EQUIPO DE NORMALIZACIÓN E DINAMIZACIÓN ......Bacharelato (1º e 2º). Gustou moito o seu xeito de...
Transcript of EQUIPO DE NORMALIZACIÓN E DINAMIZACIÓN ......Bacharelato (1º e 2º). Gustou moito o seu xeito de...
EQUIPO DE NORMALIZACIÓN E DINAMIZACIÓN LINGÜÍSTICA DO GALEGO. ACTIVIDADES CURSO 2010-2011
I.CELEBRACIÓN DA FESTA DO SAMAÍN
O alumnado de 2º e 3º ESO preparou un gran mural dividido en tres paneis para visualizar as diferencias máis salientables entre a celebración da noite de Samaín e a de Halloween nos Estados Unidos. A axudante de conversa colaborou coa versión americana e chegamos a traer unha torta de calacú que non chegou a nada. Menos mal que gardamos a receita.
Pola súa parte, o grupo de 4º Diversificación escenificou unha cova do terror na que ofrecían lambetadas, aínda que nen sequera o seu aspecto terrorífico evitou que colleramos algo de peso ese día.
CONCURSO DE CALACÚS
Este ano para o concurso de calacús convocado polo Samaín os participantes trouxeron a cabaza xa preparada da casa.
Despois da exposición resolveuse o concurso e entregáronse os seguintes premios:
1º premio: Alberto García Fernández – 2º ESO B
2º premio: Candela Lorenzo Martínez – 2º ESO A
3º premio: Estela Costas Gandón – 2º ESO A
II. MAGOSTO
A celebración do Magosto foi anunciada por un bonito póster deseñado por Josuha de 2º A Bac . Ademais do tradicional asado de castañas, este ano o grupo de papiroflexia tíñanos preparados uns decorativos cucuruchos de papel usado, xa para reciclar.
IES MARÍA SOLIÑO - 2-
A mañá foi movida grazas ao “Grand Prix”, circuito de probas lúdico-deportivas dirixidas polos estudiantes de 1º curso de TAFAD para o resto do alumnado do instituto.
Organizáronos en equipos e puxeron a proba todo tipo de destrezas: equilibrio, velocidade, cooperativismo… Foi moi divertido!!
III. HOMENAXE A ROSALÍA DE CASTRO: 125 ANOS DA SÚA MORTE
O luns 20 de novembro a profesora Pilar García Negro, da Universidade de A Coruña, deu unha conferencia á que asistiu o alumnado de Bacharelato (1º e 2º). Gustou moito o seu xeito de contar as cousas e foi moi interesante a charla.
O martes 21 o alumnado do 2º ciclo de ESO “tendeu” poemas de Rosalía na Ágora, onde a orquestra de 1º Bac actuou tocando algunhas pezas musicais. Saiulles realmente ben e creouse un ambiente maravilloso.
A continuación, houbo un recital poético a cargo do alumnado, escolma da obra de Rosalía de Castro, seleccionado e dirixido polo profesorado do Departamento de Lingua e Literatura Galega.
IV. CELEBRACIÓN DÍA DA PAZ
O Día da Paz celebrouse coa participación de moita xente, como era de esperar.
Eliximos o título da canción de John Lennon “All we are saying is give peace a chance” (Só pedimos que lle deades unha oportunidade á paz) para traducir ao galego, castelán, inglés e francés, facendo que rimase e así poder cantala, repetindo a mensaxe.
IES MARÍA SOLIÑO - 3-
Quedounos como segue:
- Nós só queremos que …. A paz
-Luttons tous ensemble, si on veut la paix.
Tamén traducimos “Imagine” do mesmo autor ao galego para facer a nosa propia interpretación. Repartimos copias en inglés/ galego para tods. Quedounos deste xeito, aínda que a posteriori acordamos mellorala un chisco.
O profesor Pedro Pablo dirixiu ao alumnado do grupo de Dramatización (3º ESO), que escenificou unha situación bélica seguida dun proceso de paz que rematou dun xeito moi visual: a palabra PAZ podíase ler no chan grazas aos corpos dos actores e actrices e a canción “Imagine” soaba ao mesmo tempo.
Tamén propuxemos un cuestionario con preguntas sobre a orixe desta data e @s que participaron (e acertaron nas súas respostas) foron agasallad@s cunha camiseta moi chula.
V. ENTROIDO 2011
Este ano no Entroido convocouse un concurso de murgas no que participou pouca xente pero @s que si o fixeron foron moi inxenios@s. Tamén houbo un concurso de disfraces que, como ven sendo habitual, non decepcionou.
A ANPA convidou a todo o mundo a degustar as típicas orellas e tampouco faltou a música.
VI. DÍA DA MULLER TRABALLADORA
Para celebrar o Día da Muller Traballadora (que este ano cadrou co Entroido) cada curso redactou un manifesto que logo foi lido na Ágora. As reivindicacións foron moitas e en varias linguas:en galego, castelán, francés e inglés.
IES MARÍA SOLIÑO - 4-
Sorteouse un MP4 entre os acertantes que cubriron o cuestionario preparado polo grupo da Biblioteca (noraboa ao gañador)
O grupo de Drama de 3º ESO, dirixido polo profesor Pedro Pablo Riobó, deleitounos cunha lucida representación alusiva á pouca visibilidade feminina na sociedade, reivindicando que xa é tempo de cambiar. De fondo, soaba a canción “Nosotres les donnes” de Mª Mar Bonet, elixida por Sol, a vicedirectora.
Para rematar, o alumnado do grupo de papiroflexia repartiu pombas traballadas a partir de papel usado que se lanzaron a voar desde a segunda planta na Ágora.
VII. CORRELINGUA NO MORRAZO
O mércores 4 de maio o alumnado de 2º ESO asistiu á celebración do Correlingua que este ano foi en Bueu. Participouse nunha marcha a favor da lingua galega e como axudantes dos monitores do alumnado de primaria.
Como había poucos estudiantes de Secundaria non se participou no galeoke, actividade que queda pendiente para o futuro.
Días despois recibimos varias mensaxes de agradecemento pola implicación e boa actitude dos participantes. Noraboa!!
VIII. CERTAME DE POESÍA
O xoves 5 de maio convocouse o XXVI Certame de Poesía María Soliño. Eliximos un poema de Álvaro Cunqueiro (musicado por Luis Emilio Batallán e posteriormente versionado por Milladoiro) que se titula “No niño novo do vento” e foi interpretado por parte do alumnado de 1º A Bac dirixido polo seu profesor Xulio. Aplaudimos a rabiar.
IES MARÍA SOLIÑO - 5-
Houbo unha pequena exposición de poemas escritos polos estudiantes do Clube de Poesía do instituto e presentaronse as bases do Certame.
Ó cabo, escribiuse un poema conxunto nun panel preparado con dous versos de Avilés de Taramancos como comezo. Fómonos animando e non quedou nada mal como podedes ver nunha das imaxes adxuntas.