operativa xurídica reiterada e non rexeitada pola
Administración, resultaría forzado entender que o beneficiario deba soportar os posibles efectos
negativos dunha actuación que considera adecuada e regular (en virtude dos principios de
confianza lexítima e boa fe que informan a actividade administrativa), e debe ser cara ao futuro
cando os órganos xestores tomen medidas para que os solicitantes coñezan de antemán que se
atribuirán os efectos previstos na lexislación vixente a este tipo de prácticas.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
239
Réplica ás alegacións formuladas á conclusión do informe de fiscalización referida a un
aplicativo informático contable de IFES.
Alégase non estar de acordo coa afirmación feita no punto décimo segundo das conclusións, pois IFES
utiliza un aplicativo informático contable no cal están específica e concretamente asignados todos os
pagos realizados nos distintos programas realizados.
En efecto, temos que admitir, como así se puido comprobar, que IFES dispón dun aplicativo
informático contable no cal se especifican os gastos e pagamentos realizados nos distintos
programas. Máis aló desta realidade, toda vez que unha mesma factura ou nómina de persoal se
imputa fraccionadamente a unha pluralidade de accións formativas distintas, na fiscalización
tratou de comprobarse se o sistema permitía un adecuado control da totalidade dos custos
imputados a cada comprobante, para evitar o risco de que as porcentaxes globalmente
imputadas poidan exceder do importe daquel. A estes efectos solicitouse da IFES, en data
4.02.2014, unha relación de persoal sobre a que debía acreditarse a totalidade dos custos
imputados ás distintas accións formativas nas que figuraban, que nunca foi atendida polo
Instituto.
En consecuencia, non poden aceptarse as alegacións formuladas, se ben se precisa o texto do
informe para recoller a incidencia no sentido exposto.
Réplica ás alegacións formuladas á conclusión do informe de fiscalización referida aos
pagamentos fóra de prazo.
Alégase que, recoñecendo que se pode ter producido, indicar que a súa incidencia é moi pouco relevante
se temos en conta o volume económico total dos dous plans.
Segundo se indica no informe, nas accións formativas examinadas constatouse que ao menos
13.000 euros (un 16% do importe das revisadas) non foron aboados no prazo de xustificación.
Sen ánimo de facer unha extrapolación da incidencia ao conxunto do plan de formación, parece
unha porcentaxe significativa e non pouco relevante –como indican as alegacións– respecto dos
cursos analizados.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
240
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión do informe de fiscalización referida á
concorrencia da oferta.
Alégase que, do mesmo xeito que entende a Consellería, non nos atopamos en ningún dos conceptos
determinados pola lei en relación cos límites fixados.
Nas contratacións de servizos e de materiais con terceiros provedores para contratos superiores a
12 mil euros (importe vixente en 2009) débese respectar a obriga da petición de ofertas a
distintos provedores. Como se sabe, a contratación con CENINTESER S.L. alcanza importes que
superan sobradamente estes límites (con facturas de ata 69 mil euros), sen que se tivera
acreditado que as especiais características dos gastos subvencionados poden xustificar a
dispensa desta obriga.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
241
Réplicas ás alegacións formuladas por FES-UGT
Réplica ás alegacións formuladas á conclusión do informe de fiscalización referida aos
obxectivos do plan de formación.
Alégase que os plans de formación teñen uns obxectivos tanto xerais como específicos marcados pola
Comisión Galega de Formación Continua, e as accións seguen as prioridades establecidas polas
Comisións sectoriais de cualificación e formación profesional.
A formación está chamada a ser a primeira política activa de emprego, pero parece necesario un
esforzo para que tanto os destinatarios como as empresas e o conxunto da sociedade coñezan
de forma clara as súas posibilidades máis alá da mellora da empregabilidade como obxectivo
xenérico que sempre vai acadar. Un dos problemas máis perentorios do actual modelo de
formación para o emprego é que parece carecer de obxectivos concretos, o que dificulta a
avaliación e a adopción de medidas correctoras. Coñecer os resultados concretos en promoción
profesional dos traballadores, estabilidade no emprego, melloras das empresas, ou procesos de
innovación tecnolóxica, e establecer indicadores que permitan avaliar eses resultados é a mellor
garantía de salvagardar os valores da formación e a eficacia e utilidade dos recursos públicos
destinados á mesma.
É certo que esta determinación de obxectivos e avaliación da súa realización é primeiramente
unha responsabilidade da Administración, pero que tamén se proxecta sobre os beneficiarios das
axudas, que deben establecer obxectivos non plans de formación por esixencia normativa (artigo
12.1.b) da orde da convocatoria.
Tamén é certo que tódalas entidades recollen dalgunha maneira obxectivos xenéricos na súa
memoria de actividades ou dentro da documentación aportada ao plan formativo, pero a
avaliación posterior de cara á adopción de medidas correctoras é unha eiva xeneralizada.
O tratamento que realiza o informe desta carencia é cun enfoque operativo, e non en relación co
cumprimento da normativa de aplicación.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
242
Réplica ás alegacións formuladas á conclusión do informe de fiscalización referida á
pluriparticipación de alumnos.
Alégase que as incidencias detectadas son feitos puntuais e que este feito non repercutiría no importe
xustificado.
A pluriparticipación de alumnos en cursos con solapamento de datas e horarios pon de manifesto
debilidades nos sistemas de control da asistencia e, polo tanto, na fiabilidade da determinación
dos computados tanto para a determinación do módulo inicial como da liquidación, que se
realiza en función dos que finalizan. É certo que os supostos encontrados non son
cuantitativamente relevantes, pero evidencian a falta de garantías de control dos sistemas para
evitar prácticas deste tipo.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión do informe de fiscalización referida á
autorización dos contratos para a xestión celebrados entre FES-UGT e IFES.
Alégase que se contratou coa entidade IFES por ser unha entidade vinculada, como vén sendo habitual
nos distintos plans de formación da UGT.
Entendemos que o correcto tería sido pedir autorización previa a esta subcontratación, como de
feito fixo esa entidade (FES-UGT) respecto do plan formativo de 2010. Non existen razóns que
poidan acreditar a condición de asociadas das dúas entidades (FES-UGT e IFES), polo que a
relación entrambas é de tipo contractual.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
243
Réplica ás alegacións formuladas á conclusión do informe de fiscalización referida ao prezo
máximo dos módulos.
Alégase que teñen que ver con accións formativas que necesitan instalacións ou equipamentos
especializados e que FES-UGT, en canto ao prezo máximo dos módulos, sempre actuou conforme ao
establecido na orde de convocatoria.
Sen prexuízo de que a normativa permita a solicitude de incremento dos módulos máximos
establecidos cando se traten de accións que polas súas características así o requiran, o número
dos solicitados e concedidos no ano fiscalizado puxo de manifesto unha práctica pouco
coherente co carácter excepcional previsto para a mesma na orde da convocatoria. O reproche do
informe sobre o número dos cursos que superan o módulo máximo de 12 euros/hora/alumno
previsto para os presenciais diríxese á Dirección Xeral de Formación e Colocación, quen xa
admitiu no seu escrito de alegacións ter tomado medidas para evitar esta práctica cara ao futuro.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión do informe de fiscalización referida aos custos
indirectos.
Alégase que a porcentaxe imputada por custos de persoal é correcta e axeitada ás tarefas realizadas.
En xeral, para tódolos beneficiarios analizados, os custos de persoal interno presentados polos
mesmos como custos indirectos parecen excesivos en relación co peso da actividade que asumen,
tendo en conta a xeneralizada subcontratación do 100% da actividade formativa e a amplitude
dos encargos ás entidades subcontratadas, que xa engloban as tarefas auxiliares que
xustificarían eses gastos. O número de traballadores, a porcentaxe mensual de gasto que cargan
respecto de cada traballador e o período de imputación (mensualidades de vixencia de todo o
plan) avalan esta conclusión.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
244
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión do informe de fiscalización referida ás
contratacións de IFES coas empresas vinculadas FORMACIÓN 2020 S.A. e LOCALMUR S.L.
Alégase que temos que facer constar que as contratacións, aínda non pasando unha valoración por parte
do órgano de concesión (cuestión non prevista con carácter xeral na norma) si a pasan por parte da
propia FES-UGT e de IFES, adaptándose sempre ás mellores condicións, tanto económicas como de
prestación de servizos, que estas ofrezan.
A concertación de servizos ou bens con entidades vinculadas sen que conste, polo xeral, un
contraste cos prezos de mercado a través da petición de distintas ofertas –esixible segundo a
normativa de subvencións para adquisicións de bens ou servizos por encima de determinados
límites– supón riscos de opacidade para determinar se os custos son reais ou están
sobrevalorados. En relación cos alugueres, hai que chamar a atención sobre a práctica de
desprazar a entidades vinculadas a propiedade das instalacións do beneficiario ou da entidade
colaboradora co obxecto de permitir unha facturación que non sería viable de permanecer
aquelas no patrimonio das primeiras.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión do informe de fiscalización referida á facturación
de LOCALMUR S.L.
Alégase que se trata das instalacións da sede de IFES, alugadas a LOCALMUR S.L., que se reparten
proporcionalmente entre os diferentes cursos.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
245
Os custos de aluguer das instalacións por parte de IFES a aquela empresa impútase como custo
directo a pesar de que xa existe aluguer de aulas facturado por outros provedores titulares das
instalacións nas que se imparten os cursos. Entendemos que esta facturación de LOCALMUR S.L.
(de instalacións nas que non se imparten os cursos) só cabería considerala como custos
indirectos.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión do informe de fiscalización referida ás accións
formativas noutros centros de formación.
Alégase que en ningún caso o custo final das accións formativas excede ao subvencionado pola dita
impartición. IFES utiliza un aplicativo que especifica todos os pagos realizados nos distintos programas
realizados. A execución dos plans levouse a cabo ao 100%. FES-UGT e IFES puxeron a disposición do
Consello de Contas toda a documentación requirida.
En efecto, IFES dispón dun aplicativo informático contable no cal se especifican os gastos e
pagamentos realizados nos distintos programas. Máis alá desta realidade, toda vez que unha
mesma factura ou nómina de persoal se imputa fraccionadamente a unha pluralidade de accións
formativas distintas, na fiscalización tratou de comprobarse se o sistema permitía un adecuado
control da totalidade dos custos imputados a cada comprobante, para evitar o risco de que as
porcentaxes globalmente imputadas poidan exceder do importe daquel. A estes efectos,
solicitouse da IFES, en data 4.02.2014, unha relación de persoal sobre a que debía acreditarse a
totalidade dos custos imputados ás distintas AF formativas nas que figuraban, que nunca foi
atendida polo Instituto.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
246
Réplicas ás alegacións formuladas por CCOO
Réplica ás alegacións formuladas ás consideracións finais.
Alégase que debemos sinalar que as conclusións que se acadan no informe non poden ser consideradas
como representativas dos plans analizados, se non só das accións estudadas, xa que o traballo realizouse
sobre unha mostra non representativa da poboación xeral, polo que os resultados non poden ser
extrapolables á totalidade dos plans obxecto do estudo.
Nas alegacións presentadas aluden a diversos erros nos datos e a unha incoherencia cando nalgúns casos
pártese de aceptar a condición de beneficiaria dos plans a FOREM Galicia e noutros non se acepta esa
condición.
Algunhas das consideracións realizadas no informe exceden as competencias e responsabilidades das
entidades beneficiarias dos plans de formación, por corresponderlle ás diferentes Administracións.
Como se lles comunicou aos responsables das distintas entidades, esta revisión específica
planteouse como unha continuación do traballo de fiscalización dos programas de formación
realizado na Consellería de Traballo que se plasma no informe de “Fiscalización dos programas
de formación para o emprego 2010”. Este informe xeral complétase coa realización de
actuacións de comprobación sobre os distintos beneficiarios con probas de auditoría aplicadas
nas dependencias dos mesmos. O contadante, por disposición legal, é a Consellería de Traballo,
a quen se dirixe o informe (que é quen recaba dos centros estas alegacións), polo que existen
determinados aspectos que inciden sobre a actuación da Administración que efectivamente non
son reprochables aos mesmos. Estes informes específicos tratan de recoller de xeito moi somero
os feitos que de forma reiterada se advirten nos distintos beneficiarios e que se toman en
consideración para dar soporte ás conclusións globais e, sobre todo, ás recomendacións que no
informe xeral se dirixen a Administración.
Nas conclusións destes informes específicos constan aspectos que se refiren á totalidade dos
plans de formación analizados (coincidencias de accións en distintos ámbitos ou taxa de
multiparticipación...) e outros que atañen exclusivamente ás accións formativas seleccionadas
(que afectan fundamentalmente á xustificación do gasto), sen que efectivamente se poidan
extrapolar ao conxunto da xestión dos plans. Entendemos que das expresións do informe en
ningún caso se pode inferir a existencia de conclusións baseadas nesa hipotética extrapolación.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
247
Certamente, ao longo do informe poden existir erros derivados de que os datos dispoñibles polo
Consello non son os adecuados, ben porque non foron correctamente facilitados polos
contadantes ou por interpretacións ou cálculos incorrectos. Nos casos particulares que se
apuntan explicarase a causa, e corrixiranse se é o caso. Este trámite de alegacións ten, entre
outras, esta finalidade.
En ningún caso podemos aceptar que no informe, de forma consciente, se tivera utilizado
indistintamente a condición de beneficiaria ou subcontratista de FOREM con respecto ao S.N.
CCOO de Galicia para sustentar reproches á súa actuación. Nas réplicas aos distintos apartados
darase conta deste feito.
A opinión do Consello, plasmada tanto no informe xeral como no específico desa entidade
(punto 2.3), é que FOREM é unha entidade vinculada a CCOO (non asociada), polo que non ten
a consideración xurídica de beneficiaria.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.1. do informe de fiscalización, referido á
planificación das necesidades detectadas.
Alégase que a realización dunha avaliación do impacto da formación para o emprego é unha competencia
responsabilidade do Servizo Público de Emprego, tal e como recolle o Real decreto 395/2007, do 23 de
marzo.
O S.N. de CCOO de Galicia e FOREM Galicia leva a cabo dous tipos de avaliacións. Unha avaliación de
calidade do plan e unha memoria final do plan de formación, nas que se describen os resultados obtidos.
As avaliacións sobre a eficacia do sistema é responsabilidade das diferentes Administracións, tanto estatal
como autonómica.
A formación está chamada a ser a primeira política activa de emprego, pero parece necesaria un
esforzo adicional para que tanto os destinatarios como as empresas e o conxunto da sociedade
coñezan de forma clara as súas posibilidades mais alá da mellora da empregabilidade como
obxectivo xenérico que sempre vai acadar. Un dos problemas máis perentorios do actual modelo
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
248
de formación para o emprego é que parece carecer de obxectivos concretos, o que dificulta a
avaliación e a adopción de medidas correctoras. Coñecer os resultados concretos en promoción
profesional dos traballadores, estabilidade no emprego, melloras das empresas, ou procesos de
innovación tecnolóxica, e establecer indicadores que permitan avaliar eses resultados, é a mellor
garantía de salvagardar os valores da formación e a eficacia e utilidade dos recursos públicos
destinados á mesma.
É certo que esta determinación de obxectivos e a avaliación da súa realización é primeiramente
unha responsabilidade da Administración, pero que tamén se proxecta sobre os beneficiarios das
axudas, que deben establecer obxectivos non plans de formación por esixencia normativa (artigo
12.1.b) da orde da convocatoria.
Tamén é certo que tódalas entidades recollen dalgunha maneira obxectivos xenéricos na súa
memoria de actividades ou dentro da documentación aportada ao plan formativo, pero a
avaliación posterior de cara á adopción de medidas correctoras é unha eiva xeneralizada.
O tratamento que realiza o informe desta carencia é cun enfoque operativo, e non en relación co
cumprimento da normativa de aplicación.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.3. do informe de fiscalización, referido ás
coincidencias das AF nos distintos plans presentados polas distintas federacións de CCOO.
Alégase que para atender as necesidades de formación actuais non pode considerarse unha distorsión
que se produza un solapamento entre as ofertas formativas que se realizan nos plans intersectoriais e
sectoriais.
Un dos obxectivos destacados no Plan de formación profesional de Galicia é o óptimo
aproveitamento dos recursos e da xestión. Na análise realizada no conxunto dos plans de
formación dos distintos beneficiarios puido constatarse un elevado grao de coincidencia nas
accións ofertadas e desenvolvidas, co conseguinte efecto de reiteración e duplicación das
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
249
mesmas accións formativas por parte dos distintos axentes. Isto constitúe, desde o noso punto de
vista, unha sobreactuación que pon de relevo unha utilización pouco eficiente dos recursos
públicos na prestación global desta actividade. En moitos casos, incluso o mesmo beneficiario
reitera as mesmas accións formativas no ámbito sectorial e intersectorial, cando polas súas
características debían ser exclusivas dun deses ámbitos. Esta práctica, que se describe neste
informe específico, afonda en maior medida nesa reiteración sinalada.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.4. do informe de fiscalización, referido a accións
singulares, máis propias do ámbito do interese particular que do ámbito da formación
profesional.
Alégase que na AF Elluminate + xogo limpo os destinatarios da acción formativa foron docentes e titores
de formación para o emprego; Asesor financeiro europeo: traballadores do sector da Administración;
Protools: traballadoras do sector de novas tecnoloxías; Buceador: traballadores do ámbito profesional da
seguridade e bombeiros; cociña creativa e de autor: do ámbito profesional de restauración.
Como xa indicamos, os feitos relatados neste informe hai que interpretalos conxuntamente coas
valoracións xerais formuladas no informe xeral sobre a xestión destes programas. Neste indícase
que “aínda sen obviar que toda a formación ten efectos positivos sobre a empregabilidade dos
traballadores, constatamos algunhas accións singulares, reiteradas en distintos beneficiarios, nas
que os participantes son titulados e empregados de ámbitos e sectores profesionais que non
teñen vinculación clara cos sectores de actividade para os que parecen estar dirixidas, polo que
non deixa de ser formación complementaria máis vinculada ao interese particular que
profesional”. Tal e como se indicou anteriormente, a imposibilidade da revisión dunha
porcentaxe elevada de accións formativas sobre as que se realizou a revisión da documentación
técnica e xustificativa do gasto levou a que se seleccionara unha serie de accións formativas en
base a criterios de reiteración ou singularidade. No curso Elluminate + xogo serio a singularidade
está en que os participantes son traballadores da propia entidade FOREM GALICIA; no de Asesor
financeiro europeo os participantes son basicamente traballadores de entidades financeiras,
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
250
sindicatos, autoridade portuaria, etc; no de Buceador, se ben é certo que existe algún traballador
do sector de seguridade e bombeiros, tamén figuran outros de empresas que nada teñen que ver
con ese sector, e esta é a práctica dominante para os restantes cursos.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.5. do informe de fiscalización, referido aos
informes finais de avaliación.
Alégase que son as Administracións Públicas as responsables de realizar as avaliacións sobre a eficacia do
sistema.
Remitímonos ao exposto na réplica formulada á alegación ao punto 3.1.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.6. do informe de fiscalización, referido á
porcentaxe de participación dos alumnos en máis dunha acción formativa.
Alégase que a participación dun alumno en máis dunha acción formativa no mesmo plan formativo está
contemplado na normativa de referencia sen ningún límite temporal.
En termos xerais, na nosa Comunidade Autónoma a participación dunha mesma persoa (taxa de
multiparticipación) en diferentes cursos é das máis altas dos plans autonómicos, e debe ser un
factor a considerar na medida en que está limitando a distribución da participación no acceso a
esta actividade e, polo tanto, aos recursos destinados á mesma. A propia Consellería, segundo as
súas alegacións, ten como obxectivo reducir esa taxa de pluriparticipación aos efectos de que a
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
251
formación chegue a un maior número posible de beneficiarios. A análise global desa taxa
concretouse respecto de cada centro dos examinados para reforzar esa conclusión xeral e, sobre
todo, para abordar a revisión de solapamentos de datas na realización daqueles. Sobre ese feito
da pluriparticipación non se segue ningunha incidencia para esa entidade máis alá de que non é
allea a esta práctica, e respecto do posible solapamento constátase de forma positiva (como así
se destaca no informe) que non se atoparon cursos con esa incidencia.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.8. do informe de fiscalización, referido á
autorización para convenios con FOREM Galicia.
Alégase que FOREM Galicia ten a consideración de beneficiaria dos plans intersectoriais e sectoriais dos
anos 2009 e 2010 segundo o artigo 10 das ordes de convocatoria que os regulan.
Dado que FOREM Galicia é beneficiaria, os convenios non teñen en ningún caso a consideración de
subcontratacións, polo tanto non se precisa autorización previa da Dirección Xeral de Formación.
Como se indica no informe xeral dos programas de formación 2010, no que se realiza o
tratamento conxunto desta incidencia para os distintos beneficiarios, a opinión do Consello de
Contas é que FOREM Galicia non é unha entidade asociada a CCOO, polo que non ten a estes
efectos a condición de beneficiaria das axudas ao abeiro da normativa invocada.
De acordo coa mellor doutrina administrativa (J. Pascual García. Réxime xurídico das subvencións
públicas), a extensión da condición de beneficiario só pode darse entre persoas xurídicas de
carácter asociativo (confederacións, federacións, etc). FOREM Galicia non ten esa relación
xurídica coa beneficiaria S.N. CCOO.
En primeiro lugar, porque non existen, tal e como avala un informe xurídico emitido polos
servizos xurídicos do Consello de Contas, razóns que poidan acreditar a condición de asociada
desta entidade respecto da organización sindical: FOREM é unha fundación con personalidade
xurídica propia (rexidas pola vontade do fundador), non unha asociación (que se rexiría pola
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
252
vontade dos integrantes), sen que exista disposición normativa ou acto xurídico negocial que
acredite ou lle outorgue a condición de membro asociado ao sindicato; non é membro asociado
da entidade sindical (non forma parte desa persoa xurídica) nin ten constituída con esta unha
agrupación na súa cualidade de entidade vinculada á primeira. Polo tanto, non ten acomodo en
ningún dos supostos enunciados no artigo 10 da orde de convocatoria destas axudas.
Fronte a esa condición de beneficiaria que asume esa entidade, entendemos que se trata dunha
entidade vinculada, e que a posición xurídica que resulta do convenio asinado para a xestión dos
plans é a de subcontratista, para a cal precisa autorización da Consellería, tal e como esixe a
normativa citada no texto do informe.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.9. do informe de fiscalización, referido á
concertación con terceiros para a adquisición de bens e servizos.
Alégase que FOREM Galicia imparte nas súas propias instalacións o 50% dos cursos concedidos. Só existe
subcontratación no 50% dos cursos que se impartiron en instalacións externas, e para cada un destes
cursos FOREM Galicia asinou un contrato onde se especifican os bens e servizos subcontratados, así como
o importe desglosado para cada un deles. O importe subcontratado por FOREM Galicia non superou o
10% do custo das AF dos respectivos plans de 2009 e 2010 (e non o 90% como consta no informe).
Non existe unha sucesiva subcontratación de servizos por FOREM Galicia con terceiros centros de
formación debido a que FOREM Galicia é beneficiaria dos plans. O feito de que CCOO e FOREM non
realicen directamente todos os cursos non significa que financien custos indirectos da súa estrutura con
cargo ás axudas dos plans.
De acordo co sinalado no punto anterior, posto que o criterio deste órgano de fiscalización é que
FOREM non debe considerarse beneficiaria das axudas senón subcontratista da beneficiaria
(CCOO), as sucesivas concertacións de servizos de docencia con empresas ou centros de
formación (nos que non se inclúe a contratación de persoal docente) sería unha segunda
subcontratación non permitida pola normativa das axudas.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
253
Máis alá da discusión dos casos particulares nos que a relación entre FOREM e terceiros
provedores poida ser ou non un suposto de subcontratación, o feito relevante é que esta práctica
existe, tal e como recoñecen as alegacións e as propias solicitudes da entidade e as autorizacións
da Consellería nun número relevante de supostos, que o informe non cuantifica porque esixiría a
revisión da totalidade das accións formativas do plan. Nos distintos plans de 2009 consta unha
solicitude de autorización de subcontratacións –asinada o 5 de maio de 2010 polo director de
Forem– que afectan a subcontratos desta entidade con 38 empresas distintas de formación.
O informe non indica, como deduce a entidade, que o 90% dos plans formativos se subcontratan
por FOREM. Ese é importe de contratación total de bens e servizos que resulta da facturación de
provedores, pero conforme a distinción que vimos mantendo entre contratación global e
subcontratación, no propio informe engádese que “en determinados supostos ... pon de
manifesto unha sucesiva subcontratación”.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.10. do informe de fiscalización, referido aos
custos indirectos imputados.
Alégase que no que se refire aos custos indirectos imputados polo S.N. de CCOO de Galicia na execución
dos plans intersectoriais e sectoriais, estes están plenamente xustificados polo traballo que desenvolve
dentro do plan.
O S.N. de CCOO de Galicia realiza directamente, tal e como se recolle no contrato asinado por ambas
entidades, diversas actividades que son fundamentais para o seu adecuado desenvolvemento.
En xeral, para tódolos beneficiarios analizados, os custos de persoal interno presentados polos
mesmos como custos indirectos parecen excesivos en relación co peso da actividade que asumen,
tendo en conta a xeneralizada subcontratación do 100% da actividade formativa e a amplitude
dos encargos ás entidades subcontratadas, que xa engloban as tarefas auxiliares que
xustificarían eses gastos. O número de traballadores, a porcentaxe mensual de gasto que cargan
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
254
respecto de cada traballador e o período de imputación (mensualidades de vixencia de todo o
plan) avalan esta conclusión.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.11. do informe de fiscalización, referido á
disparidade do custo por hora/alumno.
Alégase que a normativa permite a solicitude de incremento dos módulos máximos establecidos cando se
traten de accións que polas súas características así se requira, previa xustificación e autorización
administrativa.
Sen prexuízo de que a normativa permita a solicitude de incremento dos módulos máximos
establecidos cando se traten de accións que polas súas características así o requiran, o número
dos solicitados e concedidos no ano fiscalizado puxo de manifesto unha práctica pouco
coherente co carácter excepcional previsto para a mesma na orde da convocatoria. O reproche do
informe sobre o número dos cursos que superan o módulo máximo de 12 euros/hora/alumno
previsto para os presenciais diríxese á Dirección Xeral de Formación e Colocación, quen xa
admitiu no seu escrito de alegacións ter tomado medidas para evitar esta práctica cara ao futuro.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.12. do informe de fiscalización, referido á
xustificación das accións formativas.
Alégase que o 30 de xullo de 2010 entregouse a xustificación no rexistro, e non o 26 de xullo como
consta no informe. Nos plans de 2009, só unha acción dun total de 99 executadas tivo unha minoración
do número de alumnos finais, o que supón o 1,01% das accións formativas (e non o 13% como consta
no informe).
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
255
Nos plans de 2010, só unha acción dun total de 111 executadas tivo unha minoración do número de
alumnos finais, o que supón o 0,90% das accións formativas (e non o 4% como consta no informe).
O informe refírese á data da emisión do certificado, que corroboramos que foi o 26 de xullo, sen
prexuízo da data de recepción pola Administración, polo que non existe erro en relación coa
mesma. Pola contra, as porcentaxes de accións con minoracións de alumnos consignados non
corresponden cos desta entidade, polo que se modifica o informe suprimindo ese inciso do
apartado 3.12.
En consecuencia, as alegacións formuladas supoñen a modificación do informe de fiscalización
no sentido indicado.
Réplica ás alegacións formuladas ao punto 3.13. do informe de fiscalización, referido a unha
factura global de FOREM.
Alégase que debemos indicar que os gastos xustifícanse ante a Dirección Xeral de Formación e Colocación
aportando as nóminas dos traballadores de CCOO e unha factura de FOREM por cada acción formativa.
Ao contrario do que afirma o informe, si se aporta desglose suficiente para determinar os conceptos
imputados.
Chama a atención neste parágrafo a consideración implícita de FOREM como beneficiaria.
A xustificación do gasto incorrido acredítase mediante unha factura global emitida pola entidade
FOREM con detalles anexos que identifican o custo dos distintos conceptos dos gastos directos
pero non así dos indirectos de cada acción formativa, e en tódolos casos sen os xustificantes de
gasto propiamente ditos que permitan verificar os custos reais facturados por eses terceiros. A
Dirección Xeral de Formación en ningún caso puxo a disposición deste órgano de fiscalización o
desglose de gastos, que se obtivo do aplicativo solicitado e facilitado pola entidade FOREM, nin
as facturas ou xustificantes de gasto, tamén obtidas nesta entidade. Tampouco a Dirección Xeral
mostrou que tivera dispoñibles as nóminas de CCOO imputadas como custos indirectos.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
256
Non existe ningunha consideración implícita de FOREM como beneficiaria. De forma clara, o
parágrafo 3.13 alude a que tanto “a entidade beneficiaria como FOREM levan mediante un
sistema informático un completo estudo de imputación de custos que lle posibilita o adecuado
control dos imputados a cada comprobante”, diferenciando claramente as dúas entidades coa
distinta consideración xurídica de cada unha, e sen atribuír en ningún momento a FOREM a
cualificación de beneficiaria.
No parágrafo anterior ao texto aludido só se describe unha situación de risco respecto da que se
conclúe que ambas entidades salvan de forma positiva. A rebuscada incoherencia que pretenden
as alegacións derívase de ter utilizado nese apartado o termo factura en vez de comprobante que
se utiliza no seguinte, polo que unha lectura conxunta descarta claramente o razoamento
complexo e forzado das alegacións. Para eliminar calquera dúbida substitúese, non obstante, o
termo factura polo de comprobante.
Diante da Administración, a responsabilidade da correcta xustificación dos fondos obxecto das
axudas é sempre da entidade beneficiaria (S. N. CCOO de Galicia).
En consecuencia, coa precisión aludida (substituír o termo factura por comprobante de gasto), as
alegacións formuladas non supoñen a modificación do informe de fiscalización.
Réplica ás alegacións formuladas ao punto 3.14. do informe de fiscalización, referido aos
pagamentos da entidade FOREM a terceiros provedores realizados con posterioridade á data de
certificación final.
Alégase que neste parágrafo dáse a consideración implícita de FOREM como beneficiaria, pois as únicas
entidades que teñen que efectuar a totalidade dos pagamentos con data límite á da certificación final son
as entidades beneficiarias.
Tampouco aquí existe ningunha consideración implícita de FOREM como beneficiaria. Podería
entenderse tal se o informe deducira un incumprimento da normativa reguladora das axudas nos
pagamentos da entidade FOREM a terceiros, pero non é así por canto o informe recoñece
explicitamente que se cumpre coa normativa reguladora cando a entidade beneficiaria (CCOO)
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
257
aboa na súa totalidade o gasto xustificado á entidade FOREM, distinguindo ademais a cualidade
xurídica de cada unha.
En calquera caso, se aceptamos que os xustificantes dos custos propiamente ditos son as
facturas de provedores, parece que estas deben estar aboadas, posto que a norma alude a que
os custos subvencionados deben estar “realizados, pagados e xustificados“ no indicado prazo.
Ademais, non se pode deixar de chamar a atención de que doutro xeito a axuda quedaría
xustificada co pagamento entre dúas entidades vinculadas.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.15. do informe de fiscalización, referido a que as
accións formativas subcontrátanse por FOREM a distintas empresas de formación.
Alégase que só existe subcontratación nas accións de Buceador, Cap T. Mercadorías e Carretilleiro coas
empresas Buceo Galicia, Autoescola Alonso e Cefovial respectivamente, xa que son as accións impartidas
en instalacións externas.
Das seis accións formativas analizadas, o informe alude á subcontratación de FOREM con cinco
empresas de formación, por canto respecto do último dos cursos citados no cadro non figura
ningunha empresa subcontratista. Posto que as alegacións recoñecen a subcontratación coas
empresas que imparten catro daquelas accións formativas, resta por considerar se a contratación
con GESCURSOS SL debe considerarse subcontratación ou non. Baixo o noso criterio, FOREM non
concerta con esta empresa o profesorado, senón a impartición do curso e o material necesario,
polo que se trata dunha subcontratación clara. É mais, esta empresa figura entre as entidades
respecto das que FOREM solicita autorización para a subcontratación en escrito do 5 de xullo de
2010.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
258
En consecuencia, as alegacións formuladas non supoñen a modificación do informe de
fiscalización, precisando non obstante que son cinco o número de accións formativas das
seleccionadas nas que existe subcontratación.
Réplica ás alegacións formuladas ao punto 3.16. do informe de fiscalización, referido aos
prezos de determinadas AF.
Xustifícase con distintas consideracións o prezo das distintas accións formativas citadas no informe.
Alégase que o curso “Cap de transporte de mercadorías”, do plan de 2009, tivo un prezo de impartición
de 38,82 euros/hora (e non de 128 euros/hora como figura no informe). O erro débese a que o total de
horas de impartición foi de 1.431,00 e na factura aparecen 431,00 (non aparece o 1 dos millares por
problemas de ancho da columna).
As distintas consideracións aducidas nas alegacións para xustificar o prezo dos cursos xa foron
valoradas para chegar ás valoracións plasmadas no informe. Respecto do erro alegado relativo á
factura no curso “Cap de transporte de mercadorías”, do plan de 2009, non pode aceptarse ao
non aportar documentación acreditativa da factura correcta.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.17. do informe de fiscalización, referido a que,
dentro dos custos directos, FOREM asume ademais da impartición (de ser o caso) a preparación e
titorías das accións formativas, así como os gastos de control de calidade, e que estes gastos non
aparecen desagregados por horas dedicadas.
Alégase que as horas de preparación, titorías e avaliación aparecen desagregadas por acción e que a
normativa dos plans non esixe a desagregación das horas do persoal imputadas na partida de control de
calidade.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
259
Sen prexuízo da imputación e concreción total de horas de preparación ou titorías, a carencia de
partes de imputación de horas do persoal propio que participa nestas tarefas en cada acción
formativa non facilita a verificación da correcta imputación destes gastos.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.18. do informe de fiscalización, referido aos
gastos indirectos.
Alégase que sempre se imputa o límite do 20% do custo total das AF porque estes gastos son superiores.
Que tódolos gastos de administración e asesoramento son elixibles e indispensables para a actividade
formativa xa que a entidade só realiza formación, e que imputar como custos indirectos determinados
gastos de material de oficina ou equipos que tiñan unha canle de imputación dentro dos custos directos é
unha práctica regular.
A normativa, tanto estatal como autonómica, admite como gasto subvencionable, en concepto
de custos indirectos, unha contía cun límite máximo do 20% dos custos da actividade formativa.
A imputación sistemática en tódalas accións formativas dun importe por ese límite máximo non
parece coherente co establecido na norma nin cos custos imputados a accións formativas
similares por outras entidades, nas que se presentan por importes inferiores.
Se se considerara que todos os gastos de administración e asesoramento das entidades
dedicadas á formación deben entenderse directamente relacionados e indispensables para a
adecuada execución das accións formativas, quedaría sen efecto a esixencia da necesidade de
acreditación deses aspectos que establece o artigo 21 (penúltimo apartado) da orde da
convocatoria para consideralos elixibles. Dito doutro xeito, habería que entender que calquera
gasto destas entidades, por dedicarse a formación, responde á natureza da actividade
subvencionada, e podería financiarse con fondos públicos.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
260
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.19. do informe de fiscalización, referido ao control
de calidade.
Alégase que a normativa dos plans só esixe o control mediante unha enquisa final aos alumnos e alumnas
dun 5% das accións formativas.
Nas accións formativas de ocupados existen diferenzas relevantes nos custos de control de
calidade de distintos cursos que non son razoables, e que só obedecen, en determinados casos
(como nas accións formativas do S.N. CCOO), á aplicación do importe máximo permitido pola
orde da convocatoria.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.20. do informe de fiscalización, referido á
subcontratación nos cursos de Buceador, Cap. T. Mercadorías e Carretilleiro.
Alégase que para a subcontratación destas accións coas empresas Buceo Galicia, Autoescola Alonso e
Cefovial solicitouse autorización da Dirección Xeral de Formación por parte de FOREM Galicia.
Para a contestación á alegación a este punto, remitímonos á réplica á alegación ao punto 3.15.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
261
Réplica ás alegacións formuladas aos puntos 3.21. e 3.22. do informe de fiscalización,
referidos aos partes asinados polos alumnos e a comprobación in situ pola Administración da
realización dos cursos.
Alégase que o S.N. de CCOO de Galicia e FOREM Galicia están a utilizar os modelos de partes de
asistencia que establece a normativa de cada convocatoria, polo que se solicita a retirada deste punto
debido a que a entidade beneficiaria non ten ningunha competencia neste punto.
Alégase que o S.N. de CCOO de Galicia non ten competencias sobre o seguimento que a Administración
establece dos cursos.
Dos datos facilitados pola Consellería constatouse que para ao menos 270 alumnos que
participan en cursos presenciais os rexistros informáticos presentaron coincidencias parciais de
datas e horarios na impartición daqueles, que poñen de manifesto debilidades nos sistemas de
control da efectiva participación e asistencia aos cursos.
Este aspecto levou a facer un seguimento dos sistemas de control de asistencia nos cursos
presenciais. A orde da convocatoria limítase a indicar que “en todas as modalidades de
impartición se deberán incluír evidencias necesarias para comprobar que o alumnado recibe a
formación impartida”. A estes efectos, nalgunhas entidades beneficiarias comprobouse que se
estaba solicitando a sinatura dos alumnos participantes e así se destaca nos respectivos
informes, e noutras este control de presenza veuse realizando coa sinatura dos docentes. Ao
noso xuízo, razóns da maior seguridade esixen que o control de presenza se instrumente a través
da sinatura dos alumnos. En calquera caso, nos supostos en que este control se esté realizando
coa sinatura dos docentes tamén se recolle así no informe, modificando cando sexa preciso as
conclusións neste sentido.
O control pola Administración mediante a realización de visitas in situ durante o período de
impartición é outro instrumento do control sobre o que se pretendeu facer un seguimento.
Como xa se indicou, estes informes específicos tratan de recoller de xeito sucinto o tratamento
deste aspecto nos distintos beneficiarios co fin de sustentar as recomendacións que no informe
xeral se dirixen á Administración, sen valoración negativa desde o punto de vista do
cumprimento normativo. No sentido indicado, a recomendación 7.17. do informe vai nesta
dirección cando recolle que “Recoméndase que a normativa reguladora das axudas esixa a
acreditación da presenza dos alumnos mediante partes de asistencia asinados polos mesmos, así
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
262
como un maior control pola Administración incrementando as visitas in situ”, recomendación que
foi aceptada pola Administración nas súas alegacións.
En consecuencia, sen prexuízo de precisar esta conclusión no sentido indicado anteriormente, as
alegacións formuladas non supoñen a modificación do informe de fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
263
Réplicas ás alegacións formuladas por CIG
Consideracións xerais
Como se lles comunicou aos responsables das distintas entidades, (incluída a CIG) esta revisión
específica de determinados beneficiarios programouse como unha continuación do traballo de
fiscalización dos programas de formación realizado na Consellería de Traballo que se plasma no
informe de “fiscalización dos programas de formación para o emprego 2010”. Este primeiro
informe complétase coa realización destas actuacións de comprobación sobre os distintos
beneficiarios con probas de auditoría aplicadas nas dependencias dos mesmos. O contadante,
por disposición legal, é a Consellería de Traballo, a quen se dirixe o informe (que é quen recaba
dos centros estas alegacións), polo que nestes informes específicos por entidade existen
determinados aspectos que inciden sobre a actuación da Consellería, limitándose a recoller de
forma somera os feitos que de forma reiterada se advirten nos distintos beneficiarios e que se
toman en consideración para dar soporte ás conclusións globais e, sobre todo, ás
recomendacións que no informe xeral se dirixen á Administración.
O feito de que sexa nese informe xeral no que se realiza unha valoración conxunta e ponderada
dos aspectos contidos nos informes específicos, e que aquel informe non se trasladara aos
distintos centros para unha valoración completa do seu contexto puidera conlevar unha certa
incomprensión do alcance dos distintos informes específicos, e por extensión da labor
fiscalizadora, pero non pode xustificar o ton que empregan as alegacións da CIG, que só pode
entenderse na liña de intentar xustificar a súa falta de colaboración, que na dimensión solicitada
polo Consello foi ofrecida sen excepcións polos restantes beneficiarios, mentres que esta
entidade entendeu que non lle era esixible, o que motivou unha limitación ao alcance no
informe.
Certamente, ao longo do informe poden existir erros derivados de que os datos dispoñibles polo
Consello non son os adecuados, ben porque non foron correctamente facilitados polos
contadantes ou por interpretacións ou cálculos incorrectos. Nos casos particulares que se
apuntan, explicarase a causa e corrixíranse, se é o caso. Este trámite de alegacións ten
precisamente, entre outras, esta finalidade.
Porén, en ningún caso podemos aceptar que no informe, de forma consciente, se tivera utilizado
indistintamente a condición de beneficiaria ou subcontratista da FORGA con respecto á CIG para
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
264
sustentar reproches á súa actuación. Nas réplicas aos distintos apartados alegados darase conta
deste feito.
Na opinión do Consello de Contas, plasmada tanto no informe xeral como no específico desta
entidade (puntos 1.1 e 1.3), FORGA é unha entidade vinculada á CIG (non asociada), polo que
na xestión dos plans de formación non ten a consideración xurídica de beneficiaria, senón de
subcontratista (cualificación aceptada tanto pola CIG como pola FORGA), e como tal entidade
subcontratista non puxo a disposición do Consello toda a documentación requirida para a
fiscalización do gasto das accións formativas obxecto de subcontratación pola beneficiaria (CIG)
como resulta da obriga imposta polo artigo 25 da Orde do 9 de xullo de 2010, pola que se
aproba a convocatoria de subvencións para o financiamento de plans intersectoriais dirixidos
prioritariamente a persoas traballadoras ocupadas (DOG nº134, do 15/07/2010), que
literalmente di “...os subcontratistas deberán facilitar aos organismos de auditoría e control, toda
a información necesaria relativa ás accións subcontratadas...”. E no apartado 6 do mesmo
precepto dispón “No caso de subcontratación, as facturas que emitan os/as subcontratistas
deberán conter un desglose suficiente para identificar os custos imputados a cada acción
formativa”. Xa que logo, se as facturas teñen que identificar os custos, o órgano de control
externo ten que ter a facultade de fiscalizalos mediante a aplicación das probas de auditoría
xeralmente aceptadas.
Réplica ás alegacións formuladas á conclusión do informe de fiscalización referida aos
obxectivos do plan de formación.
En síntese, alégase que a central sindical seguiu e cumprimentou tódalas disposicións requiridas na
materia, e que é na Dirección Xeral de Formación e Colocación en quen recaen as avaliacións externas.
Conforme ao artigo 57 Regulamento de réxime interior do Consello de Contas e ao artigo 38 da
LFTCu (de aplicación subsidiaria ao Consello de Contas), o exame dos órganos de control externo
sobre os beneficiarios das axudas estenderase tanto sobre a comprobación da aplicación dos
fondos ás finalidades para que foron concedidas como aos seus resultados.
O Acordo do Diálogo Social en Galicia asinado o 5 de febreiro de 2007 –citado na exposición de
motivos da orde da convocatoria das axudas dos plans sectoriais e intersectoriais do exercicio
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
265
2009– recolle, entre os obxectivos da formación, o de proporcionarlle aos traballadores a
formación axeitada para a promoción persoal, para os requirimentos do mercado de traballo e
para as necesidades das empresas, contribuíndo á mellora da produtividade e da competitividade
destas.
É certo que a determinación dos obxectivos da formación e avaliación da súa realización é
primeiramente unha responsabilidade da Administración, e así se indica no informe xeral cando
se analiza a actuación desta última.
O artigo 12.1.b) da Orde da convocatoria establece a obriga dos beneficiarios de presentar,
dentro dos plans de formación para os que soliciten axudas, os obxectivos a acadar no indicado
plan; e inherente ao establecemento dos mesmos devén a formulación de indicadores de
medición e a posterior valoración.
Tódalas entidades beneficiarias recollen dalgunha maneira obxectivos xenéricos na súa memoria
de actividades ou dentro da documentación aportada ao plan formativo, pero a avaliación
posterior de cara á adopción de medidas correctoras é unha eiva xeneralizada. O tratamento que
realiza o informe desta carencia é cun enfoque de auditoría operativa, non en relación co
cumprimento da normativa de aplicación.
O informe recoñece nesta entidade (CIG) avances na dirección indicada, pero tamén limitacións
respecto da súa concreción, medición e avaliación posterior.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión 2 do informe de fiscalización, referida á
limitación ao alcance.
En síntese, alégase que é incorrecta e incerta a aseveración de que o Consello non puido realizar unha
análise da xustificación do gasto distinto da docencia, por canto a CIG puxo a disposición do Consello
tódalas facturas que como beneficiaria xustifican o gasto. Que o Consello requiriu a FORGA que
xustificara gastos internos como beneficiaria ao que esta entidade contestou que por non ter ese carácter,
senón o de subcontratista, entendía que a actividade mercantil non relacionada directamente coa axuda
non era susceptible de auditoría.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
266
Que a FORGA facilitou ao Consello, de acordo co propio ditame xurídico da Asesoría Xurídica do CCG, a
documentación pertinente.
É conveniente precisar a secuencia dos feitos relatados nas alegacións do seguinte xeito:
1º) Nun primeiro requirimento do día 10 de maio de 2013, o equipo de fiscalización solicitou á
FORGA que se puxera a disposición do Consello de Contas a documentación que daba soporte á
facturación á CIG pola xestión dos plans de formación subvencionados pola Xunta, aos efectos
de verificar tanto a realidade do gasto como a súa precisa cuantificación. A distinta condición
que mantiñan os diferentes institutos de formación vinculados ás entidades sindicais beneficiarias
levou ao Consello a realizar esta petición, aducindo que esta obriga de colaboración era esixible
calquera que fora a condición (beneficiaria/subcontratista) que puidera atribuírse a FORGA. As
dúbidas iniciais levaron a invocar no indicado escrito tanto a condición de entidade beneficiaria
como de subcontratista da FORGA.
2º) Esta petición foi contestada pola FORGA no sentido de que a súa condición era de
subcontratista, e que como tal a documentación relativa ás facturas de terceiros provedores
formaba parte da contabilidade interna da FORGA, allea ao subcontrato e á actividade
subcontratada, e polo tanto á fiscalización.
3º) Este feito levou a solicitar un informe aos servizos xurídicos do Consello, que foi emitido en
data 3.12.2013, e pronunciouse cualificando a relación entre a FORGA e a CIG como de
subcontratación (o que significa que a FORGA non era beneficiaria das axudas), pero, ao mesmo
tempo, nun sentido favorable a que a colaboración requirida abarcara aos subcontratistas,
precisando que, en todo caso, a nova petición de documentación (a diferenza do que podía
deducirse da realizada no primeiro escrito do 10 de maio de 2013) debía concretar e abarcar só
aqueles aspectos estritamente necesarios para os fins da fiscalización. Reproducimos só a
conclusión deste informe (o texto completo dese informe xurídico xúntase como anexo a estas
réplicas), de interese para este asunto:
Segunda.- Informar favorablemente a petición da información documental, no procedemento de fiscalización en
curso das subvencións concedidas pola Dirección Xeral de Formación e Colocación (para formación de ocupados),
que permita fiscalizar os conceptos e datos desglosados nas facturas emitidas pola fundación Forga correspondentes
á actividade subcontratada coa CIG cando se faga respectando os límites e condicións expostos nos fundamentos de
dereito deste informe.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
267
4º) Seguindo estas pautas, mediante escrito do 11 de decembro de 2013 solicitouse novamente
da FORGA que, aceptada a súa condición de subcontratista, respecto de determinadas AF
seleccionadas dentro dos plans de formación obxecto das axudas se aportaran como xustificantes
de gasto, ademais da factura que emite a FORGA á CIG, aqueles comprobantes ou documentos
que deran soporte a esta factura e que posibilitara a cuantificación e a comprobación da
realidade do gasto acreditado na mesma.
Nesta petición xustificábase que esta información resultaba, ao noso xuízo, necesaria e adecuada
para os fins da fiscalización na medida en que formara parte da acreditación da realidade e da
cuantificación do gasto presentado ante a Administración para a percepción das axudas
fiscalizadas, aspecto prioritario desta fiscalización nos termos expresados no Plan de Traballo
aprobado polo Pleno do Consello de Contas; e era proporcionada, toda vez que a solicitude se
realiza respecto dun número mínimo de accións formativas subcontratadas á FORGA pola
entidade beneficiaria (CIG) e con idéntico proceder que no resto das entidades seleccionadas
para revisión.
5º) Desprazado persoal do equipo de fiscalización á sede da FORGA en Vigo o 15 de xaneiro de
2014, esta entidade puxo de manifesto nun escrito facilitado aos membros do equipo que faía
entrega unicamente dos documentos relativos ao gasto vinculado directa e exclusivamente ao
servizo docente contratado coa CIG, entendendo que como entidade subcontratista o seu deber
de colaboración non comprendía xustificar os gastos “con vinculación compartida con outras
actividades non derivadas do subcontrato coa CIG, e polo tanto non exclusivas do mesmo,
limitándose respecto deses gastos a explicar os criterios de distribución e atribución ao
subcontrato pactado coa CIG”.
Polo tanto, como xustificantes do gasto o Consello dispuxo das facturas globais que a FORGA
emite á CIG, así como doutros xustificantes relativos ao gasto vinculado directa e exclusivamente
ao servizo de docencia contratado coa CIG, pero non dos comprobantes que soportan a factura
da FORGA nas accións formativas seleccionadas respecto do material didáctico, o alugueiro de
instalacións e equipamentos, e os gastos asociados (persoal de apoio e subministracións) máis
alá de dar a coñecer os criterios de reparto.
O informe xurídico do Consello non se recabou a instancia de FORGA –como dan a entender as
súas alegacións– senón do equipo de fiscalización ao abeiro do artigo 25 do Regulamento de
réxime interior do Consello de Contas, e ese informe de carácter facultativo e non vinculante
para o equipo de fiscalización, en ningún caso avala a postura da beneficiaria (CIG) e da FORGA.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
268
Tanto no informe específico desta entidade (CIG) como no informe xeral, o Consello de Contas
cualificou á FORGA como entidade subcontratista da CIG. Cando a conclusión 2 alude á
“condición de subcontratista e, polo tanto, non beneficiaria”, en ningún caso se trata de soster
que o criterio do Consello sexa distinto do defendido pola entidade, senón de reproducir o
argumento aducido por esta para xustificar a falta de colaboración na extensión requirida.
En definitiva, o relevante é que FORGA non prestou a colaboración requirida e esixible na
opinión do Consello de Contas como subcontratista da CIG por canto non facilitou ao Consello
de Contas os comprobantes ou documentos que dan soporte a tódolos gastos que figuran na
factura emitida pola FORGA á CIG e que posibiliten a cuantificación e a comprobación da
realidade dos mesmos nas accións formativas examinadas; optando respecto dalgúns deses
gastos por facilitar os criterios de reparto, insuficientes para comprobar esa realidade.
En consecuencia, as alegacións formuladas non supoñen a modificación do informe de
fiscalización, sen prexuízo dunha maior precisión na súa redacción, e de eliminar a expresión
citada “e, polo tanto, non beneficiaria”, por se dera lugar a confusión na cualificación da
condición da FORGA.
Réplica ás alegacións formuladas á conclusión do informe de fiscalización referida á
autorización previa dos contratos de xestión entre CIG e FORGA.
Alégase que a CIG solicitou a subcontratación de todos os plans sectoriais e intersectoriais dos anos
2009-2010 e 2010-2011 sempre a poucos días de obter a resolución de concesión das axudas. En
ocasións a autorización demorouse varios meses por causas non imputables á central sindical.
No que atinxe ao punto 3.7 do anteproxecto de informe, alégase que a contratación da docencia non
pode considerarse subcontratación segundo se desprende do artigo 23.5 das ordes da convocatoria. Que
o plan 2009/185 non se refire a ningún plan da CIG cando alude a que non consta autorización de
subcontratación da Consellería.
As alegacións non contradín o indicado no informe: as subcontratacións dos plans coa entidade
FORGA contan coa autorización do órgano concedente da axuda, se ben sen respectar o carácter
previo da mesma, esixido polo artigo 26 da Lei de subvencións de Galicia.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
269
O plan 2009/185 refírese ao único plan intersectorial aprobado para a CIG no exercicio 2009,
identificado no cadro inicial do informe coa referencia 2009/195 e que neste apartado por erro
se transcribiu como 2009/185. Do contexto do informe se deduce claramente que se trata do
plan intersectorial do exercicio 2009.
A orde da convocatoria exclúe dos supostos de subcontratación a contratación de persoal
docente e tamén aqueles gastos nos que teña que incorrer a beneficiaria para a realización por si
mesma da actividade subvencionada. No informe nunca se cualificaron como supostos de
subcontratación a contratación de persoal docente, tanto sexa de persoal temporal como de
autónomos. Cuestión diferente é a contratación cunha empresa externa da impartición da
docencia conxuntamente con outros servizos, instalacións ou medios materiais, o que
constituirían supostos claros de subcontratación que a orde da Convocatoria non permite.
O exemplo máis claro desta subcontratación que se ten advertido (por ser común a tódalas
entidades) é a concertación de servizos coa autoescola AUTOESCOLA OLÍVICA S.L. para o curso
“Permiso de conducir B”, nos que se contratan os servizos de impartición, instalacións, medios
técnicos e docentes, equipamentos e materiais precisos. A excepción da FORGA, tódalas
entidades beneficiarias analizadas que concertan estes cursos con autoescolas en termos
similares, cualifican esta concertación de servizos como subcontratación, solicitando a
autorización prevista para estes supostos que a Dirección Xeral de Formación está concedendo
expresamente.
Do mesmo xeito, constitúe subcontratación a actividade formativa concertada coa ACADEMIA
GOSUB S.L., que inclúe a docencia, aulas e equipos para a impartición do curso.
Tamén constitúe subcontratación a concertación de “servizos (docentes e ou non docentes)” coa
empresa SIGLO XXI CONSULTORES DE FORMACIÓN S.L para distintos cursos por importe de
652.617 euros e 615.276 euros nos respectivos plans, que inclúe ademais de impartir a docencia
consonte co programa formativo establecido polo FORGA, entre outras, a obrigas para esta
empresa de contratar, de ser preciso, ao persoal necesario, facilitar toda a información requirida
pola FORGA en base ao artigo 29.5 da lei de subvencións, –previsto para as subcontratacións–,
realizar, no caso de ser preciso, tódolos trámites e xestións administrativos perante os
organismos que correspondan, avaliar ao alumnado e realizar o control de asistencia.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
270
Réplica ás alegacións formuladas á conclusión do informe de fiscalización referida á
autorización da superación do módulo máximo nos cursos presenciais.
Alégase que en tódolos cursos con superación de módulo, este foi autorizado pola Consellería e que no conxunto foi
inferior a 12 euros alumno/hora.
Sen prexuízo de que a normativa permita a solicitude de incremento dos módulos máximos
establecidos cando se trate de accións que polas súas características así o requiran, o número
dos solicitados e concedidos no ano fiscalizado puxo de manifesto unha práctica pouco
coherente co carácter excepcional previsto para a mesma na orde da convocatoria. O reproche do
informe sobre o número de cursos que superan o módulo máximo de 12 euros/hora/alumno
previsto para os presenciais diríxese á Dirección Xeral de Formación e Colocación, quen xa
admitiu no seu escrito de alegacións ter tomado medidas para evitar esta práctica cara ao futuro.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión do informe de fiscalización referida á dobre
subcontratación.
Alégase que o feito de que FORGA facilitara os indicados contratos evidencia unha contradición co punto
do informe que alude a imposibilidade de fiscalizar os gastos distintos da docencia.
Que a contratación da docencia non pode considerarse subcontratación segundo se desprende do artigo
23.5 das ordes das convocatorias.
Desde a perspectiva da conclusión segunda, que outorga a FORGA a condición de beneficiaria, nunca
existiría este nivel de subcontratación.
O feito de que FORGA facilitara os dous contratos aludidos no informe non significa para nada
que puxera a disposición deste órgano de fiscalización tódolos comprobantes requiridos para
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
271
acreditar a realidade e contía do gasto, que deberon ser as facturas ou outros documentos de
valor probatorio no tráfico mercantil que dan cobertura á facturación da FORGA á CIG. Para que
non quede lugar a dúbidas, o alcance da documentación facilitada e omitida nos diferentes
cursos analizados (todos eles obxecto de subcontratación da CIG a FORGA), foi a seguinte:
• Na acción formativa Informática de usuario aportáronse comprobantes de nóminas e facturas
que afectan á impartición da docencia. Quedaron sen achegar estes xustificantes en relación cos
gastos de equipos, material, aluguer de aulas, seguros, control, persoal de apoio e outros gastos
asociados (os custos de cada un destes conceptos figuran no cadro 12 do informe).
• Na acción formativa Técnicas de fotografía aportáronse comprobantes de nóminas e facturas
que afectan á impartición da docencia. Quedaron sen aportar estes xustificantes en relación cos
gastos de equipos, material, aluguer de aulas, seguros, control, persoal de apoio e outros gastos
asociados.
• Na acción formativa Técnicas de estres aportáronse comprobantes de nóminas e facturas que
afectan a impartición da docencia. Quedaron sen aportar estes xustificantes en relación cos
gastos de equipos, material, aluguer aulas, seguros, control, persoal de apoio e outros gastos
asociados.
• Na acción formativa Permiso de conducir B aportáronse comprobantes de nóminas e facturas
que afectan a impartición da docencia. Quedaron sen achegar estes xustificantes en relación cos
gastos de seguros, control, persoal de apoio e outros gastos asociados.
• Nos cursos Formador de teleformadores (do plan de 2009) e Inglés para viaxar, Retoques
imaxes e Fotografía dixital (do plan de 2010) nos que a FORGA concerta coa empresa SIGLO XXI
CONSULTORES DE FORMACIÓN S.L. aportáronse comprobantes do servizo docente referido a
monitores. Porén non se aportaron respecto aos restantes gastos como control, publicidade,
persoal de apoio e outros gastos asociados.
En relación coa alegación ao feito de que a contratación da docencia non pode considerarse
subcontratación segundo se desprende do artigo 23.5 das ordes das convocatorias, remitímonos
ao exposto na réplica realizada á alegación ao punto anterior.
Entendemos que da réplica realizada á alegación á conclusión 2ª queda claro que o Consello de
Contas cualifica a condición que ostenta a FORGA na xestión destas axudas de entidade
subcontratista da CIG, e que se lle require a colaboración como tal subcontratista.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
272
Reiterase o xa indicado, cando a conclusión 2 alude á condición de subcontratista e, polo tanto,
non beneficiaria, en ningún caso se trata de soster que o criterio do Consello sexa distinto do
defendido pola entidade, senón de reproducir o argumento aducido por esta para xustificar a
falta de colaboración na extensión requirida.
Esta condición de subcontratista sublíñase no informe xeral, non só para a FORGA respecto de
CIG, senón para todos os institutos de formación dependentes das entidades sindicais que
asumiron a xestión dos plans de formación daquelas, en contra da cualificación de beneficiarios
que estes centros defenden.
O punto 2.3. do informe, do que emana a conclusión referida, di literalmente “Seguindo a
sistemática da fiscalización de anteriores beneficiarios, solicitouse da FORGA que, como entidade
subcontratista da CIG...”
Polo tanto, non hai contradición ningunha nos criterios mantidos polo Consello, nin para sinalar
a limitación de acceso aos comprobantes de gasto solicitados, nin para concluír sobre a
existencia dunha dobre subcontratación non permitida pola normativa das axudas.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión 6, relativa aos custos de aluguer presentados.
Alégase que o feito de que as aulas sexan propiedade da CIG ou non non constitúe ningún tipo de
irregularidade.
Que a beneficiaria estaría habilitada para incorporar gastos de amortización.
Que o Consello especula cando afirma que “as aulas poderían ser propiedade da CIG” e non establece
conclusións certas.
O artigo 20.2. d) da orde da convocatoria contempla entre os gastos subvencionables os gastos
de aluguer, arrendamento financeiro, excluído xuros, ou amortizacións de aulas, talleres e
demais superficies utilizadas no desenvolvemento do plan de formación. Os gastos de
amortización calcularanse segundo as normas de contabilidade xeralmente aceptadas.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
273
Por outro lado, tódolos custos deben responder a custos reais, efectivamente pagados e
xustificados. (artigo 20.3 antepenúltimo parágrafo).
Polo tanto, os beneficiarios poden presentar gastos de aluguer se necesitan contratar aulas de
terceiros provedores ou presentar gastos de amortización de locais propios. De acordo co propio
concepto de aluguer as aulas non poden ser propiedade do arrendador, doutro xeito non habería
custos reais neste concepto.
No informe póñense de manifesto indicios máis que suficientes para concluír que se están
imputando gastos de alugueiro e amortización de locais propiedade da beneficiaria (CIG). Aínda
que as limitacións xa citadas non permitiron acceder á documentación soporte das facturas de
aluguer imputadas aos cursos que se citan, estes indicios parten dos seguintes feitos expostos no
informe:
“O curso Informática de usuario celebrado en Vigo impártese, segundo a información técnica
facilitada pola Consellería, nos locais que ocupa a FORGA na Av. Aeroporto 92 de Vigo. Ao
respecto, consta na documentación dispoñible un contrato de aluguer da CIG á FORGA de
instalacións que responden á mesma dirección, vixente nas datas da realización deste curso......
Ao igual que neste caso, en distintos cursos celebrados, segundo a información técnica facilitada
pola Consellería, nesas mesmas instalacións da Av. Aeroporto 92 de Vigo puido constatarse que
a factura de FORGA inclúe “gastos de alugueiro e amortización de aulas de locais para accións
formativas”. Como exemplos: AF 2029/442-1 Tratamento de datos con SPSS (300 euros de
aluguer); AF 2009/394-1 Cociña creativa (1.006 euros); AF 2009/446-1 Inglés atención ao
público (476 euros); AF 2009/485-1 Portugués (476 euros de aluguer)....”
Solicitouse da FORGA todos os custos de aluguer facturados pola CIG imputados aos plans de
formación de ocupados de 2009 e 2010, sen que esta información fora facilitada.
As alegacións, extensas en razoamentos, non negan que estes cursos se están realizando en
locais propiedade da beneficiaria (CIG).
Polo tanto, de aceptarse, como pode deducirse das probas dispoñibles, que existen cursos que se
están realizando en locais da CIG, respecto dos mesmos non procedería a facturación de
alugueres, por ser propiedade da beneficiaria.
Obviamente tampouco procedería a facturación pola FORGA de gastos de amortizacións de
locais da CIG, como parecen defender as alegacións, por tratarse de instalacións que non son
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
274
propias desta entidade. Engádese esta consideración á conclusión para dar resposta a esta
alegación.
A pesar dos indicios relatados, e dadas as limitacións de información referidas, a conclusión non
pode máis que cerrarse cunha fórmula que alude a unha presunción, aos efectos de que a
Consellería –que é a contadante- adopte as medidas de investigación pertinentes, así como as
outras que do resultado daquela procedan.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión 7, referida aos custos indirectos.
Alude a que o informe nas conclusións 2 e 6 considera a FORGA beneficiaria e nas conclusións 5 e 7
subcontratista. Que os custes indirectos están dentro do límite da norma.
Entendemos que non existe ningún fundamento para chegar á interpretación que realizan as
alegacións sobre a distinta consideración da FORGA nas distintas conclusións, cuxa postura do
Consello xa quedou clara.
Respecto dos custos indirectos, o informe só constata un feito, sen aludir en ningún caso a un
exceso deses gastos sobre os límites normativos. Destacar, en calquera caso, que o Consello non
puido realizar respecto destes gastos nesta entidade as comprobacións que verificou nos gastos
asociados das restantes entidades, e que deron lugar a diferentes consideracións de
inelixibilidade de gastos de acordo cos límites que para determinados conceptos (gastos de
asesoría xurídica, administración e xestión, financeiros etc.) establece a orde da convocatoria.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
275
Réplica ás alegacións formuladas á conclusión 8, referida aos partes asinados polos alumnos.
Alude a que se tende unha sospeita inxusta sobre tódolos participantes no proceso de formación, que non
existe incumprimento normativo, e que se se trata dunha recomendación á Consellería sería unha
extralimitación do Consello.
En primeiro lugar, advertir que determinadas entidades beneficiarias están solicitando a sinatura
dos alumnos participantes nos cursos de formación, como así se destaca de forma positiva
respecto das mesmas nos respectivos informes. A orde da convocatoria limítase a indicar que “en
todas as modalidades de impartición se deberán incluír evidencias necesarias para comprobar
que o alumnado recibe a formación impartida”, sen esixir explicitamente ningunha modalidade
de control.
Determinados feitos plasmados tanto no informe xeral como nos específicos evidencian
debilidades nos sistemas de control da efectiva participación e asistencia aos cursos (alumnos
que participan en cursos presenciais respecto dos que os rexistros informáticos presentan
coincidencias parciais de datas e horarios na impartición daqueles) e esixen un control a través
da sinatura dos alumnos por ofrecer maiores garantías de seguridade para revisións posteriores,
que a que se ven realizando polos docentes.
Como xa se indicou, os informes específicos destas entidades tratan de recoller de xeito sucinto o
tratamento deste aspecto nos distintos beneficiarios a partir do que sustentar as recomendacións
que no informe xeral se dirixen á Administración, sen valoración de ningún tipo desde o punto de
vista do cumprimento normativo.
No sentido indicado, a recomendación 7.17 do informe de fiscalización vai nesta dirección
“Recoméndase que a normativa reguladora das axudas esixa a acreditación da presenza dos
alumnos mediante partes de asistencia asinados polos mesmos, así como un maior control pola
Administración incrementando as visitas in situ.” Ao respecto, sinalar que a Administración
aceptou esta recomendación nas súas alegacións.
En consecuencia, sen prexuízo de precisar esta conclusión no sentido que veu indicando nas
réplicas anteriores para tódalas entidades, as alegacións formuladas non supoñen a modificación
do informe de fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
276
Réplica ás alegacións formuladas ao apartado 3.3, referida ás accións formativas singulares.
Alégase que estamos ante un xuízo de valor. Que poderían compartir o aserto do informe por poñer un
exemplo se o sector do viño fose irrelevante en Galicia pero non é o caso; e así para os restantes.
Toda a formación impartida, con maior ou menor alcance sobre a promoción profesional, sobre
os requirimentos do mercado de traballo ou as necesidades das empresas, ten efectos positivos
sobre a empregabilidade. Ata no curso “Inglés para viaxar” aínda sen referirse a ningún sector
estratéxico, tamén sería defendible ese carácter.
Como xa indicamos, os feitos relatados neste informe específico hai que interpretalos
conxuntamente coas valoracións xerais formuladas no informe de fiscalización xeral sobre a
xestión destes programas. Neste indícase que “aínda sen obviar que toda a formación ten
efectos positivos sobre a empregabilidade dos traballadores, constatamos algunhas accións
singulares, reiteradas en distintos beneficiarios, nas que os participantes son titulados e
empregados de ámbitos e sectores profesionais que non teñen vinculación clara cos sectores de
actividade para os que parecen estar dirixidas, polo que non deixa de ser formación
complementaria máis vinculada ao interese particular que profesional. Nestas accións formativas
citadas como singulares, se ben é certo que existe algún traballador do sector a que os cursos se
refiren, tamén figuran outros de empresas que nada teñen que ver con ese sector, sendo esta a
práctica dominante para tódolos cursos mencionados no punto 3.3 do informe.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
277
Réplica ás alegacións formuladas ao punto do informe de fiscalización referido aos pagamentos
da entidade FORGA a terceiros provedores realizados con posterioridade á data da certificación
final.
Alégase que neste parágrafo subxace a consideración implícita de FORGA como beneficiaria, pois as
únicas entidades que teñen que efectuar a totalidade dos pagamentos con data límite á da certificación
final son as entidades beneficiarias.
Debemos insistir que os feitos relatados neste informe específico hai que interpretalos
conxuntamente coas valoracións xerais formuladas no informe xeral sobre a xestión destes
programas. Naquel indícase que “Conforme á normativa das axudas, a xustificación do gasto
realízase ademais coa acreditación de ter efectuado o pagamento dentro do prazo de
xustificación. Sen embargo, aínda cando sempre aparece xustificado o pagamento dos
beneficiarios ás entidades colaboradoras ou subcontratistas –en moitos casos vinculadas ás
primeiras– non sempre se está acreditando o pagamento destas entidades aos terceiros xestores
(centros de impartición) ou provedores, o que, ao noso entender, constitúe unha salvidade na
correcta xustificación”.
Polo tanto, non existe consideración implícita algunha de FORGA como beneficiaria. Se
aceptamos que os xustificantes dos custes propiamente ditos son as facturas de provedores,
estas deben estar aboadas, posto que a norma alude a que os custos subvencionados deben
estar “realizados, pagados e xustificados“ no indicado prazo.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao cadro 12 do informe de fiscalización, referido aos custos
das accións formativas.
Alégase que o cadro referido contén diversos erros na incorporación de datos e non reflicte tódolos gastos
amosados no seu día pola FORGA.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
278
En realidade, o texto das alegacións só alude a dous erros: un respecto dunha factura imputada
improcedentemente ao curso 2009/5435; e outro respecto á referencia dun curso (citado como
2010/1458 en vez de 2010/3458). Estes erros corríxense no informe definitivo.
A incorporación de gastos fíxose en función dos datos aportados pola FORGA. Na medida en que
no escrito de alegacións non se acreditan os comprobantes dos gastos referidos non pode
modificarse o informe no sentido indicado.
En consecuencia, modifícase o informe corrixindo os erros indicados.
Réplica á petición de posta a disposición da documentación referente á fiscalización desta
entidade.
Solicita a CIG que pola Administración fiscalizada se requira do Consello que poña a súa disposición o
informe da Asesoría Xurídica do Consello de Contas aludido nas alegacións e os papeis de traballo da
fiscalización desta entidade, invocando a Lei 30/1992, do 26 de novembro, de Réxime xurídico das
Administracións Públicas e do procedemento administrativo común.
Aínda que a Administración fiscalizada non solicitou ao Consello de Contas os documentos
pedidos pola CIG, cómpre razoar a improcedencia de acceder integramente ao solicitado sobre a
base dos seguintes argumentos.
Como se sabe, o procedemento de fiscalización é un procedemento técnico rexido pola Lei
6/1985, do 24 de xuño, do Consello de Contas de Galicia e polo Regulamento de Réxime interior
do mesmo, así como, no non contemplado por estas (disposición adicional da Lei 6/1985), polas
normas reguladoras do Tribunal de Cuentas (Lei 2/1982, do 12 de maio e Lei 7/1988, do 5 de
abril).
De acordo co disposto no artigo 58 do mencionado regulamento sométese ao trámite de
alegacións o anteproxecto de informe para que os responsables da administración fiscalizada
presenten os documentos e xustificacións que estimen pertinentes dentro do prazo conferido ao
efecto. No presente informe ademais considerouse necesario amplialo ao beneficiario para
garantir axeitadamente a finalidade do trámite.
Á diferenza do procedemento administrativo común, no procedemento fiscalizador non opera nin
o concepto de interesado nin o sistema de recursos administrativos. De acordo co artigo 32
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
279
LFTCu. a este procedemento de fiscalización só supletoriamente lle son de aplicación as
disposicións da Lei de réxime xurídico das Administracións Públicas e do procedemento
administrativo común e, en todo caso, estas non alcanzan ás disposicións que determinan o
carácter de parte ou lexitimen para a interposición de recursos.
Por outro lado, no procedemento fiscalizador, eminentemente técnico, os “papeis de traballo”,
de conformidade co criterio expresado nas normas de auditoría do sector público, (Vid. entre
outras, resolución do 1 de setembro de 1997, da Intervención Xeral da Administración do
Estado), non se entregan salvo por razóns legais que non concorren no presente caso, pois o
peticionario basea, implicitamente, a súa solicitude na súa condición de interesado.
En virtude do exposto non se accede á solicitude formulada mediante OUTROSI DIGO de remitir
copia do expediente fiscalizador. Non obstante, non existe inconveniente en poñelo de manifesto
na sede do Consello a quen o solicite, sen mais limitacións que as que se deriven das normas de
xeral aplicación.
Por último, como xa se indicou, o informe xurídico interesado realízase a petición do equipo de
fiscalización ao abeiro do artigo 25 do Regulamento do Réxime Interior do Consello de Contas,
sen que teña carácter preceptivo nin vinculante, e, aínda que se incorpora ao expediente de
fiscalización, non expresa a opinión do Consello de Contas mesmo que, como ocorre no presente
caso, coincida ca manifestada no informe de fiscalización. Sen que poida accederse a achegalo á
beneficiaria atendendo á súa condición de interesada, polo razoamento exposto anteriormente,
non vemos inconveniente en xuntalo como anexo a estas réplicas como parte das mesmas.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
280
Anexo ás réplicas formuladas ás alegacións da CIG.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
281
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
282
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
283
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
284
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
285
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
286
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
287
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
288
Réplicas ás alegacións formuladas pola Confederación Empresarial de LUGO
Réplica ás alegacións formuladas ao punto 3.1. do informe de fiscalización, relativo á
planificación das accións formativas.
Alégase que por parte deste Consello parece realizarse unha valoración negativa do feito de que esta
entidade planifique as accións formativas en base á priorización que ao respecto realizase a propia
Consellería.
A formación está chamada a ser a primeira política activa de emprego, pero parece necesario un
esforzo adicional para que tanto os destinatarios como as empresas e o conxunto da sociedade
coñezan de forma clara as súas posibilidades máis alá da mellora da empregabilidade como
obxectivo xenérico que sempre vai acadar. Un dos problemas máis perentorios do actual modelo
de formación para o emprego é que parece carecer de obxectivos concretos, o que dificulta a
avaliación e a adopción de medidas correctoras.
O Acordo do Diálogo Social en Galicia asinado o 5 de febreiro de 2007 –citado na exposición de
motivos da orde da convocatoria das axudas dos plans sectoriais e intersectoriais do exercicio
2009- recolle, entre os obxectivos da formación, o de proporcionarlle aos traballadores a
axeitada para a promoción persoal, para os requirimentos do mercado de traballo e para as
necesidades das empresas, contribuíndo á mellora da produtividade e da competitividade destas.
Coñecer os resultados acadados de cara a eses obxectivos, a través de indicadores que permitan
unha avaliación razoable dos mesmos, é a mellor garantía de salvagardar os valores da
formación e a eficacia e utilidade dos recursos públicos destinados á mesma.
É certo que a determinación dos obxectivos da formación e a avaliación da súa realización é
primeiramente unha responsabilidade da Administración, e así se indica no informe xeral cando
se analiza a actuación desta última.
Pero o artigo 12.1.b) da orde da convocatoria establece a obriga dos beneficiarios de presentar,
dentro dos plans de formación para os que soliciten axudas, os obxectivos a acadar no indicado
plan; e inherente ao establecemento dos mesmos é a formulación de indicadores de medición e a
posterior valoración.
Tódalas entidades beneficiarias recollen dalgunha maneira obxectivos xenéricos na súa memoria
de actividades ou dentro da documentación aportada ao plan formativo, pero a avaliación
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
289
posterior de cara á adopción de medidas correctoras é unha eiva xeneralizada. O tratamento que
realiza o informe desta carencia é cun enfoque operativo, e non en relación co cumprimento da
normativa de aplicación.
O informe recoñece nesta entidade avances na dirección indicada, pero tamén limitacións
respecto da concreción, a medición e a avaliación posterior.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.2. do informe de fiscalización, relativo ao desfase
existente entre o importe e o número de alumnos solicitados e o finalmente aprobado polo
órgano concedente.
Alégase que é normal que esta entidade, cuxa finalidade é a defensa dos intereses xerais e comúns dos
empresarios de Lugo, aspire á execución de plans formativos dirixidos a ocupados o máis ambicioso
posible, e que da mesma forma as accións aprobadas pola Administración sexan inferiores pola limitación
de fondos públicos.
A alegación formulada só trata de explicar o exposto no informe de fiscalización, polo que non
supón a súa modificación.
Réplica ás alegacións formuladas ao punto 3.3. do informe de fiscalización, relativo ao feito de
que en determinadas accións formativas os participantes seleccionados proveñan de sectores
profesionais non afíns cos sectores nos que se desenvolven as mesmas.
Alégase que esta apreciación refírese en concreto a dúas accións formativas singulares que supoñen unha
porcentaxe mínima do presuposto das accións formativas aprobadas e que a oferta realizada pola
Confederación respondía á mesma finalidade e obxectivos que para o resto de accións.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
290
Como xa indicamos, os feitos relatados neste informe hai que interpretalos conxuntamente coas
valoracións xerais formuladas no informe xeral sobre a xestión destes programas. Neste indícase
que “aínda sen obviar que toda a formación ten efectos positivos sobre a empregabilidade dos
traballadores, constatamos algunhas accións singulares, reiteradas en distintos beneficiarios, nas
que os participantes son titulados e empregados de ámbitos e sectores profesionais que non
teñen vinculación clara cos sectores de actividade para os que parecen estar dirixidas, polo que
non deixa de ser formación complementaria máis vinculada ao interese particular que
profesional”. Tal e como se indicou anteriormente, a imposibilidade da revisión dunha
porcentaxe elevada de accións formativas sobre as que se realizou a revisión da documentación
técnica e xustificativa do gasto levou a que se seleccionara unha serie de accións formativas en
base a criterios de reiteración ou singularidade. Se ben é certo que nas mesmas existe algún
traballador do sector ao que os cursos se refiren, tamén figuran outros de empresas que nada
teñen que ver con ese sector, e esta é a práctica dominante para tódolos cursos.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.4. do informe de fiscalización, relativo á falta de
avaliación dos resultados obtidos na execución dos plans formativos.
Alégase que este tipo de avaliación non vén establecido con carácter obrigatorio pola normativa vixente e
que en todo caso entraría dentro das facultades da Administración. Así mesmo, maniféstase que para as
beneficiarias sería practicamente imposible a realización deste tipo de análise pois suporía ter acceso a
datos persoais dos traballadores que non terían por que facilitar.
Para a contestación a esta alegación, remitímonos á réplica formulada á alegación ao punto 3.1.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
291
Réplica ás alegacións formuladas ao punto 3.5. do informe de fiscalización, relativo á
multiparticipación e aos criterios seguidos para a selección dos alumnos.
Alégase que na normativa non existe limitación algunha en orde á participación de alumnos en varias AF
e en canto á selección dos alumnos, cando as prazas ofertadas son inferiores á demanda, esta entidade
cumpre cos criterios de prelación establecidos na normativa vixente.
En termos xerais, na nosa Comunidade Autónoma a participación dunha mesma persoa (taxa de
multiparticipación) en diferentes cursos é das máis altas dos plans autonómicos, e debe ser un
factor a considerar na medida en que está limitando a distribución da participación no acceso a
esta actividade e, polo tanto, aos recursos destinados á mesma. A propia Consellería ten como
obxectivo reducir esa taxa de pluriparticipación aos efectos de que a formación chegue a un
maior número posible de beneficiarios. A análise global desa taxa concretouse respecto de cada
centro dos examinados para reforzar esa conclusión xeral e, sobre todo, para abordar a revisión
de solapamentos de datas na realización daqueles. Sobre ese feito da pluriparticipación non se
segue ningunha incidencia para esta entidade máis alá de que non é allea a esta práctica, e
respecto do posible solapamento constátase de forma positiva (como así se destaca no informe)
que non se atoparon cursos con esa incidencia.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.7. do informe de fiscalización, relativo á
subcontratación con outras empresas.
Alégase que se recoñece que, ademais da orde da convocatoria, na propia Lei 9/2007, de subvencións de
Galicia, esíxese para poder subcontratar o cumprimento do requisito de ter autorizada previamente pola
Dirección Xeral de Formación e Colocación dita subcontratación, pero sen embargo menciónase que se
incluía na documentación da solicitude unha referencia ás posibles empresas obxecto de subcontratación,
e tamén se fala de que a propia normativa recolle a posibilidade de que as AF poidan iniciarse antes da
propia data de resolución.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
292
Se ben é certo que a maioría das AF se iniciaron con anterioridade á aprobación da
subcontratación, entendemos que a alegación non contradí o expresado no informe,
especialmente cando o máis significativo do punto do informe é a referencia a que a
Confederación subcontratou o 100% das AF dos distintos plans.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.8. do informe de fiscalización, relativo á
imputación dos custos indirectos do persoal.
Alégase que a imputación dos custos de persoal propio encóntranse dentro dos límites e marcos
regulatorios das ordes reguladoras das subvencións.
En xeral, para tódolos beneficiarios analizados, os custos de persoal interno presentados polos
mesmos como custos indirectos parecen excesivos en relación co peso da actividade que asumen,
tendo en conta a xeneralizada subcontratación do 100% da actividade formativa e a amplitude
dos encargos ás entidades subcontratadas, que xa engloban as tarefas auxiliares que
xustificarían eses gastos. O número de traballadores, a porcentaxe mensual de gasto que cargan
respecto de cada traballador e o período de imputación (mensualidades de vixencia de todo o
plan) avalan esta conclusión.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
293
Réplica ás alegacións formuladas ao punto 3.9. do informe de fiscalización, relativo á
disparidade existente no custo por hora/alumno e á superación do módulo máximo.
Alégase que as AF que superan o módulo máximo foron autorizadas previamente pola Administración e
ademais que nestas AF presenciais este custo superior está perfectamente xustificado dado as
necesidades específicas de instalacións, horario, capacitación docentes, etc...
Sen prexuízo de que a normativa permita a solicitude de incremento dos módulos máximos
establecidos cando se traten de accións que polas súas características así o requiran, o número
dos solicitados e concedidos no ano fiscalizado puxo de manifesto unha práctica pouco
coherente co carácter excepcional previsto para a mesma na orde da convocatoria. O reproche do
informe sobre o número dos cursos que superan o módulo máximo de 12 euros/hora/alumno
previsto para os presenciais diríxese á Dirección Xeral de Formación e Colocación, quen xa
admitiu no seu escrito de alegacións ter tomado medidas para evitar esta práctica cara ao futuro.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.10. do informe de fiscalización, relativo ás
diferenzas detectadas entre o gasto total xustificado e o importe das axudas.
Alégase que a entidade xustificou correctamente a totalidade dos custos incorridos (mod. H e mod. K) e
que son coincidentes plenamente co importe da axuda, e que esta xustificación e documentación foi
obxecto do correspondente control por parte da Administración e empresas auditoras externas nomeadas
por esta.
As pequenas diferenzas reflectidas no informe xorden ao comparar o custo imputado reflectido
na liquidación final cos importes recollidos na base de datos do aplicativo informático de xestión
da formación continua que detalla a totalidade dos custos imputados agrupados nestas
categorías: total facturas, total nóminas e total recibos. Sinalar que no traballo de fiscalización
realizado sobre as distintas AF os custos imputados estaban perfectamente documentados.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
294
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.11. do informe de fiscalización, relativo á
imputación dunha mesma factura a unha pluralidade de AF.
Alégase que este tipo de imputación non vulnera a normativa e que ademais é adecuada pola existencia
de custos comúns ás distintas AF. Tamén se fai referencia a que esta técnica non permite comprobar que
as porcentaxes imputadas non excedan do 100% do importe da factura á vez que se recoñece que a
entidade dispón dun programa informático para o correcto control destas imputacións.
Para xustificar os gastos indirectos dos beneficiarios e das entidades colaboradoras, unha mesma
factura ou nómina utilízase en diferentes cursos, imputando unha porcentaxe do seu importe a
cada acción formativa, sen que existan na documentación xustificativa esixida pola
Administración elementos de validación e control dos distintos comprobantes que permitan
verificar que as porcentaxes imputadas non exceden do total do importe daquelas.
No traballo de campo sobre a CEL constatouse que esta entidade leva mediante un programa
informático un completo estudo de imputación de custos que lle permite un adecuado control da
totalidade dos mesmos, o que merece unha valoración positiva aos efectos de garantir unha
minimización dos riscos advertidos.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
295
Réplica ás alegacións formuladas ao punto 3.12. do informe de fiscalización, relativo á falta de
rexistros contables diferenciados.
Alégase que a entidade dispón do desglose e nivel de detalle suficiente para identificar os gastos e
ingresos derivados da execución do plan de formación.
A entidade presentou documentación suficiente que acredita o cumprimento da normativa neste
senso.
En consecuencia, admítense as alegacións formuladas, o que supón a modificación do apartado
3.12. do informe.
Réplica ás alegacións formuladas ao punto 3.15. do informe de fiscalización, relativo ao
sistema de imputación dos gastos de aluguer das aulas.
Alégase que a entidade cumpre coa normativa ao aplicar os gastos de aluguer das aulas como custos
directos, incluso nos cursos de teleformación, porque conceptos tales como preparación, xestión, etc...,
séguense realizando pola propia entidade. Tamén se xustifica a imputación destes custos fóra dos
períodos de desenvolvemento das AF polo mesmo motivo anterior.
Se ben o artigo 20.2.d da orde reguladora das axudas permite a inclusión como custos directos
dos gastos de aluguer das aulas, talleres e demais superficies utilizadas no desenvolvemento do
plan de formación, consideramos excesivo que no caso dos cursos de teleformación impartidos
por Ingafor, que segundo o contrato é o encargado de realizar todo o ciclo de desenvolvemento
do curso (desde a captación e selección ata a impartición), o custo imputado por este concepto
deba incluírse como custo directo e non como indirecto.
Por outra banda, non se pode aceptar a inclusión dos custos de aluguer fóra do período de
impartición da propia AF, tal como vén establecido na orde reguladora (art. 20.2.d).
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
296
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.16. do informe de fiscalización, relativo aos
gastos de persoal de apoio
Alégase que se trata dun xuízo de valor pois en ningún momento se vulnera a normativa vixente.
Para a contestación a estas alegacións remitímonos á réplica ás alegacións ao punto 3.8.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.17 do informe de fiscalización, relativo aos gastos
de docencia.
Alégase que se trata de custos directos das AF e que entran dentro dos custos financiables establecidos
na normativa, e que ademais preséntanse debidamente desglosados por horas.
As alegacións non cuestionan o feito sinalado no informe, senón que tratan de xustificalo.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
297
Réplica ás alegacións formuladas ao punto 3.18. do informe de fiscalización, relativo ao control
de calidade.
Alégase que o contido deste punto do informe resulta contraditorio, posto que se da fe de que esta
entidade cumpre coa normativa en canto non supera o límite do 5% e por outra banda parece insinuar
que o custo é excesivo para o tipo de control realizado.
Efectivamente, da orde da convocatoria despréndese que o máximo a imputar por este concepto
é o 5% da subvención concedida, pero isto non quere dicir que por regra xeral deba imputarse
esta porcentaxe, senón que este é o tope máximo. Este feito sucede nos cursos de teleformación,
onde sempre se aplica este límite.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.19. do informe de fiscalización, relativo á
inexistencia de partes firmados polos alumnos que acrediten a súa participación.
Alégase que a entidade cumpre co establecido en materia de acreditación da asistencia mediante a
remisión dos partes de asistencia no modelo oficial establecido e que compete ao docente, o que xustifica
a inexistencia de partes firmados polos alumnos. Tamén sinalan que, a maiores, estas convocatorias foron
obxecto de auditoría externa da Xunta, e que xa contemplaba o control de asistencia dos alumnos
mediante a posta en contacto de forma aleatoria cos alumnos e profesores.
En primeiro lugar, advertir que determinadas entidades beneficiarias están solicitando a sinatura
dos alumnos participantes, e así se destaca nos respectivos informes. Noutras, este control de
presenza veuse realizando coa sinatura dos docentes.
A entidade recoñece que efectivamente non existen partes diarios de asistencia firmados polos
alumnos, que constituirían a proba máis palpable de xustificación desta asistencia. Esta
comprobación permitiría verificar “in situ” e en fiscalizacións “ex post” tanto a evidencia da súa
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
298
realización como o número dos que finalizaron a AF, aos efectos de comprobar se as liquidacións
aprobadas pola Consellería son correctas, xa que estas van en función deste número.
En consecuencia, sen prexuízo de precisar esta conclusión no sentido que veu indicando nas
réplicas anteriores para tódalas entidades, as alegacións formuladas non supoñen a modificación
do informe de fiscalización.
Réplica ás alegacións formuladas ao punto 3.20. do informe de fiscalización, relativo á falta de
comprobación in situ pola Administración do desenvolvemento das AF.
Alégase que nas dúas convocatorias obxecto de fiscalización a actividade desta entidade foi sometida a
avaliación externa a través de empresas externas nomeadas pola Administración.
Para a contestación a estas alegacións, remitímonos á realizada á alegación anterior.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ás conclusións do informe de fiscalización.
Alégase que este apartado limítase a pór de relevo varias consideracións do informe xa contestadas nas
alegacións, e tamén sinalar que neste informe realízanse unha serie de observacións e comentarios que se
poderían cualificar de xuízos de valor, pero que non suporían incumprimento das normas.
Tanto as conclusións como as recomendacións formúlanse en base aos feitos descritos nos
diferentes puntos do informe. As alegacións a estes apartados reproducen as xa formuladas con
anterioridade aos distintos epígrafes do mesmo, polo que nos remitimos para a súa contestación
ás réplicas realizadas neses apartados. Calquera modificación dos puntos do informe como
consecuencia das alegacións implicaría, se é o caso, a modificación tanto das conclusións como
das recomendacións sen necesidade de reiterar a alegación.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
299
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
300
Réplicas ás alegacións formuladas pola Confederación de Empresarios da Coruña
(CEC)
Réplica ás alegacións formuladas ao punto 3.1. do informe de fiscalización, referidos á
inexistencia de obxectivos concretos e indicadores que permitan cuantificar os logros obtidos cos
plans de formación.
Alégase que os obxectivos concretos para os plans de formación se especifican na memoria de solicitude,
e que estas accións están sometidas a un control de calidade.
A formación está chamada a ser a primeira política activa de emprego, pero parece necesario un
esforzo adicional para que tanto os destinatarios como as empresas e o conxunto da sociedade
coñezan de forma clara as súas posibilidades mais alá da mellora da empregabilidade como
obxectivo xenérico que sempre vai acadar. Un dos problemas máis perentorios do actual modelo
de formación para o emprego é que parece carecer de obxectivos concretos, o que dificulta a
avaliación e a adopción de medidas correctoras.
O Acordo do Diálogo Social en Galicia asinado o 5 de febreiro de 2007 –citado na exposición de
motivos da orde da convocatoria das axudas dos plans sectoriais e intersectoriais do exercicio
2009- recolle, entre os obxectivos da formación, o de proporcionarlle aos traballadores a
axeitada para a promoción persoal, para os requirimentos do mercado de traballo e para as
necesidades das empresas, contribuíndo á mellora da produtividade e da competitividade destas.
Coñecer os resultados acadados de cara a eses obxectivos, a través de indicadores que permitan
unha avaliación razoable dos mesmos, é a mellor garantía de salvagardar os valores da
formación e a eficacia e utilidade dos recursos públicos destinados á mesma.
É certo que a determinación dos obxectivos da formación e a avaliación da súa realización é
primeiramente unha responsabilidade da Administración, e así se indica no informe xeral cando
se analiza a actuación desta última.
Pero o artigo 12.1.b) da orde da convocatoria establece a obriga dos beneficiarios de presentar,
dentro dos plans de formación para os que soliciten axudas, os obxectivos a acadar no indicado
plan; e inherente ao establecemento dos mesmos é a formulación de indicadores de medición e a
posterior valoración.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
301
Tódalas entidades beneficiarias recollen dalgunha maneira obxectivos xenéricos na súa memoria
de actividades ou dentro da documentación aportada ao plan formativo, pero a avaliación
posterior de cara á adopción de medidas correctoras é unha eiva xeneralizada. O tratamento que
realiza o informe desta carencia é cun enfoque operativo, e non en relación co cumprimento da
normativa de aplicación.
O informe recoñece nesta entidade avances na dirección indicada, pero tamén limitacións
respecto da concreción, a medición e a avaliación posterior.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.2. do informe de fiscalización, referido á
porcentaxe de actividades aprobadas con relación ás solicitadas e á coincidencia de AF nos plans
intersectoriais dos anos 2009 e 2010.
Alégase que a execución dos cursos adecúase escrupulosamente á concesión. Destácase o gran
dinamismo e capacidade de innovación da oferta formativa.
Na análise realizada no conxunto dos plans de formación dos distintos beneficiarios puido
constatarse un elevado grao de coincidencia nas accións ofertadas e desenvolvidas, co
conseguinte efecto de reiteración e duplicación das mesmas accións formativas por parte dos
distintos axentes. Isto constitúe desde o noso punto de vista unha sobreactuación que pon de
relevo unha utilización pouco eficiente dos recursos públicos na prestación global desta
actividade. En moitos casos, incluso o mesmo beneficiario reitera as mesmas accións formativas
no ámbito sectorial e intersectorial, cando polas súas características debían ser exclusivas dun
deses ámbitos. Esta práctica, que se describe no informe, afonda en maior medida nesa
reiteración sinalada.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
302
Réplica ás alegacións formuladas ao punto 3.3. do informe de fiscalización, relativo á
concentración en nove accións formativas do 40% do orzamento e as accións formativas
singulares.
Alégase que a distribución do orzamento vén determinada polos módulos económicos establecidos e ao
tratarse de accións impartidas con diferentes niveis de formación e modalidades de impartición produce
resultados asimétricos. A cualificación dalgunhas accións formativas de “propias do ámbito ou interese
particular” carece de todo rigor técnico.
Como xa indicamos, os feitos relatados neste informe hai que interpretalos conxuntamente coas
valoracións xerais formuladas no informe xeral sobre a xestión destes programas. Neste indícase
que “aínda sen obviar que toda a formación ten efectos positivos sobre a empregabilidade dos
traballadores, constatamos algunhas accións singulares, reiteradas en distintos beneficiarios, nas
que os participantes son titulados e empregados de ámbitos e sectores profesionais que non
teñen vinculación clara cos sectores de actividade para os que parecen estar dirixidas, polo que
non deixa de ser formación complementaria máis vinculada ao interese particular que
profesional”. Tal e como se indicou anteriormente, a imposibilidade da revisión dunha
porcentaxe elevada de accións formativas sobre as que se realizou a revisión da documentación
técnica e xustificativa do gasto levou a que se seleccionara unha serie de accións formativas en
base a criterios de reiteración ou singularidade. Nos cursos examinados a singularidade está en
que, se ben é certo que existen algúns traballadores do sector co que poden relacionarse estes
cursos, tamén figuran outros de empresas que nada teñen que ver con ese sector, sendo esta a
práctica dominante para estes cursos.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
303
Réplica ás alegacións formuladas ao punto 3.4. do informe de fiscalización, referido á
inexistencia de estudos ou informes finais de avaliación dos resultados na execución dos plans.
Alégase que é a propia persoa traballadora a que coñece en que medida os cursos de formación lle
facilitan a súa promoción laboral.
Para a contestación a esta alegación remitímonos á réplica á alegación ao punto 3.1. do informe.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.5. do informe de fiscalización, referido á
multiparticipación de alumnos en distintas accións formativas.
Alégase que a normativa vixente permite a realización de varios cursos polo mesmo alumno.
En termos xerais, na nosa Comunidade Autónoma a participación dunha mesma persoa (taxa de
multiparticipación) en diferentes cursos é das máis altas dos plans autonómicos, e debe ser un
factor a considerar na medida en que está limitando a distribución da participación no acceso a
esta actividade e, polo tanto, aos recursos destinados á mesma. A propia Consellería, segundo as
súas alegacións, ten como obxectivo reducir esa taxa de pluriparticipación aos efectos de que a
formación chegue a un maior número posible de beneficiarios. A análise global desa taxa
concretouse respecto de cada centro dos examinados para reforzar esa conclusión xeral e, sobre
todo, para abordar a revisión de solapamentos de datas na realización daqueles. Sobre ese feito
da pluriparticipación non se segue ningunha incidencia para esta entidade máis alá de que non é
allea a esta práctica, e respecto do posible solapamento constátase de forma positiva (como así
se destaca no informe) que non se atoparon cursos con esa incidencia.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
304
Réplica ás alegacións formuladas ao punto 3.7. do informe de fiscalización, relativo á
subcontratación con distintas entidades da totalidade das accións formativas.
Alégase que a normativa reguladora establece prazos de execución dos plans de formación anteriores á
propia orde de convocatoria e isto é necesario debido á imprescindible axilidade para algunhas accións
formativas que fai que algunhas accións se inicien con anterioridade á recepción pola CEC da autorización
de subcontratación. A solicitude de subcontratación realízase para subcontratistas que non superan o
20% da subvención concedida.
O artigo 23.5 da orde de convocatoria dispón que ”Ao abeiro do artigo 27 da Lei 9/2007, do 13
de xuño, de subvencións de Galicia, as entidades beneficiarias do programa regulado nesta orde
poderán subcontratar, logo de autorización do/a director/a xeral de Formación e Colocación, por
unha soa vez, e ata o 100% da acción formativa, a realización das accións formativas
financiadas con cargo a esta convocatoria (...)”; polo tanto, a propia convocatoria esixe o
requisito de que as autorizacións das contratacións/subcontratacións sexan previas aos contratos
correspondentes.
Por outra banda, o límite aludido do 20% debe entenderse tendo en conta a actividade
subvencionada no seu conxunto, é dicir, faría referencia á totalidade da subvención do plan de
formación, non a cada actividade (neste caso, acción formativa) por separado.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.8. do informe de fiscalización, referido á elevada
contía de imputación de gastos de persoal propio como custos indirectos.
Alégase que os traballos subcontratados corresponden a labores consideradas como custos directos, polo
que as actuacións tipificadas como custos asociados non foron obxecto de subcontratación.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
305
En xeral, para tódolos beneficiarios analizados, os custos de persoal interno presentados polos
mesmos como custos indirectos parecen excesivos en relación co peso da actividade que asumen,
tendo en conta a xeneralizada subcontratación da actividade formativa e a amplitude dos
encargos ás entidades subcontratadas, que xa engloban as tarefas auxiliares que xustificarían
eses gastos. O número de traballadores, a porcentaxe mensual de gasto que cargan respecto de
cada traballador e o período de imputación (mensualidades de vixencia de todo o plan) avalan
esta conclusión.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.9. do informe de fiscalización, relativo á
disparidade do custo por hora/alumno e a superación do módulo máximo.
Alégase que en ningún momento os módulos concedidos superaron o límite legal de 18 euros
establecidos na norma.
Sen prexuízo de que a normativa permita a solicitude de incremento dos módulos máximos
establecidos cando se trate de accións que polas súas características así o requiran, o número
dos solicitados e concedidos no ano fiscalizado puxo de manifesto unha práctica pouco
coherente co carácter excepcional previsto para a mesma na orde da convocatoria. O reproche do
informe sobre o número dos cursos que superan o módulo máximo de 12 euros/hora/alumno
previsto para os presenciais diríxese á Dirección Xeral de Formación e Colocación, quen xa
admitiu no seu escrito de alegacións ter tomado medidas para evitar esta práctica cara ao futuro.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
306
Réplica ás alegacións formuladas ao punto 3.11. do informe de fiscalización, referido á
xustificación dos gastos asociados.
Alégase que tamén a Administración dispón dun estrito control informático dos custos imputados.
Este feito xa é recollido no informe de forma positiva.
As alegacións formuladas non contradín o contido do informe, polo que non supoñen a súa
modificación.
Réplica ás alegacións formuladas ao punto 3.12. do informe de fiscalización, referido ao
rexistro contable diferenciado das axudas.
Alégase que a CEC está auditada por distintas compañías auditoras que expresan nos seus informes o
rigoroso control da súa actividade económica.
Da revisión da documentación aportada puido constatarse a existencia de rexistros contables que
permiten identificar os ingresos e os gastos derivados da execución das distintas accións
formativas.
En consecuencia, modifícase o informe de fiscalización para recoller este feito.
Réplica ás alegacións formuladas ao punto 3.14. do informe de fiscalización, relativo á
subcontratación da totalidade das accións formativas analizadas con INGAFOR.
Alégase que o encargo de actividades subcontratadas non supón duplicidade nos servizos, posto que a
natureza dos mesmos é diferente.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
307
As distintas consideracións aducidas para xustificar o prezo dos cursos xa foron valoradas para
chegar ás valoracións plasmadas no informe.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.15. do informe de fiscalización, referido á
imputación dos gastos asociados.
Alégase que, en cumprimento da normativa reguladora, todos os gastos asociados corresponden á
execución do plan formativo, incluídos os correspondentes ao persoal directivo da Confederación.
O feito de que a normativa permita incluír gastos indirectos non significa que dentro dos mesmos
teña cabida calquera concepto de gasto ou gastos de calquera contía. Para que sexan
subvencionables deben responder á natureza da actividade subvencionada, ou estar asociados á
mesma, e non ser superiores ao valor de mercado ou, no caso de nóminas, a parámetros de
racionalidade asumibles para xustificar o seu financiamento con cargo a subvencións públicas. O
importe das nóminas citadas non está dentro destes parámetros.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
308
Réplicas ás alegacións formuladas pola CEO
Réplica ás alegacións formuladas ao punto 3.1. do informe de fiscalización, relativo á
planificación das accións formativas.
Alégase que a CEO detecta as súas necesidades formativas tendo en conta aquelas accións formativas
máis demandadas en cada momento e as enquisas da avaliación da calidade realizada aos alumnos.
A formación está chamada a ser a primeira política activa de emprego, pero parece necesario un
esforzo adicional para que tanto os destinatarios como as empresas e o conxunto da sociedade
coñezan de forma clara as súas posibilidades máis alá da mellora da empregabilidade como
obxectivo xenérico que sempre vai acadar. Un dos problemas máis perentorios do actual modelo
de formación para o emprego é que parece carecer de obxectivos concretos, o que dificulta a
avaliación e a adopción de medidas correctoras.
O Acordo do Diálogo Social en Galicia asinado o 5 de febreiro de 2007 –citado na exposición de
motivos da orde da convocatoria das axudas dos plans sectoriais e intersectoriais do exercicio
2009– recolle, entre os obxectivos da formación, o de proporcionarlle aos traballadores a
axeitada para a promoción persoal, para os requirimentos do mercado de traballo e para as
necesidades das empresas, contribuíndo á mellora da produtividade e da competitividade destas.
Coñecer os resultados acadados de cara a eses obxectivos, a través de indicadores que permitan
unha avaliación razoable dos mesmos, é a mellor garantía de salvagardar os valores da
formación e a eficacia e utilidade dos recursos públicos destinados á mesma.
É certo que a determinación dos obxectivos da formación e a avaliación da súa realización é
primeiramente unha responsabilidade da Administración, e así se indica no informe xeral cando
se analiza a actuación desta última.
Pero o artigo 12.1.b) da orde da convocatoria establece a obriga dos beneficiarios de presentar,
dentro dos plans de formación para os que soliciten axudas, os obxectivos a acadar no indicado
plan; e inherente ao establecemento dos mesmos é a formulación de indicadores de medición e a
posterior valoración.
Tódalas entidades beneficiarias recollen dalgunha maneira obxectivos xenéricos na súa memoria
de actividades ou dentro da documentación aportada ao plan formativo, pero a avaliación
posterior de cara á adopción de medidas correctoras é unha eiva xeneralizada. O tratamento que
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
309
realiza o informe desta carencia é cun enfoque operativo, e non en relación co cumprimento da
normativa de aplicación.
O informe recoñece nesta entidade avances na dirección indicada, pero tamén limitacións
respecto da concreción, a medición e a avaliación posterior.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.3. do informe de fiscalización, relativo á
inexistencia de estudos ou informes finais de avaliación dos resultados na execución dos plans.
Alégase que a CEO realizou a avaliación da calidade seguindo o recollido nas ordes reguladoras.
Para a contestación a esta réplica remitímonos á realizada á alegación anterior.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.4. do informe de fiscalización, relativo á
multiparticipación de alumnos en distintas accións formativas.
Alégase que non existe ningunha prohibición que impida a simultaneidade, agás a que prohibe a
realización de máis de 8 horas diarias.
En termos xerais, na nosa Comunidade Autónoma a participación dunha mesma persoa (taxa de
multiparticipación) en diferentes cursos é das máis altas dos plans autonómicos, e debe ser un
factor a considerar na medida en que está limitando a distribución da participación no acceso a
esta actividade e, polo tanto, aos recursos destinados á mesma. A propia Consellería, segundo as
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
310
súas alegacións, ten como obxectivo reducir esa taxa de pluriparticipación aos efectos de que a
formación chegue a un maior número posible de beneficiarios. A análise global desa taxa
concretouse respecto de cada centro dos examinados para reforzar esa conclusión xeral e, sobre
todo, para abordar a revisión de solapamentos de datas na realización daqueles. Sobre ese feito
da pluriparticipación non se segue ningunha incidencia para esta entidade máis alá de que non é
allea a esta práctica, e respecto do posible solapamento constátase de forma positiva (como así
se destaca no informe) que non se atoparon cursos con esa incidencia.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.6. do informe de fiscalización, relativo á
subcontratación.
Alégase que as planificacións formativas dos plans de formación son aprobadas nos órganos de goberno
da entidade. A solicitude de autorización para a contratación con entidades para a impartición das
accións formativas non especifica que teña que ser con anterioridade á sinatura dos contratos.
Nas actas que se xuntan simplemente se informa das entidades que van colaborar no
desenvolvemento do plan de formación, non supón un acto de adxudicación que implique a
valoración de diferentes ofertas.
O artigo 23.5 da orde de convocatoria dispón que ”Ao abeiro do artigo 27 da Lei 9/2007, do 13
de xuño, de subvencións de Galicia, as entidades beneficiarias do programa regulado nesta orde
poderán subcontratar, logo de autorización do/a director/a xeral de Formación e Colocación, por
unha soa vez, e ata o 100% da acción formativa, a realización das accións formativas
financiadas con cargo a esta convocatoria (...)”; polo tanto, a propia convocatoria esixe o
requisito de que as autorizacións das contratacións/subcontratacións sexan previas aos contratos
correspondentes.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
311
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.7. do informe de fiscalización, relativo á elevada
contía de imputación de gastos de persoal propio.
Alégase que estes custos están enclavados dentro da porcentaxe de gasto asociado permitido. Xustifícase
o número de traballadores imputados dado o elevado número de tarefas e xestións a realizar durante o
período da execución.
En xeral, para tódolos beneficiarios analizados, os custos de persoal interno presentados polos
mesmos como custos indirectos parecen excesivos en relación co peso da actividade que asumen,
tendo en conta a xeneralizada subcontratación da actividade formativa e a amplitude dos
encargos ás entidades subcontratadas, que xa engloban as tarefas auxiliares que xustificarían
eses gastos. O número de traballadores, a porcentaxe mensual de gasto que cargan respecto de
cada traballador e o período de imputación (mensualidades de vixencia de todo o plan) avalan
esta conclusión.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.8. do informe de fiscalización, relativo á
disparidade do custo por hora/alumno e a superación do módulo máximo.
Alégase que a ampliación de módulo foi autorizada pola Dirección Xeral de Formación e Colocación
naquelas accións formativas que pola súa especificidade así foron solicitadas. En canto á superación do
módulo económico, o cálculo faise en función dos alumnos concedidos e non respecto dos finalizados.
Sen prexuízo de que a normativa permita a solicitude de incremento dos módulos máximos
establecidos cando se trate de accións que polas súas características así o requiran, o número
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
312
dos solicitados e concedidos no ano fiscalizado puxo de manifesto unha práctica pouco
coherente co carácter excepcional previsto para a mesma na orde da convocatoria. O reproche do
informe sobre o número dos cursos que superan o módulo máximo de 12 euros/hora/alumno
previsto para os presenciais diríxese á Dirección Xeral de Formación e Colocación, quen xa
admitiu no seu escrito de alegacións ter tomado medidas para evitar esta práctica cara ao futuro.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.10. do informe de fiscalización, relativo ao
programa informático de imputación de custos.
Alégase que a CEO ten unha aplicación que permite o seguimento da imputación.
En efecto, este é un feito que recolle o informe e do que se fai unha valoración positiva.
As alegacións formuladas non contradín o contido do informe, polo que non supoñen a súa
modificación.
Réplica ás alegacións formuladas ao punto 3.10. do informe de fiscalización, relativo ás
diferenzas detectadas entre o importe xustificado e a axuda concedida por erro na aplicación.
Alégase que esa diferenza débese a un erro na aplicación informática alleo á entidade.
As alegacións formuladas non contradín o contido do informe, polo que non supoñen a súa
modificación.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
313
Réplica ás alegacións formuladas ao punto 3.11. do informe de fiscalización, relativo á
solicitude de subcontratación da Fundación CEO con outras entidades nos cursos de soldadura.
Alégase que a solicitude de subcontratación foi comunicada á Consellería e autorizada. A cantidade
asignada á Fundación CEO ascende a 26.480,51 euros.
A redacción do informe refírese á segunda contratación, correspondente á Fundación CEO con
terceiros, non á solicitude de subcontratación da CEO. Polo que respecta á cantidade facturada
pola Fundación CEO a CEO, confírmase o importe reflectido no informe por 55.935,43 euros,
segundo os datos extraídos da aplicación da Consellería (facturas F-009-2011, F-005-2011, F-
004-2011, F-006-2011, F-002-2011, F-001-2011, F-041-2010 e F-039-2010).
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.12. do informe de fiscalización, relativo á
imputación como custos asociados.
Alégase que os gastos indirectos de persoal corresponden co período de vixencia da totalidade do plan
formativo. En canto aos gastos de asesoría, serve de apoio ao persoal que xestiona o plan de formación
para levar a cabo a interpretación correcta da orde e asesorar en aspectos xurídicos, tanto durante a
execución como na revisión dos contratos coas entidades impartidoras.
Tal como esixe o artigo 21 da orde da convocatoria, ao que xa se fixo referencia no informe, para
que os gastos de asesoría e administración sexan subvencionables deberá acreditarse que están
directamente relacionados e son indispensables para a adecuada execución das accións
formativas.
Se se considerara que todos os gastos de administración e asesoramento das entidades
dedicadas á formación deben entenderse directamente relacionados e indispensables para a
adecuada execución das accións formativas, quedaría sen efecto a esixencia da necesidade de
acreditación deses aspectos que establece o artigo 21 (penúltimo apartado) da orde da
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
314
convocatoria para consideralos elixibles. Dito doutro xeito, calquera gasto destas entidades, por
dedicarse á formación, habería que entender que responde á natureza da actividade
subvencionada, e podería financiarse con fondos públicos.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.13. do informe de fiscalización, relativo ao custo
do control de calidade.
Alégase que asignouse o límite máximo do 5% da subvención concedida que establece a orde e
realizouse un informe conxunto tomando os datos individuais de cada acción.
As alegacións formuladas non contradín o contido do informe, polo que non supoñen a súa
modificación.
Réplica ás alegacións formuladas ao punto 3.14. do informe de fiscalización, relativo á
inexistencia de partes asinados polos alumnos.
Alégase que a orde reguladora só establece o modelo E pero a CEO realiza un control interno de
asistencia a través de partes de firmas diarios.
Dos datos facilitados pola Consellería constatouse que ao menos para 270 alumnos que
participan en cursos presenciais os rexistros informáticos presentaron coincidencias parciais de
datas e horarios na impartición daqueles, que poñen de manifesto debilidades nos sistemas de
control da efectiva participación e asistencia aos cursos.
Este aspecto levou a facer un seguimento dos sistemas de control de asistencia nos cursos
presenciais. A orde da convocatoria limítase a indicar que “en todas as modalidades de
impartición se deberán incluír evidencias necesarias para comprobar que o alumnado recibe a
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
315
formación impartida”. A estes efectos, nalgunhas entidades beneficiarias comprobouse que se
estaba solicitando a sinatura dos alumnos participantes e así se destaca respecto das mesmas
nos respectivos informes, mentres que noutras entidades este control de presenza veuse
realizando coa sinatura dos docentes.
O Consello de Contas non puido comprobar na visita á entidade a existencia dos citados partes
nos cursos analizados; non obstante, a CEO aporta unha mostra de partes diarios firmados polos
alumnos do curso 2009/000569.
O control pola Administración mediante a realización de visitas in situ durante o período de
impartición é outro instrumento de control sobre o que se pretendeu facer un seguimento. Como
xa se indicou, estes informes específicos tratan de recoller de xeito sucinto o tratamento deste
aspecto nos distintos beneficiarios a partir do que sustentar as recomendacións que no informe
xeral se dirixen á Administración, sen valoración negativa desde o punto de vista do
cumprimento normativo.
No sentido indicado, a recomendación 7.17. do informe vai nesa dirección: “Recoméndase que a
normativa reguladora das axudas esixa a acreditación da presenza dos alumnos mediante partes
de asistencia asinados polos mesmos, así como un maior control pola Administración
incrementando as visitas in situ”. A Administración aceptou esta recomendación nas súas
alegacións.
En consecuencia, as alegacións formuladas non supoñen a modificación do informe de
fiscalización, salvo polo que se refire aos partes firmados polos alumnos no curso 2009/000569,
e sen prexuízo de precisar esta conclusión no sentido que veu indicando nas réplicas anteriores
para tódalas entidades.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
316
Réplicas ás alegacións formuladas pola CEP
Réplica ás alegacións formuladas ao punto 2.3. do informe de fiscalización, relativo á
subcontratación con distintas entidades para o desenvolvemento dos plans de formación.
Alégase que os plans de formación foron xestionados con distintas entidades co fin de dar cobertura a un
territorio maior.
As alegacións formuladas non contradín o contido do informe, e polo que non supoñen a súa
modificación.
Réplica ás alegacións formuladas ao punto 3.1. do informe de fiscalización, relativo á
planificación das accións formativas.
Alégase que os obxectivos foron recollidos nas solicitudes de cada un dos plans.
A formación está chamada a ser a primeira política activa de emprego, pero parece necesario un
esforzo adicional para que tanto os destinatarios como as empresas e o conxunto da sociedade
coñezan de forma clara as súas posibilidades máis alá da mellora da empregabilidade como
obxectivo xenérico que sempre vai acadar. Un dos problemas máis perentorios do actual modelo
de formación para o emprego é que parece carecer de obxectivos concretos, o que dificulta a
avaliación e a adopción de medidas correctoras.
O Acordo do Diálogo Social en Galicia asinado o 5 de febreiro de 2007 –citado na exposición de
motivos da orde da convocatoria das axudas dos plans sectoriais e intersectoriais do exercicio
2009– recolle, entre os obxectivos da formación, o de proporcionarlle aos traballadores a
axeitada para a promoción persoal, para os requirimentos do mercado de traballo e para as
necesidades das empresas, contribuíndo á mellora da produtividade e da competitividade destas.
Coñecer os resultados acadados de cara a eses obxectivos, a través de indicadores que permitan
unha avaliación razoable dos mesmos, é a mellor garantía de salvagardar os valores da
formación e a eficacia e utilidade dos recursos públicos destinados á mesma.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
317
É certo que a determinación dos obxectivos da formación e a avaliación da súa realización é
primeiramente unha responsabilidade da Administración, e así se indica no informe xeral cando
se analiza a actuación desta última.
Pero o artigo 12.1.b) da orde da convocatoria establece a obriga dos beneficiarios de presentar,
dentro dos plans de formación para os que soliciten axudas, os obxectivos a acadar no indicado
plan; e inherente ao establecemento dos mesmos é a formulación de indicadores de medición e a
posterior valoración.
Tódalas entidades beneficiarias recollen dalgunha maneira obxectivos xenéricos na súa memoria
de actividades ou dentro da documentación aportada ao plan formativo, pero a avaliación
posterior de cara á adopción de medidas correctoras é unha eiva xeneralizada. O tratamento que
realiza o informe desta carencia é cun enfoque operativo, e non en relación co cumprimento da
normativa de aplicación.
O informe recoñece nesta entidade avances na dirección indicada, pero tamén limitacións
respecto da concreción, a medición e a avaliación posterior.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.2. do informe de fiscalización, relativo á
porcentaxe de actividades aprobadas con relación ás solicitadas.
Alégase que non se incluíu xustificación de ningunha acción non aprobada.
As alegacións formuladas non contradín o contido do informe, polo que non supoñen a súa
modificación.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
318
Réplica ás alegacións formuladas ao punto 3.3. do informe de fiscalización, relativo á
porcentaxe que representan as accións formativas de novas tecnoloxías nos plans de 2009 e
2010 e as accións formativas singulares.
Alégase que as referidas accións destínanse aos traballadores que as utilizan na súa actividade
profesional habitual ou para acadar unha mellora profesional.
As alegacións formuladas non contradín o contido do informe, polo que non supoñen a súa
modificación.
Réplica ás alegacións formuladas ao punto 3.4. do informe de fiscalización, relativo á
inexistencia de estudos ou informes finais de avaliación sobre a execución dos plans formativos.
Alégase que existe un informe de avaliación de cada acción formativa e un de natureza global, non
obstante resulta excesivamente complexo o estudo do impacto na promoción profesional e na
estabilidade do emprego por mor da conxuntura económica actual.
Remitímonos á réplica formulada á alegación ao punto 3.1.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.5. do informe de fiscalización, relativo á
multiparticipación de alumnos en distintas accións formativas.
Alégase que nin nas convocatorias de 2009 nin 2010 se impón limitación algunha respecto á realización
de dous ou máis cursos. Con relación ao total de participantes, alcanza valores reducidos.
En termos xerais, na nosa Comunidade Autónoma a participación dunha mesma persoa (taxa de
multiparticipación) en diferentes cursos é das máis altas dos plans autonómicos, e debe ser un
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
319
factor a considerar na medida en que está limitando a distribución da participación no acceso a
esta actividade e, polo tanto, aos recursos destinados á mesma. A propia Consellería, segundo as
súas alegacións, ten como obxectivo reducir esa taxa de pluriparticipación aos efectos de que a
formación chegue a un maior número posible de beneficiarios. A análise global desa taxa
concretouse respecto de cada centro dos examinados para reforzar esa conclusión xeral e, sobre
todo, para abordar a revisión de solapamentos de datas na realización daqueles. Sobre ese feito
da pluriparticipación non se segue ningunha incidencia para esta entidade máis alá de que non é
allea a esta práctica, e respecto do posible solapamento constátase de forma positiva (como así
se destaca no informe) que non se atoparon cursos con esa incidencia.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.7. do informe de fiscalización, relativo á
subcontratación dos plans formativos.
Alégase que segundo artigo 27.3 da Lei 9/2007 non é necesario obter autorización cando a actividade
concertada con terceiros non excede do 20% do importe da subvención e non é superior a 60.000 euros.
Os límites aludidos deben entenderse tendo en conta a actividade subvencionada no seu
conxunto, é dicir, faría referencia á totalidade da subvención do plan de formación, non a cada
actividade (neste caso, acción formativa) por separado.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
320
Réplica ás alegacións formuladas ao punto 3.8. do informe de fiscalización, relativo á
imputación como custos indirectos de gastos de persoal propio.
Alégase que se creou para a xestión dos plans de formación un grupo de traballo dado o elevado volume
de participantes, por iso existen traballadores que unicamente levan a cabo tarefas ligadas á execución do
plan de formación. As tarefas atribuídas a cada entidade, aínda que sexan coincidentes no tempo, non se
solapan nin interfiren entre elas.
En xeral, para tódolos beneficiarios analizados, os custos de persoal interno presentados polos
mesmos como custos indirectos parecen excesivos en relación co peso da actividade que asumen,
tendo en conta a xeneralizada subcontratación da actividade formativa e a amplitude dos
encargos ás entidades subcontratadas, que xa engloban as tarefas auxiliares que xustificarían
eses gastos. O número de traballadores, a porcentaxe mensual de gasto que cargan respecto de
cada traballador e o período de imputación (mensualidades de vixencia de todo o plan) avalan
esta conclusión.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.9. do informe de fiscalización, relativo á
disparidade do custo por hora/alumno e a superación do módulo máximo.
Alégase que a ampliación do módulo realízase para aqueles cursos que requiren que a impartición sexa
realizada por expertos e tamén pola necesidade de medios, maquinaria e/ou materiais didácticos con
especiais características.
Sen prexuízo de que a normativa permita a solicitude de incremento dos módulos máximos
establecidos cando se trate de accións que polas súas características así o requiran, o número
dos solicitados e concedidos no ano fiscalizado puxo de manifesto unha práctica pouco
coherente co carácter excepcional previsto para a mesma na Orde da convocatoria. O reproche
do informe sobre o número dos cursos que superan o módulo máximo de 12 euros/hora/alumno
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
321
previsto para os presenciais, diríxese á Dirección Xeral de Formación e Colocación, quen xa
admitiu no seu escrito de alegacións ter tomado medidas para evitar esta práctica cara o futuro.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.10. do informe de fiscalización, relativo á
realización e finalización da totalidade das accións formativas aprobadas.
Alégase que o importe do gasto xustificado coincide exactamente co da axuda concedida debido a que o
aplicativo da Consellería non permite a imputación por riba da subvención concedida.
As alegacións formuladas non contradín o contido do informe e polo tanto non supoñen a súa
modificación.
Réplica ás alegacións formuladas ao punto 3.11. do informe de fiscalización, relativo á
xustificación dos gastos asociados.
Alégase que a CEP ten unha aplicación que permite o seguimento da imputación.
Este feito xa está recollido no informe de forma positiva.
As alegacións formuladas non contradín o contido do informe, polo que non supoñen a súa
modificación.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
322
Réplica ás alegacións formuladas ao punto 3.12. do informe de fiscalización, relativo a que o
importe que a Administración considera como xustificado coincide co da axuda concedida.
Alégase que os importes do gasto xustificado coinciden exactamente co da axuda concedida debido a que
o aplicativo da Consellería non permite a imputación por riba da subvención concedida.
As alegacións formuladas non contradín o contido do informe, polo que non supoñen a súa
modificación.
Réplica ás alegacións formuladas ao punto 3.13. do informe de fiscalización, relativo á
subcontratación directamente con distintos centros de formación da actividade formativa.
Alégase que a diferenza de prezo nalgún curso específico non se refire aos mesmos servizos aínda que
sexan imputados nos mesmos conceptos, como a entrega de material didáctico xenérico e material
didáctico específico.
As distintas consideracións aducidas para xustificar o prezo dos cursos xa foron valoradas para
chegar ás valoracións plasmadas no informe.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.14. do informe de fiscalización, relativo á
imputación de facturas polo aluguer de aulas cando no plan de formación presentado coa
solicitude figura como lugar de impartición os propios locais da CEP.
Alégase que a conveniencia de realizar formación en toda a provincia fixo que moitos cursos non se
levaran a cabo nas súas instalacións. En canto aos cursos cun maior custo/hora, son cursos de nivel
avanzado que requiren a impartición por parte dun docente experto.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
323
As distintas consideracións aducidas para xustificar o prezo dos cursos xa foron valoradas para
chegar ás valoracións plasmadas no informe.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.15. do informe de fiscalización, relativo á
imputación dos custos indirectos tanto por parte da CEP como da entidade FEMXA.
Alégase que as tarefas realizadas por cada unha das entidades non son coincidentes. Só se imputa
persoal que mantén coa CEP unha relación laboral por conta allea, existindo un control individualizado
das horas adicadas ao plan.
Remitímonos ao exposto na contestación ás alegacións ao punto 3.8. do informe de fiscalización.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.16. do informe de fiscalización, relativo á
imputación de gastos de asesoría e administración, gastos de xestión de nóminas, gastos de
auditoría e material de oficina.
Alégase que os gastos de xestión de nóminas deberían incrementar o custo dos traballadores, e que os
gastos de auditoría abranguen tanto a contabilidade como a execución do expediente. En canto aos
gastos de material de oficina imputados, refírense a custos indirectos, non a material didáctico.
Tal e como esixe o artigo 21 da orde da convocatoria, ao que xa se fixo referencia no informe,
para que os gastos de asesoría e administración sexan subvencionables deberá acreditarse que
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
324
están directamente relacionados e son indispensables para a adecuada execución das accións
formativas.
Se se considerara que todos os gastos de administración e asesoramento das entidades
dedicadas á formación deben entenderse directamente relacionados e indispensables para a
adecuada execución das accións formativas, quedaría sen efecto a esixencia da necesidade de
acreditación deses aspectos que establece o artigo 21 (penúltimo apartado) da orde da
convocatoria para consideralos elixibles. Dito doutro xeito, habería que entender que calquera
gasto destas entidades, por dedicarse á formación, responde á natureza da actividade
subvencionada, e podería financiarse con fondos públicos.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.18. do informe de fiscalización, relativo á non
existencia de partes asinados polos alumnos.
Alégase que existe o modelo E firmado polos docentes.
Dos datos facilitados pola Consellería para o conxunto dos plans constatouse que ao menos para
270 alumnos que participan en cursos presenciais os rexistros informáticos presentaron
coincidencias parciais de datas e horarios na impartición daqueles, que poñen de manifesto
debilidades nos sistemas de control da efectiva participación e asistencia aos cursos.
Este aspecto levou a facer un seguimento dos sistemas de control de asistencia nos cursos
presenciais. A orde da convocatoria limítase a indicar que “en todas as modalidades de
impartición se deberán incluír evidencias necesarias para comprobar que o alumnado recibe a
formación impartida”. A estes efectos, nalgunhas entidades beneficiarias comprobouse que se
estaba solicitando a sinatura dos alumnos participantes e así se destaca nos respectivos
informes, e noutras este control de presenza veuse realizando coa sinatura dos docentes.
O control pola Administración mediante a realización de visitas in situ durante o período de
impartición é outro instrumento do control sobre o que se pretendeu facer un seguimento.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
325
Como xa se indicou, estes informes específicos tratan de recoller de xeito sucinto o tratamento
deste aspecto nos distintos beneficiarios co fin de sustentar as recomendacións que no informe
xeral se dirixen á Administración, sen valoración negativa desde o punto de vista do
cumprimento normativo. No sentido indicado a recomendación 7.17. do informe vai nesta
dirección cando recolle que “Recoméndase que a normativa reguladora das axudas esixa a
acreditación da presenza dos alumnos mediante partes de asistencia asinados polos mesmos, así
como un maior control pola Administración incrementando as visitas in situ”, recomendación que
foi aceptada pola Administración nas súas alegacións.
En consecuencia, sen prexuízo de precisar esta conclusión no sentido que veu indicando nas
réplicas anteriores para tódalas entidades, as alegacións formuladas non supoñen a modificación
do informe de fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
326
Réplicas ás alegacións formuladas por FEAGA
Réplica ás alegacións formuladas ao punto 3.1. do informe de fiscalización, referido á
planificación das accións formativas.
Alégase que as accións formativas solicitadas eran as máis óptimas para a formación dos colectivos.
A formación está chamada a ser a primeira política activa de emprego, pero parece necesario un
esforzo adicional para que tanto os destinatarios como as empresas e o conxunto da sociedade
coñezan de forma clara as súas posibilidades máis alá da mellora da empregabilidade como
obxectivo xenérico que sempre vai acadar. Un dos problemas máis perentorios do actual modelo
de formación para o emprego é que parece carecer de obxectivos concretos, o que dificulta a
avaliación e a adopción de medidas correctoras.
O Acordo do Diálogo Social en Galicia asinado o 5 de febreiro de 2007 –citado na exposición de
motivos da orde da convocatoria das axudas dos plans sectoriais e intersectoriais do exercicio
2009– recolle, entre os obxectivos da formación, o de proporcionarlle aos traballadores a
axeitada para a promoción persoal, para os requirimentos do mercado de traballo e para as
necesidades das empresas, contribuíndo á mellora da produtividade e da competitividade destas.
Coñecer os resultados acadados de cara a eses obxectivos, a través de indicadores que permitan
unha avaliación razoable dos mesmos, é a mellor garantía de salvagardar os valores da
formación e a eficacia e utilidade dos recursos públicos destinados á mesma.
É certo que a determinación dos obxectivos da formación e a avaliación da súa realización é
primeiramente unha responsabilidade da Administración, e así se indica no informe xeral cando
se analiza a actuación desta última.
Pero o artigo 12.1.b) da orde da convocatoria establece a obriga dos beneficiarios de presentar,
dentro dos plans de formación para os que soliciten axudas, os obxectivos a acadar no indicado
plan; e inherente ao establecemento dos mesmos é a formulación de indicadores de medición e a
posterior valoración.
Tódalas entidades beneficiarias recollen dalgunha maneira obxectivos xenéricos na súa memoria
de actividades ou dentro da documentación aportada ao plan formativo, pero a avaliación
posterior de cara á adopción de medidas correctoras é unha eiva xeneralizada. O tratamento que
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
327
realiza o informe desta carencia é cun enfoque operativo, e non en relación co cumprimento da
normativa de aplicación.
O informe recoñece nesta entidade avances na dirección indicada pero tamén limitacións
respecto da concreción, a medición e a avaliación posterior.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.2. do informe de fiscalización, relativo ás accións
formativas aprobadas respecto das solicitadas.
Alégase que se impartiron unicamente as accións formativas aprobadas, cumprindo así coa normativa
vixente.
As alegacións non contradín o expresado no informe, polo que non supoñen a súa modificación.
Réplica ás alegacións formuladas ao punto 3.3. do informe de fiscalización, referido ás
actividades formativas singulares.
Alégase que todas as accións formativas impartidas axudaron aos traballadores na súa actividade
profesional habitual.
Como xa indicamos, os feitos relatados neste informe hai que interpretalos conxuntamente coas
valoracións xerais formuladas no informe xeral sobre a xestión destes programas. Neste indícase
que “aínda sen obviar que toda a formación ten efectos positivos sobre a empregabilidade dos
traballadores, constatamos algunhas accións singulares, reiteradas en distintos beneficiarios, nas
que os participantes son titulados e empregados de ámbitos e sectores profesionais que non
teñen vinculación clara cos sectores de actividade para os que parecen estar dirixidas, polo que
non deixa de ser formación complementaria máis vinculada ao interese particular que
profesional”. Tal e como se indicou anteriormente, a imposibilidade da revisión dunha
porcentaxe elevada de accións formativas sobre as que se realizou a revisión da documentación
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
328
técnica e xustificativa do gasto, levou a que se seleccionara unha serie de accións formativas en
base a criterios de reiteración ou singularidade. Se ben é certo que nas mesmas existen algúns
traballadores do sector a que os cursos se refiren, tamén figuran outros de empresas que nada
teñen que ver con ese sector, e esta é a práctica dominante para tódolos cursos.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.4. do informe de fiscalización, relativo ás
avaliacións dos plans.
Alégase que xunto á presentación da xustificación de ambos expedientes, incluíuse a documentación
relativa ás actuacións de avaliación e control da calidade, non sendo obrigatorio ningún outro informe.
Reitérase a réplica formulada á alegación ao punto 3.1.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.5. do informe de fiscalización, relativo á
multiparticipación en distintas accións formativas.
Alégase que a normativa non establece limitación algunha respecto á realización de dous ou máis cursos
por un mesmo alumno dentro do mesmo plan formativo.
En termos xerais, na nosa Comunidade Autónoma a participación dunha mesma persoa (taxa de
multiparticipación) en diferentes cursos é das máis altas dos plans autonómicos, e debe ser un
factor a considerar na medida en que está limitando a distribución da participación no acceso a
esta actividade e, polo tanto, aos recursos destinados á mesma. A propia Consellería, segundo as
súas alegacións, ten como obxectivo reducir esa taxa de pluriparticipación aos efectos de que a
formación chegue a un maior número posible de beneficiarios. A análise global desa taxa
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
329
concretouse respecto de cada centro dos examinados para reforzar esa conclusión xeral e, sobre
todo, para abordar a revisión de solapamentos de datas na realización daqueles. Sobre ese feito
da pluriparticipación non se segue ningunha incidencia para esta entidade máis alá de que non é
allea a esta práctica, e respecto do posible solapamento constátase de forma positiva (como así
se destaca no informe) que non se atoparon cursos con esa incidencia.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.7. do informe de fiscalización, relativo á
contratación con FEMXA da totalidade das accións formativas sen que conste autorización do
órgano concedente da axuda.
Alégase que se aprobou polo órgano concedente das axudas a solicitude de subcontratación coa empresa
FEMXA FORMACIÓN S.L., e se formalizou por escrito os contratos para a impartición dos cursos.
Coas alegacións xúntase a resolución de autorización da subcontratación, constatándose, non
obstante que se ditou con posterioridade a formalización dos contratos.
En consecuencia, modifícase o informe de fiscalización recollendo eses feitos no sentido indicado.
Réplica ás alegacións formuladas ao punto 3.10. do informe de fiscalización, relativo ao
desglose das facturas.
Alégase que se presentou a factura co suficiente desglose.
No informe non se cuestiona ese desglose, polo que estas alegacións non contradín o expresado
no mesmo.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
330
Réplica ás alegacións formuladas ao punto 3.11. do informe de fiscalización referidas ao
rexistro contable diferenciado das axudas.
Alégase que se presentaron en ambos expedientes declaración de non ter concedida ningunha
outra axuda pública, xunto cos estratos dos libros maiores contables.
Coas alegacións xúntanse os estratos dos libros maiores contables das operacións de axudas.
En consecuencia, modifícase o informe de fiscalización recollendo os feitos no sentido indicado.
Réplica ás alegacións formuladas ao punto 3.13. do informe de fiscalización referidas á
subcontratación con FEMXA da totalidade da xestión das accións formativas.
Alégase que os contratos para a impartición dos cursos pola empresa FEMXA FORMACIÓN S.L. inclúen
labores de apoio, xestión, seguimento e control.
As alegacións non contradín o expresado no informe, polo que non supoñen a modificación do
mesmo.
Réplica ás alegacións formuladas ao punto 3.14. do informe de fiscalización, relativo á
inexistencia de custos de control de calidade.
Alégase que os custos por control de calidade das accións formativas non se incluíron para non
sobrepasar os importes da subvención concedida.
A orde da convocatoria esixe dedicar unha parte do orzamento –cun límite máximo– ao control
de calidade de cada acción formativa. O informe só recolle a ausencia destes custos.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
331
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.15. do informe de fiscalización, relativo á
existencia dunha factura global sen xustificantes de gasto.
Alégase que a obriga da xustificación do gasto corresponde a FEAGA, e como tal aportou as facturas
desglosadas por cada un dos conceptos imputados de FEMXA FORMACIÓN S.L.
Con esa factura non se aportan tódolos comprobantes que permiten verificar a realidade e
procedencia da totalidade dos gastos facturados. Advírtase que os gastos indirectos están
suxeitos a determinadas limitacións para determinados conceptos (gastos de asesoría xurídica,
administración e xestión, financeiros, etc.) que establece a orde da convocatoria e que non
poden comprobarse.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto 3.16. do informe de fiscalización, relativo á
inexistencia de partes asinados polos alumnos e polos docentes.
Alégase que non existe obriga de presentar firma dos alumnos que asisten aos cursos.
A orde da convocatoria limítase a indicar que “en todas as modalidades de impartición se
deberán incluír evidencias necesarias para comprobar que o alumnado recibe a formación
impartida”. Para estes efectos unhas entidades presentan partes asinados polos alumnos; e
outras, partes asinados polos docentes. Neste informe constátase que esta entidade non segue
ningún dos dous sistemas.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
332
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ás conclusións do informe.
Alégase que no apartado relativo ás conclusións se mantén o manifestado nos distintos puntos do
informe de fiscalización. Tamén se indica que FEAGA, beneficiaria das subvencións, aínda realizando
funcións de coordinación e control sobre a entidade subcontratada, non imputou custo algún por non ser
obrigatorio.
Para as réplicas ás alegacións ás conclusións, remitímonos ás formuladas aos distintos puntos do
informe que sustentan aquelas.
En consecuencia, as alegacións formuladas non supoñen a modificación do informe de
fiscalización.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
333
Réplicas ás alegacións formuladas pola Federación Galega de Confrarías de
Pescadores.
Réplica ás alegacións formuladas ao punto primeiro da conclusión do informe de fiscalización,
sobre a inexistencia de obxectivos concretos e indicadores que permitan cuantificar os logros
obtidos cos plans de formación.
Alégase que a Federación Galega presentou nos respectivos expedientes anuais as memorias de solicitude
dos programas de formación que contiñan, entre outros, os obxectivos a curto, medio e longo prazo.
A formación está chamada a ser a primeira política activa de emprego, pero parece necesario un
esforzo adicional para que tanto os destinatarios como as empresas e o conxunto da sociedade
coñezan de forma clara as súas posibilidades máis aló da mellora da empregabilidade como
obxectivo xenérico que sempre vai acadar. Un dos problemas máis perentorios do actual modelo
de formación para o emprego é que parece carecer de obxectivos concretos, o que dificulta a
avaliación e a adopción de medidas correctoras.
O Acordo do Diálogo Social en Galicia asinado o 5 de febreiro de 2007 –citado na exposición de
motivos da orde da convocatoria das axudas dos plans sectoriais e intersectoriais do exercicio
2009– recolle, entre os obxectivos da formación, o de proporcionarlle aos traballadores a
axeitada para a promoción persoal, para os requirimentos do mercado de traballo e para as
necesidades das empresas, contribuíndo á mellora da produtividade e da competitividade destas.
Coñecer os resultados acadados de cara a eses obxectivos, a través de indicadores que permitan
unha avaliación razoable dos mesmos, é a mellor garantía de salvagardar os valores da
formación e a eficacia e utilidade dos recursos públicos destinados á mesma.
É certo que a determinación dos obxectivos da formación e a avaliación da súa realización é
primeiramente unha responsabilidade da Administración, e así se indica no informe xeral cando
se analiza a actuación desta última.
Pero o artigo 12.1.b) da Orde da convocatoria establece a obriga dos beneficiarios de presentar,
dentro dos plans de formación para os que soliciten axudas, os obxectivos a acadar no indicado
plan; e inherente ao establecemento dos mesmos é a formulación de indicadores de medición e a
posterior valoración.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
334
Tódalas entidades beneficiarias recollen dalgunha maneira obxectivos xenéricos na súa memoria
de actividades ou dentro da documentación aportada ao plan formativo, pero a avaliación
posterior de cara á adopción de medidas correctoras é unha eiva xeneralizada. O tratamento que
realiza o informe desta carencia é cun enfoque operativo, e non en relación co cumprimento da
normativa de aplicación.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas ao punto do informe de fiscalización, referido a que non se
acredita no expediente a condición de membros ou asociados da corporación de dereito público
dos participantes destas accións formativas.
Alégase que a selección dos alumnos se realizou atendendo aos listados de interesados anotados nas
confrarías.
As alegacións formuladas non contradín o contido do informe, polo que non supoñen a súa
modificación.
Réplica ás alegacións formuladas á conclusión do informe de fiscalización, referido ao importe
das subvencións concedidas alcanza o 100% do gasto xustificado.
Alégase que a resolución da concesión das subvencións correspóndelle á Consellería de Traballo e
Benestar, que é quen decidiu o importe e porcentaxe das mesmas.
As alegacións formuladas non contradín o contido do informe, polo que non supoñen a súa
modificación.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
335
Réplica ás alegacións formuladas ao punto do informe de fiscalización referido a que en dúas
accións formativas analizadas atopáronse pagamentos fóra do prazo de xustificación.
Alégase que en ambos casos, e por motivos que descoñecemos, non foron cargados na conta bancaria da
Federación ata uns días máis tarde.
As alegacións formuladas non contradín o contido do informe, polo que non supoñen a súa
modificación.
Réplica ás alegacións formuladas ao punto quinto da conclusión do informe de fiscalización,
referido a que nos respectivos contratos anuais formalizados coa entidade Centro de Formación
Praxis S.L. non consta a solicitude de tres ofertas con carácter previo aos mesmos.
Alégase que cando se fixo a visita de inspección da documentación destes cursos na Federación, ditos
expedientes de adxudicación estaban traspapelados, pero atopáronse posteriormente.
Apórtase neste trámite de alegacións documentación que acredita ter respectado a solicitude de
tres ofertas con carácter previo aos citados contratos citados, polo que se modifica o informe
nese sentido.
Réplica ás alegacións formuladas ao punto sexto da conclusión do informe de fiscalización,
referido a que nos cursos xestionados polo Centro de Formación Praxis S.L. non existen partes
asinados polos alumnos.
Alégase que estes partes non foron remitidos á Dirección Xeral de Formación porque entendíamos que
non era obrigatoria nin necesaria a súa presentación.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
336
A estes efectos, nalgunhas entidades beneficiarias comprobouse que se estaba solicitando a
sinatura dos alumnos participantes, e así se destaca sobre as mesmas nos respectivos informes;
noutras, este control de presenza veuse realizando coa sinatura dos docentes.
Como xa se indicou, estes informes específicos tratan de recoller de xeito sucinto o tratamento
deste aspecto nos distintos beneficiarios co fin de sustentar as recomendacións que no informe
xeral se dirixen á Administración, sen valoración negativa desde o punto de vista do
cumprimento normativo. No sentido indicado, a recomendación 7.17. do informe vai nesa
dirección cando recolle que “Recoméndase que a normativa reguladora das axudas esixa a
acreditación da presenza dos alumnos mediante partes de asistencia asinados polos mesmos, así
como un maior control pola Administración incrementando as visitas in situ”, recomendación que
foi aceptada pola Administración nas súas alegacións.
O Consello de Contas non puido comprobar na visita á entidade a existencia dos citados partes
nos cursos analizados; non obstante, a Federación Galega aporta unha mostra de partes diarios
firmados polos alumnos da acción formativa 2011/5792.
En consecuencia, as alegacións formuladas non supoñen a modificación do informe de
fiscalización, salvo polo que se refire aos partes firmados polos alumnos no curso 2011/5792.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
337
Réplicas ás alegacións formuladas por GRUPO TRES MARES S.A.
Réplica ás alegacións formuladas á conclusión do informe de fiscalización referida á inexistencia
de obxectivos concretos e indicadores que permitan cuantificar os logros obtidos cos plans de
formación.
Alégase que a dirección da empresa realizou a solicitude das accións formativas en base ao coñecemento
no día a día das necesidades dos traballadores.
A formación está chamada a ser a primeira política activa de emprego, pero parece necesario un
esforzo adicional para que tanto os destinatarios como as empresas e o conxunto da sociedade
coñezan de forma clara as súas posibilidades máis alá da mellora da empregabilidade como
obxectivo xenérico que sempre vai acadar. Un dos problemas máis perentorios do actual modelo
de formación para o emprego é que parece carecer de obxectivos concretos, o que dificulta a
avaliación e a adopción de medidas correctoras.
O Acordo do Diálogo Social en Galicia asinado o 5 de febreiro de 2007 –citado na exposición de
motivos da orde da convocatoria das axudas dos plans sectoriais e intersectoriais do exercicio
2009– recolle, entre os obxectivos da formación, o de proporcionarlle aos traballadores a
axeitada para a promoción persoal, para os requirimentos do mercado de traballo e para as
necesidades das empresas, contribuíndo á mellora da produtividade e da competitividade destas.
Coñecer os resultados acadados de cara a eses obxectivos, a través de indicadores que permitan
unha avaliación razoable dos mesmos, é a mellor garantía de salvagardar os valores da
formación e a eficacia e utilidade dos recursos públicos destinados á mesma.
É certo que a determinación dos obxectivos da formación e a avaliación da súa realización é
primeiramente unha responsabilidade da Administración, e así se indica no informe xeral cando
se analiza a actuación desta última.
Pero o artigo 12.1.b) da orde da convocatoria establece a obriga dos beneficiarios de presentar,
dentro dos plans de formación para os que soliciten axudas, os obxectivos a acadar no indicado
plan; e inherente ao establecemento dos mesmos é a formulación de indicadores de medición e a
posterior valoración.
Tódalas entidades beneficiarias recollen dalgunha maneira obxectivos xenéricos na súa memoria
de actividades ou dentro da documentación aportada ao plan formativo, pero a avaliación
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
338
posterior de cara á adopción de medidas correctoras é unha eiva xeneralizada. O tratamento que
realiza o informe desta carencia é cun enfoque operativo, e non en relación co cumprimento da
normativa de aplicación.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión do informe de fiscalización referida á
compatibilización da formación co traballo efectivo dos traballadores, sen diferenciación horaria.
Alégase que a entidade pode solicitar a subvención dos custos salariais dos traballadores cando a
formación que reciban sexa dentro do horario da xornada laboral.
A entidade debe acreditar a diferenciación de horas adicadas ao traballo e á formación.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión do informe de fiscalización referida ao
pagamento á entidade colaboradora Gesan S.L. no plan 2010 fóra do prazo de xustificación.
Alégase que a empresa presentou un problema de liquidez puntual.
As alegacións formuladas non contradín o contido do informe, polo que non supoñen a súa
modificación.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
339
Réplica ás alegacións formuladas á conclusión do informe de fiscalización referida ao gasto en
adquisicións de material e demais gastos correntes.
Alégase que o material utilizado foi o necesario e acorde á metodoloxía formativa.
As distintas consideracións aducidas para xustificar o prezo dos cursos xa foron valoradas para
chegar ás valoracións plasmadas no informe.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión do informe de fiscalización referida a que non
pode aceptarse que os custos por servizos de coordinación acreditados con gastos da entidade
Gesan S.L. sexan indispensables.
Alégase que os custos polos servizos prestados en base á coordinación son os establecidos pola Orde do 7
de maio de 2010.
As distintas consideracións aducidas para xustificar o prezo dos cursos xa foron valoradas para
chegar ás valoracións plasmadas no informe.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión do informe de fiscalización referida á
contratación con distintos provedores sen petición de ofertas.
Alégase que a decisión de contratar coa empresa Gesan S.L. acordouse previa petición de varios
orzamentos.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
340
Nas contratacións de servizos e de materiais con terceiros provedores para contratos superiores a
12.000 euros débese respectar a obriga da petición de ofertas a distintos provedores, sen que
conste xustificación documental de que dito trámite se tivera realizado.
En consecuencia, as alegacións formuladas non supoñen a modificación do informe de
fiscalización.
Réplica ás alegacións formuladas á conclusión do informe de fiscalización referida á inexistencia
de partes asinados polos alumnos.
Alégase que a normativa non contempla ningún modelo onde o alumno teña que asinar diariamente a
asistencia ao curso.
Nalgunhas entidades beneficiarias comprobouse que se estaba solicitando a sinatura dos
alumnos participantes, e así se destaca respecto das mesmas nos respectivos informes; noutras,
este control de presenza veuse realizando coa sinatura dos docentes.
O control pola Administración coa realización de visitas in situ durante o período de impartición é
outro instrumento de control sobre o que se pretendeu facer un seguimento.
Como xa se indicou, estes informes específicos tratan de recoller de xeito sucinto o tratamento
deste aspecto nos distintos beneficiarios co fin de sustentar as recomendacións que no informe
xeral se dirixen á Administración, sen valoración negativa desde o punto de vista do
cumprimento normativo. No sentido indicado, a recomendación 7.17. do informe vai nesta
dirección cando recolle que “Recoméndase que a normativa reguladora das axudas esixa a
acreditación da presenza dos alumnos mediante partes de asistencia asinados polos mesmos, así
como un maior control pola Administración incrementando as visitas in situ”, recomendación que
foi aceptada pola Administración nas súas alegacións.
Informe de fiscalización dos Fondos aplicados polos beneficiarios das axudas á formación de ocupados. Exercicios 2010-2011.
341
En consecuencia, sen prexuízo de precisar esta conclusión no sentido que veu indicando nas
réplicas anteriores para tódalas entidades, as alegacións formuladas non supoñen a modificación
do informe de fiscalización.
Top Related