Harrobia
-
Upload
kazetaritza-diseinuaren-printzipioak -
Category
Documents
-
view
229 -
download
8
description
Transcript of Harrobia
HARROBIAHerri hilabetekaria
2009ko abenduaXVI. alea
g
Zuek egiten duzuelako posible...Zuek gabe ezingo delako egin...
Egin zaitez harpidedun!Eta lagun iezaguzu harrobia aurrera ateratzen!
Deitu: 943 147 534
Gurutzeaga (kultur etxea)
ATARIKOA
Kaixo adiskideok!
Iada iritsi zaigu abendua, eta abenduarekin batera azaroaren errepasoa egiten duen Harrobia zuen
etxeetara iritsi da. Hainbat gai jorratu nahi izan ditugu ale honetan, eta nahiz eta nahi genuen guztia
ezin izan dugun sartu, hurrengo hilabeteko hogei orrialdeak ere hor dauzkagu.
Hilabete honetan, pasa diren 15 aleetan argitaratu ez ditugun eta argitaratu beharrekoak zirela uste
dugun hainbat gai sartu ditugu.
Lehen lau orrialdeetan, komunikabideetan dabiltzan herritarren berri ematen dugu. Harrobian, ka-
zetaritza lana egiten dugularik, garrantzitsua iruditu zaigu gure herrian mundu honetan lanean ari
direnen berri zuei ematea. Batzuk ezagunak egingo zaizkizue, telebistako pantailan ikusten dituzue-
lako edo, baina komunikabideetan ezkutuko lan asko egiten da.
Horrez gain, aurreko alean Gundestrak taldearen ibilbidearen berri eman genizuen bezala, oraingo
honetan Children Off The Grave taldeari egin diogu tartea.
Azaroan Euskal Herriko Gazte Topaketak herrian izan ditugula eta, horiei ere egin diegu tartea.
Gabonei begira, Maria Luisa Agirre eta Mari Karmen Muguruzaren errezetak ere badituzue; mahai
inguruan biltzen direnak liluratuta utziko dituzue jakiekin!
Eta hain tarte gutxi egiten zaion, baina hain interesgarria iruditzen zaigun historia sartu nahi izan
dugu ale honetan, Zestoaren historia, hain zuzen. Zerbait berria ikasiko duzuelakoan, eta alea gus-
tuko egingo zaizuelakon... hurrengo alera arte agurtzen gara!
Aurkibidea-Herritarrak hedabideetan: 4,5,6 eta 7
-Musika, Children Off The Grave: 8 eta 9-Iritzia, AHT: 10-Sukaldea, errezetak: 11-Gazteak, Euskal Herriko topaketak: 12 eta 13-Auzoak, herriaren historia: 14 eta 15
Zuzendaria: Nerea Odriozola
Idazkaria: Maitrane Aizpuru
Erredaktore taldea: Aimar Etxeberria, Araitz Muguruza, Amaiur Aristi eta Janire Diaz
Inprimategia: GERTU
e-posta: [email protected]
3
Herritarrak hedabideetan
EZ DAKIGU USTE BAINO GEHIAGO ALA GUTXIAGO GAREN, BAINA ZESTOAR KAZETARI,DO-
KUMENTALISTA ETA KOMERTZIAL SORTA DABILTZA KOMUNIKABIDEETAN LANEAN; BE-
RRIAN, EUSKADI IRRATIAN, EITB, ARGIAN... ZERTAN DABILTZAN GALDETU DIEGU.
Hamasei bat urte daramatza Mi-
kelek Euskaldunon Egunkarian
eta Berrian. Kulturaz idazten aritu
da asko, baina azken urtebetean
gutxi idatzi du. Erredakzioko zu-
zendaritzan dabil, zuzendariorde
lanetan. Horrek esan nahi du
egunero elkartzen dela beste zu-
zendari ordearekin eta sailetako
erredaktoreburuekin, eta ilunt-
zean errotatibara bidaliko duten
egunkariko orrialdeen banaketaz
arduratzen dela. Hau da, ekono-
miako, politikako, kulturako... sai-
letako buruekin elkartu eta
ikusten dute zein gai dituzten
esku artean. Garrantziaren ara-
bera orrialde kopuruak zehazten
dituzte: ekonomiari hiru, kirolari
bost... “negoziatu” egin behar
izaten dute egunero. Izan ere,
batzuetan albisteak faltan izaten
dira eta beste batzuetan sobe-
ran. Kazetari izanda gutxi idaz-
teak penarik ez al dion ematen
galdetu diogu: “Kazetari
denoi gustatzen zaigu idaztea,
baina bestelako lanak ere nor-
baitek egin behar ditu. Monoa
kentzeko tartean behin disko kri-
tikak egiten ditut”. Kultura gus-
tatzen baitzaio izugarri, eta batik
bat musika.
Mikel Lizarralde
Elizabeth PomboZortzi urte dira Komunikazio Bi-
ziagoa enpresan lanean hasi
zela. Argiak urtero kaleratzen
duen Euskal Kulturaren Urteka-
rian hasi zen lanean, baina laster
egin zuen salto Internetera. Izu-
garri gustatzen zaio Internet mun-
dua. Hala, orain, argia.com
webguneko edukien arduraduna
da. Bere ardurapean dago egu-
nero Euskal Kulturaren Haria txu-
kun eta garaiz sareratzea, alegia,
prentsako albisteak hustu eta
gero erredaktatzen den albiste
sorta kudeatzea (Exposito aritzen
da horretan). Argia papereko as-
tekaria sarean nola zintzilikatzen
aztoratuta ibili da, argia.com-ek
azal berria estreinatu baitu duela
hilabete eta baita bideoz eta ar-
gazki galeriez osatutako multi-
media kanala ere. Gustura
egindako lanen bat buruan duen
galdetu diogu: “Interneten bide-
oak egiten hasi ginen garaia.
Amets Arzallus eta Txomin
Txueka Boliviatik Evo Moralesi
elkarrizketa eginda etorri ziren
eta haiek ekarritako bideoak
izan ziren argia.com-eko lehe-
nengoak. Ordu piloa sartu ge-
nuen, baina geure buruari
erakutsi genion kapaz ginela bi-
deoak egiteko”.
Onintza Irureta
den ere begi zorrotzez jarraitzen du. Azken aldian
“Hemen asko dakien jendea dagoeta haiei ikasita hasi naiz graba-dora kajoian utzita joaten elkarriz-ketetara”... Onintza ez dalanerako bizi baina lanak bizi du.Pasioa du egiten duenarekiko.Grabadora erabili beharrean ko-adernoa eta boligrafoa erabiltze-aren bentajak kontatzen arituzaio elkarrizketatzaileari; estilo li-buru prestigiotsuek horrela ahol-katzen dutela, lan gutxiago egitendela, parean duzuna lasaiagosentitzen dela... Oraintxe ha-maika urte bete ditu Onintzak Ar-
gian. 97ko udan Pello
Zubiriak Kontxako Bande-
Onintza, eta ipuin marabillosorik
idazten ez zuen arren letrekin
beti konpondu izan omen da
ondo; zenbakiekin baino askoz
hobeto. Pribilegiatua sentitzen
da lanean ematen duen denbora
gehiena idazten ematen due-
lako, jeneralean euskarari buruz
gainera. Pribilegiatua sentitzeko
beste arrazoia da gehien gustat-
zen zaion lekuan egotea: “Niri ez
zaizkit irrati-telebistak gustatzen;
niri papera gustatzen zait, baina
periodiko bateko eguneroko pre-
sioa ere ez da ezkontzen nire
izaerarekin”.
rari buruzko erreportajea eskatuta hasi zen.
Harrezkero pare bat bider berrirakurri omen du
erreportaje hura eta harrituta geratu omen da
“ez delako batere txarra”. Jaiotzez berritsua da4
HERRITARRAK
EGILEA: Janire Diaz
ARGAZKIAK: June Landa
HERRITARRAK
Estitxu Elduaien
“19 urterekin hasi nintzen ka-
zetaritzan, eta orain 31 ditut,
eta buruak eta gorputzak des-
kantsua eskatu dit”. Horregatik
Berria egunkarian eszedentzia
hartu eta kazetaritzaren beste
ikuspegi bat ezagutzen ari da
Estitxu: Azpeitiko Udaleko ko-
munikazio arduraduna da.
“Udal aldizkaria eta webgunea
berritzea izan dira orain arte
egin ditudanak”. Baina postu
berritik kazetaritzaz harago,
eta landutako dokumentazioari
eskerrak (plenoetako aktak,
zerga aldaketak…) herri baten
funtzionamendua nondik nor-
akoa den ikasten ari dela dio.
Estitxuk garbi du “lan hau aldi ba-
terako izango dela”, berez “ka-
leko kazetaritza” gustatzen
zaiolako, eta berriro ere horretara
itzuliko dela uste du. “Beti gus-
tatu izan zait jendearen istorioak
entzutea eta gero kontatzea;
pentsa, bederatzi urterekin era-
baki nuen kazetari izan nahi
nuela”. Ogibidearen miserien ze-
rrenda ere egin digu: “Ez duzu
ordutegi finkorik, etxetik kanpo
pasatzen duzu egun osoa, auto-
arekin batera eta bestera. Gai-
nera, buruarekin lan egiten
duzunez, ez duzu inoiz desko-
nektatzen”.
Olatz Zulaika errotatiban mekanikoak ere bai,
eta horiek denak bezain garrant-
zitsuak dira komertzialak, be-
raiek ekartzen dituztelako
txanponak. “Nik Iragarri-n egiten
dut lan” hasi zaigu Olatz Zulaika.
Iragarri EKTn (Euskarazko Ko-
munikazio Taldea) sartutako pu-
blizitate agentzia da. “Produktu
izarrak” Hitza egunkariak–zazpi
daude Euskal Herrian, urtarri-
lean zortzigarrena- eta Berria
dira. “Gure lana iragarki propo-
samenak egitea da eta dene-
tako bezeroak dauzkagu bai
arropa dendak baita udalak eta
enpresa handiak ere”. Gaur
egun euskara hutsean idazten
diren egunkari bakarrak dira Be-
rria eta Hitza, eta alde horretatik
“harrotasun” punttua ematen dio
bertan lan egiteak. Sarritan aipat-
zen omen diote “jo, ze lan txarra
ez? Beti dirua eskatzen....” Olat-
zek ordea beste ikuspuntua du:
“Guk ez dugu dirua eskatzen; guk
zerbitzu bat ematen dugu, publi-
zitatea egiten duenak ez du egi-
ten laguntzeagatik, bere
komertzioa edo produktuak salt-
zeko baizik”. Poza hartzen duela
dio bezero batek iragarki kanpai-
nari eskerrak jende berria etorri
zaiola esaten dionean. Olatzen
arabera “Hitza egunkariak gertu-
tasuna ematen du”.…argazkilariak ere behar dira,
Maribelen egunak goiz hasten
dira, zazpietan, Bilbora joan
behar izaten duelako, A8an at-
zera-aurrera ibili beharrak ez
dio batere graziarik egiten
baina… Automobilean sartze-
rako hasten da lan eguna, izan
ere "Bilbora ailegatu baino
lehen, irratian entzunda,bada-
kit, ezusterik ez denean
behintzat, gutxi gora behera
nolako egun informatiboa
izango dudan”. Behin erredak-
ziora iritsita errealizaziokoekin
bilera egin, albiste saioa zertaz
(edukia) eta nolakoa (forma)
izango den zehazteko, gaiei
buruz informazioa eskuratu eta
idazten hasi ohi da. Ordube-
teko tartea ere izaten du maki-
llaje eta ile-apaintze kontueta-
rako. EITBk Bilbon orain urte-
bete ireki zuen egoitza nolakoa
den galdetu eta hara zer erant-
zun digun: “Hitz batean, han-
dia”. Bokazioaz ere egin diogu
galdera: “Ez dakit zer den boka-
zioa. Egiten dudana gustatzen
zait, baina oso gustura izango
nuke ogibide liburuekin zeriku-
sia duen lantegi bat, edo Bota-
nika edo landareekin zerikusia
duena edo arkeologia”.
Laneko une gogoangarrienak?
Albiste txarrek utzi dizkiotenak,
“hildako askoren berri eman be-
harra”. Onak ere asko izan
omen dira, “baina ez didate
hain toki handirik utzi gogoan”.
Maribel Aizarna
5
Naiara Exposito
Urtebete darama Komunikazio
Biziagoa enpresan lanean, hau
da, Argia astekaria argitaratzen
duen enpresan, Lasarte-Orian.
Argia astekarian apenas idatzi
duen, baina badaki zer den as-
tekariko eduki guztiak argia.com
webgunean zintzilikatzea. Bere
ardura da astero-astero aldizka-
ria txukun-txukun
sarean jartzea. Saltsa gehie-
neko lana ordea, bestea da, ale-
gia, goizero-goizero egunkari
mordoko albisteak, zeharka ira-
kurriaz, abantadan pasatzea.
Euskal kulturarekin zerikusia
duten notiziak jasotzen ditu eta
egunero argia.com-erako pres-
tatu. Berak aitortu digu munduan
gertatzen denaren arrasto oro-
korra goizero jasotzen duela,
irakurketa azkar horri esker. Kul-
tura kontuak berriz, sakonago
ezagutzen ditu. Durangoko
Azoka dela eta ez dela, musikari
eta idazle piloaren izenak ikasi
ditu. Eta kultura gaiekin segituz,
Argiak urtero argitaratzen duen
Euskal Kulturaren Urtekarian
buru-belarri ibiltzen da. Artiku-
luak idazten berriz, argia.com-en
aritzen da. Hainbat gai jorratu du
bere erreportajeetan, baina kut-
tunena Sahara du, eta aitzakia
aurkitzen duen orduko Afrikako
herrialde horretaz idazten du.
Jon Artano Bertsozale Elkartetik deitu zio-
ten Hitzetik Hortzera telebista
saioko zuzendari izateko. Zu-
zendariak zer egiten duen gal-
detu diogu: “Denetik. Mikrofonoa
hartu eta bertsolariei galderak
egitera joan izan naiz, lan taldea
egituratzen aritzen naiz, estrate-
gia kontuak prestatzen, ekoiztet-
xearekin diru kontuez hitz egiten
dut eta nola ez, programa hobet-
zeko ahaleginean ibiltzen naiz”.
Hala ere, esan digu, zailena giza
harremanetan asmatzea dela.
Jende askorekin aritu behar iza-
ten du: errealizadorea, erredak-
toreak, produktoreak, kamerala-
riak, bertsolariak, Bertsozale El-
kartekoak... Zuzendariez
beti gaizki hitz egiten omen da:
“Saiatzen naiz nik ikusitako
akatsak neuk ez egiten eta bes-
teei neure iritzira ondo eta gaizki
egindako gauzei buruz garden
eta zuzen hitz egiten”. Telebista
saioarekin berarekin gustura al
dagoen galdetu diogu eta esan
digu programa asko aldatu dela
eta gehiago aldatuko dela, nahiz
eta jakin aldaketak beti direla
traumatiko.
Margari Eizagirre
Kazetariek sinatzen dituzten ar-
tikuluak elikatzen ditu Margarik,
dokumentalista da Berrian (Eus-
kaldunon Egunkarian hasi zen
2000n). Berria egunkariaren
zein beste batzuen informazioa
hustu eta modu digitalean gor-
detzen du Margarik, gero kaze-
tariek gairen bati buruzko
artikulua egin behar dutenean
dokumentazioa eskura izateko.
Abenduaren 1ekoa da adibidea.
Mikel Laboa hil zela goizean
jakin zen eta iluntzerako orrialde
sorta prestatu behar. Artikulu
zein argazki piloa inguratu zuten
Margarik eta lankideek, ka-
zetariek ziztu bizian lan
egiteko. Margari erne-
gatu egiten da hainbat
kazetariren mahaiak paperez
beteta ikusten dituenean, eten-
gabe dabil kazetariak konbent-
zitu nahian, pilatutako paper
interesanteak dokumentalistei
entrega diezazkieten, haiek art-
xibo digitalean dotore sartuko
baitituzte. Batzuetan, kazetariek
gordeta duten paper piloa esku-
ratzea kosta egiten zaie eta bes-
teetan, dokumentalistei halako
gairi buruzko informazioa esku-
ratzeko esateak erreparoa ema-
ten omen die kazetariei: “Uste
dute guri lan gehiegi eskatzea
dela, luxua dela, baina gu horre-
tarako gaude, haiei behar duten
informazioa eskura emateko”.
HERRITARRAK
6
Naiara Irureta
Iametza-n aritzen da, Komunikazio
Biziagoak sortutako enpresan. En-
presako edukien arloko ardura-
duna da. Garapen multimediak
egiten dituzte, alegia, bezeroent-
zako programazio informatikoak,
edukiak eta diseinu lanak. Naiarari
segidan aipatuko ditugun produk-
tuen gainean egotea egokitzen
zaio: Gipuzkoako Pilota Federa-
zioak kaleratzen duen Kantxatik al-
dizkaria, Eusko Jaurlaritzako
HPSren Euskararen Berripapera
eta Nafarroako Euskarabidea era-
kundearen webgunea, besteak
beste. Gauza ez hain arruntak ere
kudeatzen ditu, hala nola, dentista
baten, garraio enpresa baten eta
mahai jolasak egiten dituen Ludi-
Toys enpresaren webguneak. Be-
zero eta kolaboratzaile askorekin
egunero aritzea egokitzen zaio eta
harreman horietan denetarik izaten
omen
da. Bitxikeriaren bat kontatzeko
eskatu diogu: “Munduan zehar
diren hizkuntza gutxituetako hiz-
kuntzalariei artikuluak eskatzea da
nire lanetako bat. Galesekin, kana-
darrekin, eskoziarrekin...
e-postaz aritzen naiz, ingelesez
batzuetan, frantsesez bestetan...
dakizkidan eta ez dakizkidan hiz-
kuntzetan moldatu behar! Hori bai,
azken fitxajea Moskuko hizkuntza-
lari errusiarra izan da eta hark eus-
karaz idazten du!”.
Nagore Telleria
Hamar urte dira Euskadi Irratian
hasi zela. Arratsaldeetan lehen-
dabizi erreportajeak egiten, Gaz-
tean albisteak eman eta
musikarien elkarrizketak eta
kontzertuak prestatzen ondoren.
Iaz gauero Deja Vu saioa zu-
zendu zuen Euskadi Irratian. Ter-
tuliak eta elkarrizketak gidatzen
zituen. Aurten Faktoriako lantal-
dean ari da. “Irratiak duen plusa
bat-batekotasuna da, gertatu
ahala gauzak kontatzea. Ezau-
garri hori bera da gure etsairik
handiena, beti presaka ibili beha-
rra. Askotan saioa goitik behera
aldatu behar da gertaerek hala
aginduta”. Mikel Laboaren he-
riotza jorratzea tokatu zitzaion,
esaterako. “Gogorra da albistea
jakin orduko telefonoa hartu eta
Xabier Leteri 'zurekin hitz egin
nahi dugu' esanez deitzea. Fono-
tekako elkarrizketa zaharretatik
Laboaren hitzak hautatzen aritu
nintzen, hotzikara gainetik kendu
ezinda”. “Katiatze bat, dardara
bat, isilune bat, musika jakin bat,
kontakizunaren parte dira eta hit-
zez, esaten dena baino gehiago
esaten da. Hori da gure erra-
minta. Ahotsak taupada dauka”.
7
Mailu OdriozolaIrratiko kazetaria da Mailu, zortzi
urtez aritu zen Herri Irratian eta
joan deneko lautan dago Eus-
kadi Irratian. “Beti erlojuari be-
gira gabiltza. Lanera sartu
orduko editoreak zein prentsau-
rreko, agerraldi, manifestazio
edo dena delakoa ‘kubritu’ behar
dugun agintzen digu. Gero ber-
tatik bertara informazioa eta
ahots ‘kortea’ lortuta eguerdiko
albistegirako moldatu behar iza-
ten dugu”. Eguneroko erronka
horixe du Mailuk “minutu eskas
batean jendeak ulertzeko mo-
duan kontatzea
norberak jorratutako albistea…
eta hori ez dabatere erraza”. Bil-
bon EITBk duen egoitza berrian
aritzen denez nolakoa den gal-
detu diogu. “Ikaragarria da. Niri
asko gustatzen zait duen espa-
zioa, eta erredakzio handi hori.
Informatiboetan aritzeak arlo
desberdinetako gai eta jende in-
teresgarri asko ezagutzeko
bidea ematen omen du. Kontua
da “sarritan gaiaz ezergutxi ja-
kinda jardun behar izaten du-
gula, eta espezializazio hori
faltan botatzen da”.
IRITZIA
MUSIKA
CHILDREN OFF THE GRAVE TALDE ZESTOARRAK AURTENGO API-
RILEAN EGIN ZUEN LEHEN AGERRALDIA JENDAURREAN. ZESTO-
AKO GAZTE TXEAREN HOGEIGARREN URTEURRENAREN HARIRA,
APIRILAREN 4AN LEIZE, GUNDESTRAK ETA CHILDREN OFF THE
GRAVE-K SEKULAKO KONTZERTUA ESKAINI ZUTEN ZESTOAKO
PLAZAN. LEIZE, DAKIZUEN BEZALA, HIRUROGEITA HAMARREKO
HAMARKADAKO TALDE ZESTOARRA DA, ETA IADA ONDO FINKATUA
DU BERE TXOKOA MUSIKA MUNDUAN, GUNDESTRAK-EN IBILBIDE-
AREN BERRI AURREKO ALEAN EMAN GENIZUEN, ETA ORAINGO
HONETAN CHILDREN OFF THE GRAVE-RI EGOKITU ZAIO TXANDA.
ZESTOAN, MUSIKA TRADIZIOA BETIDANIKO FENOMENOA IZAN DA,
LIN TON TAUN, AZIDO ETA KARELEAN DITUGU, BESTEAK BESTE,
ZESTOAKO HISTORIAK EMAN DITUEN MUSIKA TALDEETARIKO
BATZUK.
Children Off The Grave
EGILEA: Nerea Odriozola
ARGAZKIAK: Araitz Muguruza
8
Children off the grave-k
Black Sabbath talde ingele-
saren abestien bertsioak
egiten ditu, beti ere abestiei
taldekideen kutsu pertso-
nala erantsita. Bost zestoa-
rrek osatzen dute taldea:
Etxeberria (ahotsa), Eken
(kitarra), Ibon Telleria (kita-
rra), Mikel Illarramendi
(baxua) eta Mikel Telleria
(bateria).
Talde honen historia lagu-
nartean hasi zen. Adin tarte
zabalak dituzte elkarren ar-
tean, eta gustu musikal era-
bat desberdinak dituztela
ere esan daiteke, baina
guztiek dute gustuko Black
Sabbath taldea, eta lagun-
tasunak, eta taldearekiko
zaletasunak bultzatuta,
talde hau jaio zen. Children
Off The Grave izena bera
ere, Black Sabbath-en
kanta baten izena da.
Lehen esan bezala, talde
honen lehen agerraldi publi-
koa pasa den apirilean hasi
zen, Zestoako plazan Gun-
destrak eta Leize-rekin es-
kaini zuten kontzertuan.
Oso egun berezia zen, gaz-
tetxe batek ez baititu hogei
urte egunero betetzen, eta
talde zestoarrei aukera
ematearen garrantzia ikusi
zuen gazte asanbladak.
Horrela, hilabeteetan zehar
jardun ziren burubelarri
kontzertua prestatzen, eta
izugarrizko giroa sortu
zuten. Herrikoia eta goxoa.
Adin guztietako jendea ikus
zitekeen Zestoako plazan,
emozioari eutsi ezinda; bat-
zuk gazteak zireneko Leize
taldeagatik, eta beste bat-
zuk talde gazteen debuta-
gatik. Egun gogoangarria
izan zen.
Apirilekoaren ondorengo
kontzertua uda pasa ondo-
ren izan zen. Horrek ez zien
eragotzi entsaiatzen jarrait-
zea, hilabeteetan zehar, os-
tiral gauero estazioko
lokalean dihardute.
Irailean, festetako ajeak
pasa eta hilabeteko biga-
rren erdian Getarian eman
zuen Children Off The
Grave-k bere bigarren kont-
zertua. Izugarrizko giroa
sortu zen, eta egun berean
jende asko Zumaiara mu-
gitu zen arren, zestoar or-
dezkaritza xume bat
Getarian izan zen, taldeari
babesa ematen.
Beste hilabete terdi igaro
zen, eta azaroaren erdial-
dean, Azpeitiako Pikua ta-
bernan izan zen zita, ostiral
gau batez. Hurrengo egu-
nean, Argizulo Barnetegia-
ren urteurrenaren harira,
beste kontzertu bat eman
zuten barnetegian. Giro
goxo bezain etxekoan,
Mondocane talde azkoitia-
rrak eta Children Off The
Grave-k kontzertu bikaina
eman zuten.
Oraindik ere, eta finkatuta
kontzerturik ez eduki arren,
ostiralero jarraitzen dute
entsaiatzen. Abendu bu-
9
kaerako herriko topaketei
begira, aukera asko dago
Gundestrak eta Children Off
The Grave-n kontzertu ba-
terako.
Oraingoz, hemen bukatzen
da talde honen ibilbidea,
baina aurrera begira zere-
sana emango dutelakoan
gaude. Ea hala den!
MUSIKA
IRITZIA
AHT GELDITU!!
Gazte Asanbladak hogei
urte betetzen dituen urtean
bertan, Abiadura Handiko
Trenaren aurkako borroka
gori-gorian dago.
Pasa diren hilabeteetan,
egin dugu zertxobait
proiektu honen inguruko in-
formazioa jaso eta zabalt-
zeko. AHTgelditu!
Elkarlaneko kide bat etorri
zen gurera, proiektuari bu-
ruzko informazioa ematera.
Abiadura Handiko Trena be-
netan zer zen ez genekigula
ohartu ginen ekimen haie-
tan. Hedabideek proiektua-
ren alde onak
azpimarratzen dituzte eten-
gabe, politikariek ere berdin
egiten dute. Naturan izango
duen eragina makilatuta
azaltzen digute, eta honela,
hamar urte baino gehiago
dituen proiektu honetaz
ezer gutxi jakin izan du jen-
deak orain gutxi arte.
AHT-ari buruzko bideo bat
ere ikusi genuen, iruditan
ikusi genuen, gutxi gora be-
hera, hitzaldian kontatu zi-
gutena. Urtarrila amaieran,
S.O.Stemible antzerkia ikusi
genuen. Proiektuari bu-
ruzko parodiatxo bat izan
zen, politikarien iruzurrak
era komiko batean kontat-
zen zituzten, besteak beste.
Koordinadoran egiten ari
garen elkarlanean ere, bai-
larako gaztetxe guztiek no-
labaiteko interesa eman
diotela gaiari ikusi ahal izan
dugu.
Oro har, proiektu txikitzaile
erraldoi honen inguruan
ezer gutxi dakigu, eta artiku-
lutxo honen helburua, iturri-
ofizialek ematen ez diguten
informazioa helaraz-
tea da.
EGILEA:Gazte Asanblada
PROPAGANDA OFIZIALAREN DATUAK VS
AHT gelditu! ELKARLANAREN DATUAK
- Propaganda ofizialaren esanetan AHT-k, bidaiari
bakoitzeko, auto batek baino 26 bider gutxiago kontsumit-
zen du eta hegazkin batek baino 9 bider gutxiago. Elkarla-
naren datuen arabera, 225km/h abiaduran doanean,
hegazkinak eta autoak beste energia kontsumitzen du.
Bestalde, 300km/h abiadan doanean kontsumitzen duena,
25.000 biztanleko hiri bateko etxeen argindar kontsumoa-
ren parekoa da.
- Propaganda ofizialaren esanetan AHT-k 15m-ko
zabalera bakarrik hartuko lituzke. Elkarlanaren datuen ara-
bera, lanek 50-100 metrotako zabalera hartuko lukete,
mendi mozketa, lubaki eta betelanen gauzapenarekin. Ho-
rrek, Hego Euskal Herrian 68 milioi metro kubiko lur mugit-
zea suposatzen du.
- Propaganda ofizialaren esanetan AHT-k unibertsi-
tate ikasleen joan-etorriak erraztuko lituzke. Elkarlanaren
datuen arabera, txartelaren prezioa hain garestia izanik
maila ekonomiko altuko pertsonek soilik erabili ahal izango
lukete (enpresariek).
- Propaganda ofizialaren esanetan AHT-k eragin-
dako kaltea oso txikia izango da ibilbidearen erdia tunelean
doalako. Elkarlanaren datuen arabera, “Euskal Y”an 105
kilometro tunel egiteak hondakindegien sorrera ikaragarria,
pista mordoa irekitzeak sortutako kaltea, akuiferoen sunt-
sipena, kantera berrien irekiera, etab. ekarriko lituzke.
- Propaganda ofizialaren esanetan AHT etorkizu-
neko erabaki estrategikoa da. Elkarlanaren datuen ara-
bera, erabaki hau herritarren bizkar hartu da (ukaezina da
hori), enpresa eraikitzaileen eta multinazionalen mesede-
rako.
- Propaganda ofizialaren esanetan AHT-k errepide-
etako trafikoa gutxituko luke. Elkarlanaren datuen arabera,
“Euskal Y”ak egungo joan-etorri motorizatuen %0.15 soilik
garraiatuko luke. Kamioien trafikoa ere ez luke gutxituko,
egunero 1100 kamioi bakarrik garraiatu ahal izango lituzke
eta (egunero errepideetan dabiltzan kamioien %2.2).
Alde ikaragarria dago,
beraz, gobernuak eta heda-
bideek kontatzen digutene-
tik, herri mugimenduaren
bidez lortu den informa-
ziora. Elkarlanak esku ar-
tean darabiltzan datuak
geologo, biologo eta aba-
rrek borondatez egindako
ikerketen ondorioak dira.
Honela, beraz, pentsa dai-
teke interes pertsonalik
gabe, eta objektibotasu-
nean eginikoak direla. Zer
pentsatua ematen dute, eta
beraz, horixe eskatzen di-
zuegu, pentsatzea.
Datu hauek mahai gainean
jarri ditugu, baina berezko
arazoa askoz ere sakona-
goa da. Gizarte sisteman
bertan dago arazoaren
muina. Gaur egun bolo-bolo
dabilen, eta izugarriak egi-
ten ari den krisiaren eragi-
lea, eta aurrerapenaren
izenean behar ez ditugun
azpiegitura erraldoiak bult-
zatzen dituena, sistema ka-
pitalista dugu. Orain
litzateke ona, berez aldake-
tarako momentu onik baldin
bada, gure sistema errotik
aldatzeko. Ideia anbiguoa
izango da agian, baina garbi
dagoena da honela ezin du-
gula jarraitu, edo logika guz-
tien arabera bederen, ez
genukeela jarraitu behar.
Pasa den martxoan, hila-
bete kulturanitzaren ba-
rruan, kultura eta herrialde
desberdinetako egoera so-
zial, politiko eta ekonomi-
koak ikusi ahal izan ditugu.
Haietan ikusten zen, nola
hirugarren munduko he-
rrialde batzuk baliabide na-
turalik gabe geratzen ari
ziren, aurrerapenaren aztar-
narik izan gabe. Izan ere,
gaur egun herrialde pobrea
izan eta petrolioa edukitzea
infernu bat bilakatu da.
Guk aurrerapenaren ize-
nean hainbesteko txikizioak
egiten ditugun bitartean,
jendea txaboletan bizi da.
Hau al da nahi dugun ere-
dua? Munduaren hegoal-
deko eta iparraldeko
egoeren arteko aldea ez al
da iada handiegia? Orduan
zertan ari gara? Ez al litza-
teke hobe guk nahikoa bal-
din badaukagu, besteei
gure bizi mailara iristen la-
guntzea?
Orain arteko guztiaz gain,
beste arazo bat daukagu.
AHT-aren aurkako borrokak
zilegitasuna galdu du
masen artean. Hedabideak
gogor saiatu dira deslegiti-
mazio hori erdiesten, eta
lortu dute. Orain gobernuek
nahikoa dute bi hitz magiko
esatea, edozein protesta
edo salaketa isilarazteko.
Hau berez, onartezina da.
Honela beraz, eta AHT gel-
ditzeak oso zaila dirudien
arren, saiatu gabe ezin gara
geratu! Orain da garaia,
gero beranduegi izango
baita! Bota astakeria hau ez
eraikitzeko arrazoiak entzu-
teko prest dagoen edozeini,
eta baita entzuteko prest ez
dagoenari ere, agian tar-
tean zerbait entzungo baitu.
Ez etsi! Oraindik lortu deza-
kegu! Bakoitzak aletxo bat
jartzen badugu, batzuek ez
dute hainbeste egin be-
harko!10
SUKALDEA
Sukalde kontuakHILABETE HONETAKO SUKALDEAREN TXOKOAN, MARIA LUISA AGIRRE ETA MARI KARMEN
MUGURUZAK BIDALITAKO JAKI GOXOAK PRESTATZEKO ARGIBIDEAK EMANGO ZAIZKIZUE.
GABONAK GERO ETA GERTURAGO DAUDELA ETA, NOLABAIT, PLATER BERRITZAILEAK
HAUTATZEN SAIATU GARA, ETA BI ETXEKOANDRE APART HAUENAK IRUDITU ZAIZKIGU
EGOKIENAK.
ESKERRIK ASKO HILERO-HILERO ERREZETA BERRIAK BIDALTZEN DIZKIGUZUENOI,
JARRAI EZAZUE JO TA KE ! 11
AINGIRA-ENTSALADAOSAGAIAK
- 100gr gatz
-kilo 1 itsas aingira
irekia
-300 zk olio
-erramu hosto 1
-perrexil adartxo 1
-baratxuri hortz 1
-deziliztro 1 ur hotz
-1,5 dezilitro ozpin
-2 koilarakada perrexil
txikitu
-5 pepino txiki ozpine-
tan
-arrautza gordin 1 eta
egosi 1
-2 tipula
-azenario1
Lehendabizi, ura irakiten jarri, eta aingira zati bakar bat, lau zati eginiko
tipula bat, erramu hostoa, perrexil hostoa, azenarioa eta gatz pittin bat
botako dugu lapikora.
Egosita dagoenean, lapikotik atera eta trontzotan ebakiko dugu aingira,
eta maionesa eta oliozpin saltsa batekin estaltzen da.
PRESTAKETA
Maionesa saltsaontzi batean arrautza gordina, gatz pittin bat, ozpin eta olio txorrotadatxo
jarri, eta irabiagailutik pasa.
Oliozpin saltsatipula bat, pepino txikiak, arrautza gogorra, perrexila eta baratxuria txiki-
txiki egin,
Guztia nahastu, eta gainerako olioa, ozpin pixka bat eta ura eransten
zaizkio. Gatzarekin gozatzen da.
OSAGAIAK
-100 gr txanpinoi
-80 zk olio
-koilarakada 1 txuleta
-koilarakada 1 piper
gorria
-salda baso 1
-piperbeltz apur bat
-izozturiko-barazki
menestra apur bat
-pakete 1
-irina
-arkumea
-6 tipulatxo frantses
Hori egiten dugun bitartean, lapiko bat jarriko dugu, tipulinak txikitu
eta zartaginera botako ditugu, hauek ere gorritu daitezen. Zirrindetan
ebakitako piperra erantsi, ondoren tomatea bota, eta amaitzeko
salda gehituko diogu guztiari.
Nahasketa guztiak irakiten duenean, txuleten gainera bota eta guztia
egosten utziko dugu, estalita eta su geldian ordu betez.
Lehendabizi, haragia gatz-pipertu eta irineztatuko dugu.
Zartagin batean olio pixka bat berotu, eta txuletak bi aldetatik gorrituko
ditugu.
Ordu betea igaro ondoren, barazkiak eta txanpiñoiak gehituko ditugu,
eta ordu erdi gehiagoz egosten utzi.
Bukatzeko, gatza bota eta mahaira joanaz zerbitzatu egingo dugu.
GAZTEAK
Elkarlana nagusi topaketetan
Jendea iritsi ahala, seku-
lako joan teoría nabaritzen
zen Zestoako kaleetan.
Kanpotik zetorren jendea ki-
roldegira inguratzen zen lo-
tarako txokoaren bila, gero
handik eztabaidetan izen
ematera... hori dena musi-
kak giroa berotzen zuen bi-
tartean.
Aurkezpen ekitaldi batekin
eman zitzaien topaketei ha-
siera, giro goxo eta epe-
lean. Topaketetan eman
diren eztabaidak, lau gairen
ingurukoak izan dira: ama-
lurra, feminismoa, klase-za-
palkuntza eta
lurraldetasuna. Igor Arroyo,
Nafarroako LABeko bozera-
mailea, saiatu zen lau gai
horiek sakon azaltzen. Azal-
pen bakoitzaren ondoren,
gai bakoitzaren inguruko
ekitalditxo sinbolikoak egin
zituzten.
Ekitaldia amaitu be-
zain laister aisial-
diari egin zitzaion tartea
Abiadura Handiko Trenaren
inguruko antzerki-parodia
batekin.
Hurrengo goizean, bezpe-
rako ajearekin, gazte an-
dana martxan jarri zen; lan-
taldetan banaturik, ezta-
baida ezberdinak egin ziren
Zestoako hainbat txokotan.
Presaka bazkaldu ondoren
herria hustu egin zen, guz-
tiak Bilbora joan baitziren
aste hartako atxiloketen ha-
rira, proiektu guztiak, esku-
bide guztiak lemapean, egin
zen manifestaziora.
Bilbotik bueltan, aisialdirako
tartea zen berriz ere. “Ku-
JAKINGO DUZUEN BEZALA, PASA DEN AZA-
ROAREN 27,28 ETA 29AN, GAZTE MUGIMEN-
DUAREN TOPAKETAK OSPATU ZIREN
ZESTOAN. BERTAN, HAINBAT ERAGILE
DESBERDINETAKO GAZTEAK BILDU ZIREN,
HALA NOLA, AISIALDI EREMUKOAK, GAZ-
TETXEETAKOAK, EMAKUME TALDETAKOAK
ETA GAZTE INDEPENDENTISTAK. TOPA-
KETA HAUEK ELKARLANA IZAN DUTE FILO-
SOFIATZAT, FILOSOFIA HORRETATIK
SORTU ZEN “EKIN DEZAGUN BATERA”
LELOA.
EGILEA: Aimar Etxeberria
12
ARGAZKIAK: gaztesarea
GAZTEAK
muneko paperaren poesia”
izeneko monologoa izan
zen entzungai, eta horren
ondorenerako kontzertu
batzuk prestatuta bazeuden
ere, azpiegitura arazoak
medio, ez ziren egin. Ho-
rrela bukatu zen larunbata,
arratsalderako prestatuta
zeuden tailerrak egin gabe.
Igande goizean, berriro ere
ajearekin, gazteak taldeka
banatuta, eztabaidei jarrai-
pena eman zieten. Egue-
dian, bi orduko
atzerapenarekin, amaiera
13
ekitaldia egin zen. Gogora
ekarri zituzten aste hartan
bertan atxilotutako gazteak,
topaketa hauen bilakaeran
eragin nabarmena izan bai-
tute atxiloketek. Ekitaldiaren
ondoren herri bazkaria egin
zen, eta arratsaldeko kont-
zertuekin eman zitzaien bu-
kaera topaketei.
Gundestrak talde zestoarra
izan zen taldeetariko bat.
Hasiera batean topakete-
tara 600-700 pertsona eto-
rriko zirela espero bazen
ere, 300tik ez ziren pasa,
eta aste hartako atxiloketek
izan zuten zerikusirik. Anto-
lakuntzan zebiltzan gaztee-
tako asko atxilotuak eta
atxilotuen gertukoak ziren,
beraz hutsune handiak zeu-
den. Gainera, larunbat
arratsaldeko manifestazioa-
ren ondorioz arratsaldeko
ekintza guztiak bertan be-
hera gelditu ziren, eta
ekintza haiei lotuta zeuden
igandeko eztabaidak azken
momentuan moldatu behar
izan zituzten.
Orain herriaren txanda da
Abenduaren 29 eta 30ean
herri mailan egingo dira
gazte topaketak, nazio mai-
lako topaketen ildoari ja-
rraiki. Batez ere, asanblada
inguruko jendea espero da,
baina asanbladaren helbu-
ruetako bat adin tarte zaba-
lago bat elkartzea da.
Horretarako, Herria Topatu,
Herria Mugitu dinamika hasi
dira lantzen. Beraz, herriko
gazte eta talde eragileei dei
egiten die asanbladak dato-
zen topaketetan parte hart-
zera.
Herriaren historia motzean
EGILEA: Amaiur Aristi
ARGAZKIAK: Maitane Aizpuru
GURE HERRIAREN HISTORIAN BEREBIZIKO GARRANTZIA DUTE ETA IZAN DUTE AUZOEK.
HORI DELA ETA, HAUEN SORREREN HISTORIA ETA BERAUEN EZAUGARRIAK KONTATUKO
DIZUEGU, JAKINIK HERRITAR ASKO ZAUDETELA GAIAZ EZER GUTXI EDO EZER EZ DAKI-
ZUENAK. ZESTOA HIRU ELIZATETAN BANATZEN DA, ETA HIRU ELIZATEOK ABIAPUNTUTZAT
HARTUTA EGINGO DUGU SAILKAPENA.
ZESTOA
Orain dela ehun mila urte-
koak dira giza bizitzaren
hastapenari buruz ditugun
lehenengo berriak Idiakait-
zeko lur azalean.
1383an sartu zen Zestoa
historia idatzian, orduan
eman baitzion Gaztelako
Errege Joan I.ak Aizarnako
biztanleei Hiri-gutuna, on-
doen zeritzen eta komeni
zitzaien lekuan hiribildu bat
eraiki zezaten.
Garai haietan sostengu
ekonomikoa baserrietan
ekoitzitakotik eta burdinole-
tan eraldatzen zen Bizkaitik
ekarritako burdinatik lortzen
zuten.
Zestoako Bainuetxea 1830
urtetik aurrera hasi zen tu-
ristak erakartzen, hala ere
1920ko hamarkada izan
zen oparoena turistei dago-
kienez.
Turistak erakartzen dituzten
erreplika eta bainuetxeaz
gain, baditugu Zestoan
hainbat eraikin histo-
riko ere: eliza, Lili Jauregia
eta harresiaren ateak.
14
Eliza
Zaharragoa den tenplu
baten gainean eraikita
dago,
Liliko kapera tenplu horre-
tan zegoen. Pixkanaka
osatzen joan zen orain eza-
gutzen dugun bezala geratu
arte. Barruan dauden hain-
bat eskultura oso aipaga-
rriak dira.
Lili
Izen hau daraman multzoan
ikus ditzakegu Lili Jauregia
(palaziyo), Lilibea eta burdi-
nola eta errota zaharraren
aztarnak diren Errotazar eta
Errotatxo baserriak.
Bainuetxea
XIX.mendeko eraikuntza
honek osasunerako aukera
zabalak eskaintzen diz-
kigu: edateko ur sendaga-
rriak, presiopeko urezko
tratamenduak, igerile-
kuak...
Eraikin honetan arkitektura
estilo desberdin anitz aurki
ditzakegu: neoklasikoa,
arabiarra...
Harresiaren ateak
Garai batean herrigunea
harresiz inguratuta zegoen.
Lau ate zituen sartu-irtene-
rako. Lau ateen izenak ho-
nakoak ziren: Portale,
Eztiola (Palankadi), Liza-
rraitz eta Arretxea. Gaur
egun Eztiolak eta Arretxek
soilik diraute zutik.
AUZOAK
AIZARNA
Elizate honetan hiru auzo
bereiziko ditugu: Aizarna,
Txiriboga eta Lasao.
Aizarna
Bailara itxia da, hau da,
urak lur azpitik desagertzen
dira. Ardi larratze tradizio-
nala, latxa delakoa, ikus
daiteke. AIzarnako jatorriak
antzina antzinakoak dira,
eta hark sortu zuen Zesto-
ako hiribildua.
Aizarnaren garrantzi ekono-
mikoaren erakusgarri da
parrokiko eliza, XVI.men-
dean eraikia, eta interes
handiko altzari elementuak
dauzkana.
Zuhaitzen aberastasunak
hegazti txiki askoren bizi-
leku bihurtu du inguru hau;
txantxangorria, birigarroa
eta zozoa ditugu txorietako
batzuk, eta hauekin batera,
berauen harrapakinak diren
zapelatza eta belatza noiz-
nahi ikus daitezke.
Aizarnak badu ermita xar-
mangarri bat bere lurretan:
Santa Engrazia ermita, hain
zuzen. Aizarna bezain za-
harra edo zaharragoa da.
Mendizaleen gustuko
lekua, haitz baten erdian
sartua baitago. Inguruko
mendiak ikusteko aukera
zoragarria eskaintzen digu.
Interesgarriak dira, baita
ere, herrira bidean dauden
gurutze tokiak eta baserri
arkitekturaren eredu diren
Aranburu, Aizpuru eta Za-
bale baserriak.
Txiriboga
Txiribogan gehien nabar-
mentzen dena burdinolen
eta erroten ugaritasuna da.
Hiru burdinola daude guz-
tira: Txiriboga, Goikola eta
Bekola.
Bekolak herri-eraikuntzaren
adibide den baserri bati
izena ematen dio. Bertan
dagoen errotak garrantzi
handia izan zuen garai ba-
tean, Donostiatik ere etor-
Lasao
Lasao komunitate txiki bat
da. Bertan kokatu Lasaota-
rren leinu-etxea, eta denbo-
raren poderioz eraikina
handituz joan zen. Ondoan
Tourseko San Martin Base-
liza altxatu zen.
Aurreko mendearen erdial-
dera, eraikina moja-komuni-
tate bati utzi zitzaion, eta
duela urte batzuk Lasaoko
auzotarrei utzi zien eraikina
mojek.
Auzotarrek, baseliza be-
rreskuratu, edertu eta pin-
tatu zuten auzolanean, eta
museo txiki bezain maitaga-
rri bat zabaldu zuten.
tzen omen ziren kalitate
handiko irina egiten zutela
eta. Irina egiteaz gain,
errota erabiltzen zuten ingu-
ruko hogei bat baserri argin-
darrez hornitzeko ere.
ARROA
Nahiz eta gaur egun auto-
pistak Arroa bi zatitan ba-
natu, garai batean
Arroagoia eta Arroabeare-
kin lotura zuten auzotxo
batzuk ere baditugu: Ibaña-
rrieta, San Lorente eta
Bedua.
Arroagoia
Auzo honetan euskal base-
rriko bizimoduari eusten
diote oraindik ere, nahiz eta
autopistaren eraikitze lanen
ondorioz, baserri asko bota
behar izan zituzten .
Eraikuntza historikoei dago-
kienez, Balzolatarren etxea
eta XVI.mendeko parrokia
bereiz daitezke.
Arroabea
Eusko trenbidea eta Uro-
lako trenaren arteko loturan
du sorrera auzo honek. Re-
San Lorente etaBedua
San Lorente auzoa baseliza
primitibo batek eta baserri
batzuk osatzen dute. Ingu-
ruan du Beduako etxe lon-
jaduna eta untzitegi
zaharra, Zestoako portua,
alegia. Eraikin gutxi, baina
interes arkitektoniko haun-
dikoak daude bertan.
Ibañarrieta
Auzo hau baseliza batek
eta inguruko baserriek osat-
zen dute. Baserriotako ba-
tean jaio zen Urtain
boxeolari ospetsua, eta in-
guru hauetan gertatua da
Anjel Lertxundiren “Hama-
seigarrenean Aidanez” libu-
ruan kontatzen den istorioa,
edo historia.
Endoia
Auzo honetan jaio zen Uz-
tapide bertsolari ospetsua,
gaur egun kontserbatzen ez
den izen bereko baserrian.
Narrondo
Zumaiatik oso gertu dago
auzo hau, eta beraz, ber-
tako herritarrek Zumaiara
jotzen dute Zestoara baino
askoz ere gehiago eta erra-
zago.
zola porlan fabrikak ere era-
gin nabarmena izan zuen
auzoaren garapenean.
15
AUZOAK