outono 2015 gl - MeteoGalicia · Os valores máis altos de temperatura déronse na comarca de...
Transcript of outono 2015 gl - MeteoGalicia · Os valores máis altos de temperatura déronse na comarca de...
Informe climatolóxico outono 2015
INFORME CLIMATOLÓXICO OUTONO 2015
Informe climatolóxico outono 2015
Páxina 2 de 17
ÍNDICE
1 INTRODUCCIÓN .................................................................................................................... 3
2 BALANCE DA TEMPERATURA E PRECIPITACIÓN EN OUTONO 2015 EN
GALICIA. .................................................................................................................................. 3
2.1. Temperatura .............................................................................................................................. 4
2.2. Precipitación .............................................................................................................................. 9
3 EVOLUCIÓN HISTÓRICA DA TEMPERATURA E A PRECIPITACIÓN DE
OUTONO. ................................................................................................................................ 13
3.1. Temperatura ............................................................................................................................ 13
3.2. Precipitación ............................................................................................................................ 16
Data edición: 16-12-2015
Informe climatolóxico outono 2015
Páxina 3 de 17
Outono cálido e seco, principalmente debido ao mes de novembro.
1 INTRODUCCIÓN
O outono de 2015, aínda que cálido, foi moi distinto ó do ano anterior, que presentou 2ºC de
anomalía positiva. Nesta ocasión o valor de referencia do período 1971-2000, que é 14.3 ºC,
foi superado en 0.9 ºC, o que fai que a estación sexa considerada como cálida.
En canto ás precipitacións, a chuvia rexistrada foi inferior nun 21% ao valor climático de
referencia do período 1971-2000, que é de 390 L/m2, e polo tanto, o outono pode
cualificarse como seco. O ano que acadou unha anomalía inferior a este ano foi o 2007.
A continuación preséntase unha descrición climatolóxica que caracterizou á estación de
outono (dende setembro de 2015 a novembro de 2015). Así analízanse os datos de
temperatura e precipitación e a súa evolución no tempo considerando o período de
referencia 1971-2000.
Os criterios para definir as categorías climáticas correspondentes á precipitación e á
temperatura móstranse na táboa 1.
Categoría PP Porcentaxe de precipitación total rexistrada respecto da
media climática
Categoría temperatura
Diferenza entre a temperatura media e a
media climática.
Moi seco <30% Moi cálido ≥3ºC
Seco Entre 30% e 90% Cálido Entre +3ºC e +0.5ºC
Normal Entre 90% e 110% Normal Entre 0.5ºC e -0.5ºC
Húmido Entre 110% e 190% Frío Entre -0.5ºC e -3ºC
Moi Húmido >190% Moi Frío ≤-3ºC Táboa 1: Categorías para precipitación e temperatura.
Se falamos de temperatura media, enténdese por anomalía a diferenza entre a temperatura
media deste outono e o valor climático obtido con respecto ó período de referencia 1971-
2000. Para a variable precipitación enténdese por anomalía a porcentaxe da precipitación
acumulada no outono respecto do valor da media climática correspondente.
Informe climatolóxico outono 2015
Páxina 4 de 17
2 BALANCE DA TEMPERATURA E PRECIPITACIÓN EN OUTONO 2015 EN GALICIA.
2.1. Temperatura
En setembro, houbo dous períodos fríos ao principio e a mediados do mes, que foron
compensados polos períodos máis cálidos do resto do mes. Como resultado disto o mes
estivo moi preto da normalidade, se ven foi cualificado como frío cunha anomalía de -0.5 ºC
debido a que incluso nos períodos cálidos as temperaturas mínimas foron baixas para a
época do ano.
No segundo mes da estación as temperaturas estiveron lixeiramente por riba do normal,
resultando un outubro cálido. Isto debeuse en gran parte ás altas temperaturas que se
rexistraron nos períodos anticiclónicos. Sen embargo, nos casos en que Galicia estivo baixo
a influencia das borrascas, estas localizábanse ao sur de Galicia e polo tanto achegaban aire
cálido, polo que as temperaturas tamén foron altas. Temos que destacar sen embargo o
episodio frío nos últimos días do mes.
O mes de novembro foi o responsable de que este outono resultase cálido, cunha anomalía
de temperatura de 2.5 ºC. Neste mes o descenso térmico dos derradeiros 10 días non puido
cancelar a importante anomalía positiva da primeira metade do mes. Destacan as elevadas
temperaturas rexistradas principalmente nas xornadas do 6, 7 e 8, onde se superaron
rexistros históricos en moitas localidades de Galicia, como os 26.1ºC de máxima o día 7 na
cidade de Ourense ou os 19.1ºC de mínima o día 6 na cidade da Coruña.
Nas táboas 2 e 3 móstranse as temperaturas máximas máis altas rexistradas na Comunidade
Galega na estación de outono 2015 para estacións situadas por debaixo e por enriba dos
1000 metros de altitude respectivamente. Destaca especialmente a xornada do 7 de setembro
en altitudes baixas, nas que se rexistraron valores de temperatura que superaron os 30 ºC.
Porén, nas zonas altas destaca tamén o día 25. Todas estas temperaturas déronse
principalmente na metade sur da Comunidade.
Informe climatolóxico outono 2015
Páxina 5 de 17
Temperaturas máximas máis altas rexistradas no outono 2015 por debaixo dos 1000 m de altitude
Data Estación Concello Provincia TA (ºC)
07/09/2015 Remuíño Arnoia Ourense 34.8
06/09/2015 EVEGA Leiro Leiro Ourense 34.7
07/09/2015 Ourense Ourense Ourense 33.3
07/09/2015 Prado Castrelo de Miño Ourense 32.8
07/09/2015 Ourense-Estacións Ourense Ourense 32.7
07/09/2015 A Portela Vilamartín de Valdeorras Ourense 31.7
07/09/2015 Meder Salvaterra de Miño Pontevedra 31.7
07/09/2015 Cequeliños Arbo Pontevedra 31.7
07/09/2015 San Clodio Ribas de Sil Lugo 31.4
07/09/2015 Míllara Ferreira de Pantón Lugo 31.4
Táboa 2: Temperaturas máximas máis altas rexistradas na outono de 2015 a altitude
menor de 1000 m.
Temperaturas máximas máis altas rexistradas no outono 2015 por riba dos 1000 m de altitude
Data Estación Concello Provincia TA (ºC)
07/09/2015 O Invernadeiro Vilariño de Conso Ourense 26.8
07/09/2015 Xurés Muiños Ourense 25.7
08/09/2015 San Xoán de Río San Xoán de Río Ourense 25.6
25/09/2015 A Mezquita A Mezquita Ourense 25.6
08/09/2015 Corzos A Veiga Ourense 24.7
08/09/2015 Xurés Muiños Ourense 24.2
25/09/2015 Serra do Eixe O Barco de Valdeorras Ourense 23.1
24/09/2015 O Cebreiro Pedrafita do Cebreiro Lugo 23.0
25/09/2015 Casaio Carballeda de Valdeorras Ourense 22.7
08/09/2015 Ancares Cervantes Lugo 21.8
Táboa 3: Temperaturas máximas máis altas rexistradas na outono de 2015 a altitude
maior de 1000 m.
Nas táboas 4 e 5 móstranse as temperaturas mínimas máis baixas rexistradas na
Comunidade no outono de 2015 para as estacións situadas por enriba e por debaixo dos
1000 metros de altitude respectivamente. A xornada do 23 de novembro foi a que resultou
máis baixa en altitudes elevadas, mentres que as dúas últimas xornadas do outono resultaron
as máis fría por debaixo dos 1000 m..
Informe climatolóxico outono 2015
Páxina 6 de 17
Temperaturas mínimas máis baixas rexistradas no outono 2015 por riba dos 1000 m de altitude
Data Estación Concello Provincia TA (ºC)
23/11/2015 Cabeza de Manzaneda Manzaneda Ourense -5.6
23/11/2015 Xares A Veiga Ourense -5.2
23/11/2015 Lardeira Carballeda de Valdeorras Ourense -4.5
23/11/2015 Corzos A Veiga Ourense -4.5
23/11/2015 O Cebreiro Pedrafita do Cebreiro Lugo -3.9
23/11/2015 Ancares Cervantes Lugo -3.6
23/11/2015 Alto do Poio Pedrafita do Cebreiro Lugo -2.9
23/11/2015 Serra do Eixe O Barco de Valdeorras Ourense -2.0
30/11/2015 O Invernadeiro Vilariño de Conso Ourense -2.0
23/11/2015 A Mezquita A Mezquita Ourense -1.9
Táboa 4: Temperaturas mínimas máis baixas rexistradas na outono de 2015 a altitude
superior a 1000m.
Temperaturas mínimas máis baixas rexistradas no outono 2015 por debaixo dos 1000 m de altitude
Data Estación Concello Provincia TA (ºC)
30/11/2015 Calvos Calvos de Randín Ourense -8.2
30/11/2015 Baltar Baltar Ourense -5.3
30/11/2015 Morelle Sarria Lugo -4.1
29/11/2015 Verín-Vilela Verín Ourense -3.8
29/11/2015 Viana do Bolo Viana do Bolo Ourense -3.5
29/11/2015 Mouriscade Lalín Pontevedra -3.2
29/11/2015 Sambreixo Guitiriz Lugo -3.0
29/11/2015 Monte Medo Baños de Molgas Ourense -3.0
30/11/2015 Xinzo Xinzo de Limia Ourense -2.9
29/11/2015 EVEGA Leiro Leiro Ourense -2.7
Táboa 5: Temperaturas mínimas máis baixas rexistradas na outono de 2015 a altitude
inferior a 1000m.
Informe climatolóxico outono 2015
Páxina 7 de 17
Na figura 1 móstrase o mapa de temperatura media para o outono de 2015. Os valores máis
baixos desta variable presentáronse en Pena Trevinca e en Cabeza de Manzaneda, onde se
acadaron valores de ata 6.6 ºC. Os valores máis altos de temperatura déronse na comarca de
Coruña e en parte da comarca de Vigo, con valores que superaron os 17 ºC.
Figura 1: Temperatura media no outono 2015
Informe climatolóxico outono 2015
Páxina 8 de 17
Na figura 2 pode verse o mapa de anomalías de temperatura para este outono. Houbo zonas
nas que resultou normal, cunha anomalía moi próxima a 0ºC. Sen embargo, en xeral foi
cálido, destacando as comarcas de Vigo, o Baixo Miño e os Ancares, con valores de +2.5ºC.
A anomalía media foi de 1.0 ºC, co que o outono considérase cálido.
Figura 2: Mapa de anomalías de temperatura na outono 2015
Informe climatolóxico outono 2015
Páxina 9 de 17
2.2. Precipitación
O outono comezou cun mes de setembro en canto a precipitacións, cunha distribución
espacial moi irregular. Así, as chuvias acumuladas estiveron moi condicionadas polo
episodio do 15 de setembro, no que se rexistrou máis da metade da chuvia que se acumulou
en todo o mes. As precipitacións afectaron nesta xornada principalmente ao sur da
Comunidade. Así o resto de Galicia quedou con valores de precipitación máis baixos do
normal. Como resultado disto, no conxunto do territorio acadáronse valores próximos aos
agardados.
Outubro foi húmido, con xornadas de precipitación especialmente chuviosas e o número de
días de chuvia estivo moi preto da normalidade. Compre destacar este mes o episodio do 4 e
o 5, no que a chegada dun río atmosférico propiciou a acumulación de importantes
cantidades de precipitación en toda a Comunidade.
Novembro, novamente, marcou a tendencia desta estación de outono, xa que resultou moi
seco en moitas rexións do territorio galego. Isto debeuse a escaseza de episodios de chuvia
persistente e xeneralizada, propios desta época do ano. As frontes que afectaron a Galicia a
principio e a finais do mes, chegaron moi debilitadas e o predominio de situacións
anticiclónicas deixou máis días dos agardados de tempo completamente seco. As primeiras
neves apareceron de forma efémera na xornada do 22 por riba dos 1000.
Informe climatolóxico outono 2015
Páxina 10 de 17
Na táboa 6 móstranse os valores máximos de precipitación acumulada rexistrados neste
outono de 2015.
Precipitación máxima estacional no outono 2015
Estación Municipio Provincia Precipitación
(L/m2)
Fornelos de Montes Fornelos de Montes Pontevedra 902
Xesteiras Cuntis Pontevedra 809
Muralla Lousame A Coruña 744
Fontecada Santa Comba A Coruña 726
Pereira Forcarei Pontevedra 665
Ponte Caldelas Ponte Caldelas Pontevedra 638
O Invernadeiro Vilariño de Conso Ourense 625
Coto Muiño Zas A Coruña 607
Paramos Val do Dubra A Coruña 604
Cespón Boiro A Coruña 576
Táboa 6: Valores máximos de precipitación acumulada na outono de 2015.
Na táboa 7 móstranse os valores mínimos de precipitación acumulada rexistrados:
Precipitación mínima estacional no outono 2015
Estación Concello Provincia Precipitación
(L/m2)
Larouco Larouco Ourense 154
Xinzo Xinzo de Limia Ourense 165
Gandarela Celanova Ourense 168
Casaio Carballeda de
Valdeorras Ourense 178
Punta Candieira Cedeira A Coruña 179
Verín-Vilela Verín Ourense 185
Ponte Boga Castro Caldelas Ourense 188
San Clodio Ribas de Sil Lugo 193
A Coruña-Torre de Hércules A Coruña A Coruña 195
Castro R. de Lea Castro de Rei Lugo 198
Táboa 7: Valores mínimos de precipitación acumulada no outono de 2015
Informe climatolóxico outono 2015
Páxina 11 de 17
Na figura 3, móstrase a precipitación total acumulada neste outono de 2015. Destaca o
concello de Fornelos de Montes con case 900 L/m2 e tamén o oeste da Comunidade. A zona
máis seca resultou a comarca de Valdeorras, na que nalgúns puntos rexistráronse menos de
50 L/m2. En xeral para Galicia, tendo en conta os valores do mapa, rexistrouse unha media
de 337 L/m2.
Figura 3: Mapa de precipitación acumulada no outono de 2015.
Informe climatolóxico outono 2015
Páxina 12 de 17
Na figura 4 móstrase o mapa de anomalías de precipitación en forma de porcentaxe con
respecto aos valores normais (1971-2000), sendo 100% a porcentaxe que representa a
normalidade. Destacan algunhas zonas, principalmente, nas comarcas de Valdeorras, Coruña
e Ferrol, con porcentaxes de precipitación moi baixas, próximas ó 40%. Porén, os valores
máis altos acadáronse na Baixa Limia e zonas do leste de Lugo, cunha porcentaxe do 48%
por riba do normal nesta zona. No conxunto da Comunidade, o outono resultou seco, pero
próximo á normalidade, xa que choveu un 20% menos do normal.
Figura 4: Porcentaxe de precipitación acumulada con respecto á media climática na outono de 2015.
Informe climatolóxico outono 2015
Páxina 13 de 17
3 EVOLUCIÓN HISTÓRICA DA TEMPERATURA E A PRECIPITACIÓN DE OUTONO.
3.1. Temperatura
A temperatura media de outono para Galicia, considerando once estacións meteorolóxicas
representativas, presentou unha anomalía positiva de 0.8 ºC con respecto ó período
climático de referencia 1961-1990 e de 0.9 ºC con respecto ó 1971-2000. Como resultado
disto tratouse dun outono cálido para os dous períodos de referencia segundo a táboa 1. Isto
pódese observar na seguinte táboa:
Temperatura media outono (ºC)
2015 1961-1990 1971-2000
15.2 14.4 14.3
Táboa 8: Comparación entre a temperatura media en outono
e a media climática galega.
Na seguinte táboa móstrase a distribución por meses da temperatura media no outono de
2015 para esta serie de referencia.
Temperatura media mensual (ºC)
Mes 2015 1961-1990 1971-2000
Setembro 17.2 18.1 17.9
Outubro 15.2 14.6 14.2
Novembro 13.1 10.6 10.8
Táboa 9: Comparación entre a temperatura media mensual do outono 2015 e
as medias mensuais climáticas nos períodos de referencia mostrados.
Como se pode observar en canto á temperatura media, o mes de setembro resultou frío con
respecto aos dous períodos de referencia, mentres que outubro e novembro resultaron
cálidos con respecto aos mesmos.
Na táboa 10 pódense observar as temperaturas máximas e mínimas na estación de outono e
os seus valores mensuais. Obsérvase que tendo en conta a temperatura máxima, foi cálida
con respecto ós dous períodos de referencia.
Informe climatolóxico outono 2015
Páxina 14 de 17
Temperatura media das máximas en outono (ºC)
2015 1961-1990 1971-2000
20.1 19.4 19.2
Táboa 10: Comparación entre a temperatura máxima media
en outono e a media climática galega.
Mensualmente, setembro resultou normal e novembro cálido con respecto os dous períodos
de referencia. Porén, outubro resultou cálido con respecto a 1971-2000 e normal con
respecto ó período 1961-1990..
Temperatura media das máximas por mes (ºC)
Mes 2015 1961-1990 1971-2000
Setembro 23.3 23.8 23.6
Outubro 19.8 19.5 19.0
Novembro 17.2 14.8 15.0
Táboa 11: Comparación entre a temperatura máxima media mensual do outono
de 2015 e as medias mensuais climáticas nos períodos de referencia mostrados.
En canto ás temperaturas mínimas, o outono pódese considerar cálido cunha anomalía de
0.8 ºC con respecto aos dous períodos de referencia 1961-1990 e 1971-2000.
Temperatura media das mínimas en outono (ºC)
2015 1961-1990 1971-2000
10.2 9.4 9.4
Táboa 12: Comparación entre a temperatura mínima media
en outono e a media climática galega.
A escala mensual, o mes de setembro resultou frío e os meses de outubro e novembro
cálidos con respecto aos dous períodos de referencia.
Temperatura media das mínimas por mes (ºC)
Mes 2015 1961-1990 1971-2000
Setembro 11.2 12.3 12.1
Outubro 10.6 9.6 9.4
Novembro 8.9 6.4 6.6
Táboa 13: Comparación entre a temperatura mínima media mensual do
outono de 2015 e as medias mensuais climáticas nos períodos de referencia
mostrados.
Informe climatolóxico outono 2015
Páxina 15 de 17
Na figura 5 móstrase a evolución da temperatura media dos outonos dende o ano 1961 ao
2015.
Figura 5: Evolución da temperatura media en outono para a serie rexional galega.
A anomalía media para o outono do 2015 en Galicia, obtida a partir das anomalías medias
en once estacións meteorolóxicas representativas, foi de 0.9 ºC, o que fai que poida
considerarse cálido. Contrasta co outono anterior, que rexistrou a anomalía máis alta da
serie (principalmente polas altas temperaturas do mes de outubro de 2014).
Figura 6: Anomalías da temperatura media para a serie rexional galega. O período de referencia é o 71-00.
Informe climatolóxico outono 2015
Páxina 16 de 17
3.2. Precipitación
Na táboa 14 móstranse os valores medios de precipitación acumulada no outono de 2015
ademais dos valores climáticos dos períodos 1961-1990 e 1971-2000. A serie rexional
constrúese a partir de dezaseis estacións meteorolóxicas representativas.
Precipitación acumulada estacional (mm)
2015 1961-1990 1971-2000
303 370 390
Táboa 14: Comparación entre a precipitación acumulada no
outono 2015 e os valores climáticos.
A porcentaxe de precipitación neste outono foi un 18% inferior con respecto ó período
1961-1990 e un 21% inferior con respecto ó 1971-2000. Segundo os criterios da táboa 1,
considérase un outono normal con respecto ao período 1961-1990 e seco con respecto ao
período 1971-2000.
A precipitación rexistrada mostra un mes de setembro normal, outubro húmido e novembro
seco con respecto aos dous períodos de referencia.
Precipitación acumulada por mes(ºC)
Mes 2015 1961-1990 1971-2000
Setembro 81 78 85
Outubro 169 138 145
Novembro 54 154 159
Táboa 15: Comparación entre os valores acumulados de precipitación dos
meses de outono e as medias correspondentes aos períodos climáticos.
Na figura 7, pode verse a evolución da precipitación nas outonos do período 1961 a 2015.
Asímesmo, na figura 8, móstranse as anomalías de precipitación en outono, xunto coa media
móbil de 5 anos.
Informe climatolóxico outono 2015
Páxina 17 de 17
Figura 7: Precipitación acumulada en outono para a serie rexional galega.
A anomalía media das precipitacións para este outono en Galicia, obtida a partir das
anomalías medias en dezaseis estacións meteorolóxicas representativa, foi dun 21 % por
debaixo do valor normal, o que fai que poida considerarse seco. O anterior outono máis seco
foi o 2007, un dos más secos da serie.
Figura 8: Anomalías de precipitación en outono para a serie rexional galega. O período
de referencia é 1971-2000.
MeteoGalicia
Secretaría Xeral de Calidade e Avaliación Ambiental
Consellería de Medio Ambiente e ordenación do Territorio
Xunta de Galicia