SASIETA MANKOMUNITATEAK DERRIGORREZKO BIGARREN … DBH 2017-2018.pdf · Kanpainaren aurkezpena...

10
V. Edizioa SASIETA MANKOMUNITATEAK DERRIGORREZKO BIGARREN HEZKUNTZAKO IKASTETXEEI ZUZENDURIKO HIRI-HONDAKINEN INGURUKO KANPAINA 2017-2018 IKASTURTEA DBH DBH

Transcript of SASIETA MANKOMUNITATEAK DERRIGORREZKO BIGARREN … DBH 2017-2018.pdf · Kanpainaren aurkezpena...

Page 1: SASIETA MANKOMUNITATEAK DERRIGORREZKO BIGARREN … DBH 2017-2018.pdf · Kanpainaren aurkezpena ikastetxeetara 3 deialdi ezberdinetan garatuko da: − Urola Garaiko Eskolako Agenda

V. Edizioa

SASIETA MANKOMUNITATEAK DERRIGORREZKO BIGARREN HEZKUNTZAKO IKASTETXEEI ZUZENDURIKO

HIRI-HONDAKINEN INGURUKO KANPAINA

2017-2018 IKASTURTEA

DBHDBH

Page 2: SASIETA MANKOMUNITATEAK DERRIGORREZKO BIGARREN … DBH 2017-2018.pdf · Kanpainaren aurkezpena ikastetxeetara 3 deialdi ezberdinetan garatuko da: − Urola Garaiko Eskolako Agenda

Hondakinak Kitto! DBH 2017-2018 ikasturtea 2

AURKIBIDEA1_ SARRERA OROKORRA

2_ HELBURU OROKORRAK

3_ HARTZAILEAK

4_ PROZEDURA

5_ KANPAINAREN GARAPENA

5.1. Jarduera

5.2. Unitate didakikoak (ikasle eta irakasleentzat)

5.3. Aholkularitza zerbitzua

5.4. Egutegia

6_ BALORAZIOA

1. SARRERA OROKORRAGure gizartean ingurumen kontzientzia geroz eta gehiago zabaltzeko asmotan Sasieta Mankomunitateak herritarren sentsibilizazio lan horri tinko heltzen jarraitu nahi dio. 1992tik Sasieta Mankomunitateak gaikako bilketa eta birziklatzea bultzatu izan du, baina gauzak asko aldatu dira garai hartako beira eta papera gaika biltzetik gaur egungo bilketa bereiztuetara iritsi arte. Baita sortzen dugun zabor kantitatea ere!

Hasiera hasieratik Mankomunitateak argi izan du bilketa hauek arrakastatsuak izateko herritarren parte hartzea ezinbestekoa dela eta horretarako gizarte osoaren hezkuntza beharrezkoa dela. Kontzientziazio kanpaina ugari antolatu eta burutu dira Mankomunitatean, herritarrei orokorrean zuzenduak, ostalariei, dendariei, ikasleei... beti ere hondakinak gutxitzeko edo sortutako hondakinak egoki sailkatzeko asmotan.

Kontuan hartuz ingurumen-hezkuntza prozesu jarraia dela eta ikasleria gaur egungo eta etorkizuneko etxeetako hondakinen kudeatzailea dela, modu egokian sailkatzearen garrantziaz jabetzeko eta eskola komunitateak dituen zalantzak argitzeko Sasieta Mankomunitateak kanpaina berri bat antolatuko du. Egia da, ustez denok gutxi edo gehiago birziklatzen dugula. Baina ondo egiten al dugu? Zabor asko sortzen al dugu? Asmo horrekin, ikastetxeetan, bereziki prebentzioa, birziklapena eta gaikako bilketa lerro horia landu nahi ditugu.

2

3

3

4

4

4

9

9

10

10

Page 3: SASIETA MANKOMUNITATEAK DERRIGORREZKO BIGARREN … DBH 2017-2018.pdf · Kanpainaren aurkezpena ikastetxeetara 3 deialdi ezberdinetan garatuko da: − Urola Garaiko Eskolako Agenda

Hondakinak Kitto! DBH 2017-2018 ikasturtea 3

2. HELBURU OROKORRAKKanpaina honetan lortu nahi diren helburuak ondorengoak dira:

− Egungo gizarte kontsumistak aldaketa baten beharra duela jabetzea eta aldaketa horretan ikasleak protagonista aktiboak direla sinestea.

− Hiri-hondakinen inguruko ezaguerak zabaltzea, hiri-hondakinen inguruko murrizketa, berrerabilera eta birziklapena azalduz.

− Bilketa lerro horian utzi behar diren hondakinak ondo ezberdintzea batez ere.

− Guztiok hondakinen arazoen konponbidean dugun protagonismoaz jabetzea, hau da, hondakinen sorreran, berrerabileran eta gaikako bilketan parte hartzeaz norberak duen garrantziaz eta hondakinek suposatzen duten arazoaz kontzientziatzea eta sentsibilizatzea.

− Sasieta Mankomunitateko bilketa lerro ezberdinak ezagutu eta birziklapenak sortzen dituen onuraz jabetzea.

− Partehartzaileengan estimulu bat sortaraztea, jokabide-ohituren aldaketa eman dadin.

− Partaideen artean, ingurumenarekiko orokorrean eta bereziki hiri-hondakinen gaikako bilketaren aldeko jarrerak sustatzea. Plastiko/mikroplastikoen arazoaz eta ondorioez jabetzea.

− Ikasleria eta irakasleria gizarte-partehartzean suspertzea, kontzienteki parte hartzen duten ingurumen kultura berriaren bozeramailea eta eragile biderkatzaile bihurtuz.

3. HARTZAILEAKIngurumen hezkuntzako kanpaina honen hartzaile zuzenak Sasieta Mankomunitateko Derrigorrezko Bigarren Hezkuntzako, 3. edo 4. mailako (maila bateko, ikastetxe bakoitzak aukeratuko duena) ikasle eta irakasleak zarete.

Guztira, 10 ikastetxe eta 610 ikasle (iazko datuak kontutan hartuz).

IKASTETXEA GELA KOPURUA IKASLE KOP.Beasain institutoa 8 180Haztegi ikastola 2 40Jakintza ikastola 2 44J.M. Iparragirre institutoa 3 75La Salle Legazpia 3 68Oianguren instituoa 5 125Olazabal BHI 2 40La Salle San Jose 2 44San Benito ikastola 3 66Zumarraga Urretxu ikastola 3 75

Page 4: SASIETA MANKOMUNITATEAK DERRIGORREZKO BIGARREN … DBH 2017-2018.pdf · Kanpainaren aurkezpena ikastetxeetara 3 deialdi ezberdinetan garatuko da: − Urola Garaiko Eskolako Agenda

Hondakinak Kitto! DBH 2017-2018 ikasturtea 4

4. PROZEDURASasieta Mankomunitatean dauden Derrigorrezko Bigarren Hezkuntzako ikastetxe guztiekin harremanetan jarriko gara kanpaina azaldu eta parte hartzera animatuz. Horretarako Berritzeguneetan ikastetxeeetako zuzendaritza bilerak eta Eskolako Agenda 21eko bilerak aprobetxatuko dira, kanpainaren aurkezpen bilerak egiteko.

Kanpainaren aurkezpena ikastetxeetara 3 deialdi ezberdinetan garatuko da:

− Urola Garaiko Eskolako Agenda 21eko koordinazio bileran, urriaren 17an.

− Goierriko Eskolako Agenda 21eko koordinazio bileran, urriaren 10ean.

− Ordiziako Berritzegunean urriaren 19an ospatuko den Sasietako Mankomunitateko ikastetxeetako zuzendariei kanpainaren aurkezpena egingo zaizue.

Izen-ematea Sasieta Mankomunitateko web gunean zintzilikatutako formulario baten bidez egingo da. Izen-ematea egin eta ikastetxe bakoitzak arduradun bat izendatu behar du. Ondoren arduradunekin, egutegia eta ordutegia zehaztuko da eta Sasietako web gunean zintzilikatutako material didaktikoa lantzeko gonbita ere, ekintzen aurretik edo ondoren gaia jorratzeko, gaiari jarraitasuna emanez.

Parte hartzen duten ikastetxeetara jarduera bakoitza baino egun batzuk lehenago telefonoz deituko da, parte-hartzea gogoratu eta azken xehetasunak finkatzeko. Azkenik, hezitzaile taldea ikastetxera iritsi eta ordu bat eta erdiko iraupena duen saio bat garatuko dute talde bakoitzarekin.

Ebaluaketak ere garrantzi handia du eta irakaslegoari, kanpaina bukatu ostean, kanpainaren inguruko antolaketa, hezkuntza-lana, garatutako ekintzak, erabilitako metodologia, kanpainaren eraginkortasun maila, asebetetze maila eta hobetzeko proposamenen inguruko inkesta betetzea eskatu zaizue. Hau ere Sasieta Mankomunitateko web gunean zintzillikatua egongo da. Edozein informazio osagarri edo zalantzak argitzeko, aurkezpen txostenean kanpainako arduradunekin harremanetan jartzeko telefono edo helbide elektronikoak izango dituzte eskura.

5. KANPAINAREN GARAPENA

5.1 JardueraOndoren deskribatzen den saioa (bere jarduera eta materialekin) Sasieta Mankomunitateko Derrigorrezko Bigarren Hezkuntzako DBHko 3 edo DBH 4ko (ikastetxeak maila bat aukeratu behar du) gela bakoitzean garatuko dela.

“Hondakinak, kitto!” tailerraren ezaugarriak hauexek dira:

• Iraupena: Ordu t’erdikoa. • Lekua: ikasgelan taldeka jarduteko aukerarekin. • Metodologia: partehartzailea ariketa simulatuekin.

Page 5: SASIETA MANKOMUNITATEAK DERRIGORREZKO BIGARREN … DBH 2017-2018.pdf · Kanpainaren aurkezpena ikastetxeetara 3 deialdi ezberdinetan garatuko da: − Urola Garaiko Eskolako Agenda

Hondakinak Kitto! DBH 2017-2018 ikasturtea 5

Edukiak:

Sarrera• Sasieta Mankomunitatearen aurkezpena• Jorratuko diren gaien zerrenda

Gaur egungo gizartea• Gizarte kontsumista• Produktuen sorrera• Publizitatea, youtuber, blogger• Merchandising teknikak• Teknologia berriak, fidelizazio txartelak, black Friday, ciber Monday, amazon prime day…

Eredu aldaketa baten beharra• Hondakinen 3 gako garrantzitsuak.• Berrerabilpenerako ideiak hartuz• Lehengaien jatorria• Badakigu ordea hondakinak sailkatzen?• Puntu Berdea• Produktu berrien sorrera

SARRERA 1992tik Sasieta Mankomunitateak gaikako bilketa eta birziklatzea bultzatu izan du, baina gauzak asko aldatu dira garai hartako beira eta papera gaika biltzetik gaur egungo bilketa bereiztuetara iritsi arte. Baita sortzen dugun zabor kantitatea ere!

Hondakin hauei behar bezalako kudeaketa ematea herritarroi dagokigu eta Sasieta Mankomunitateak horretarako beharrezkoak diren baliabideak herritarren eskura jartzen ditu. Baino ba al dakigu zenbat hondakin sortzen ditugun? Gure hondakinak egoki sailkatzen al ditugu? Zertarako balio du sailkatzeak? Zer egiten da gero hondakin horiekin?

Hori guztia aztertzeko jarraian burutuko den gaien zerrenda aurkezten da.

GAUR EGUNGO GIZARTEAGIZARTE KONTSUMISTA

Gaur egun bizi dugun gizartea, gizarte kontsumista da. Erosi-erosi...hori da edonon eta edonoiz herritarrok jasotzen dugun mezua. Arrazoi ezberdinak aurkitzen ditugu erosketak egiteko: merkealdiak direla, ikasturte hasiera, urtebetzeak, gabonak, egunerokotasunerako elikagaiak... beti ari gara erosten eta gure erosketaren arabera, hondakin gehiago/gutxiago edo mota batekoak edo bestekoak sortuko ditugu...

Gabonetako oparien inguruan bideo bat jarriko diegu opari guztiak materialak izan behar ez dutela jabetzeko. Bideo honetan hiru galdera egiten dira eta ikasle bakoitzari fitxa berrerabilgarri bat emanez galderak erantzungo dira.

Page 6: SASIETA MANKOMUNITATEAK DERRIGORREZKO BIGARREN … DBH 2017-2018.pdf · Kanpainaren aurkezpena ikastetxeetara 3 deialdi ezberdinetan garatuko da: − Urola Garaiko Eskolako Agenda

Hondakinak Kitto! DBH 2017-2018 ikasturtea 6

Erostea eta produktu konkretu batzuek izatea askotan maila sozialekin lotzen dugu. Marka ezagunak erabiltzeak talde sozial bateko kide izateko prestigioa lortzea baimentzen du, status bateko adierazle gisa ere erabiltzen da. Adibidea: New balance benetazkoak eta faltsuak, egoerak konparatuko ditugu.

Horrek guztiak eta gizarteak sortzen dituen neurrigabeko kontsumoak planetak dituen baliabide naturalak eta oreka ekologikoa kinka larrian jartzen ditu.

PRODUKTUEN SORRERA

Baino jakin ere badakigu gure produktuak egiteko, gero guk erosiko ditugunak, aurretikako lan haundi bat dagoela eta hau ez dela beti egokia izaten. Bai pertsonei dagokienez baita materialaren inguruan ere.

Guk erosten ditugun produktuak norbaitek sortu egiten ditu, baino nolakoa da sorrera hori? Askotan gure gizarte hurbila erreferentziatzat hartuz, ahaztu egiten gara, munduko beste herrialde batzuetan dagoen errealitateaz, eta hauek ezagutzea ezinbestekoa da (zapatillen etiketa begiratzea) ondorengo erosketaren aukeraketan, aukera egokia egiteko. Hori horrela, eta ingurumenaren ikuspegi orokorrago bat lortze aldera, gazteen gertukoak diren produktu batzuk hartuko dira hizpide: arropa, oinetakoak eta sakeleko telefonoak. Blogger baten kasua azalduz bideo bat ikusiko da.

Eta produktu horien materialen inguruan ere hitz egingo da, batez ere plastiko eta mikroplastikoen inguruan. Itsasoan korronteen ondorioz sortzen diren zabor irlak ezagutuko dituzte eta mikroplastikoak nola sortzen diren azalduko da, beti ere irudi eta argazki asko erabiliz. Argazki hauetan animali ezberdinak agertu dira baina guztiek amankomunean izango dutena honakoa da: plastiko edo microplastikoak arazoak sortu dizkietela. Errealitate hau aurkeztu ondoren irtenbidearen bila joango gara, eta horretarako plastikoaren erabilpena gutxitzeko aholku batzuk (prebentzioa) emango zaizkie, oso errazak baina benetan aurrera eraman behar direnak plastikoaren erabilpena murrizteko.

PUBLIZITATEA, YOUTUBER, BLOGGER…

Publizitatea eragin haundia du gure erosketetan. Nolakoa da gizarte kontsumista honek sortzen duen publizitatea? Publizitatea izatez, gauzei edo gertaerei buruzko berriak hedatzeko edo zabaltzeko erabiltzen den bitarteko multzoa da. Publizitatearen helburua informatzea da.

Publizitate mezuak eta gizarteak aldi bereko bilakaera izan dute. Hasiera batean gizakiok, oinarrizko premiak asetzeko lain erosten genuen. Ez zegoen produktuen aukera haundirik eta behar zen produktua bakarrik erosten zen. Produkzioak gora egiten duen heinean erosteko aukerak biderkatu egiten dira eta publizitatea gure gizartea inbaditzen hasten da. Publizitatea produktuak eta zerbitzuak eskaintzen ditu eta bezeroei premiak sortzen dizkie, nahiz eta ondasun edo zerbitzu horren beharrik ez izan benetan.

Publizitatea elementu ezberdinez osatua dago: pertsonaiak (izan edo ez izan), adina, sexua, kolorea, musika, mezua…Musika elementu oso garrantzitsu bat izanik ariketa bat egingo da abestia eta iragarkia lotzeko asmotan.

Ohikoa izaten da egun tendentzien jarraipena youtuber edo blogger bidez egitea. Hauek ere eragin nabarmena izaten dute gure erosketetan. Adibideak aipatuko dira.

Gure gizartea kontsumista honen hausnarketak ondorio batzuk lortzera bultzatuko dugu ikaslea. Gure gizarte ereduak horrela jarrai al dezake?

Page 7: SASIETA MANKOMUNITATEAK DERRIGORREZKO BIGARREN … DBH 2017-2018.pdf · Kanpainaren aurkezpena ikastetxeetara 3 deialdi ezberdinetan garatuko da: − Urola Garaiko Eskolako Agenda

Hondakinak Kitto! DBH 2017-2018 ikasturtea 7

MERCHANDISING TEKNIKAK

Helburua kontsumitzea izanik, produktuak geroz eta erakargarriagoak sortzea da helburua. Garai batean, dendariak produktu ezberdinen artean aholkatzen zieten bezeroei produktu ezberdinen ezaugarriak adieraziz; gaur egun dendari horiek desagertu egin dira eta erosketa egiteko unean, bakarrik aurkitzen garen momentu horretan, produktua da bere salmenta ziurtatu behar duena, eskaintzen diren beste produktuen gainetik. Produktua bera da bere salmentan elementu aktiboa. Hori horrela izanik, gaur egun denda xume zein haundiek salmenta teknika ezberdinak erabiltzen dituzte. Zeintzuk dira teknika hauek? Bezeroak jabetzen al gara teknika hauek gure erosketan izugarrizko eragina dutela?

Guzti honetaz jabetzeko, irudi ezberdinen bidez, azalera haundi batek erabiltzen dituen salmenta teknikak izango dituzte aztergai.

TEKNOLOGIA BERRIAK, FIDELIZAZIO TXARTELAK, BLACK FRIDAY, CIBER MONDAY, AMAZON PRIME DAY...

Teknologia berrien erabilpenak ere eragin haundia du gaur egungo erosketetan. Denoi iristen zaizkigu gure helbide elektronikoetara, telefonoetara, erosketak egiteko promozioak, deskontuak,… izkutuko erosketak dira, fisikoki ez baigara dendara joaten eta ez baitugu dirua zuzenean erabiltzen.

Bestetik fidelizazio txartelak daude. Gaur egun denda guztietan egiten dizkigute deskontuak, beti ere beraiek jartzen dizkigute mugak, horrenbeste gastatuz gero, bidalketa gastuak doan, deskontuak, doako aparkalekuak….

Estrategia bat zein bestea erabili, helburua argia da, kontsumitzaileak kontsumitu egin behar du eta hainbat saiakera ezberdin egiten dituzte hori lortzeko.

Nola iristen zaizkigu erosketa hauek? Zenbat bilduki izan ohi dute? Zenbat hondakin sortzen dugu?

EREDU ALDAKETA BATEN BEHARRAGizarte kontsumista honetan jarraitzea ezinezkoa da, garatutako eta garatu gabeko herrialdeen arteko ezberdinasunak haunditzen doaz. Pertsonen arteko ezberdintasunak ere, pobrezia poltsak sortuz. Guzti honek baliabide naturalen erreserbak agortzea eta sortutako hondakin kopurua haunditzea dakar, ingurugiroa kaltetuz.

Pertsonek ere ziklo kontsumista horren barruan daudenean, beraien identitate propioa galtzen dute eta zoritxarrekoak sentitzen dira ezin duelako nahi duten produktua erosi. Badirudi kontsumoaren murrizketa garapenaren aurka doala, baino erabaki beharra dugu edo gure gizarte eredua aldatzen dugu edo epe laburrean gure energia iturriak agortuko dira. Aldaketak beti dira zailak eta mantsoak baino gaur egun hondakinen gaia da landu dezakegun oinarrietako bat, bertan oso nabaria baita gizarte konsumista batean bizi garela.

Page 8: SASIETA MANKOMUNITATEAK DERRIGORREZKO BIGARREN … DBH 2017-2018.pdf · Kanpainaren aurkezpena ikastetxeetara 3 deialdi ezberdinetan garatuko da: − Urola Garaiko Eskolako Agenda

Hondakinak Kitto! DBH 2017-2018 ikasturtea 8

HONDAKINEN HIRU GAKO GARRANTZITSUAK

Hondakinen gaian 3 gako dira garrantzitsu: murrizketa eta berrerabilera (prebentzioan) eta birziklapena. Nahiz eta kanpaina prebentzioan zentratu ezin gara ahaztu birziklapenarekin eta hau ere ikasleei azaldu behar diegu.

Nor da gure hondakinen kudeatzailea? Azken urteetako eboluzioa nola aldatu den azalduko diegu, herria, mankomunitateak eta Gipuzkoako Hondakinen Kontsortzioa...

BERRERABILPENERAKO IDEIAK HARTUZ

Askotan ideiak falta zaizkugu etxeetan sortzen ditugun hondakinak berrerabiltzeko, horregatik hondakin berrerabiliekin egindako gauzen argazki eta irudiak erakutsiko zaizkie. Adibidez gaur egun oso normala da gazteek lokalak izatea, eta bertarako ideia politak izan daitezke hauetariko asko.

LEHENGAIEN JATORRIA

Hausnarketa honetan aurrera egiteko, jarraian, ikus dezagun gure erosketa bateko ohiko produktuen bildukiak edo ontziak sortzeko erabiltzen diren baliabide naturalak eta energetikoak. Esaterako, aluminio ontzi eta bildukiak edukiontzi horian botaz gero, produktu berria egiteko beharrezkoa den energiaren %95 aurrezten da. Baina aluminio hori nondik dator? Meategietatik bauxita izeneko mineral bat ateratzen da eta honen tratamenduaz lortzen dira aluminio xaflak, ondoren ontzi bihurtuko ditugunak. Nondik lortzen dira guk hain errez erabiltzen ditugun plastikozko poltsak egiteko natur baliabideak? .... Produktuen ontzi eta bildukien inguruan hitz egingo dugu, zein motatakoak diren eta honi lotuta biziklapenaren errepaso orokor bat egingo da, zein hondakin mota bota behar den bilketa lerro bakoitzean. Kontsumo teknikak, publizitatea, eta erosten ditugun produktuen ontzi eta bildukiak aztertuta, gizarte eredu baten aldaketa beharrezkoa dela antzemango dute ikasleek. Eredu jasangarriago bateruntz abiatu behar dugu.

BADAKIGU ORDEA HONDAKINAK SAILKATZEN?

Baino behin hondakina sortu eta hondakin horretaz libratu nahi badugu, ba al dakigu non bota behar den? Gaikako bilketa edukiontzi berdearekin hasi zenetik, geroz eta gehiagora joan da birziklapen-tasa urtez urte. Baina dena ondo sailkatzen al dugu? Oraindik zalantza asko ditugu.

Ikastaldea 5 talde txikiagotan banatuko da eta talde bakoitzari lan fitxa-postal bat emango zaio. Flash aplikazio baten bidez, arbela digitalean hondakin bat aterako da eta ikasleek beraien lan fitxan, hondakin hau zein bilketa lerrotan utzi behar den adieraziko dute. Ikas-taldeak lan fitxa bere kabuz osatu dutenean guztion artean zuzenketa egingo da. Horretarako aurkezpen bat erabiliko da, bere lan fitxa eredu duena eta bilketa lerro bakoitzean zer bota behar den azalduko da. Sasieta Mankomunitatean egun dauden bilketa lerro guztiak azalduko dira, horiaren bilketa azkenerako utziz, honek sortzen baititu zalantza gehien biztanleen artean.

Aurkezpenean emango den informazioa herri bakoitzera edo epe laburrean izango den herri bakoitzaren errealitatera egokituko da.

Page 9: SASIETA MANKOMUNITATEAK DERRIGORREZKO BIGARREN … DBH 2017-2018.pdf · Kanpainaren aurkezpena ikastetxeetara 3 deialdi ezberdinetan garatuko da: − Urola Garaiko Eskolako Agenda

Hondakinak Kitto! DBH 2017-2018 ikasturtea 9

PUNTU BERDEA

Honekin batera puntu berdea zer den eta bere garrantzia ere azpimarratuko da. Puntu berdea ontzi askotan ikusten da baina zer da? Zer adierazten du? Puntu berdea informazio ikurra baino ez da. Puntu berdeak adierazten du: ontzigileak sortuko den hondakin horren kudeaketa egokia ordaindu duela. 1997an jarri zen martxan ikur honen adierazpena.

PRODUKTU BERRIEN SORRERA

Zer egiten da lerro bakoitzean botatako hondakinekin? Zein bide jarraitzen dute? Ikasleei, egindako lanak emaitza bat duela adieraztea ezinbestekoa dela iruditzen zaigu. Aurkezpen labur batean bilketa guztietako hondakinak zein bide jarraitzen duten adieraziko da. Atal honen barruan tarte berezia eskainiko zaio bilketa lerro horiari. Hori horrela, sailkatze planten funtzionamendua, sailkatutako plastiko eta metal motak, brikak eta guzti hauek birziklatuak izateko jarraitzen duten bidea xehetasun gehiagoz adieraziko da. Hondakinak behin sailkatuta, birziklatze enpresei saltzen zaizkie. Hauek, lehengai gisa erabiltzen dituzte bere produktu berriak egiteko.

5.2 Unitate didaktikoakKanpainari balio erantsia ezartzeko, irakasleei zein ikasleei zuzenduriko hezkuntza materiala sortuko dugu. Ikastetxe guztiek hezitzaileek egindako bisita aurretik edo ondorenean ikasle zein irakasleen materialak lantzeko aukera izango duzue.

Material guztia era digitalean (pdf betegarriak erabiliz) proposatzen da inprimatze lanaren kostua eta paper kontsumoa murrizteko. Horretarako material hezigarria sortzeaz gain era digitalean landu ahal izateko aukera luzatuko da. Materiala Sasieta Mankomunitateko web orrian ezarriko da bertatik hartzeko eta gelan lantzeko.

• Irakasleriari zuzenduriko materiala: Gaiaren inguruan orokorrean eta ikasleekin materiala lantzeko informazioa eta aholkularitza eskaintzen dugu.

• Ikasleriari zuzenduriko materiala: Material teoriko-praktikoa da. Oinarrizko kontzeptuak: hondakinen murrizketa, berrerabilpena, birziklapena (zer da birziklatzea, zer nun bota, gaikako bilketa lerro ezberdinak erakutsi, zer da ontzia izatea...) ezagutzeko lan-fitxa.

5.3 Aholkularitza zerbitzuaKanpainan zehar, edozein galdera, iradokizun edo zalantza argitzeko, kanpainako koordinatzailearen telefono zuzena 685.738.123 eta helbide elektronikoa [email protected] irakaslegoaren esku geratzen dira.

Page 10: SASIETA MANKOMUNITATEAK DERRIGORREZKO BIGARREN … DBH 2017-2018.pdf · Kanpainaren aurkezpena ikastetxeetara 3 deialdi ezberdinetan garatuko da: − Urola Garaiko Eskolako Agenda

Hondakinak Kitto! DBH 2017-2018 ikasturtea 10

5.4 EgutegiaKanpaina azaroaren 20tik abenduaren 21era bitartean burutuko da. Horretarako ikastetxe bakoitzeko arduradunarekin harremanetan jarriko gara beraientzako aproposak diren egun eta ordutegiak zehazteko. Ikastetxeei kanpaina aurkeztu baino lehen, ikastetxe bakoitzeko lerro kopurua ezagutuko dugu eta behin-behineko egutegia proposatu.

6. BALORAZIOAIkastetxe bakoitzean jarduera bukatzean, bertako irakaslegoari kanpainari buruzko balorazioa betetzeko eskatuko zaizue hobetze prozesu jarraia planteatuz.