ACTIVIDADE NO PARQUE NATURAL DE ARRIBES …...ACTIVIDADE NO PARQUE NATURAL DE ARRIBES DEL DUERO....
Transcript of ACTIVIDADE NO PARQUE NATURAL DE ARRIBES …...ACTIVIDADE NO PARQUE NATURAL DE ARRIBES DEL DUERO....
ACTIVIDADE NO PARQUE NATURAL DE ARRIBES DEL DUERO. SEMANA SANTA
Xoves 2. Viaxe e Ruta a Villadepera .
O xoves ás 08:00 saímos cara Moralina de Sayago, en Arribes del Duero.
Moralina e un pobo típicamente zamorano.
Logo de instalarnos no centro de turismo rural faremos a nosa primeira ruta: De Moralina a Villadepera.
Lonxitude: 12 km
Dificultade: Baixa
Desnivel: Baixo
É un percorrido sinxelo e fermoso que serve como toma de contacto coa paisaxe que atoparemos ó longo
dos días no parque natural. Comeza na localidade de Moralina e vai atravesando dehesas e ribeiras así
como zonas altas. Un pouco antes de rematar acercarémonos ó mirador de Peña Centigosa, o cal nos
ofrece unhas fermosas vistas do Duero e da famosa ponte de Requejo, impresionante obra de comezos do
século XX. A ruta é preciosa e ten un alto valor natural e paisaxístico.
Debedes levar a comida preparada, xa que é probable que comamos ao pouco de iniciar a ruta.
Venres 3. Rutas por Fariza e Fermoselle.
Esta xornada será a máis completa de todas. Sairemos no bus dende Moralina ata Fariza, onde pararemos a
facer a primeira ruta pola mañá: dende Fariza de Sáyago ó miradoiro das Barrancas. É un itinerario sinxelo e
moi fermoso. Comeza á beira dun regueiro, por zona de ribeira e vai ata unha ermida. Ó pouco chegamos ó
miradoiro, onde poderemos disfrutar dunhas vistas impresionantes do canón do Duero. O bus nos recollerá
na ermida e nos levará ata Fermoselle onde visitaremos a Casa do Parque. Logo faremos a nosa segunda
ruta, que é un percorrido polos arredores de Fermoselle, pasando por diferentes zonas e visitando dous
impresionantes miradoiros.
Fermoselle é unha das vilas máis bonitas do parque natural. Cando rematemos a ruta haberá tempo para
que a visitedes: as súas rúas, as súas igrexas, as ruínas do seu castelo…
Esta ruta ten un altísimo valor natural, paisaxístico e cultural.
Lonxitude: 16 km (5 km en Fariza e 11 en Fermoselle)
Dificultade: Baixa - Media
Desnivel: Baixo – Medio
Sábado 4. Ruta de Peña Redonda
A ruta deste día será a máis longa das que fagamos. Comeza na vila de Torregamones, a 3 quilómetros de
Moralina, e vai ata Peña Redonda, un dos miradoiros máis fermosos e impresionantes de Arribes del Duero.
O percorrido lévanos por unha cómoda pista ata Os Chiviteros, construcións típicas que usaban os pastores
para protexer o seu gando. Despois continuamos ata Peña Redonda, miradoiro espectacular e lugar moi
interesante pola presenza de restos castrexos e una ermida. O regreso farémolo por un sendeiro sinalizado,
que vai entre dehesas e ribeiras.
Lonxitude: 16 km
Dificultade: Baixa - Media
Desnivel: Baixo – Medio
Domingo 5. Percorrido en barco polo Duero e visita a Miranda do Douro.
Esta xornada dedicarémola a coñecer o río e o seu canón cun percorrido en barco. O embarcadoiro está
situado na beira portuguesa, ó carón de Miranda do Douro. Cando rematemos a ruta fluvial visitaremos a
vila, que conta cun interesantísimo casco histórico amurallado. Logo de visitala emprenderemos o regreso a
Santiago.
*Só podemos reservar as prazas no barco polo Duero ata o día 2 de marzo. Cando vos apuntedes na
actividade tendes que confirmar por teléfono si o queredes facer ou non. Ten un custe de 20 euros e dura
2 horas aproximadamente. Págase alí mesmo. Unha vez confirmada a participación nesta actividade non
se pode renunciar a ela.