MEMORIA DE ACTIVIDADES AVANTE 2011“NS/AVANTE/MEMORIA 2… · Memoria de actividades AVANTE 2011...
Transcript of MEMORIA DE ACTIVIDADES AVANTE 2011“NS/AVANTE/MEMORIA 2… · Memoria de actividades AVANTE 2011...
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
1
ÍNDICE MEMORIA
1.- A entidade 3
2.- Obxectivos da entidade 3 3.- Servizo de Información e Asesoramento 4 4.- Actividades de Sensibilización Social 5 5.- Actividades de Saúde 9 6.- Actividades de Ocio 11 7.- Centro de Recursos para Persoas con Discapacidade de Niveiro 13 8.- Proxecto Residencial 29
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
2
1.- A entidade A Asociación de Persoas con Discapacidade Avante naceu no ano 1982, se
ben nese momento tiña outro nome (Grupo de minusválidos del Valle del
Dubra) pasando despois a denominarse Asociación de Minusválidos do
Val do Dubra e comarca, chegando a súa denominación actual e que
agardamos definitiva en 2007.
Como calificación do ámbito xeográfico da entidade optamos polo termo
“supramunicipal”, pois se ben nos saímos do que serían os marxes
xeográficos dun concello, tampouco nos podemos encadrar como unha
entidade comarcal, pois atopámonos con que os concellos nos cales temos
presenza, dunha ou doutra maneira, pertencen a distintas comarcas
(Santiago, A Barcala, Xallas, Ordes).
AVANTE, constitúese coa finalidade de coordinar e defender os intereses
das persoas con discapacidade e os das súas familias, así como propulsar,
na maior medida posible, a inserción social deste colectivo.
2.- Obxectivos da entidade Nos estatutos da organización aparecen perfectamente detallados e
separados os fins ou a misión da entidade. Aínda que se enumeran ata un
total de 16 poderiámolos resumir en:
Defender a dignidade e os dereitos das persoas con discapacidade.
Promover a plena integración social, algo que en si mesmo conleva unha
integración cultural e formativa, e unha integración económica e laboral,
naqueles casos que sexa posible.
Promover as distintas actuacións necesarias e realizar os programas
precisos para poder levar a cabo os obxectivos marcados nos dous
primeiros puntos.
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
3
Fomentar a unión das persoas con discapacidade, facilitándolles os
medios para acadar a súa dignificación e respeto.
Promocionar, participar e crear iniciativas que primen a inserción laboral
de persoas con discapacidade na empresa tradicional ou en Centros
Especiais de Emprego.
Promocionar, participar e poñer en funcionamento todas as actividades
de carácter cultural e rehabilitador que supoñan unha mellora na
calidade de vida das persoas con discapacidade.
Na procura da consecución destes obxectivos, durante o ano 2011, ao
igual que nos anteriores, realizáronse diversas actividades e prestáronse
servizos ás persoas con discapacidade do entorno de actuación. Téntase
ofrecer alternativas diversas que poidan mellorar ou facilitar a vida dun
colectivo cheo de necesidades.
Sen embargo, e xa como se fixo durante os anos anteriores, algunhas das
actividades postas en marcha, teñen capacidade para atender ou prestar
o servizo a máis persoas das inscritas nun momento determinado, polo
que, dende AVANTE, facilitamos que persoas que sen ter recoñecida
unha discapacidade, si precisan do servizo ou da atención, poidan
participar nas mesmas.
3.- Servizo de Información e Asesoramento Trátase dun servizo dirixido, tanto ás persoas con discapacidade e as
súas familias, como a profesionais e administracións relacionados/as có
mundo da discapacidade, así como á sociedade en xeral. Calquera persoa
física ou xurídica pode achegarse ao mesmo para facer unha consulta.
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
4
Este servizo conta cun horario de mañá (10,00h-14,00h) e tarde (15.00h-
17,00h).
A este servizo de asesoramento a posteriori, é dicir, por iniciativa do
consultante, é preciso engadirlle que a Asociación periodicamente
informa aos socios das distintas novidades que se van producindo en
calquera tema que estea relacionado coa discapacidade: axudas técnicas,
económicas, ocio, normativa...
As consultas son xestionadas polo responsable do Centro, ofrecendo unha
resposta no momento cando así é posible ou ben pasando a consulta aos
servizos especializados de COGAMI segundo a área de actuación a que se
refira a propia consulta.
Por outra parte tamén cabe mencionar as reunións cos técnicos da
COGAMI.
4.- Actividades de Sensibilización Social Teñen por obxecto dinamizar á poboación xeral, aos colectivos de persoas
con discapacidade e ás administracións públicas implicadas nas
necesidades das persoas con discapacidade.
4.1 Campaña de promoción do asociacionismo: Para o 2011 a necesidade primordial neste punto non era medrar en
número de socios, que tamén é importante pois a evolución dos asociados
tamén permite valorar a “saúde” da entidade.
O eixe da nosa actuación centrouse en dous aspectos:
o Darlle estabilidade as actividades desenvolvidas durante o 2010 e
que tiveron unha boa acollida e demanda.
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
5
o Tentar por en marcha ou ampliar esas actividades tal e como se
verá máis adiante, tendo como un dos obxetivos principais o
remate do proxecto da vivenda tutelada.
4.2 Campaña de Voluntariado Dende setembro do 2.002 AVANTE está rexistrada como entidade
prestadora de Voluntariado no rexistro xeral do Servizo de Voluntariado
da Consellería de Asuntos Sociais da Xunta de Galicia.
Entre as actividades relacionadas có voluntariado están:
Entrevistas cos voluntarios que demandan información: 1
Visitas a usuario/as e voluntarios/as no lugar onde se desenvolve a
actividade, tanto para tarefas de seguimento, como para valorar
necesidades de voluntariado
Reunións internas para o desenvolvemento de programas: 2
Reunións cos coordinadores de voluntariado da Cogami para a
posta en marcha e mantemento dos programas. 1
Dentro deste programa existen xornadas de voluntariado puntual
(Pescadubra, excursións, Festivante..) e outras actividades que requiren
un apoio mais extenso entre as cales destacan as seguintes:
Educación de adultos:
Durante este ano contamos cunha persoa que de xeito voluntario vén
unha tarde á semana para apoiar na actividade de alfabetización básica.
Ademais de aproveitar a súa predisposición aproveitamos a súa
experiencia previa, pois trátase dunha mestra xubilada. Grazas a esta
colaboración conseguimos reducir a ratio de usuarios por monitor de xeito
que o traballo é máis personalizado. Entre outros aspectos refórzanse as seguintes cuestións:
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
6
Mellora da lectura. Practicando a lectura en voz alta traballa a
capacidade de lectura como eixe de calquera aprendizaxe posterior
e medio de relación có entorno (importante fonte de información).
Potenciación da comprensión. Hai usuarios que saben ler, pero non
teñen capacidade de comprensión do texto lido, así o que se busca é
que a base de textos pequenos sexan capaces, ou cando menos que
o intenten, sintetizar o lido, ben por escrito, ben de xeito oral
diante do grupo.
Capacidade de expresión. A mellora na lectura e na comprensión
incide directamente na mellora da capacidade de expresión e
axuda a enriquecer as expresións e o vocabulario que se manexa.
Potenciación da escritura. Despois de ler un texto póñenselle
preguntas para que sexan contestadas por escrito.
Realización de crucigramas sinxelos.
Tarefas de razoamento lóxico matemático. Téntase potenciar o
cálculo e a destreza matemática a través de operacións ou de xogos
con moedas de euro, o reloxo,...
Ximnasia de mantemento e psicomotricidade:
Contamos cunha voluntario, Licenciado en INEF, que colaborou nas
actividades de ximnasia de mantemento e psicomotricidade. A súa tarefa
consistiu en apoiar e reforzar o traballo do monitor permitindo unha
atención máis específica a cada un dos 26 usuarios, ademais de participar
na supervisión e apoio durante as duchas no vestiario dos homes.
A súa dedicación horaria foi o tempo que ten de duración a actividade, é
dicir, martes e xoves de 10:30 a 12:30.
4.3.- Participación en actos da comunidade Avante é membro da Asociación Terras de Compostela, fundada
para a xestión dos fondos Leader do Grupo 24. No 2010 o
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
7
representante de Avante entrou a formar parte de Xunta
Directiva.
Participación na feira multisectorial das Feiras de Abril (2 e 3) de
Val do Dubra cun stand para exposición e venda dos produtos que
os usuarios fan nos talleres do Centro de Recursos.
Participación na feira do champiñón en Ordes (16 e 17 de abril)
cun posto no que ademais de poñer a venda os produtos elaborados
ofreceuse orientación e información sobre o Centro de Recursos.
No mes de xullo os usuarios do Centro de Recursos participaron no
programa da TVG “A Revista” dentro dun especial titulado
“Famosos e voluntariado” no cal colaborou o presentador Roberto
Vilar. Dentro do programa fíxose unha demostración do traballo
que se fai nos diferentes talleres do centro.
Participación na carpa “máis que capaces” de A Coruña (decembro
2011) co préstamo de material para exposición e venda.
4.4.- Concerto de colaboración Asociación Avante-FESAN: O mes de outubro ambas entidades asinaron un convenio de colaboración
polo que durante os meses de novembro e decembro, a AVANTE lle foi
asignado como entidade colaboradora unha alumna en prácticas do ciclo
medio de FP especializado en atención sociosanitaria.
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
8
5.- Actividades de Saúde 5.1.-Fisioterapia
Esta actividade vense desenvolvendo dende o ano 2006, data na que se
destinou unha das dependencias do centro como Sala de Recuperación
Física e xa se puido pór en marcha un programa de fisioterapia estable e
continuado. Como resultado durante o ano 2011 ofrecemos ás persoas con
necesidades neste senso un programa de atención individualizado moi
valorado polos usuarios.
A actividade execútase os luns, mércores e venres en horario de 10:00 a
12:00 no centro de Niveiro onde contamos cun espazo destinado única e
exclusivamente para esta actividade e que ten a equipación mínima para
poder desenvolver a actividade nunhas condicións apropiadas. Servizo
que se complementa ademais con sesións nos domicilios particulares de
aqueles usuarios que teñen dificultades para desprazarse ata o Centro de
Recursos.
Beneficiáronse desta actividade 26 usuarios dos cales 16 foron persoas
con discapacidade e 10 sen ela. Ao igual que noutras actividades,
ofrecemos esa posibilidade cando o servizo non está ao límite da súa
capacidade, coa excepción que na cota que se cobra non se contempla o
desconto da parte que a entidade cobra, nalgúns exercicios, das
subvencións dirixidas a financiar parte de dito servizo.
5.2.-Natación Terapéutica A actividade de natación terapéutica supón unha continuidade no servizo que
vimos prestando dende o ano 2.003 na piscina municipal de Santa Comba e
Ordes ,nesta última só durante o primeiro trimestre do ano.
Os obxectivos plantexados son, entre outros:
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
9
Apoiar ás persoas con discapacidade para que a prestación de servizos
de rehabilitación non lle ocasione desaxustes na súa situación
económica ou limite a súa atención.
Deter ou minorar os procesos dexenerativos.
Potenciar as capacidades residuais.
Loitar contra as secuelas da inactividade.
Facilitar as relacións interpersoais deste colectivo social, xa que hai
persoas que teñen limitadas as súas relacións ao entorno familiar.
Estimular as posibilidades de movemento e a autonomía persoal
en relación a cada discapacidade.
Desenrolar posibilidades de ocio e recreación activa nun ambente
de disciplina consciente e autocontrol, respectando as normas de
hixiene e seguridade na actividade física.
No caso da piscina de Santa Comba o programa desenvolveuse os mércores de
17:00 a 17:45 e os venres de 19:15 a 20:00 nos meses de xaneiro a xuño e de
outubro a decembro. Sendo 12 as persoas que asistiron con regularidade no
primeiro semestre e 8 no último trimestre do ano.
Xunto a estas actividades, o programa de saúde e recuperación esta
conformado polas actividades de ximnasia e psicomotricidade e logopedia. Por
motivos de non ser repetitivos, cítanse no apartado de actividades do Centro
de Recursos.
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
10
6.- Actividades de Ocio 6.1.- Xornada de Pesca Adaptada Como en anos anteriores este tamén celebramos a xornada de pesca
adaptada na que participan persoas con discapacidade de centros de toda
Galicia. A actividade que organízase de xeito conxunto entre Avante e a
Asociación de pescadores O Ranqueiro de Val do Dubra este ano
celebrouse o 4 de xuño.
Obxectivos:
- Participar nunha actividade de ocio ao aire libre.
- Concienciarse da necesidade de coidar os espazos naturais.
- Ampliar o círculo de relacións sociais.
Pola mañá, despois da recepción dos convidados na propia área recreativa
de Bembibre na cal se desenvolve a xornada, e despois do reconto dos
participantes procedeuse ao reparto das canas. Unha vez situados nos
lugares de pesca (adaptados para todo tipo de discapacidade) 33
voluntarios encargáronse de preparar os cebos, dar as indicacións
necesarias para efectuar a pesca e axudar a retirar as pezas pescadas.
Todas as persoas participantes remataron a xornada con algunha peza.
Despois de pescar celebrouse unha comida de confraternización onde se
puido degustar empanada e churrasco. A comida foi servida polos
voluntarios e membros da entidades organizadoras. Ao remate da comida
comezouse o baile que prolongouse durante case dúas horas.
A actividade continúa a ser unha das máis esperadas polos usuarios e
ano tras ano vimos comprobando que as entidades que participan esperan
repetir na seguinte edición. Deste xeito sempre contamos cun alto nivel
de participación chegando este ano aos 170 pescadores ademais dos que
acudiron como meros espectadores.
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
11
6.2.- Excursion de Socios 2011: Como xa ben sendo habitual este ano, de novo, organizouse unha
excursión tanto para os usuarios como para o resto de socios de Avante.
A data escollida foi o 9 de xullo, a excursión foi a través de diferentes
pobos da xeografía galega (Corcubión, Cee, Finisterre, Muxía, Vimianzo)
onde, ao longo de todo o día (9 de xullo) visitamos diferentes puntos de
interese cultural como son as cascadas do Ézaro, o faro e museo de
Finisterre, o momumento a pedra de Muxía, o Castelo de Vimianzo etc..
A xornada, na que participaron 47 persoas tamén contou cunha comida
de confraternización nun restaurante da zona.
6.3.-Cea de Socios de Avante Coma todos os anos, o 2 de decembro, celebramos a xa tradicional cea de
Nadal. Participaron tanto socios de Avante como familiares dos mesmos.
Esta é unha boa oportunidade para coñecerse e interactuar. Asistiron 47
persoas, as cales desfrutaron dunha xornada agradable e amena.
6.4.- Festivante ´11 O 16 de decembro 26 usuarios do Centro de Recursos de Niveiro
celebraron o cuarto festival de Nadal consistente nun espectáculo con
diversos números: humor, baile, teatro,... Como en anos anteriores
contouse coa colaboración dun grupo de rapaces da zona que participaron
cos seus propios números de humor.
O festival celebrouse no Salón de Actos do Auditorio Municipal de Val do
Dubra. Un ano máis as familias quedaron sorprendidas polo resultado e
valoraron os progresos feitos dende que se iniciou a actividade.
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
12
7.- Centro de Recursos para Persoas con Discapacidade de Niveiro O Centro de Recursos de Niveiro é un espazo homologado pola
autoridade competente da Xunta de Galicia como Centro de Día e Centro
Ocupacional, con capacidade en cada unha das homologacións para 20
prazas.
As actividades principais desenroladas ao longo do ano 2011 foron as
seguintes:
7.1.-Formación de adultos Na teoría a actividade de formación de adultos divídese en tres niveis
diferentes, e suponse que cada un deles é necesario para acceder ao
seguinte. Estes tres niveis son:
Nivel I: Adquirir coñecementos básicos de lecto-escritura, conceptos
matemáticos básicos, destrezas manuais e habilidades básicas de
socialización.
Nivel II: Promover o desenrolo integral das persoas, potenciando todo
tipo de capacidades non só as cognitivas ou intelectuais, senón tamén
as que fan referencia á inserción social, o equilibrio persoal ou ás
afectivas e de relación social.
Nivel III: Actualización da formación básica e facilitar o acceso ós
distintos niveis do sistema educativo.
Na práctica trabállase cos dous primeiros niveis e ao mesmo tempo
téntase ir introducindo algúns temas de actualidade ou interese xeral que
sirvan para ampliar os coñecementos das persoas que se encadran no
segundo.
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
13
Así mesmo realizamos outras actividades complementarias como poden
ser:
Visitas culturais
Habilidades comunicativas: prácticas con xogos de rol
Desenrolo do pensamento crítico: análise de noticias dos medios de
comunicación
Valoración/Habilitación profesional: tanto na adquisición de
técnicas profesionais, como de hábitos e habilidades que posibiliten
un desenvolvemento persoal e profesional o máis completo posible
Formación para o lecer, o tempo libre e a participación social : no
desempeño de habilidades sociais e comunicativas básicas.
Promoción persoal das persoas participantes na medida do posible.
Implicar ós pais e titores neste proceso educativo, orientativo e de
toma de decisións para acadar uns resultados o máis satisfactorios
posible tanto para o alumno como para o seu entorno inmediato ou
microentorno.
Esta actividade desenrolouse dende o 4 de xaneiro de 2011 ata o 30 de
decembro de 2011 de luns a venres en horario de 10:30 a 14:00, cun
descanso de 30 minutos. A actividade complementouse có apoio da
voluntaria os luns pola tarde (15:15-17:30).
Durante o 2011 beneficiáronse deste programa 26 usuarios dos sete
concellos nos cales actúa a entidade
7.2.-Taller de manualidades Esta actividade pretende desenrolar aprendizaxes manipulativos básicos
que sirvan de complemento na formación dos usuarios, centrándose
principalmente na capacidade creativa e no manexo de diferentes
utensilios e materiais.
Os principais obxectivos da actividade son os seguintes:
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
14
1.- Favorecer o desenvolvemento da motricidade fina e a coordinación
óculo-motriz.
2.- Potenciar a expresión artística.
3.- Favorecer a experimentación con diversos materiais.
Xunto a estes puntos a actividade contempla a práctica de diferentes
procesos que favorezan o tratamento de materiais noutros talleres
ocupacionais (por ex. Corte e cosido para coser coiro nese taller).
Entre as actividades realizadas están as seguintes:
Recortación con tesoiras
Fixación de materiais con pegamento e cintas adhesivas
Debuxo e pintura
Cosido
Traballos de fomento da reciclaxe e reutilización de materias
Traballo con papel maché.
Traballo con pasta de modelado.
A data de inicio foi o 3 de xaneiro de 2011 e a de remate o 30 de decembro
do 2011. O horario no que se levou a cabo a actividade foi o seguinte:
martes e xoves de 13:00 a 14:00 e de 15:15 a 17:30. O número total de
persoas que participaron na actividade foi de 26.
7.3.-Taller de coiro Có taller de coiro os usuarios experimentan o desenrolo dunha actividade
de tipo artesanal na que poden comprobar os resultados do seu traballo
nun espazo curto de tempo, xa que téntase, na medida do posible, que
participen en procesos completos para mostrarlles a súa capacidade para
“fabricar” un obxeto útil ou decorativo (pulseiras, marcapáxinas,
chaveiros,...) partindo dunha peza de coiro. Este feito favorece e estimula
a motivación polo traballo e pola aprendizaxe dos usuarios.
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
15
Aínda que o obxectivo xeral do taller é “coñecer o proceso de elaboración
dun produto de coiro e levalo á práctica” o feito de desenvolver unha
actividade de carácter ocupacional favorece a adquisición doutras
habilidades esencias de cara a unha posible integración socio-laboral:
traballo en equipo, respeto polas normas, cumprimento dos horarios,
asimilación das obrigas, relacións interpersoais baseadas no respeto,
aceptación das diferenzas entre persoas,...
Na posta en práctica do taller de coiro dividimos o proceso de elaboración
dos artigos nos seguintes subprocesos:
1.- Obter pezas de coiro mediante patrón
2.- Recortar as pezas de coiro
3.- Coser as pezas
4.- Pegar
5.- Facer os buratos
6.- Colocar o broche
7.- Decorar a peza con debuxos
8.- Repuxar
9.- Troquelar
10.- Teñir
11.- Vernizar e hidratar
12.- Colocar o abaloiro
13.- Colocar o enganche nos pendentes
O taller comezou o 3 de xaneiro do 2011 e rematou o 29 de decembro do
2011. O horario que tivo foi luns e mércores dende as 10:30 ata as 14:00,
cun descanso de 12:00 a 12:30 e dende as 15:15 ata as 17:30. E venres
pola maña no mesmo horario.
Asistiron á actividade 25 persoas usuarios de Centro de Recursos de
Niveiro.
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
16
7.4.-Taller de encadernación Esta actividade pretende fomentar aprendizaxes manipulativas que
sirvan de complemento na formación dos usuarios, centrándose no
desenvolvemento dunha actividade que contribúese a mellora das
capacidades e habilidades cognitivas, socias e prelaborais.
O traballo diario reflíctese no desenvolvemento de dous actividades
principais:
1.- Elaboración de materiais, tanto papel reciclado como papeis
decorativos.
2.- Encadernación, xa sexa empregando a ferramenta propia do taller
como a encadernadora e os espirais, ou de forma artesanal onde os
usuarios cosen a man libretas, axendas, albumes de fotos,...
Da actividade beneficiáronse 24 persoas divididas en varios grupos,
comezando o 3 de xaneiro de 2011 e rematando o 30 de decembro do
mesmo ano. O horario que se lle asignou foi luns,xoves,mércores e venres
de 10:30 a 14:00 (media hora de descanso) e de 15:15 a 17:30; martes só
en horario de maña.
7.5- Taller de horticultura e viveirismo O taller de horticultura e viveirismo é o de maior carácter laboral. Nel
espérase que os usuarios adquiran as habilidades e destrezas básicas de
traballo en horta e con prantas, tanto dentro do invernadoiro como ao aire
libre. Isto concrétase no coñecemento dos ciclos de cultivo e as técnicas e
coidados que as diversas prantas e hortalizas precisan (semillado, riego,
abono, desherbado, recollida,...).
Ao igual que o resto de talleres a aprendizaxe da actividade axuda, de xeito
transversal, na adquisición de habilidades pre-laborais sen as cales non pode
propoñerse a integración laboral destas persoas, xa sexa en emprego
ordinario ou en Centro Especial de Emprego.
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
17
A actividade desenvolveuse dende o 3 de xaneiro ata o 30 de decembro de
2011 no seguinte horario: luns, mércores e venres de 10:30 a 14:00 (descanso
de 12:00 a 12:30) e martes e xoves de 13:00 a 14:00. E polas tardes de luns a
xoves de 15:15 a 17:30.
Beneficiáronse da actividade 17 persoas usuarias do Centro de Recursos.
7.6.-Taller de habilidades socias O taller de habilidades sociais é unha actividade máis que ia
complementar as aprendizaxes dos usuarios. Neste caso o eixe central da
actividade non eran as habilidades manipulativas senón que íase centrar
en habilidades de relación social: empatizar có interlocutor, manter unha
conversa onde haxa diferentes puntos de vista, recoñecer a linguaxe no
verbal, facer peticións e rexeitamentos,... baseándose,principalmente, en
xogos de roll-playing.
Organizáronse grupos de non máis de 5 persoas que participaron na
actividade al menos 2 sesións semanais dentro do horario establecido:
luns, mércores e venres de 10:30 a 14:00 (con media hora de descanso),
martes e xoves de 13:00 a 14:00. E tardes de luns a xoves de 15:15 a
17:30. Sendo un total de 26 persoas as que se beneficiaron da actividade
que se iniciou o día 3 de xaneiro e rematou o 30 de decembro.
7.7.-Informática A actividade de informática orientouse á familiarización e o achegamento
das novas tecnoloxías aos usuarios que estiveron interesados nela.
Revisáronse coñecementos básicos como: encendido e apagado do
ordenador, creación de carpetas, uso dun procesador de textos (neste caso
Word) e búsqueda de información na Internet. Aproveitouse para
introducir xogos que dun xeito lúdico traballaran aspectos como: cálculo
matemático, representación espacial, coordinación óculo-motriz, lecto-
escritura, expresión escrita,...
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
18
Ao longo do ano (dende o 4 de xaneiro ata o 28 de decembro de 2011) 8
persoas acudiron a actividade os mércores en horario de 15:15 a 17:30. Ao
que se engadiu un segundo grupo de 4 usuarios máis os martes no mesmo
horario.
7.8.-Programa de “Afectividade e Autocoñecemento” O programa de “Afectividade e Autocoñecemento” é un programa de
formación, tanto para as persoas con discapacidade como para as súas
familias, que por segundo ano consecutivo levouse a cabo na comunidade.
Foi promovido por Cogami e levado á practica polos profesionais dos
Centros “Quérote” da Xunta de Galicia en colaboración cun monitor do
centro.
Baseado nunha metodoloxía de discusión grupal introducíronse conceptos
e explicáronse contidos relacionados coa sexualidade, o corpo, a expresión
de sentimentos, a saúde, as prácticas eróticas, a afectividade...
A actividade desenvolveuse en 6 sesións de traballo cunha duración de 2
horas cada unha delas, no caso dos usuarios e 3 sesións para as familias.
Comezou no mes de febreiro e rematou no mes de xuño.
Nesta actividade participaron 17 usuarios do Centro de Recursos Niveiro.
7.9.-Ximnasia de Mantemento
A actividade de ximnasia de mantemento ofrece aos usuarios un marco
onde poder levar á práctica unha actividade física baixo o control e a
supervisión dun fisioterapeuta. Do mesmo xeito que a activade física
reporta beneficios de saúde a calquera persoa que a practique (beneficios
a nivel pulmonar, cardiovascular, metabólico, del sistema nervioso,...) a
ximnasia de mantemento axuda conseguir isto e a romper có
sedentarismo que sofren a maioría das persoas que acoden ao centro, ao
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
19
tempo que se ralentizan as consecuencias negativas do paso do tempo que
nas persoas con dificultades motoras soen agravarse especialmente.
A data de inicio foi o 4 de xaneiro do 2011 e prolongouse ata o 27 de
decembro. Realizándose en horario de 11:30h-12:30h da mañá os martes e
xoves no pavillón polideportivo de Val do Dubra e compleméntase con
outras actividades como camiñadas polos arredores ou partidillos entre os
compañeiros.
7.10.-Psicomotricidade Esta actividade está pensada para complementar a de ximnasia de
mantemento. Por iso, dende un enfoque terapéutico e baseándose no
movemento do corpo trata de incidir tanto no desenvolvemento motriz
como cognitivo da persoa. De maneira que é básico o traballo de aspectos
como: representación do esquema corporal, lateralidade, representación e
orientación espacial, control tónico-postural, control da respiración,
relaxación…
A actividade comezou o 4 de xaneiro e rematou o 27 de decembro do 2011.
O horario da mesma foi de 10:30 a 11:30 os martes e os xoves e
implementouse no Pavillón Polideportivo de Bembibre (Val do Dubra).
Durante o ano participaron nela 26 persoas todas elas usuarias do Centro
de Recursos de Niveiro.
7.11.-Golf Adaptado Ao igual que o ano anterior, este tamén participamos no programa de Golf
Adaptado que O Real Aeroclub de Santiago desenvolve para persoas con
discapacidade dende o ano 2006. Nel ademais de ensinar o protocolo propio do
deporte (vestiario, comportamento no campo, comportamento nos espazos de
adestramento, respeto polo orden e as normas do xogo,...) favorécense outros
aspectos coma atención/concentración, control postural, propiocepción e
representación espacial.
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
20
O programa desenrolouse os martes de 11:00 a 12:30 nas instalacións do
Aeroclub, comezando o 11 de xaneiro ata o 28 de xuño. Retomouse no mes de
setembro ata final de ano.
No programa participaron os mesmos 6 usuarios que xa o fixeran o ano
anterior de xeito que o monitor puido comprobar os progresos persoais de
cada un.
7.12.-Eventos relacionados coa saúde e o deporte Neste senso a entidade participou en un acto relacionado có deporte e as
actividades físicas, aínda que tamén, pola súa natureza, poderíase definir
como de inclusión social, decidimos incluílo neste apartado para non
acadar un documento extenso e onde a información apareza duplicada e
cargada de literatura de recheo.
A xornada foi celebrada na Serra de Outes o 15 de novembro e organizada
polo Centro de Recursos de Valadares. Xunto con outras catro entidades 17
persoas usuarias do Centro de Recursos de Niveiro disfrutaron ben como
xogadores, ben como espectadores.
7.13.-Logopedia Na actividade de logopedia traballase de xeito individual na habilitación
e rehabilitación da linguaxe e trastornos da fala, así coma no fomento da
comunicación a través de sistemas alternativos ou compensatorios da
linguaxe oral. O feito de desenvolver o traballo en sesións individuais
permite axustar os contidos ás características de cada un.
O traballo desenvolveuse os luns, mércores e venres de 10:30 a 14:00
(descanso de 12:00 a 12:30) en catro sesións de 45 minutos cada unha,
comezando o 4 de xaneiro e rematando o 29 de decembro de 2011.
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
21
Os criterios para a participación na actividade foron a necesidade que a
coordinadora pedagóxica xunto coa propia logopeda valoraron nos
usuarios e as posibilidades reais de aproveitamento da activide; seguindo
dito criterio 7 persoas foron os usuarios do Centro de Recursos que se
beneficiaron do servizo.
7.14.- Actividades de Ocio 7.14.1.- Entroido ´11. O venres 4 de marzo celebramos o Entroido disfrazándonos de
vampiros cos disfraces que se fixeran no taller de manualidades.
Aproveitamos para saír a pasear por Bembibre e rematamos a
xornada tomando un refresco no bar da Casa de Cultura.
Obxectivos:
- Coñecer os costumes da cultura popular galega.
- Integrarnos na vida do pobo ao que pertence noso centro.
- Disfrutar dunha xornada lúdica.
Na realización dos disfraces empregamos bolsas de lixo e cordas para
facer a roupa e cartolinas, goma elástica e pinturas para facer as
caretas.
Foron beneficiarios da actividade 22 persoas usuarias do Centro de
Recursos de Niveiro os cales estiveron acompañados por 6
profesionais do centro.
7.14.2.- Visita a Cidade da Cultura. O 13 de abril participamos nunha visita guiada na Cidade da Cultura
(Santiago de Compostela) onde nos amosaron as instalacións e as
diferentes exposicións.
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
22
Obxectivos:
- Coñecer outras formas de pasar o tempo de lecer.
- Participar en actividades de ocio normalizado.
- Interesarse por aspectos da cultura cotiá.
Na actividade participaron 21 persoas todas elas usuarias tanto do
Centro de Día como do Centro Ocupacional de Avante. Para poder
leva-la a cabo contamos con 4 profesionais do centro e coa axuda de 2
voluntarios que facían ao igual que os monitores labores de
acompañante. Deste xeito a ratio de usuarios por monitor foi mais
pequena e polo tanto, a actividade fíxose con máis seguridade e maior
tranquilidade.
7.14.3.- Partido de fútbol benéfico. O domingo 29 de maio celebrouse un partido de fútbol benéfico a
favor da Asociación AVANTE. Enfrontáronse dous equipos formados
por xogadores de equipos da zona e un combinado de famosos.
Nesta actividade 19 usuarios do centro e os seus familiares asistiron
como espectadores ademais de 7 profesionais do centro que fixeron as
labores de acompañante.
Obxectivos:
- Participar nunha actividade de ocio normalizado.
- Disfrutar dun espectáculo deportivo.
- Ampliar o círculo de relacións sociais.
A actividade tivo unha gran acollida tanto por parte dos usuarios
como do publico en xeral. Antes de comezar o partido leuse un
discurso a favor das persoas con discapacidade. No tempo de descanso
fíxose unha rolda de penaltis soidaria na que calquera persoa do
público podía lanzar un penalti en contra do equipo dos famosos e
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
23
aqueles que conseguían anotar percibían de premio material
elaborado polos usuarios do Centro de Recursos de Niveiro.
7.14.4.- Xornadas de piscina. Os días 15 e 29 de xullo acudimos á piscina municipal de Val do
Dubra có obxectivo de ter unhas xornadas de lecer ó aire libre antes
de coller as vacacións de veran.
No recinto da piscina os que quixeron disfrutaron do baño mentres os
que así o preferiron descansaron á sombra. Xantamos empanada e
bocadillos no mesmo espazo para aproveitar ambos días o máximo.
Resultaron unhas xornadas moi divertidas, especialmente para
aqueles que habitualmente non van á praia nin á piscina coas
familias.
Participaron na actividade 24 persoas que estiveron acompañadas de
3 voluntarias e 7 monitores.
7.14.5.-Magosto ´11 O 21 de outubro como xa ven sendo habitual celebrouse a festa do
Magosto. Aproveitouse a oportunidade para desfrutar dunha xornada
de lecer acompañada de castañas e xogos.
Nesta actividade participaron un total de 24 usuarios que estiveron
acompañadas de 2 voluntarias e 8 monitores.
7.14.6.- Festival Internacional de Arte e Discapacidade. O 28 de outubro recibimos a invitación para asistir como espectadores
do “I FESTIVAL INTERNACIONAL DE ARTE E DISCAPACIDADE”
celebrado nas instalacións da Cidade da Cultura (Santiago de
Compostela).
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
24
Obxectivos:
- Participar nunha nova actividade de ocio.
- Coñecer outras formas de pasar o tempo de lecer.
- Interesarse por novas alternativas de ocio.
Na actividade participaron 22 usuarios do Centro de Recursos de
Niveiro. Para poder leva-la a cabo contamos con 5 profesionais e 1
voluntario que facían as labores de acompañante.
7.14.7.- Teatro interactivo para persoas con discapacidade. O 9 de novembro asistimos a unha obra de teatro interactivo para
persoas con discapacidade organizada pola Fundación Blanca
Marsillach. O espectáculo constaba de dúas partes, a primeira
consistía nunha obra na que o papel do público era simplemente o de
espectador e unha segunda parte na que o público interaccionaba
participando como personaxe na obra. Este evento celebrouse nas
instalacións do Centro Galego de Arte Contemporáneo (Santiago de
Compostela).
Obxectivos:
- Coñecer outras formas de pasar o tempo de lecer.
- Potenciar a integración social.
- Disfrutar dun espectáculo cultural.
Na actividade participaron 24 usuarios do Centro de Recursos de
Niveiro. Para poder leva-la a cabo contamos con 6 profesionais que
facían as labores de acompañante.
7.14.8.- Visita a comunidade terapéutica de Proxecto Home. O 28 de novembro realizouse unha visita á comunidade terapéutica
de Proxecto Home situado en As Cernadas (Portomouro). Alí
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
25
asistimos a unha visita guiada a través das instalacións e
participamos en diversos obradoiros preparados para a ocasión.
Obxectivos:
- Disfrutar dunha xornada de ocio.
- Participar nunha actividade educativa.
- Ampliar coñecementos sobre os servizos da comunidade.
Na actividade participaron 22 usuarios do Centro de Recursos de
Niveiro. Para poder leva-la a cabo contamos con 4 profesionais e 3
voluntario que facían as labores de acompañamento, reducindo así a
ratio de usuarios por monitor permitindo así afrontar a actividade
con máis tranquilidade.
7.15.Outros servizos 7.15.1.-Servizo de transporte adaptado O servizo de transporte adaptado permite que os usuarios do Centro
de Recursos poidan asistir diariamente ás actividades. Para realizar
o servizo a entidade conta con tres furgonetas en propiedade e unha
cuarta (Citroën Jumper) cedida por Trameve.
Este servizo encárgase de recoller aos usuarios nas súas casas pola
mañá e levalos de novo unha vez rematadas as actividades. Ademais
de empregalas para os percorridos diarios, con estas furgonetas
realízanse os desprazamentos para asistir ás actividades que se fan
fóra do centro, ou para realizar saídas. Este servizo tamén se pon a
disposicións doutras actividades que poida organizar o centro de xeito
que se facilite o acceso dos usuarios á mesma.
Este servizo complementase co servizo de transporte adaptado da
Xunta de Galicia 065.
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
26
7.15.2.-Servizo de comedor O centro conta cunha cociñeira que diariamente prepara a comida na
cociña do propio centro. Os menús (elaborados por un nutricionista)
sempre contan con primeiro e segundo prato, ademais do postre.
Téntase ofrecer unha dieta equilibrada e nutritiva, polo que se
inclúen todo tipo de alimentos: pastas, legumes, hortalizas, verduras,
carnes, pescados, froitas, lácteos,...
Ata agora non se deu o caso pero existe a posibilidade de facer menús
personalizados para as persoas que por prescrición médica o precisen.
7.16..-Persoal do Centro de Recuros de Niveiro Para por en práctica as actividades que se describen, o Centro de
Recursos de Niveiro conta co seguinte cadro de persoal coas funcións que
se indican.
o 1 Director do Centro de Recursos
o 1 Coordinador de Actividades
o 4 monitores (1 a media xornada)
o 1 psicologa
o 1 cociñeira/conductor
o 1 persoal de limpeza
o 1 coidador
o 1 fisioterapeuta (persoal contratado por prestación de servicios)
o 1 logopeda (persoal contratado por prestación de servicios).
Nos últimos anos, sobre todo a partires do ano 2007 incrementouse de
xeito salientable o cadro de persoal, tentando dispor dun equipo
multidisplinar o máis completo e axeitado aos servizos que prestamos, de
todos os xeitos resulta indispensable que os incrementos sexan
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
27
coherentes e sustentables de cara a poder darlle continuidade e dese xeito
contar con servizos estables no tempo.
De cara ao 2012 a previsión é manter no posible o persoal actual do
Centro.
7.17.-Melloras estructurais durante o ano 2011 No ano 2010 comezamos un proxecto que tiña como fins principais
ampliar o espazo exterior do Centro, pechar con muro e arame todo o
perímetro colocando dous portelos para o acceso. No mesmo proxecto
incluíase unha mellora interior, subsanando problemas de humidade, de
aproveitamento de espazos e reparando problemas máis puramente
estéticos. Este proxecto completouse no ano 2011, período no cal se
colocaron as novas xanelas e portas, se pintaron os interiores, procediuse
a unha redistribución de radiadores de cara a obter unha optimización
enerxética e se realizaron traballos de instalación eléctrica para a
apertura automática dos portelos e a ordenación da instalación no baixo
cuberta.
Para este proxecto contouse co apoia de AGADER e da Deputación de A
Coruña.
Coas melloras realizadas no Centro neste último periodo, soamente nos
resta por realizar a reparación das grietas da fachada e a súa
imprimación con unha pintura impermeable que evite as filtracións de
himidades que aínda quedan.
Dentro das melloras extructurais tamén podemos incluír a adquisición de
5 novos equipos informáticos (CPU, monitor, teclado e rato), un servidor,
unha SAI e un disco duro externo para copias de seguridade. Para este
equipamento contamos con unha axuda da Secretaria Xeral de
Modernización e Innovación tecnolóxica da Xunta de Galicia.
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
28
8.- Proxecto Residencial Continuando na liña de traballo que se iniciou no ano 2008 na que
comezaramos a recoller o pensar de moitas das familias dos usuarios do
centro de recursos que se mostraban preocupadas polo futuro dos seus
familiares en canto a darlle unha resposta axeitada ao problema de
vivenda e atención básica fora do horario de centro no suposto de que por
calquera motivo eles non puideran facerse cargo.
Neste senso, no ano 2009 iniciouse o proxecto coa compra dunha vivenda
e o terreno anexo e a execución da maior parte das obras necesarias para
poder convertir ese espazo nun fogar accesible e funcional para persoas
con discapacidade, así como se adquiriu gran parte do equipamento
necesario para a súa posterior homologación.
Durante o ano 2010 remataronse os últimos detalles das obras (entre eles
o acondicionamento exterior e a reposición completa do teito),
completouse o equipamento e realizouse a acometida trifásica. Por outro
lado, completouse o equipamento de cara a pasar a inspección técnica de
avaliación do centro e poder ter a licencia de apertura. Así, no mes de
decembro de 2010 obtívose por un lado o Permiso de Inicio de Actividades
da Consellería de Traballo e Benestar e por outro a Licenza de Apertura
Muncipal.
Pretendíase a súa apertura oficial a primeiros de 2011, dadas as
circunstancias económicas globais, e a falta de financiación necesaria
para poder abrir, non se puxo en funcionamento ata o mes de outubro.
Grazas a unha subvención de 21.000 euros brindada por La Caixa,
obtívose o financiamento necesario para a súa definitiva posta en
marcha.
Memoria de actividades AVANTE 2011
Declarada de utilidade pública. Orde do 4 de nov. De 2011.DOG de 219 do 16 de novembro de 2011
29
A vivenda tutelada de AVANTE abriuse con dúas liñas de actuación moi
marcadas, a primeira delas centrase na promoción da vida autónoma e a
segunda vai nunha liña mais asistencial.
Para o seu bo funcionamento ampliouse o persoal contratando unha
persoa especifica para a vivenda tutelada, a súa principal función será a
de brindar os apoios necesarios dentro dos diferentes ámbitos dunha vida
independente. Esta persoa contratouse grazas a subvención dos Plans de
Cooperación da Xunta de Galicia.
A finais deste ano son 3 os usuarios que se benefician deste recurso.