JEXUX SENAR - AIPAMEN BEREZIA SARIA
-
Upload
andra-mari-ikastola-etxarri-aranatz -
Category
Documents
-
view
222 -
download
7
description
Transcript of JEXUX SENAR - AIPAMEN BEREZIA SARIA
Sakanako mankomunitateak aipamen bereziaren saria eman dio Jexux
Senarri, gure gazteen artean euskal kirolak sustatzeagatik hainbeste
urtetan eginiko lanagatik
Jexux Senar, 59 urteko unanuarra da, duela urte asko Altsasun bizi bada ere. Aspaldiko
urteetan, Jexux Soin Hezkuntzako irakaslea da Andra Mari ikastolan. Aipatzekoa da
Jexuxek hainbeste urtetan sakanako gazteengan gure euskal kirolenganako zaletasuna
pizteko egin duen lana. Bera izan da Sakanako hainbat belaunalditako gazteak herri
kiroletan eta euskal pilotan etengabe aritzearen arduradun nagusia.
1991an hasi ziren hainbat gazte Andra Mari Ikastolaren izenean Herri Kiroletan parte
hartzen. Urte askotan, haur eta kadeteen
kategorian parte hartu zuen ikastolak, baina
2004tik aurrera, kimuek ere (11-12 urtekoek)
Herri Kiroletan parte hartzeko aukera izan
zuten.
Jexuxen eskutik, txapelketa askora aurkezten
dira urtero gure gazteak: Sakanako Herri Kirol
Topaketa, Nafarroako herri ezberdinetan
ospatzen den 4X4 sokatira txapelketa,
Nafarroako kadeteen arpan txapelketa, San
Ferminetan urtero ospatzen den Herri
kiroletako kimuen jaialdia…
Honetaz gain, eta euskal kirolenganako maitasuna gure bailarako gazteengan sustatzeko
nahi horren harira, Jexuxek 17 urte daramatza Altsasuko Pilotajauku pilota eskolan adin
guztietako ume eta gazteak entrenatzen. Benjaminetako, alebinetako, infantiletako,
kadeteetako, jubeniletako eta afizionatutako hainbat belaunaldi pasa dira bere eskuetatik.
Jexuxen dedikazioa erabatekoa da. Izan ere, bere lan orduetatik kanpora hainbat eta hainbat
ordu eskeintzen baitizkie adin guztietako umeei Herri Kiroletan aritu ahal izateko Herri
Kiroletako eskolaz kanpoko jardueretan. Gauza bera pilota entrenamenduei dagokionean.
Astean zehar entrenatzen, eta asteburu asko eta askotan, kotxea hartu eta hainbat ume
Nafarroako hainbat puntutara eramanez, gure bailarako gazteek geure euskal kiroletaz
gozatzeko aukera izan dezaten.
Hau guztia dela eta, Sakanako mankomunitateak Jexuxen kirol ibilbideari aipamen
berezia eman dio, gure gazteen artean euskal kirolak sustatzeko eginiko lan
guztiagatik.