Aula agustín fernández paz

NO IES PINTOR COLMEIRO

Aula Agustín Fernández Paz


Comenzou a xornada preparando a aula. Velaquí a un profesor comprobando a conexión e o funcionamento do Skype.


Ao comenzo da clase conectámonos con Agustín, el estaba en Vigo, nós en Silleda. Todo funcionou perfectamente.


Os alumnos saudaron ao escritor e fixeron unha descrición do máis importante do concello de Silleda.

Agustín agradeceu a invitación e asegurou que coñecía ben o noso concello


O alumnado fíxolle moitas preguntas ao escritor. Moitas delas sobre libros del que leran este curso: como construíra algúns personaxes, se tiñan características súas, sobre como concebía as ideas para as novelas….


Agustín recomendounos ler moito. Fixo referencia a moitos escritores que conviña ler, como Ángel Valente, Roald Dahl ou Álvaro Cunqueiro


Comentounos que para aprender a escribir conviña coller algún texto de boa literatura e “mirarlle as costuras”


Tamén fixo referencia ao cine. Laiouse da dificultade de poder ver boas películas. Se nunha cidade como Vigo esta empresa é moi complicada, en vilas como Silleda vólvese imposible.


Agustín Fernández Paz tamén nos fixo algunhas confesións:

Le todos os anos o libro “A illa misteriosa” de Jules Verne.

“Non hai noite tan longa” é o libro con máis cousas súas.


Tamén nos contou como pasou un día enteiro, el só, na Illa de San Simón e de cómo esa xornada lle serviu de inspiración para escribir un libro.


Tamén fixo referencia outra vez á Illa de San Simón. Cando pensamos nun campo de concentración a idea váisenos a pensar en Auschwitz, pero San Simón tamén tivo ese triste cometido.


En defitiniva, foi unha xornada que nos deixou un rastro inesquecible da man dun autor próximo, amable e encantador.

Para certificalo a aula recibirá o nome de Agustín Fernández Paz.

Aula agustín fernández paz

Documents

Transcript of Aula agustín fernández paz