2015.V6 Eskola 2.0 eta IKTen erabilera ikasgelan

Zeregina 3: Lanaren bidalketa bakarkakoa

Tutorea: Santiago Sesma

Manuel Benito irakasleak egin zuen hitzaldiaren alderdiak kontuan hartuta gure taldean hauexe dira, ikastaro honetako lehen taldeko kideen arabera, IKTen erabilera on batek gure ustez izan behar dituen bost ezaugarriak:

● Ondo antolatuta eta egitura argia izan behar du: Ikasgelan ezin daitezke ekintza aleatorioak indartu, azkenean hezkuntz xedearen kontrakoak izan daitezkeelako. Argi izan behar genuke IKTen erabilera on batean zein helburu lortu nahi dugun, zer landuta eta nola landu nahi dugun.

● Esperimentazioa eta ebaluazioa barne hartu behar ditu: Curriculum ofiziala eta gaitasun teknologikoa bateratu behar direnez, helburuak birmoldatzea ezinbestekoa izango litzateke eta berrikuntza prozesu guzti honen ebaluazioa jarraia izan beharko luke.

● Adimen emozionala garatu behar du: Alderdi sozioafektiboa haintzat hartu beharko luke. Esparru hau baztertu samar euki ohi da baina gure taldeko kideen ustez ezaugarri ezinbestekoa da.

● Ikasleen laguntza edo parte hartze aktiboa eskatzen duena: Ikasleen motibazioa suspertzeko eta beraien interesguneen barruan jarduteko.

● Kooperazioa eta elkarlana bultzatzen duena: ikasleen artean, irakasleen artean, irakasle eta ikasleen artean, gurasoekin batera, e.a.

Gure taldearen aukera ikusita, IKTeen erreferentzia zuzenarik ez da ikusten. Hau da, IKT barik zein IKTekin praktika egoki bat martxan jartzerakoan oinarri pedagogiko berberak erabiliko genituzkeela ikusten da. Funtsean irakaskuntza da. Aldatzen den gauza bakarra bitartekoa, euskarria, tresna,... izango da, baina honek ez dauka lehentasuna, xede pedagogikoak eta aprendizaiak baino.