AA VVOOZZ DD@@SS NNEENN@@SS - Consellería de Educación, …2010-2011.pdf · 1975 Volta, a finais...
Transcript of AA VVOOZZ DD@@SS NNEENN@@SS - Consellería de Educación, …2010-2011.pdf · 1975 Volta, a finais...
AA VVOOZZ DD@@SS NNEENN@@SS
CCoolleexxiioo AAllbboorraaddaa
CCuurrssoo 22001100//22001111
PublicaciÓn ANUAL COORDINADA POLO EQUPO DE DINAMIZACIÓN LÍNGÜÍSTICA DO CEIP “ALBORADA”
LIMIAR
Dende o EDL agradecemos un curso máis a colaboración prestada pola comunidade
educativa: profesorado, alumnado, e persoal non docente para que un novo número de
“A Voz d@s Nen@s” saia de novo á luz. Sin esta colaboración non se faría realidade.
Grazas a todas e todos.
Con esta publicación queremos amosar o traballo desenvolvido no noso centro ao longo
deste curso, que está a piques de rematar.
Daremos unha pequena visión da celebración das festas populares, das actividades máis
salientables que se foron realizando: A festa de Nadal, O Samaín, o Magosto, o Día da
paz e a non violencia, o Antroido .
Tamén están presentes os traballos que o alumnado dos distintos ciclos realizaron para
esta revista.
Así mesmo queremos reflectir o labor desenvolvido polo profesorado aparte do seu
traballo puramente docente. Dende o Colexio Alborada queremos inculcar valores como
a interculturalidade, é dicir o respeto a outras culturas, relixións ou etnias é coñecer
tamén as raigames da nosa, por iso o profesorado organiza grupos de traballo como:
A interculturalidade:
Dificultades de aprendizaxe.
ou proxectos de formación tales como “os xogo populares”, onde se
aprenden aqueles xogos propios da nosa cultura e tamén os de outras
culturas máis alonxadas.
E como un dos obxectivos do Equipo de Dinamización Lingüística é a promoción da
língua galega tamén amosaremos algunha das actividades feitas, tal como o
proxecto”Contos a carón da lareira”, onde as familias colaboraron desinteresadamente
para vir a contar contos ao alumnado de Educación Infantil e o Primeiro Ciclo de
Educación Primaria. Con esta actividade queremos manter viva a tradición oral tan
presente na nosa cultura. Dende aquí queremos dar as grazas as familias colaboradoras
e emplazar esta actividade para darlle continuidade o vindeiro curso.
E non podemos esquecer a festa da exaltación das Letras Galegas que este ano está
adicado o poeta monfortino Lois Pereiro o que tamén lle adicaremos algunha páxina.
Dende o Equipo de Dinamización Lingüística queremos enviar un agarimoso saúdo
normalizador na nosa língua para que cada vez sexa máis falada, máis valorada e en
consecuencia, dignificada como se merece.
O EQUIPO DE DINAMIZACIÓN LINGÜÍSTICA
AS FESTAS POPULARES
O SamaÍN
É unha das festas populares que máis gusta aos rapaces e rapazas do noso centro. Cada
curso decorou unha cabaza para a exposición. Velaí o resultado.
O MAGOSTO
Chegou o tempo das castañas. En novembro fixemos o magosto. Comimos as castañas,
fixemos os colares de zonchos…Que ben o pasamos!
O FESTIVAL DE NADAL
O día 22 de decembro celebramos a festa do Nadal. Todos os cursos participaron con
actuacións diversas: unha obra de teatro, panxoliñas, bailes…
Tamén recibimos as Súas Maxestades, Os Reis Magos de Oriente aos que lles fixemos
entrega das nosas cartas.
O DÍA DA PAZ E A NON VIOLENCIA
Un dos valores que nos parece máis importante para traballar co alumnado é a non
violencia,e en consecuencia promover a tolerancia, a cooperación, a solidariedade. Para
afirmalos fixemos unha espiral de paz con todo o alumnado e profesorado.
O ENTROIDO
Como o 2011 foi declarado Ano Internacional das fragas, decidimos elaborar os nosos
disfraces con este tema. Cada curso realizou os seus e velaí o resultado:
Dende nomos, ata ratiños e ratiñas, cogumelos, curuxas, avespas e toda clase de árbores.
O noso patio quedou transformado nunha fraga.
Como este ano era o ano internacional das fragas, o alumnado de infantil realizou unha
homenaxe as árbores.
¡ Os rapaces e rapazas de 5 anos xa están cavilando en coller o tren que os leve cara a
nova etapa de Primaria !
TRABALLOS DE 1º CICLO
O alumnado de 1º A realizou un conto con pictogramas e debuxaron a saída aos xardíns
de Méndez Núñez:
TRABALLOS realizadOS POLOS NENOS E NENAS
Do 2º ciclo DE PRIMARIA Unha rapaza de 3º convertiuse nunha escritora dun pequeño contiño e outras quixeron
facer un lema sobre a nosa língua.
TRABALLOS realizadOS POLOS NENOS E NENAS Do 3º ciclo DE PRIMARIA
UNHAS RAPAZAS DE 5º EXERCERON DE REPORTEIRAS ENTREVISTANDO AO
NOSO DIRECTOR:
LETRAS GALEGAS 2011: O ANO DE LOIS PEREIRO
Este ano, Galicia rende homenaxe ao poeta monfortino, Lois Pereiro, o poeta punk,
como foi apodado por algúns. Con esta homenaxe a súa obra permítesenos coñecer a
este renovador da poesía galega. Dende estas páxinas o Equipo de Dinamización
Lingüística quere sumarse a esta festa das Letras e a cultura galega, con esta breve
cronoloxía:
CRONOLOXíA
1958 Nace, o 16 de febreiro, en Monforte de Lemos, Lugo.
1975 Marcha a Madrid para estudar Socioloxía.
1975 Volta, a finais de ano, a Monforte e traballa na cristalería familiar, colocando
vidros polas obras.
1976 Regresa a Madrid a estudar inglés, francés e alemán, na Escola Oficial de Idiomas.
Participa na revista galega Loia, editada artesanalmente por estudantes galegos en
Madrid.
1981 Intoxícase coa inxesta de aceite de colza desnaturalizado.
1982 Gaña o premio de Poesía da Agrupación O Facho, da Coruña.
1984 Participa no libro colectivo De amor e desamor I.
1985 Participa no segundo libro colectivo De amor e desamor II.
1985 Comeza a súa colaboración en La Naval, coa publicación dun
texto adicado ao polígono coruñés de Elviña, «O frío edificado».
1986 Participa na UIMP, de Santander, no Desembarco das Forzas
Atroces do Noroeste.
1987 Aparece a súa poesía na antoloxía Después de la modernidad.
1987 Emítese na TVG ,o 25 de xullo, o programa Que é Galicia?, cun guión da súa
autoría.
1992 Publica o seu primeiro libro en solitario Poemas, 1981/1991.
1994 Sufre unha forte recaída no seu estado de saúde.
1995 Publícase o seu segundo libro Poesía última de amor e enfermidade,1992-1995.
1996 Dá, no mes de xaneiro, o seu último recital poético.
1996 Falece, o 24 de maio, na cidade da Coruña.
1997 Edítase Poemas para unha loia, o seu libro póstumo e no que se
recollen as súas poesías publicadas na revista Loia e o texto en
prosa «Modesta proposición para renunciar a facer xirar a roda
hidráulica dunha cíclica historia universal.»
2011 A Real Academia Galega adícalle o Día das Letras.
O ALUMNADO DE 6º QUIXO CONTRIBUIR A ESTA
HOMENAXE CUNHA CARICATURA DE LOIS PEREIRO E
DOUS POEMAS
“CONTOS A CARÓN DA LAREIRA” Dende Equipo de Dinamización Lingüística organizouse unha actividade de
potenciación da língua galega na que contamos coa inestimable colaboración das
familias. Trátase de “contos a carón da lareira”onde pais, nais, ou outros familiares do
alumnado se prestaron para vir a contar un conto. Por un día convertéronse en
contacontos. Parecían profesionais. Grazas a todos e todas! Esperamos contar con vós o
próximo curso !
GRUPO DE TRABALLO SOBRE INTERCULTURALIDADE
No noso Colexio Alborada tod@s os alumn@s traballamos o concepto da
Interculturalidade. Achegámonos a outras culturas para aprender delas. Contamos co
apoio da ONG Mestura, quen nos ensinaron moitas cousas tanto o alumnado coma o
profesorado, como xogos doutros países, contacontos, e diferentes dinámicas.
GRUPO DE TRABALLO “DIFICULTADES DE APRENDIZAXE:
TRASTORNOS DA PERSONALIDADE.”
Esta proposta de formación permanente, xurde do Departamento de orientación e dun
equipo de profesores/as titores/as interesados polos problemas de personalidade nas
aulas deste Centro, como unha necesidade prioritaria na actualidade, debido á cantidade
de nenos/as con esta casuística.
A proposta actual suporía elaborar materiais de intervención para que sirvan de axuda
na tarefa de recuperación destas dificultades e trastornos da personalidade e conduta.É
un instrumento para o profesorado e alumnado, xa que pretende enriquecer o
desenvolvemento integral do neno/a nunha etapa da súa vida tan importante, xa que os
primeiros anos constituen un período crítico para maioría das aprendizaxes básicas.
Os XOGOS POPULARES
No noso centro contamos este curso cun programa de formación sobre os xogos
populares. Este curso tamén se pretendía que se conocesen os xogos populares doutros
paises e nas aulas puxéronse en practica.